豪園餐廳 (已結業)

係太子呢頭好似難搵到即煮煲仔飯，比我地望到呢間有喎, 所以入左去囉，好怪架, 佢係店入面煮架...由於好多人叫煲仔飯, 都要等好耐下, 料就一般啦, 價錢唔係特別抵, 都要$40以上重要唔包飲品喎, 不過豉油唔夠濃味, 你知啦, 煲仔飯好講個豉油架, 所以....一般啦!!下次都係去番花園街好過.

試左個豬骨湯飯．豬骨湯同白飯分開上，可以自己選擇放幾多飯，咁樣都幾好，唔洗ｄ飯索晒ｄ湯．豬軟骨好腍，都算幾多紅蘿蔔同粟米，不過個湯就唔夠熱及多左少少味精．其中一位朋友食煲仔飯，話幾好食喎．服務就真係麻麻喇．有個肥亞姐同四眼男伙記沒有禮貌，同埋真係好嘈．

食過豪園幾次, 次次都好夠鑊氣豬軟骨真係幾好味,個汁都好出色沙爹牛肉煲都幾正不過就油左少少,但夠經濟呀!!

20050121 8pm又OT, 我唔想呢響office 食外賣, 行出o黎抖抖氣搵o的o野咬下.門口見相鍋飯系列好似都OK, 入o黎呢間試下.點o左個豬骨湯飯, 一大鍋, 湯OK, 唔算多味精, 豬骨是軟骨, 幾好, 粟米兩舊, 無乜味, 仲有的我唔食既西芹同紅蘿蔔, 好鬼足料.service OK wor, o的大叔十分有禮, 雖然, 係好江湖下. 見好多人叫煲仔飯, 唔知得唔得架呢? 同一條街街頭街尾都有舖, 你都咪話唔勁.咁大兜先$27, 仲想點?

呢間野係門口大大隻字話係豬骨湯飯, 又影左好多令人流晒口水既靚相, 又吸引到我呢個為食貓入去try try啦.同kc兄所講一樣, 店入面的確有點江湖味, d食客乜人都有, 不設吸煙區所以有點煙雲密佈, 但都可以接受order了一個肉碎蠔仔泡飯同一客京蔥牛肉鍋飯, 蠔仔泡飯賣相唔錯, 豬骨湯真係幾清甜, 飲得出係無咩味精(無咩, 唔係完全無)同埋唔係啖啖油個隻, 肉碎好多, 蠔仔都算係大隻蠔仔, 唔係蠔孫啦!! ok好食, good.京蔥牛肉食到半路覺得唔對路, 望下張相先知係醬汁牛肉, 不過見佢都幾好食就無換啦, 呢個醬汁牛肉其實即係蠔油汁煮牛肉, 個鍋飯亦只不過係將d白飯同材料煮好放入個鍋仔上檯, 並唔係用鍋仔煮, 有d搵苯......不過overall 食物都算係合格,豬骨湯都算有d驚喜, ok啦

今日同老婆去旺角出番部電話同行街，三點幾至食下晝果餐，諗住求其搵間茶記搞掂，就中左入來這裡。唔好話我偏見，但旺角茶餐廳的伙記係有其獨特標籤的，就係個個都江湖味十足，多句應酬說話都唔講，效率滿分。又附近必有幾位自由行的同胞住包紅雙喜，在吞雲吐霧，好似一條煙囪似的。食物選擇不算少，我們叫了熱狗餐同清湯腩豬骨湯米線。我的豬骨湯米線份量不少，賣相都唔錯。牛腩看來幾韌同實，似乎是切定再煮而不是浸住再切的，這樣的處理方法雖然方便經營者，但以清湯浸的話就明顯遜一籌了；那個豬骨湯清清地沒有多下味精，味道又出乎意料的不太差；老婆的熱狗是純港式風味，不過大大個包，大大條腸，連杯熱奶茶都係18蚊，算係咁。而那杯熱奶茶就不錯，可以試下。埋單41蚊，起碼好過食老麥或炸雞。

大約兩年前食過佢既鐵板牛扒.個陣唔記得廿幾,好似平過$28.(現在$28)個塊根本唔係牛扒.推薦梳打肉狂熱者去食.

開始吃膩了新世紀廣場的餐廳，所以雖然今日下著雨，還是依然去花園街醫肚。很久沒有去這家茶餐廳了，既然走到這裏，便跟阿姐講︰『兩位呀﹗唔該﹗』叫了一個豬軟骨豬骨湯面、一客豬軟骨窩飯︰湯面︰湯底真是像是豬骨湯火鍋的湯一般，有菜，有栗米、紅蘿蔔等…應該沒放太多"師傅"，味道清甜，豬軟骨沒有多放調味，很清，不過，豬軟骨不太淋。至於窩飯的豬軟骨像紅燒排骨的煮法差不多，很香口，很入味，豬軟骨比起麵的骨淋身。兩個人共六十多元的晚餐，算是不錯