豬仔糖水 (已結業)

今日咁岩同朋友去土瓜灣食飯，早咗到，就諗住搵一間糖水舖Hea下先。知道豬仔係黃店，價錢又唔貴，就入去叫返碗腐竹蛋加湯圓試一試。開頭叫凍嘅腐竹蛋，食咗一啖發覺係暖暖地，以為佢落錯單，後來朋友話加咗湯圓梗係唔會凍啦。我心諗又係喎。糖水係正常味道，但$30就食得到，我覺得算係抵食啦！

對於超少去土瓜灣嘅人黎講 土瓜灣印象中淨係得傢俬鋪😂今次終於發掘下土瓜灣嘅美食 支持下黃色經濟圈！！豬仔糖水好近巴士站 落車行兩步就見到佢 見到佢鋪面嘅文宣 二話不說行左入去食佢嘅糖水見到佢嘅Menu覺得好特別跟住顏色去分 一頁一種顏色都代表一種味道 例如藍色係海鹽 黃色係芒果 紫色係紫薯☺️最後我叫咗益力多棉棉冰同藍色星球🌍益力多棉棉冰配料自己揀 絕對唔會差得去邊 同連鎖甜品店差唔多 而藍色星球係打卡嘅首選 亦都係喺出面甜品鋪見唔到嘅款式 超新奇😂

🥺因為有左bb，好想食糖水.就唸起屋企附近的豬仔糖水啦.因為平時都係堂食.覺得味道不錯.但因為夜同疫情原因.於是乎就叫左個雜果椰汁西米露同藍色星球啦🌚但係份嘢一來到...我個雜果椰汁西米露係無椰汁的🌚我想喊...其實堂食真係唔錯 但唔明點解外賣就咁求其....因為來到見唔到有椰汁，所以基本已經無咩胃口了😭😭😭希望你地可以改善啦，唔好因為係外賣，人地見唔到就咁求其..西米露無左個椰汁就等於無左個靈魂😭

糖水鋪食野我食左個窩夫🥳相對之前講過嘅海記豬仔嘅甜品係比較貴嘅但係選擇真係多啲🤓🐖 呢個窩夫好好好好好脆！啲雪糕同個窩夫超級夾！但建議唔好兩球都要朱古力味朱古力因為真係會好漏喉（太甜喇！）佢有Pat藍莓醬 但我唔太中意食所以我無視左佢🥴🥴果兩夠裝飾嘅士多啤梨🍓我唔評論喇 因為佢只係裝飾...🥴😂😂😂-為食妹S💆🏻‍♀️

一心諗住是但食個甜品點知好有驚喜甜品賣相 十分討好真係有放d心思味道又好 叫左個朱古力窩夫同埋朱古力心太軟但兩個一D都唔漏之餘仲好有朱古力味價錢又唔貴一定會再番黎幫襯👍🏻👍🏻👍🏻

朋友叫咗一碗蛋白杏仁茶，個樣好似老泥水一樣，有啲白色渣宰喺碗邊，面頭好似做完spa d殘餘物浮下浮下咁 。蛋白只有三兩塊碎，未食就已經散開。另一位叫咗紫米汤丸，朋友覺得佢個名應該叫做"你還你、我還我 "，因為啲紫米一舊舊，硬到阿媽都唔認得。 水還水、紫米還紫米，貌合神離，只有湯圓比較可以入口。 我自己就叫咗個椰皇芋圓蕃薯圓湯圓， 揀佢因為賣相都算唔錯，可惜金玉其外、敗絮其中，湯丸仲入得口， 一畢椰皇d肉，就好似腐屍咁剝落，個殼入面係碳黑色，我心諗都唔緊要啦，都擺落口食下，最後吐都吐唔切，因為有一浸濃烈嘅酸縮味，好明顯係唔新鮮…… 今晚入呢間嘢真係世紀中伏，为2019年蒙上一個好大嘅污點……

唔知點解對佢個桑寄生茶情有獨鍾，明明自己整超簡單，係都中意落街買，其實都係一個字，懶懶養生食熱糖水，偏偏屋企人就係中意嗌埋哂啲邪惡凍冰冰糖水，最終都係忍不住要偷食幾啖豆腐冰，好香既豆腐味，如果可以再濃郁啲會更正！珍珠好有咬口雜果西米露，家姐話水果夠新鮮就係呢個甜品就既最大特色試過某糖水店既雜果西米露全部都係罐頭水果，超甜又假到爆桑寄生蓮子蛋茶老闆娘好好人我話唔食蓮子即刻幫我走蓮子再裝滿滿的一大碗比我，正呀海鹽冰，個底仲有奶凍，好味！

這舖有一伙計（中年女姓），服務態度極差，每次落單都要看她心情，當她有心情招呼客的時候，態度相當差己。成功下單後，等待的時間也十分之長，當再問下佢跟單的時候，也十分沒禮貌地回應，食甜品想要的是開心而不是受氣，敬希望豬仔的管理層留意下這名員工，好多客人對其的服務態度感到十分不滿。之前D女仔員工服務態度好好多，今天也見到有食客不滿，但這中年女伙計似乎一點謙意也沒有，一句對不起也沒說，還對該客人還擊，多麼差的服務態度。

