影片
港鐵旺角站 E2 出口, 步行約6分鐘
繼續閱讀
電話號碼
37957885
營業時間
今日營業
11:30 - 22:30
星期一至日
11:30 - 22:30
*截單時間 22:00
以上資料只供參考, 請與餐廳確認詳情
有關獎賞計劃
優惠
相關文章
這間餐廳最吸引我的首先是店名好有趣，果然一入門口就見到大型招財貓打卡位，店內隨處可見可愛貓咪元素。餐廳主打重慶口味的烤肉，剛好見到有推出超值的新品限定優惠，只需$348就能享受到豐富的二人套餐，立即點一份來食。萌貓貓主題烤肉二人餐（全明星.M9和牛版）套餐果然非常豐富，首先上桌的是開胃小食酸辣木耳拍青瓜，爽脆清新；還有重慶紅糖糍粑，甜而不膩，為接下來的烤肉大餐拉開序幕。全明星M9和牛拼盤上桌時真的嚇了一跳，肉類包括M9牛前胸、M9牛肩胛、秘制牛五花、牛板腱以及玫瑰造型的牛舌等等。M9和牛果然係特別好食，油花分布均勻，輕輕一烤，肉香四溢，入口即化。此外，還有秘製日本勝拾豬五花，肉質鮮嫩，油脂豐富；貓抓芝士雞更是創意十足，先將芝士和雞肉分別烤熟，再將雞肉蘸上拉絲芝士，好玩又好食。仲有咔吧雞脆骨亦好大一盤，軟骨口感爽脆，讓人停不下來。海鮮方面可選新鮮小吊桶或海埔虎蝦，我們選了小吊桶，烤熟後不會縮水太多，依然保持爽口彈牙。飲品方面，貓檸茶是手打檸檬茶，清香解膩；如果想來點特別的，還可以加$68升級為1L的比利時小麥白啤，兩個人分享剛剛好。最後的甜品是超級可愛的貓抓焦糖布丁，上層是脆脆的焦糖，下層則是滑嫩的布丁，甜而不膩；另亦可加+12將紅豆豆腐花轉貓抓鮮奶奶凍，造型可愛，入口帶有淡淡的椰香。總的來說，套餐真的好豐富超抵食，餐廳環境主題亦非常有趣，是一個朋友聚會的好去處！
繼續閱讀
今日咁啱行到黑布街見到對面有間貓爪燒肉二話不說同朋友就試吓 估唔到價錢咁平出面有個任食自助小巴 有沙律 配菜 水果 冰粉 同埋燒肉醬料因為唔想諗食咩見到有二人套餐就叫咗份量相當之大份 嚟到嘅時候有少少嚇親套餐入邊有 豬腩肉 牛肉 雞肉 同埋海鮮對於嗰個藤燒雞肉好有驚喜 味道都幾特別套餐入邊仲有可以揀脆軟骨 同埋魷魚小食方面有得揀薯餅或者糍粑因為見到隔籬枱嗌個薯餅好似幾好食就叫估唔到食落又真係幾好喎🤤 薯餅炸得乾身 一啲都唔會好油膩點埋佢既辣粉 簡直係冇得頂另外我哋自己仲嗌咗小蘇肉同埋牛舌厚切小蘇肉同起內地食嘅味道係一樣厚切牛舌加埋燒肉醬汁味道濃郁飲品可以揀貓爪檸茶同埋酸梅湯兩個飲品都正常發揮甜品上面有焦糖布甸同埋紅豆豆腐花食到去甜品嘅時候 其實真係好飽唔係好食得落啦😂😂😂所以依個二人餐真係好抵食
繼續閱讀
貓爪烤肉近排出咗好多唔同嘅套餐優惠，喺旺角行完街，所以同朋友上去燒下肉。一上到去見到大量貓貓，裝修都好用心。一入門口附近仲有個自助吧，有沙律菜同埋各種配料比人選擇。今次我哋嗌咗宮崎和牛套餐宮崎A5和牛-牛肩柳宮崎A5和牛以其卓越嘅肉質同豐富嘅油花而聞名，尤其係牛肩柳部位。輕輕燒一陣，啲肉汁已經爆曬出嚟，肉質細膩且多汁。每一啖都感受到肉嘅嫩滑同油花嘅爆發，真係舔舔脷。宮崎A5和牛-牛板腱牛板腱嘅口感非常出色，好好咬口，又有豐富和牛肉味。呢種部位嘅肉質比較緊密啲，但仍然保持著和牛特有嘅細膩感，呢個價錢食到和牛套餐真係好抵海蝦 & 魷魚 小品桶海蝦口感爽脆，魷魚就有適當嘅嚼勁，兩者都好新鮮，呢個套餐入邊再加少少海鮮，同和牛嘅豐富味道拼埋一齊，即刻點綴咗成個餐嘅level喵宇宙炸小酥肉炸小酥肉係整餐中嘅一個小驚喜。外層嘅酥脆同內部嘅嫩滑形成咗完美嘅口感對比。