貓之茶房 (眾安街)

營業中

休息中

店內即使有貓貓，但係環境keep得好乾淨。 貓貓整污糟左都會立即清潔。貓貓平易近人，大部分都唔怕人，活潑好動。可能太多人陪佢地玩，對逗貓棒冇咩興趣😅😅cafe 內有咖啡，蛋糕砌件仔可以另外買黎食，價格唔貴，不過選擇較少。雖然味道我覺得都係一般，不過以個價錢黎講，已經算好。茶水就免費供應，選擇都多。整體體驗良好，場內都有唔少人流，不過唔會太迫，cafe 內既空間都幾大。容納到既人都唔少。 整體地方都好光亮，又有自然光，好適合係入面做野睇書。

平時假期最鍾意就係周圍去唔同嘅貓Cafe。今次就嚟到荃灣嘅貓之茶房。 一去到店員就叫我哋要先除鞋先可以入去同貓貓玩，而店員亦都親切有禮，會用心同你講解唔同有啲咩可以做，有啲咩唔可以做。而佢哋對待啲貓都好溫柔，同埋十分愛惜啲貓貓。 當然，啲貓全部都好親人，會好鍾意就過嚟同你玩，有啲仲會特別鍾意坐喺我哋大髀上面😍！而且啲貓亦都好活潑，用逗貓棒同佢哋玩，佢哋都會好積極，有隻仲要玩咗成半個鐘都仲繼續玩！而且嗰度亦都有貓糧提供，只要手上面有貓糧即刻會好多貓貓衝過嚟圍住你🤤！ 玩到悶嘅時候仲可以玩吓嗰度嘅board game，而款式亦都相當多樣化，仲可以喺嗰度借漫畫書睇📖，個人認為係相當齊全。 肚餓或者口渴嘅話，亦都可以去自助販賣機買啲芝士蛋糕，價錢亦都相對便宜。絕對係我去過其中一個最好嘅貓Cafe。

和女兒於週未又去探貓貓。今次去荃灣貓之茶房。首小時HKD$58，第二小時 +HKD$38。這間荃灣分店地方開揚寬敞，裝修雅致舒適。在入口處會讓客人消毒及換拖鞋，進場後可隨意就座。由於我們未吃晚餐，所以我們我們先到食品自助區買東西吃。自助區有玻璃門隔開，有三部售賣飲品食品自助機，非常方便。我們買了凍朱古力和Cappuccino，朱古力都非常香滑咖啡亦尚算香濃，價錢非常之便宜，只是＄9和＄12。另外，我們買了朱古力松露蛋糕和藍莓芝士蛋糕，味道相當不俗，尤其是朱古力松露蛋糕，非常香滑，充滿松露味，而且價錢便宜。這裏場地非常之大，有多種設施，例如貓貓橋、貓貓兜、貓貓椅、貓貓箱等。場中間還有多個大書櫃，有漫畫供應。更有免費叉電器，broad game等等娛樂設施提供。貓貓們全都十分可愛，有些還會主動要求討摸摸。貓貓們全部都戴上頸巾識別，場地亦周圍貼上公司或照片，亦有很多海報和相片提供貓貓的資料。表示有些貓貓太胖，不可以餵食物；有些脾氣較暴躁，不可以摸摸。還有貓貓關係圖，內容十分可愛。很多貓貓都是流浪貓或被領養的，這裏的部份收益還會捐給貓貓慈善機構。我們來這一間Cafe，可以做善事又可以有一個治癒

今次去嘅地方好特別，係一個又可以摸貓又可以休息嘅好地方🤍首先入場需要俾$58嘅門票錢，隨後每一個鐘$38//$118無限玩~入面免費提供茶包、水!! 亦都有蛋糕、三文治提供俾顧客買😆而且價錢非常平，嘢飲平均都係$10一杯左右。而嘢食都係$15-$18🙂‍↔️喺環境方面，呢度完全唔會有異味👍🏻再有提供免費叉電器，broad game等等嘅娛樂設施😆同埋呢度啲貓貓都好嗲人🤍🥺同埋想講呢度啲貓貓好多都係流浪貓，同埋佢哋會將部份收益捐俾貓貓慈善機構🤍超有愛心的!!以後大家休閒好去處又多一個啦( ⁼̴̀ .̫ ⁼̴́ )✧

平時都鐘意同朋友去貓cafe消遣坐下，今日去左荃灣嘅貓之茶房，環境好大，坐位大多係榻榻米形式，感覺好舒服好chill，同其他貓Cafe比較，我更喜歡貓之茶房嘅格局😽 見店內有本書仔係介紹各貓貓名同性格，super cute，店員仍好主動幫忙同介紹，仲可以買零食比貓貓，有書可以借黎睇，除此之外，仲有個茶水間，有免費熱茶提供，我地另外買左杯熱咖啡同柚子芝士蛋糕，味道都幾唔錯，價錢相宜👍🏻最開心有啲貓貓會主動走上你腳度訓覺，比佢溶化左，十分可愛，坐坐下睇下書同朋友細聲傾下計就過左愜意嘅時光🫶🏻