這天和朋友共聚晚飯後還有說不完的話題,所以就選擇去吃個甜品,在甜哈店內繼續聊不完的天這陣子天氣冷冷的,所以都想要吃一個熱的甜點!中式的甜品最合我的口味, 不太喜歡西式的甜品,喜歡中式的甜品簡簡單單已經很好吃,不用太花巧,已經可能得人心!我選了一個熱椰汁蛋白杏仁茶,朋友就選了熱椰汁海底椰西米露甜品很快就到了,先試試熱椰汁蛋白杏仁茶,質地是水水的,沒有很濃郁,內有碎少的蛋白,吃起來增加口感,不會只是只狂喝杏仁茶的感覺,這陣子愛上了杏仁茶,喜歡他獨特的味道!之後就是朋友選的熱椰汁海底椰西米露, 也是跟剛才那個杏仁茶一樣, 沒有很濃郁,水水的, 內有海底椰,海底椰帶硬身,我們點的兩個甜品都是清清的,非常合我們的口味,下次有機會的話可以來試試其他甜品也好

星期日食完晚飯，凍凍地同一家人食碗糖水。唔通我又out左？今時今曰，估唔到食碗糖水都要加一。零服務收10％服務費。成間舖頭得兩個女仔。想落單，可能要等佢心情好經過你身邊先有機會。餐牌冇寫，門口冇寫。落完單，張單上面每個價錢都跟餐牌唔同。問一問先知點解。原來食糖水要收加一。點先知？原來門口《入面》貼左張紙。唔講永遠睇唔到。可能我少氣啦。要加價咪直接加，點解要左搞又搞。。可能遲啲會好似酒樓咁，收埋荼錢同花生。

係附近食完晚飯，個天落雨落到倒水咁，咁就緊係搵地方等細雨先再行啦，其實係私心想食糖水😛好耐都無黎豬仔糖水食野啦，發現已經重新裝修過，變左做田園風格？😂 野食都比舊時多左選擇。等糖水到既時候，無聊影埋佢本糖水餐牌🤭糖水到啦～有雪糕，香蕉，榴槤蓉，奶凍同小丸子。集合我喜愛既野。整體都好夾但就小丸子較硬，唔夠煙un。唔知係咪放左陣先送上黎，雪糕黎到既時候已經溶到個杯邊邊都係。都可能因為咁，雪糕下面既水果有啲浸到淋左。椰肉很容易就可以刮到出黎食不過芋圓就麻麻地，無咩味道。朋友形容呢杯只係高杯版榴槤之秋😂 不過其實啲料都有小小唔同啦。同埋呢杯比較甜。

吃了個很飽的下午茶，晚飯又食唔落，食個糖水啱啱好。朋友介紹到土瓜灣的豬仔糖水，第一次來，環境不錯，佈置精美。我們點了椰皇小丸子湯丸，很香椰汁味，內有芝麻湯圓及小丸子，有不同層次的口感。椰皇燉奶很香滑，啖啖椰香，甜度適中，食到停唔到口。我則點了桂花芋圓蕃薯圓，充滿桂花香，但那些「圓」全是同一種味道（我能我味覺出現問題😅），只感受到很彈牙。我們還點了佐治糰子，內有豆腐花、綠茶雪糕、紅豆、小丸子及綠茶凍，很豐富的一客甜品，味道不錯。

吃過晚飯口痕食個糖水見到尼間個《藍色星空》既糖水好吸引所以來左食平日晚上8，9點人流都算多，可能因為最近都熱左大家想番個糖水涼下人流咁多職員得一，兩個尼間甜品都幾多款式，價錢又吾貴當然我就order左個《藍色星球🌍》$35都等左有十幾分鐘，可能太少職員不過見到咁靚既甜品都抵番晒啦外表藍藍中間有球海鹽雪糕放左星星糖配埋好靚🍦材料仲有好多，除左海鹽雪糕外仲落左椰汁西米露、焦糖、爆珠，忌廉、牛奶布甸真係好好食推介之選咁多配搭起來口感好豐富另外仲叫左個《荔枝軟雪》$28比想像中大杯啊，成杯白雪雪以為無乜味，點知荔枝味都幾出再配上少少既草案朱古力做襯托，不過就相比下就口感少，只係食一杯大雪糕這間整體不錯只係等耐少少

託上次細佬右臂意外受傷甩骹而來的「福」，我曾經到達過「亞皆老街」，在幫襯近着土瓜灣的屋邨「真善美邨」樓下的連鎖快餐店的同時，我的足跡亦開始伸延至，近着土瓜灣一帶的食店地方。上次我在土瓜灣，曾經幫襯附近的一檔街頭小吃店，還購買試食過它們擁有濃厚藍莓甜的格仔餅，還有濃厚芝士香味，店舖店員精心製作的芝士雞蛋仔。細佬回到家裡多日之後，我重臨土瓜灣。雖然去土瓜灣的過程是會比較轉折。但是千里迢迢幫襯過土瓜灣的食店後，還可以順道遊覽，找附近的馬頭圍、紅磡跟黃埔的食店試食，已經是我平生最大的得著。今次我找到的土瓜灣食店，名稱叫做「豬仔糖水」。或許「豬仔糖水」跟其他土瓜灣食店，身處於舊樓雲集的重建區內，我最關心的是，食店會否因為土瓜灣重建而受到影響。看見「豬仔糖水」店舖的格局跟裝修，雖然「豬仔糖水」門口感覺看似頗為簇新，但是一進入樓面，就發現「豬仔糖水」舖位樓底不單止高，而且給我感覺「豬仔糖水」也在面對舊樓重建。「豬仔糖水」是見過以來，少有地沒有加裝假天花或太多裝飾的食店。或許這就是在重建區開食店引來的問題吧，既然店舖隨時要面對樓宇可以要重建，隨時可能有變動，自己不必要貿貿然加天花裝飾吧。跟「豬仔糖水」

It is the best steamed  pudding in roasted coconut so far. I did try the same pudding in other similar chained dessert restaurant, but it was disappointing! I used to go to the 豬仔 in TKT but was closed, and found this one in TGW while it is more easy to get a parking slot than it was in TKT (of course on weekdays) !!