食入口仲熱辣辣，我同朋友好快就清哂。石鍋拌飯石鍋拌飯係整餐嘅收尾重頭戲之一。石鍋嘅高溫保證咗飯嘅外層酥脆，而內部則保持著適當嘅濕潤。拌飯仲加咗蔬菜粒同紫菜，調味恰到好處。陳皮酸梅湯朋友叫咗陳皮酸梅湯，微酸同陳皮嘅香氣，啱啱好中和咗燒肉嘅油膩感貓肉掌焦糖布丁焦糖布丁係整餐嘅甜點重頭戲。呢間貓主題嘅燒肉舖喺甜品上面做咗唔少心思，呢個焦糖布丁仲有貓貓嘅小肉掌造型。超級可愛！外層嘅焦糖甜度恰到好處，唔會太漏，就食晒成個甜品。貓抓鮮奶奶凍鮮奶奶凍係另一道令人驚喜嘅甜點。呢個奶凍超級軟滑，貓貓造型好動L，朋友同我都忍唔住係咁搖呢個甜品。奶凍嘅口感綿密，奶味濃郁，係一個清爽嘅結尾。總括而言，依套燒肉肉質都十分之高質，環境又舒適又闊落，肉類同埋海鮮嘅種類都唔少。呢個價錢喺旺角食到燒肉十分之抵食，仲好有質素。下一次會再同朋友嚟試埋其他套餐，見到隔籬枱嘅套餐都裝飾得好靚，而且份量都好多！
繼續閱讀
聽講最近新開間以貓為主題的烤肉店，身為貓奴的我當然要去試味😋一入門口已經有隻大大招財貓坐鎮，餐廳環境好大，座位十分廣闊，坐得好c服。佢哋價錢都好抵食，大概$200中就有間烤肉拼盤，肉類種類+份量都多。小食都係$50樓下就有，窮有窮食🤭每張枱上都有調味料同油，自由調配。有烤肉汁、柚子醬油、雪米餅乾料（辣椒粉）柚子醬油酸酸甜甜，十分開胃🤤再配埋雪米餅乾料，更加惹火貓抓全明星拼盤$248有7款肉類🥩，藤椒牛舌、蒜香五花肉、炭燒梅花肉、藤椒雞、秘製牛五花、牛板腱、果味肩里脊 款款肉都好味😋肉類肥瘦均勻，係晒呢到。個人最鐘意食果味肩里脊 同藤椒雞果味肩里脊 係加入咗菠蘿去醃製，有甜甜果香味，十分滋味。而藤椒雞就加入新鮮青花椒同四川糊辣椒，少少辣同麻香味重，燒完好香口，十分上癮。咔吧雞脆骨$58藤椒雞$58藤椒雞太正，忍唔住要再encore多碟🤣🤣咔吧雞脆骨姐係雞軟骨，份量幾多，加咗燒汁同芝麻調味，十分香。貓抓烤茄子$38有蒜蓉同辣椒🌶️去烤，味道正常，可以再咸少少仲惹味。用鐵板上菜，可以保存到熱辣辣嘅溫度。烤雞翅（6隻）$48雞翅大大隻厚肉，烤得啱啱好熟，保留到雞肉肉汁係到。調味方面都係咸少少會正啲貓檸茶$22檸檬百香果茶$28飲品方面無得調教甜度同少冰，幸好貓檸茶都唔會好甜😮💨而檸檬百香果茶有啲可惜，太甜了…落太多百香果醬 令到檸檬味淡了。如果甜度可調就會唔錯
繼續閱讀
網上見過好多人介紹，bookmark左好耐，今日同朋友嚟開旺角，終於有機會嚟試啦，果然又抵食又高質，之後去開旺角一定會再嚟！一入到去就見到大大個自助bar，有唔同嘅醬汁、配菜任君選擇，而我就最鍾意個蒜蓉汁同埋燒烤醬，鍾意食重口味嘅朋友一定唔可以錯過。我哋嗌左個牛肉拼盤、雙拼套餐同埋西冷牛套餐，每樣都各有驚喜。先講下個牛肉拼盤，一嚟到就俾個份量嚇親，有牛嘅不同部位，而且擺盤都非常華麗。鮮紅色嘅牛肉睇得出係非常新鮮，唔係雪藏萬年嘅急凍肉，肉嘅油脂分布都非常平均，唔會話好油膩。我哋都急不及待即刻燒嚟試吓，牛肉放落燒烤爐燒唔使10秒，就即刻聞到陣陣香味迎面而來，流晒口水。🤤牛味非常之重同埋香，肉質都好嫩滑，油同肉嘅比例都啱啱好，入口即溶，令到我停唔到係咁燒、係咁食。再講講西冷和牛，都係我最期待嘅一款，果然冇令我失望。一望佢就見到一大片嘅雪花和牛非常之吸引。咬落去啲肉汁就喺個口腔裡面好似湧泉源源不絕咁噴出嚟，令我懷疑到底係飲緊湯，到而家我仍然回味緊嗰陣香味。下次唔會等到嚟旺角先至食，一定會為咗佢而再嚟旺角 。
繼續閱讀
您可能會有興趣的...