財記海鮮飯店

營業中

休息中

我是剛來觀塘工作，同事在這幫襯了好多年，推介我來試！我今次叫左星洲炒米，真的好夠鑊氣，廚師亦下料大方，有蠻多配菜，好足料，份量十足，男士也應夠飽！吃完評語：10個like, 夠味，棘但不會過棘，夠鑊氣，仲要價廉物美，往後必成常客！雖然炒野選擇不過好多，但最重要keep 倒水準！其他仍有很多飯類待試！其實一向冇寫食評的習慣，但實在想多多支持香港的小店，除了實質地幫襯外，也想介紹下！香港也有質素的食物，要細心發掘！

鵝片98得三*舊*有肉食 用舊黎形容 唔係一片片韮菜豬紅 味道較淡 中意輕口味既先叫啦其實菜式其實唔差 係滷水系列不用嘗試椒鹽系列十分出色薑蔥焗蠔都好味純文字分享 因為個滷水鵝片要催佢先上 上菜都未知中伏 食落先知得三舊肉😡

午餐唔知食咩好，就選擇了財記多款小炒及雙拼飯價錢合理，份量多$40 雙拼飯雞肉燒肉夠大及多$41 廈門炒米鍋氣十足，味道唔錯夏天最好叫外賣，因為堂食無冷氣可以電話預定幾時外賣自取

有時午餐想食中菜價錢ok，份量多，味道ok。廈門炒米 41元，夠鍋氣。燒肉，雞雙拼飯 40元，肉多。粟米肉片飯40元，汁多。除了呢啲還有其他可以選擇可以電話預先落單

食大排檔就係食鑊氣，食氣氛。同事推介嚟財記就啱喇！財記位於熟食中心入面，鄰近地鐵站，其實都係方便。怕出面人咩？佢又有包房，可以擺到兩圍 / 5張細枱，空間好大。由於同事係熟客嘅關係，老闆娘服務周到又細心，直頭當你屋企人返嚟食飯咁 ，氣氛好，食物質素就更好喇！炸大腸兒時美食，而家竟然變成懷舊菜 紅卜卜又橙橙地嘅大腸，炸到外層脆卜卜，入面煙煙韌韌。醮上特製嘅甜酸醬，解油解膩之餘，胃口大開。辣酒煮花螺可能唔啱時候，花螺size 偏細，食得唔夠過癮，好在個辣汁夠辣，愈食愈停唔到口。鹵水鵝片鹵水汁超好味，鹹淡適中，鵝肉鹵得入味，肉質仲好嫰喎！👍🏻鹵水拼盤乜都有嘅拼盤，有齊 - 鵝腸、紅腸、鵝腎、墨魚、豆乾、豬大腸、豬腳。樣樣都好好味。椒鹽九肚魚皮脆肉滑，香到不得了。蒜蓉蒸開邊蝦 新鮮海鮮，清蒸，蒜蓉，豉椒，先可以帶出鮮味，再加粉絲墊底，無得輸啦！講返啲海蝦，肉質彈牙，蒜蓉蒸最正確！豉汁蒸大鱔餸飯名菜，豉汁惹味，鱔肉結實豉椒炒蟶子豉汁微辣，蟶子皇大大隻，非常彈牙。蒜蓉粉絲蒸扇貝又一個送飯神菜，識食一定食粉絲，扇貝肉超大隻，一個已經好滿足。金銀蛋肉碎上湯浸莧菜上湯味濃，配莧菜真係好夾，轉眼個碟「吉」

一去到本來都有d 期待。見到d 海鮮似係幾生猛。佢開得比較貴。叫左佢海蝦。2xx 一斤。咁係好食。新鮮。呢個係讚。另外有叫大蜆。點知中伏。好多空shell d 肉唔知去曬。呢個我覺得俾人騙了咁。另外有叫個鱔。佢餐牌話大鱔。點知黎到係一碟細鱔。又細碟。其他的餸也都是不過不失咁。

夜晚上完堂有啲肚餓附近又冇咩好食於是就行入熟食中心睇吓有咩好選擇 當時已經九點幾但都仲係好多人 好多都係麻甩男士😆由於已經好夜所以都唔想食得太Heavy我哋叫咗一個韭菜豬紅粉絲什菜煲同埋豉汁蒸倉魚韭菜豬紅係最快到嘅啲豬紅都幾嫩滑全部野都煮得好入味又唔會過鹹唔知點解個粉絲什菜煲變咗南乳粉絲什菜煲😂本來想食清淡啲嘅而家啲卡路里又升返晒🙉不過啲菜都好入味南乳又唔會過鹹同埋啲份量都幾足條豉汁蒸倉魚都等咗幾耐不過嚟到又幾好食條魚唔算太細條又蒸得啱啱好所以啲肉都幾滑三個餸一個飯埋單$233老細收錢嘅時候仲收齊頭$230😂成餐飯都幾有地道風味🤗可以一試

抵食足料有鑊氣嘅大排檔喺APM商場同行完之後，好攰就去亞太中心搵嘢食啦。點知冇晒位Full Booking，咁就經過左熟食中心，入面嘅大排檔嘅姐姐係咁邀請我哋入去，咁我哋就入咗去試吓啦，最後估唔到係出乎意料係幾好食㗎。我哋叫咗三樣嘢，首先呢係必食嘅炸蠔餅。首先啲蠔都幾大隻，唔腥，然後炸得非常鬆脆。通常啲餐廳呢都會炸完唔放乾，個底會好油，所以唔係太好食，咁但係呢間呢個油嘅程度係可以接受到啊，都夠鬆脆，一啲唔林，要大讚啊。然後呢就叫咗呢個枝竹牛腩煲，都炆得非常之入味， feel到有火候，送一碗白飯就一流啦，而且份量呢都一啲都唔野少㗎。再推介埋呢一個南乳節瓜粉絲煲，味道唔錯啦，入邊都好足料，冇嘢可以挑剔，上泥嘅時候熱辣辣，可見由廚房出泥嘅上菜速度呢系非常快㗎。總括來講呢，今次你熟食中心搵到呢間大排檔，係出乎意料嘅收穫，佢哋生意都唔錯㗎。

