貴緣小鍋米線

營業中

休息中

有一期在米線關注組見到好多谷友介紹「貴緣小鍋米線」 ，但因為分店遠在北角，一直未有覓食。最近意外發現半年多前總店搬到了大角咀，今晚即刻拉上好友來試吓！「貴緣小鍋米線」大角咀店位於西九匯2樓，店內還有招牌寫著十年米線。大癲的份量，其實即是2人餐份量。米線幾有口感，不會煮至太軟太碎。湯底選擇了招牌酸辣湯，濃濃的酸香味頗為醒胃。配餸是固定的，分別有雞絲、魚肉春卷、冬菇、響鈴、紫菜、蘿蔔等逾10款，非常豐富。雞絲份量很多，堆在中間有如一座小山丘。冬菇厚肉，魚肉春卷帶少許彈牙感。蘿蔔燉得很腍很入味。當中響鈴、紫菜、螺旋藻都十分索湯，味道變得更香口惹味。另一款是有酒作成份的湯底，入口有微微酒香，也會夾雜着雞肉鹹香味，幾香幾特別。醉雞份量都多，肉質相當嫩滑。加配了滷水大腸，滷水汁帶甜口，配上酒香湯底又幾夾！麵底選了紅薯粉，扭紋薯粉更能掛湯。餐廳有手工糕點供應，點了一客椰汁斑孄千層糕作餐後甜品。糕點質感軟腍，帶陣陣斑斕葉的清香。餐廳強調採用低糖減甜的配方，甜度果然恰到其分，食得健康。

聽講係一間好出名嘅米線～之前紅磡元祖店搬到大角嘴～即刻去食下依間人氣店🤩🍲 招牌酸辣湯米線湯頭酸辣適中仲會有小小甜依碗配左豬軟骨、蘿蔔和同豆卜豬軟骨入口即化同好入味軟骨位都係好易咬蘿蔔超級清甜唔係假甜、浸糖水嗰種大家記得要叫！🍲 元祖金酸濃湯米線湯頭濃郁～比招牌會鹹小小但酸辣味依然十足米線質地小小淋又有彈性配左豬軟骨、滷水大腸和魚皮餃滷水大腸超大舊🤩好入味魚皮餃係自家製～冇味精🐔 蒜泥雞絲山超大堆雞絲😍蒜泥麻辣汁同雞絲山分開上蒜泥好香得嚟唔會好臭個汁好麻又唔會太辣超易入口～🐖 蒜泥白肉肉豬肉片薄得嚟唔會易夾爛蒜泥汁比頭先嘅會多左辣油食落會更香口～🥧 期間限定甜品糕點醇黑芝麻糕濃濃的芝麻好香～質地細膩滑順甜度適中幾好食椰汁斑斕千層糕椰汁好香斑斕味都好清香食落好清新清香椰汁紫米糕紫米搭配椰汁食落香甜紫米份量適中食落好有口感傳統馬豆糕口感扎實豆香濃郁～店鋪店員服務態度都好好價格好親民～而且味道都好好😌性價比好高大家可以去試試！

已經心心念念咗幾個月嘅米線，終於食到✌🏻一如既往都係點酸辣湯，不過今次叫左湯係7分濃，味道夠哂出，真係好爽！🤣🌋 貴緣雞絲火山雞絲堆到成座山咁高，份量超多，雞絲唔嚡，拌埋榨菜，咸香微辣，口感豐富，難怪咁多人推介，真係招牌之選！🍜 第1碗招牌酸辣湯紅薯粉酸辣湯底夠開胃，紅薯粉煙韌彈牙，秘製豚肉鹹香入味，手打魚腐滑溜，冬菇皇厚身多汁，螺旋藻帶少少海味，配搭有層次，食落唔會膩，啱晒鍾意重口味嘅朋友！🍗 第2碗招牌酸辣湯紅薯粉加埋滷水雞翼，雞翼滷得入味，肉質嫩滑，配埋秘製豚肉、魚腐、冬菇皇，份量十足，啖啖都好滿足，酸辣湯底令成碗粉更惹味，食完有幸福感！🥬 菜心爽口翠綠，清新解膩，食完辣野嚟返啖菜心就啱晒，簡單但唔失水準。

