豪宴海鮮酒家 (已結業)

因朋友住馬鞍山，相約到馬鞍山廣場豪宴飲中午茶。提前一日打電話訂枱，電話中回覆OK!12:30 準時到。當日12:15，我們準時到齊人，到接待處攞位，接待員回覆，要等5張枱，等其他攞飛排隊的人埋枱後才到我們。我們質問接待員，如要排最後，我們預先打電話訂枱有什麼用？原來訂枱只是象徵式，根本是完全沒用的。他們為何不在電話中預先講明? 我們便可預先來攞飛排隊，不用浪費打電話的時間同其他人等排隊的時間。最後，不用等，我們轉到茶餐廳食。

人日當天晚飯點了九個餸菜加上一籠壽包，餸菜很快到了6個(十分鐘內)，之後就見到壽包出嚟，筷子都沒動就已出了一圍枱餸就已有問題，見到壽包就真的不可思議，我叫伙計先送回壽包，他居然扮聽吾到及態度奇劣話點解吾同經理講最後出來，點解經理吾徵求客人先呢？是否連出餸都吾識? 凡事都要經理做主? 經理是誰都吾敢出現?

今日適逢係重陽節，登高完🏃當然要去嘆個靚茶啦🍵，因為一行十幾人有大有細，所以都等左大半個鐘先有位，勁肚餓。入到去，地方幾大幾開揚，但係我地張檯唔夠櫈坐，阿姐叫我地坐圓櫈，於是乎我地自己動手拎圓櫈啦…坐好即刻點野食。==============================牛肉球 --> 唔會一pat野，點埋喼汁幾好食蝦餃 --> 皮有D厚，但內餡豐富，蝦夠爽口，多汁翡翠豆苗餃 --> 皮薄，多汁，蝦夠爽口，呢個好好食鮮蝦炸雲吞 --> 好脆，一整隻蝦夠足料，不過好油，而且個汁好稀糯米飯 --> 呢個好好食，唔太濕，足料唔知咩奶黃卷 --> 成口油，奶黃餡太少，好難食泰式鳳爪 --> 夠味，不過配菜多過鳳爪，咁就$48==============================有D食左但無映相: 叉燒餐包 --> 呢個好好食，包軟熟，叉燒餡味道唔錯，熱辣辣韭菜豬紅 --> 超難食，豬紅好鞋，個汁好似打左芡咁，重點係唔熱...鮮蝦腐皮卷 --> 已經唔脆，餡少... 麻麻地奶皇流沙包 --> 包身唔算

片皮鴨一食$48，二食$78，價錢都幾吸引。預早幾日訂位晚飯時，已預訂一隻片皮鴨，否則遲左黎就未必食到。經商量後，我地二食要左涼瓜炆鴨件，叫左我鍾意食嘅香橙焗肉排，菜蔬類一定唔少得，我地就揀左海皇雜菜煲，四個人夠哂食喇。大約十分鐘，第一味黎就係香橙焗肉排，賣相都幾好，肉質唔Un，好味道。我再叫左兩碗白飯，跟住海皇雜菜煲上枱，賣相一般，味道OK，有蝦有帶子(雖然唔多)有粉絲有菇類配菜心白菜西蘭花，以88元嘅價錢，合格之上。接住就到片皮鴨出場，麽麽皮不會太薄易爛，值得一讚！片皮鴨都有成十幾廿件，件件肥美，配上海鮮醬夾住黎食，相當惹味！48元，值得推介最後一味，就係涼瓜炆鴨件，由於這個餸黎得太遲，我已經食飽左，再食唔落了，但見阿爸猛挾涼瓜黎食，味道應該OK嘅。由於不想浪費食物，最後把吃剩的涼瓜鴨件打包回家，但就要收2蚊膠盒膠袋費，而家好多酒樓同食肆都已經無收這個費用，佢地真係要檢討吓囉！

今晚同屋企人黎到豪宴食端午節飯...雖然係節日..但都唔多人食飯..好多吉枱..唔使等位..今晚有端午節套餐..但我地一行9人..叫全圍又太多..叫半圍又好似少左d..所以我地決定散叫..叫左半隻燒鵝..但始終唔及海港好食..薑蔥炒蟹..蟹肉唔算好鮮甜..雜菜豆腐..還可以..另外兩碟菜..加個咕嚕肉..都係普通酒樓野...半打鮑魚..都幾新鮮..仲有條蒸魚..雖然係細條左d..但都好新鮮..總括黎講..不過不失..但唔夠其他酒樓大碟...