今日真係開❤️⋯⋯早幾次想黎食都食唔到！仲以為佢地敵不過疫情要倒閉了😩😩好彩真金不怕紅爐火...有料嘅餐廳一定會有忠實粉絲支持～😎（姐係我！）兩個人...一坐低...第一時間叫左個滷水拼盤，菠蘿生炒骨，椒鹽魚魚！係好開心等緊嘢食的時候...突然之間...系我們眼前....出現左...星洲炒Mi. 🤩🤩 佢果陣香味...我到依家都好記得呀...就好似見到個帥哥噴左香水咁...使我著迷😻！然後二話不說（呀姐！ 🙋🏻‍♀️🙋🏻點多個星洲炒mi呀。唔該！）連呀姐都話（你地兩個人..食唔食到咁多架？）傻豬黎...食唔到打包麻！ 咁正嘅嘢食。食兩日我都願意啦🥳餸菜陸陸續續煮好啦～其實本人呢～對生炒骨系有一份執著！但財記嘅生炒骨我覺得算幾好食！因為不少外面吃到的不是太軟就係太乾...肥肉部分也佔很多！ 成口油咁...邊岩我e d 淑女食😂😂而財記呢...效果跟脆皮口感都做的很好！咬下去做到外脆內軟的感覺！最緊要咩呀？唔會乾柴呀！而滷水拼盤呢...滷水汁有滷水味～鮮味又唔咸，又熱辣辣！好多賣鹵味嘅舖頭，賣鹵味好似賣鹽咁架..陰公...Wow....簡直人間美食！每食一啖就好似同滷水親吻一樣...而紅腸同豆

財記海鮮飯店-位於駿業街熟食市場地舖，係一間小菜鑊氣勁夠嘅大排擋❤️重點係有冷氣，就算夏天去食都唔洗怕熱，唔會話食到出晒汗😍去得財記，一定要食炸韭菜餃子🥟，佢哋嘅餃子係即包即炸，勁新鮮，而且好足料，隻隻都大大隻，脹卜卜㗎！如果唔鍾意食炸野，蒸韭菜餃都係唔錯嘅選擇，餃子皮唔會有好重既麵粉味，偏簿，真係唔錯🤪另外椒鹽鮮魷都好好食，咬落去炸粉唔會好厚，食得出啲魷魚係新鮮爽口彈牙😍好好食！加埋枝啤酒，真係完美既配搭！

Today we went to this Dai Pei Dong looking for old HK style food. It is in the middle of the industrial area. The price is unbeatable. There were 10 of us and we order quite a lot of food. Including some seafood, shrimps etc. Average cost is about 80 for each of us.  The sweet and sour is just perfect. Taste exactly the way it should. Not too sweet not too sour. There are some hotpot/ lamb pot at a very reasonable price. Dont expect a very clean and fancy environment. This is an old HK Dai Pei D

觀塘的午餐就是難搵位，今日中午好熱，想去茶餐廳，但係真係太多人等位了於是去咗隔離觀塘熟食市場其，實第一次嚟呢度，事關感覺不太良好怕污糟😅今次抱住試試嘅心態，有驚喜喎地方雖然唔係太企理，但勝在有冷氣。呢間好似做開小炒應該唔會中伏嘅，同事叫左星洲炒米，非常乾爽好多料啊！而且太大碟，食極都食唔晒。我就叫咗椒鹽豬扒飯，雖然細細件，但有成十件，飽到呢椒鹽豬扒香口好鬆軟，不過咸左少少，少少辣好惹味，另外仲有楊州炒飯一樣咁足料好有鑊氣我哋基本上食晒炒野配汽水，我就揀咗加多寶添，買單都係＄39，真系平靚正

30 蚊一個即炒粉面飯，在現今社會很難再找到可惜沒咖啡奶茶只得请茶免費仼飲不過味道真的不俗，唔介意地點也可一試。有機會試下晚市，收工見到几旺，排了很多張枱😈😈😈

今日繼續喺駿業街熟食市場搵食，因為而家仲凍凍地，遲啲夏天天氣熱嘅時候就唔會再有呢支歌仔唱㗎喇。嗌咗個廈門炒米，喺呢啲男人的浪漫嘅地方份量當然係超級巨， 而味道嚟講都算唔錯得嚟又完全無鑊燶，不過叉燒就唔係好夠，臨寫呢篇食評嘅時候見到前人所講嘅小強濕地，全部都不復再喇喎，究竟係時代巨輪嘅轉動，定係我發現唔到呢？

食厭了什麼fusion 菜、精緻食物，Friday night 當然要同班friend 吹水鬆一鬆。今次去食依間財記小炒，一個字「正」。時令羊腩煲一D唔「羶」大大份，厚肉。唔會好似外面店得幾件碎肉、蒜蓉蒸帶子，同隻手咁大件老闆話唔使豉油都夠味，吓，食落又係播。最懷念椒鹽豆腐同炸茄子，一D油咁都冇，超好味、店主推介小炒同椒鹽鮮魷就唔使講，必食。加埋雜菜煲、四支啤酒都係500，抵食