終於暫時完成手頭上排山倒海嘅工作，我呢個愚公費盡九牛二虎之力終於移走咗座大山。老公見我做嘢咁辛苦，話要慰勞吓我請我食大餐喎，但我為咗幫佢慳荷包，就揀咗公司附近嘅西九匯食返個米線大餐就okay啦。我哋首先點咗兩碗兩餸米線，再加兩個菜，兩個小食，同埋一個飯後甜品同飲品，都只係每人一百蚊鬆啲，真係好經濟實惠呀！呢間鋪頭有卡位，坐得好舒服，而且店員又好nice, 啲嘢食話咁快就送到。啲車仔餸款式又多，對於有選擇困難嘅我都諗咗一陣間呢。最後都係揀返車仔餸必定出現嘅清甜蘿蔔。米線嘅湯底又可以自訂濃啲定淡啲，非常之人性化。另外，仲有期間限定養生低糖手工糕點，幾種口味可供選擇，例如芝麻，桂花等等，我就揀咗紫米，清清哋又唔太甜，完全滿足咗我好奇嘅味蕾食到我哋兩個肚仔漲卜卜，咪就係嗰句，打破TJ財團壟斷，全力支持小店！

今日去咗大角嘴西九𣾀2樓的「貴緣小鍋米線」…….🍜招牌酸辣湯米線 …….. 配餸肥牛，牛丸，爽口魚片頭湯底可以選不同濃度，酸辣味道濃郁 食落好開胃😋 😚😚米線🍜夠爽口…….如果喜歡淋啲亦可自行選擇😗😗魚片頭爽口……牛丸肉質也不錯的😗😗酒煮醉香鮮雞湯底…….湯底酒香都夠濃，味道不錯！雞件份量也不少！魚皮夠脆口！蒜泥白肉個味道幾特別肉質也不錯！巴蜀狂野雞翼有原味或者黑椒味可楝，味道也不錯！

每次去貴緣小鍋米線「報到」，朋友總會來點麻辣豬肚絲，真是貴緣小鍋米線代表性的小食之一。在吃之前就能聞到麻辣豬肚絲花椒香，朋友笑說原本鼻塞，吃完麻辣豬肚絲的瞬間都通了，麻辣豬肚絲完完全全朋友的愛。重慶口水雞翼是道經典菜，醬汁裡有明顯的酸辣，但不會辣到失控，重慶口水雞翼以雞翼為主角，花生存在感十足，秘製重慶口水醬完美美鎖住飽滿雞汁，厚度實在的雞翼加上多種辛香料的提味，重慶口水雞翼麻、香、辣、嫩、酸超惹味。小食甜酸齋頗適合當作開胃菜，我們秒殺吃完，小食甜酸齋陣陣酸味，引人唾液一直分泌，小食甜酸齋嚼起來軟中帶有彈力，酸酸甜甜，引人食慾，一塊接一塊小食甜酸齋。招牌酸辣湯米線配料基本都會有酸菜、芽菜、炸醬、韭菜、蔥，再加上我選的豚肉、手打魚腐和滷水大腸，整碗招牌酸辣湯米線看起來真的是超級豐盛，湯頭酸中帶辣，鮮明強烈的層次感，米線滑溜，口感極佳，連同熱湯一起大口吸進嘴裡實在好吃。豚肉色香味俱全，令人眼睛為之一亮，豚肉煮至焦糖色，裡裡外外都是滷醬香，光看色澤就先讓我口水吞了幾百回，豚肉滷水醇香不死鹹，也不會柴口，連牙口不好的人，都可以輕鬆咬開豚肉。手打魚腐有啖啖的魚香，記得將手打魚腐在湯底中多泡久一點

平日lunch time黎左呢度食米線，人頭湧湧，不過好彩兩個人咁岩唔駛等位🤓👅招牌酸辣湯米線五分濃小辣加腩肉&螺旋藻湯底唔會太鹹，小辣亦都好易入口👍🏻腩肉夠味，唔韌，出色！👍🏻👍🏻👅特濃新鮮蕃茄湯米線小小辣加滷水豬肚&木耳絲湯底未算好濃，反而有D似屋企嘅蕃茄薯仔湯😂米線偏淋，豬肚入味，不過豬肚同木耳絲份量都唔多同埋好碎濕濕😅湯底整體唔錯，腩肉出色，推薦米線lover可以黎試下😄