放假就緊係陪屋企人飲下茶啦，我屋企人就最中意去馬鞍山，因為飲完茶又可以行下街買下餸！下午茶都幾平下，因為有特價嘅點心紙，我哋次次都畫到好滿！我要推介呢個香芒炸蝦筒芒果又甜又大，估佢唔到咁好食灌湯餃實在太耐冇食啦，冇咩特別😂總括來講，下午茶酒樓來講都算平，啲嘢食都唔差嘅！最緊要夠方便搭馬鐵就到！

媽媽話今晚好累唔整晚餐，無有怕，因屋企樓下有齊中日韓餐廳。媽咪當然最鍾意中餐，所以揀咗豪宴！酒樓的選擇十分之多，有唔同嘅特價套餐可以選擇。 京式片皮鴨一隻一食只需要HKD48，真係非常抵食；一餐starbucks都唔止呢個價錢！ 可惜去到嘅時間已經過咗八點太夜，所以售罄。幸好還有其他的套餐可選擇，我們就點了一個龍蝦伊麵，價錢亦相對便宜只需HKD88。真係有很多唔同嘅套餐我哋點了一份乳豬、海蝦套餐。乳豬皮脆肉多，一點也不肥膩！海蝦非常新鮮爽口咕嚕肉，賣相不錯但味道一般上湯龍蝦伊麵，龍蝦非常多肉， 味道恰當不會太鹹。最後我叫了一碟菜，海參肉碎炒扁豆， 但味道就偏濃味了一點點。 整體餸菜都不錯。

噚晚我细妹生日，為左同佢慶祝，就去左豪宴擺左半圍，$988，好多個菜，超抵食。當中有炸子雞，不過凍左，好明顯係炸好左好耐；炸蝦卷就好脆口，加D沙律醬就一流，最後仲有壽包，都幾大個，算唔錯啦！！

枱枱有糖水送，好聲好氣問佢竟然夠膽死講無，不知所謂，not recommended abmnd thats the reason 假期都無人，爭啲同佢開. No next time

放假諗住同呀媽飲茶，叫到我張飛果陣連叫埋下一張，我比完飛行開少少讓d位比我下一個人，個知客好友善而又大聲地問「你知去邊咩?唔知你行咁遠做咩呀？!」聽到知客咁有禮貌咁講野真係開心到即刻走人我真係恭喜呢間酒樓呀，請埋啲咁有禮貌既知客!

服務超差的一間酒樓，三四日前訂位七点半火锅，但到當天去到，門口的知客竟然說有酒席没有位，要九点才有位，問她点解訂位果日唔講有洒席要等到九点，佢又唔理我，等到八点埋去問下佢排緊等幾張枱，個知客竟然悪到鬧番我，咁嘅服務真係一流，最後我選擇去另一間，咁嘅酒樓我以後都唔會去，佢其下的酒樓亦入黑名單

今時今日飲茶，要搭枱，星期日下午茶時段，有枱無人坐，都強迫搭枱，無法接受！一大一小，下午茶3點入座，前枱問仲有無茶飲，收幾點，個前枱繼續低頭答：『有，入去啦』示意我自己搵位，行到一半，佢又叫我返轉頭自己拎枱面嘅「點心紙」，好似一份份未叠好嘅報紙咁執。（當時已經無人等位，應該相當得閒）入到去，繼續無人帶位，企咗一陣，有個姐行過講咗句「自己搵位啦」我就自己去搵張無人兼執好嘅枱，搵咗一陣，終於搵到張，雖然枱底唔知點解有蒸餾水吉樽同一堆喉。泊好嬰兒車，寫緊點心紙，忽然有個『姐』離遠叫，你兩個坐第二張（附近兩個位嘅都無人執過枱）我話：「你又未執枱，又係你叫我自己搵位坐」『姐』一臉不滿行開請問一大一小，下午茶，不足一歲收兩人茶錢，消費100算太少？到底係蝦我孤兒寡婦，定現世代酒樓都興搭枱？未上菜，忽然又有一阿『姐』驅趕一個太太到我張枱坐低！！！未有問過我同個太太意願，就咁安排，離譜！！嗰刻直頭想走！明明個場都唔細，你無位，大可以唔收客入座。我有俾茶位，加一，點解要深水埗茶檔式搭枱？一大一小，叫三籠加一碗粉真心覺得，食物質素不俗，中上。不過廚房做幾好都無用，前線樓面配合唔到，服務超差！食到尾聲，我仲