༎ຶД༎ຶ $118無限時坐全日‼️仲可以自由進出‼️✨Fairy私心推薦～超治癒貓咖🥹環境舒服✅超多棋牌遊戲✅抵玩抵食✅無論自己, 情侶 定同朋友黎都好適合～🧚🏻‍♀️~~~~~~~~~~~~~~~~~~~~~~~~🧚🏻‍♀️🟢 —— 環境 及 衛生自然光線充足, 環境敞亮舒適～場地超級乾淨⚠️有一次性拖鞋提供完全唔洗擔心異味!! 地下乾淨到連貓毛都無!!全場超過30隻貓貓….隻隻都咁可愛毛髮順滑, 無打結無異物好乾淨有時仲會坐係你大脾訓覺🥰好治癒～………………🟢 —— 場地配套 及 設備設備配套完善🌟詳情見圖十場地配有好多貓貓玩具, 免費借用~值得一讚!! 連充電寶都有!! 超細心!!仲有大量書籍, 棋牌遊戲🫵🏻啱嗮同朋友玩………………🟢 —— 食物 及 飲品店內設有兩部自助販賣機主要提供飲品, 三文治, 蛋糕 (詳情見圖三)> 🍵 Milk Matcha ($7)❤️‍🔥抹茶濃郁有驚喜> ☕️ Hot Latte ($9) 質素正常> 🍰 藍莓/柚子芝士蛋糕質感醇厚………………🟢 —— 幫助流浪貓活動呢間店真係值得大推😭!!佢地好多貓貓都係領養返黎每個月仲會定期捐款捐物資想

貓之茶房未踏入cafe前，對於一次過接觸咁多毛孩有少少淆底😂估唔到佢哋冇我想像中活躍，晚飯時間去到全部瞓晒覺咁？😯😯😯好彩過咗一陣佢哋開始甦醒返！係配合我既慢熱？😂雖然貓貓唔俾抱，但現場有免費貓貓棒可以互動吓，仲可以購買濕糧同乾糧餵貓貓。部份貓貓太為食，仲要減肥添。😆貓貓有得玩有得食，人都一樣！場內唔止有好多board game同漫畫俾大家娛樂，仲有小賣部，可以透過售賣機買咖啡，抹茶，汽水等等飲品；自助區沖茶包；仲有三文治、cheese cake、曲奇... 等輕食，適合輕鬆tea/ 飯後甜品。入場收費都幾合理，有時間不妨去玩下閒日 每小時$58 次小時$38假日 每小時$68 次小時$48

✨荃灣·貓之茶房✨🔹🔹🔹🔹🔹🔹🔹🔹🔹🔹🔹好耐煲去貓貓cafe,呢度好多貓貓～大人細路一樣咁中意😍價錢又合理可以坐足一整天都唔怕悶，絕對係放空好去處！被貓貓包圍的感覺好幸福，仲有好多小飾物同貓咪一齊影相打卡🥰🔸🔸🔸🔸🔸🔸🔸🔸🔸🔸🔸▪️美味指數：😋😋😋😋😋▪️餐廳環境：✨✨✨✨✨▪️服務質素：👍🏻👍🏻👍🏻👍🏻👍🏻

📍貓之茶房 (荃灣)有冇人同我一樣中意貓😍見到佢哋心情即刻好返晒。呢間係我去過最舒服嘅，雖然空間唔大，但光線充足同環境寧靜，仲有好多書同漫畫俾你坐喺度慢慢睇，喺度悠閑渡過下午時光都幾唔錯。大部份貓貓都好親人，會主動瞓喺你隻腳度，我嗰日好好彩，比三隻主子寵幸咗😭每隻貓都好乾淨，養到肥肥白白咁，睇得出員工將佢哋照顧得好好，最得意嘅係呢度整咗塊所有貓之間嘅關係圖🤣連三角戀都有添。玩到咁上下，如果肚餓嘅話仲有小食同飲品可以點，價錢都唔貴，抹茶鮮奶同牛奶咖啡都只係$8/ $10 杯。除此之外，呢度仲有啲好靚手作比大家買，可以嚟支持吓🐱🐱

荃灣貓之茶房.味道：8/10🌟抵食：8/10🌟環境：8/10🌟.相信最近咁多假期，大家都係holiday mood想俾自己忙裡偷閒下😌今日就帶大家黎荃灣治癒cafe同貓貓度過休閒下晝❤️‍🩹荃灣店搬過一次舖，搬遷後大咗，環境好乾淨舒適！地下幾乎冇貓毛🤔店員都非常友善，會時不時會提醒小朋友點樣同貓貓玩先唔會傷害佢啲🥰另外，佢地都好關心貓貓健康，有需要減肥嘅貓貓會用頸巾標示不能餵食😋全間舖好舒適好有人情味❣️小編沖咗杯熱茶同熱朱古力🍫曬住太陽飲住嘢摸住貓真係好愜意😌