最近見到好多人推介這間米線店，米線關注組也有推介，特別是推介酸辣湯米線，就來探訪一下！招牌酸辣湯米線（秘製腩肉、雞肉絲）這道酸辣湯米線絕對是店內必選。湯底選了10分濃，是很濃郁的酸辣湯，酸味與辣味的平衡恰到好處。雞肉絲吸收了湯汁的精華，超級惹味！秘製腩肉帶點點辣，很夠味，配酸辣湯米線一流！酒煮醉香鮮雞豬軟骨湯紅薯粉這店選紅薯粉不用再加錢的，加分！這道湯的味道很鮮，散發著淡淡的醉香，與鮮雞和豬軟骨的鮮味完美結合。豬軟骨燉得恰到好處，軟中帶韌，又好入味，喜歡！蒜泥白肉這家的蒜泥醬汁特別香，蒜味撲鼻，薄切的豬肉片肉質鮮嫩，讓人一口接一口，是小食之最！涼拌青瓜是一道清新開胃的小菜，很入味的咸香，口感爽脆這店的期間限定 - 養生低糖手工糕點糕點真的全是低糖，甜度剛好不過分。醇香黑芝麻糕黑芝麻糕好出色！真的好有黑芝麻的香濃！口感細膩，好有驚喜的中式甜點。椰汁斑斕千層糕千層糕的每一層都柔軟細緻，椰汁香氣濃郁，淡淡斑斕香氣，也不錯。

以前係紅磡久唔久都會食呢間小鍋米線，估唔到佢搬左鋪去大角咀，咁近 當然想去試下 彩下食唔食得返以前既味道。叫左2碗米線，一個酸辣湯底，一個椒麻湯底，2個湯底都好味，亦有小鍋煮出黎既感覺。如果鐘意椒麻味既一定要試，佢椒麻湯底個x 椒味好重，又夾左少少香料味，比其他中菜餐既椒麻魚湯底更加出色。因爲湯底夠味，令成碗米線都生色不少。配菜叫左豬軟骨 + 豬大腸 + 雞絲 + 豬肚，豬軟骨好淋好入味，十分推薦一試。另外，雞絲配啲湯口感幾好，都建議一試。豬大腸同豬肚都整得乾淨，鐘意食都係個唔錯既選擇。米線控不能錯過，同以前係紅磡食既味道差唔多，都無乜退步，如果 lunch 或者 dinner 黎食 建議早少少黎，都多人食。

認識我的朋友都知道平日我經常吃米線。經常聽到很多網民討論或推介不同的米線店，都會心癢癢想試。今次就選擇了一間在網上口碑很好的米線店，原來此店原本在紅磡，後來終於找到新舖位，才能繼續照顧街坊。今次我就品嚐了店家比較特色和出名的名物。首先推介的是酒香醉雞米線。湯色淡黃，呷起來有淡淡的酒香配合吸收了酒香的杞子品嚐，味道甘甘甜甜的。建議加2滴辣椒油提味，帶點微辣更香更惹味。除了湯底，雞的比例也相當多，差不多佔了半碗麵的份量，非常抵食。如果鍾意自己揀的，可以選擇店家角色湯底，然後配合自己喜歡的麵和餸菜。今次我們就吃了外面比較少見的青花椒麻濃湯，有濃烈的花椒香和微辣，味道不會太濃烈而蓋過配料的味道。再配合口感煙靭，味道酸甜的酸齋和帶微辣的豬腩肉。配搭味道層次極佳。如果想再滿足一點可以仿效我叫多兩個小食，必點雞絲火山，啖啖肉，再加上滿滿的辣椒粉非常香辣惹味。另外又怎少得充滿蒜香的蒜泥白肉呢？同樣惹味。

去咗大角咀 經開西九匯 見到呢間「貴緣小鍋米線」，好耐冇見啲米線舖係小窩米線，小窩米線特別之處係「一鍋一煮」，唔係大鍋煮完撈湯嗰種，每碗都係獨立小鍋煮，每到湯底同米線完美融合 叫咗佢哋嘅**青花椒麻濃湯**（中小辣）湯底好夠味又唔會太鹹，米線煮得剛剛好，掛湯能力100分!加咗魚肉春卷同魚腐，吸晒湯汁超正朋友嗌嘅 麻辣湯底米線 生菜 豬軟骨 （中小辣）**豬軟骨米線**，豬軟骨煮到超淋，一咬就化，個湯底清得嚟又好鮮甜 小食- **大漠烤豬仔髀**（2件）外脆內嫩，孜然味好香，食完想encore 小食-**貴緣雞絲火山**：雞絲撈咗秘製醬汁，微辣開胃，撈米線食一流 食完米線 見到佢地新出左期間限定既「低糖手工糕點」分別叫左4款： **桂花紅豆糕** 清甜唔膩，桂花香好突出 **椰汁斑斕千層糕** 斑斕味好香，口感煙韌 **黑芝麻糕** 芝麻味超濃，仲食到少少芝麻粒 **椰汁紫米糕** 紫米軟糯，椰香十足 貴緣嘅小鍋煮法真係好加分，湯同米線完美結合，食落特別入味！新出嘅低糖糕點都好有驚喜，健康得嚟又好味。