提早慶祝父親節，就黎呢間酒樓食左個晚餐，一行6個大人加晉豬，賣單$1000，價錢算公道，一家人食個晚餐算係咁，服務態度很好，食物就味道一般，唔難食又唔算超級難食，普通酒樓味道，地方很大，平日黎有好多位，一邊任食邊爐，一邊晚餐，六點半不用等位就直接入座，晚市都有八成入座，大部份都係黎食片皮鴨，好懷舊風味，仲一鴨兩食，剩低既鴨肉炒菜，好好味，呢個值得一贊👍🏻值得一贊既片皮鴨，雖然滿嘴鴨油，但懷舊風味加哂分，最衰係配菜少，麼麼皮又少，再叫一份要加錢，一份京蔥要$10，嬲爆😤炸蠔餅，上台已經唔係好夠熱，凍左仲有少少腥味，個蠔餅汁好咸，個人覺得唔好味！辣酒煮螺，一般🙈🙈什果咕嚕肉，點解要什果，我真係唔明，咕嚕肉幾好，個皮好似假野咁，完全無味🤔芝士龍蝦伊麵，龍蝦又唔斬件上，半條上碟，大家都唔好意思夾，芝士味唔夠濃，整體還可以！

父親節，時間夠早唔使等位直入，酒樓夠大，6個大人1個小，散叫食送。先來推介78蚊片皮鴨兩食，78蚊咁抵，都預左只食其型，不食其髓。喂! 78蚊兩個送，仲想點?意思下，味道唔差，入口ok，唯片得太大塊，包皮又包唔哂，但一家大小去食仍然可以一試。至於第二食，與西芹一齊炒，不過不失，送飯夠頂肚。好多人都深明一個道理，芝士龍蝦伊麵的精髓在於伊麵，伊麵吸收哂芝士與龍蝦的精華，至龍蝦味道如何? who cares? 反正我又唔係龍蝦愛好者。仲有個什果咕嚕肉，咕嚕肉炸得脆，什果呢家野真係夠新奇，點估到佢除左菠蘿仲有咁多生果一齊煮，味道仍好。例牌燒肉，正正常常，但我唔知呢個份量叫唔叫做多。蠔餅有少少中伏，油唔夠熱，炸唔出個種脆。仲有蒜蓉炒白菜都係不過不失，唔太咸就比佢過關。呢碟蒸_ _其實無叫到，阿姐落多左，唔介意就照食，只係賣相唔夠吸引。買單990，今時今日6+1人去食飯，算係合理價錢合理味道。

之前黎食過套餐， 見隔離枱叫d 小菜賣相唔錯， 就提議來食飯慶祝。 點知中晒伏7點鐘無booking 唔使等直入。 一黎就要落定78 蚊2 食既片皮鴨先，因為平所以好快售罄。一黎已經片好。 片皮鴨仲暖暖地， 但講真唔太脆。 只係跟2碟醬同少少長蔥同埋一籠麼麼皮。 如果要多碟蔥要加10 蚊. 另外，我覺得d 麼麼皮最少要夠包枱上既片皮鴨。 我地最尾包淨5塊片皮鴨唔夠皮, 最尾就甘點醬食。2食有得揀涼瓜或西芹炒。 我地揀左西芥。成點野無賣相，感覺好hea, d 鴨肉應該炸過，但乾同堅到我以為食緊柴鮮果咕嚕肉。 賣相好好，但食落麻麻。 所謂鮮果我一舊都見唔到，只係有紅青黃椒。而且個兜係淋晒，一d 都唔香口蒜蓉炒白菜~無難度既一碟菜式， 唔會太咸，但賣相都係唔ok.蠔餅可以話係失望到爆！ d 油唔夠滾，令到蠔餅唔夠脆， 而且愈食愈腥。個汁就咸到飛起，唔點汁又好乾，真係擰晒頭呢碟成碟豬頭骨甘，其實係例牌乳豬, 例牌都要百幾蚊，但拎到出黎甘樣，都真係O 晒咀。好在食落都脆皮唔太差粉絲貴妃蚌。 蚌size 好細， 而且其中一隻好多沙。 一碟6隻最後食淨4隻無人肯食辣酒煮花螺。 花螺得好少，底全部都