最近諗住帶女女去荃灣貓之茶房睇貓貓，發現原來貓貓們搬咗去新地方，地點比以前更加方便，喺正兩個荃灣站中間，而家連搭西鐵嘅朋友都可以好方便去到😎呢度按小時收費，唔使一定叫嘢食，除咗可愛嘅貓貓，仲有好多書同埋漫畫可以攞嚟睇，同朋友嚟仲可以一齊玩board game，除咗啱晒帶小朋友嚟，仲好啱同朋友一齊嚟😌想食嘢飲嘢嘅話，呢度好方便，有自助售賣機賣咖啡同蛋糕小食，而且價錢相宜，我哋最後買咗兩杯飲品同兩件芝士蛋糕。除咗自助售賣機，呢度仲有啲茶包可以自己沖茶飲。女女話好鍾意個柚子芝士蛋糕，酸酸甜甜好開胃。另外仲有藍莓芝士蛋糕，味道都唔錯😌 好開心可以同女女過咗個休閒嘅下午❤️

見有時間, 不如上來坐一陣, 我只去過旺角店, 未來過荃灣店, 見到原來搬左來眾安街, 就想去hea 一回, 想放鬆一下🥰 原先上網訂左3pm, 不過食左米線行過來都只係230pm, 外面天氣又悶又焗, 就上去問下有無位, 外面有一些鞋柜,有即棄酒店拖鞋, 店員好清楚告訴你知今日的收費, 亦因為衛生關係都叫你先用搓手液消毒雙手, 佢哋好禮貌叫你可以任坐, 又比一個大透明膠袋等你可以裝住私人物品💓👍 入去唔算太多人, 依度有唔同品種的🐱有d晒緊太陽💥有d訓覺中😴 有d同人玩緊🤣 有d行來行去🤩 店員亦有告訴我有自助售賣機有提供飲品和輕食, 亦有洗手間提供🙏 環境好舒服好乾淨冷氣溫度亦適中, 有時我就玩一陣😸 玩一陣手機, 店員亦同我交流下養貓的知識😍 佢哋好親切令人感覺好舒服, 好快就過左一個鐘, 可以現金或八達通付款🥰 大家如果喜歡😸😸 都不妨去hea一陣, 一個可以令你心情放鬆的好地方😍🥰🤩 入面亦有遊戲叉電器漫畫提供👍好貼心

第一次同小朋友黎貓貓cafe，俾佢上黎摸下貓，同佢地玩下。揀左間評價好d的店，呢到空間闊落，前面一排玻璃窗，有陽光灑入黎，好舒服，而且沒有特別的氣味。見呢到d職員都密密做清潔，而且對d貓都好有愛心，好似屋企人咁。鋪頭有小食和甜品等可以買，而且仲有大量的board game可以玩。另外廁所都好乾淨企理。呢到每隻貓都各有性格，有d都好親人，可以訓落你大脾等你慢慢摸。而且特定時間仲可以買貓糧，餵下佢地。有d貓唔食得，就會掛左條領巾識別。玩貓的時間過得特別快，小朋友玩得好開心，仲表示下次要再黎。

【荃灣•貓之茶房】@ππππππππππππππππππππππππππππππ荃灣悠閒貓cafe體驗-貓之茶房在香港繁忙的都市節奏之中，我尋找到一處獨特的慰藉之所——位於荃灣的「貓之茶房」。這間貓咪咖啡店不僅僅是一個喝茶的地方，它是一個交織了溫柔貓咪，甜蜜滋味，以及愜意遊戲時間的小世界。【貓咪伴侶】「貓之茶房」最吸引人的特色莫過於那些自在遊弋於店內的貓咪了。多種品種的貓咪都健康、友好，並明顯享受著與人類訪客的互動。在這裡，你可以隨意撫摸這些四-legged的居民，在他們慵懶的目光和柔順的毛髮中找到內心的平靜。無論是頑皮的小貓或是優雅的成年貓，每一只都有它獨特的魅力，讓人沉醉。【甜蜜滋味】自助式飲品販賣機提供了多種選擇，從熱騰騰的咖啡到清涼的茶飲，應有盡有。三文治和蛋糕的販賣機則是解饞的好選擇——那三明治的層層輕脆，夾帶著新鮮的配料，既簡單又美味；而蛋糕則是甜而不膩，每一口都讓人感受到細緻的用心。【休閒選擇】「貓之茶房」不僅止於飲食，它的娛樂選項同樣豐富。店內的自助board game區域提供眾多選擇，從經典的桌游到最新的策略遊戲，每一款都是消磨時間、與朋友共度美好時光的絕佳選擇。而那

平日首小時入場費$58，之後每小時$38，如果想玩耐啲可以$118玩足全日。坐好耐都唔使擔心口渴，因為有免費自助食水同埋茶包供應，唔想飲茶包可以試吓機沖嘅飲品我就試咗$8嘅抹茶鮮奶，都幾好飲。嗰度仲有芝士蛋糕同埋三文治提供。食飽之後仲可以睇吓漫畫，玩一下board game，貓之茶房有一個櫃嘅board game同埋大量嘅漫畫，啱晒朋友聚會或者自己一個嚟放鬆一下最後最重要嘅就係貓貓啦，茶房入邊啲貓大部份都好親人，會主動搵你玩俾你摸，十分可愛，如果你想仲可以買啲零食比佢哋食，不過要注意唔係每隻都可以食零食的！