🥢 貴緣雞絲火山這個凍盤雞胸絲，加埋榨菜同辣椒Max埋一齊，酸酸辣辣的感覺，好清新！☺️-🥢 麻辣鮑片每次都會叫🤣食落甜甜地好好味！-🥢 家鄉紅油雙拼雙拼係笋絲拼魔芋條，凍冰冰好開胃😜-🥢 特濃新鮮蕃茄湯配米線叫左中小辣，辣度岩岩好，蕃茄湯底好新鮮，酸酸甜甜辣辣😝湯底本身有鮮蕃茄、韭菜、芽菜、蔥，另外揀左魚肉春卷同手打魚腐🥰魚腐好大粒，有d入口即溶既感覺😝-🥢 元祖金酸濃湯紅薯粉如果有得加辣就仲正🤣揀左秘製腩肉同冬菇白，腩肉同冬菇都好入味，腩肉好淋身

我地喺大角咀一直食開一間米線男朋友有次經過西九匯 話開左間新米線琴晚終於去食左😋😋酸辣紅薯粉加左冬菇 鮑片 豬大腸湯底仲可以揀澧度5分推薦係飲埋 7分較濃 但鋪頭推介我揀左7分🤣冬菇同鮑片都係米線鋪少見既選擇一於試下粒冬菇又厚肉 又入味😋😋男朋友就叫左個麻辣湯底多麻少辣 佢好滿意蘿白 豬肚 腩肉蘿白都炆到好淋👍🏻蒜泥白肉係好薄身既豚肉片 更加吸味叫左碟油菜 份量正常飲品方面呢到無水吧係叫樽裝飲品平時綠白色既椰子水就飲得多第一次飲藍色無平時咁甜

☀️天氣開始熱嚕🌈有陣時都唔想食飯🍚簡簡單單食碗米線都係一個唔錯嘅選擇呢🥳🍅特濃新鮮蕃茄湯米粉：蕃茄湯味道好濃郁🔥今次我專登叫左米粉🍜啲米粉索晒啲蕃茄湯好正呀✅餸就係可以自己揀😋我揀咗魚肉春卷、爽口魚片頭、腐竹同埋生菜🥬佢個魚片頭真係好爽口🔥腐竹味道好香豆味👅有驚喜呀🥳🐣酒煮醉香鮮雞湯米線：估唔到鷄件份量會咁多👍酒煮醉香嘅鷄味道好入味👅上面仲放咗幾粒杞子添✅追加左手打魚腐😋味道唔錯💯🥗甜酸齋：甜酸齋係我平時加餸都會食嘅😍佢呢個甜酸齋入口已經食得出佢係新鮮做嘅✅甜酸味道適中☺️私心推介喔💯🥛黑芝麻豆漿/豆漿：豆漿係支裝嘅❤️味道唔會好甜😍兩個都好飲✅黑芝麻味道更加出色👍

貴緣小鍋米線嘅醉雞米線真係令我食完即刻想encore！呢碗醉雞米線份量多到誇張，有半隻雞咁多🐔，雞肉嫩滑得不得了，入口滿滿酒香，湯底清甜又夠濃，啖啖都係幸福滋味🍲。 醉雞浸喺湯入面，肉質juicy到爆，湯仲帶點淡淡嘅酒味，飲落暖胃又香口，簡直係米線界嘅皇牌之選！ 朋友吃既係蕃茄米線，配上腩肉、大腸同豬紅，湯底酸甜開胃，腩肉炆得軟腍，大腸爽口彈牙，豬紅嫩滑入味，食到停唔下來🤤。 仲有點咗皮蛋豆腐，皮蛋香濃，豆腐滑溜，簡單但好滋味，配米線一流！ 貴緣係抵食又好味，價錢都唔貴，選擇又多，醉雞米線尤其係必試之選！米線夠彈牙，吸晒湯汁，每啖都好滿足。