貴香園

營業中

休息中

下午茶時間➕3蚊有杯嘢飲 凍奶茶好甜 怕糖星人記得走甜 加咗豬皮同雞翼尖 豬皮膠感重 唔太ok 湯底係好味嘅 不過太酸了 有點破壞湯底本身嘅味道 兩餸小鍋米線加嘢飲盛惠50 都幾抵食 會再幫襯

成日聽朋友去食呢間米線, 終於搵日一齊去試下朋友既飯堂🤪舖頭雖然唔太大間, 台與台之間空間比較細, 所以都坐到唔少客人。雲南小鍋酸辣米線 $48配料叫左韭菜餃🥟同蘿蔔, 韭菜餃正常水準似屋企自己包既味道。而蘿蔔清甜冇根, 似同冬菇一齊炆煮, 有少少菇味, 份量都有4大件🙀碗米線本身都有配到炸醬芽菜腐皮酸菜韭菜, 都係小鍋米線既基本配搭。而湯底酸味較特出, 亦好香濃👍🏼沙爹米線 $54配料叫左豬軟骨同腩肉🍖豬軟骨炆得好淋, 味道同出面食到既味道差唔多。腩肉有少少乾身, 但味道唔錯, 可能揀左沙爹湯底, 有少少俾湯底搶左個味😲碗米線本身都有配肉碎, 令到沙爹湯底更加濃郁。

鍾意食米線嘅我今次又黎到旺角試米線啦！😆夜晚九點半左右來到，依然好多人食緊😯🍜雲南酸辣米線 $41 🌕🌕🌕🌗🌑特登嗌左個menu有手指公👍🏼嘅米線😛另外加左豬大腸。湯底未算太出色，不過都係合格之上嘅水準。豬大腸就幾淋，唔苦，但就唔太入味。🍜酸麻辣紅薯粉 $60 🌕🌕🌕🌕🌑呢碗加左金菇、粟米餃同五花白肉。呢個酸麻辣湯底較啱我口味，好惹味，食到花椒味，而且個湯帶啲甜😍😍啲餸就正常發揮，不太特別。總括黎講，餸嘅味道一般，但湯底都唔錯，係旺角鬧市中快靚正嘅好選擇😆

之前一直都係食開譚仔 因為啱我口味但唔知係食多左定係依家差佐覺得冇以前咁好味 可能都厭佐掛哈哈哈然後見到有人介紹呢間話幾好 就黎試試真係好味噢！湯底更麻一d 好過癮啊啊酸辣湯底都相當OK 本身仲想飲距噶凍豆漿可惜去得太晏話賣曬 下次得閒一定要再黎過！🐷📍：贵香园

黎旺角我最愛食既米線店之一《貴香園 》🍜豬軟骨金菇酸辣紅薯粉 $53配料方面都好足，有芽菜、韭菜、肉碎豬軟骨係招牌必叫。雖然唔算好腍但味道好惹味 有咬口紅薯粉粗身好煙韌 湯底夠熱食到酸辣均勻 唔會有種花椒麻味唔洗食到標眼水🤭鹵水豬大腸$35豬腸夠晒大舊 鹵得入味爽口仲有芽菜墊底 好夾個汁缺點：呢到坐得迫啲 服務質素麻麻不過食物質素一直都保持到 大大份包你食到飽 仲有涼皮都幾好食的 推薦🙌🏻📍 貴香園旺角西洋菜街216號地下旺角通菜街99號地舖

等成超過半個鐘先有得食，等廿分鐘後第一次催話來緊，ok，再等差唔多十分鐘第二次催先同我哋講個爐壞咗，其他幾枱客又係等到係咁催，其中兩枱客都走咗，有啲遲過我哋入嚟既都已經食完埋單走咗！幾個呀姐服務態都差都算，服務參差，我哋幾枱客都等咁耐！味道又冇乜特別，好一般！食過咁多間米線，呢間真係唔會有下次！

粟米餃雞絲豬潤芽菜麻酸辣米線（中辣）$68滷水豬肚絲 $35貪心的小公主叫了四餸每款餸的份量居然也好多我以為餃子應該只有兩粒居然有三粒耶！開心哈哈餃子皮偏厚但粟米不算很清甜至於雞絲比較像嫩雞柳不是時興的雪花雞絲應該是雞腿肉吧總之也挺嫩滑份量挺多挺划算耶👍🏻至於豬膶反映出師傅的刀工也頗為了得豬膶薄切質感偏粉芽菜份量巨足好像吃了一斤芽菜～（說笑哈哈）而湯底麻酸辣比酸辣出色但小公主認為麻味可以更多花椒油可以再下得重手一點雖然同時間酸味會降低～可能小公主本身偏好麻辣多於酸辣😝而另一碗的酸辣湯底湯面上的油比較多酸味也不算很突出小食滷水豬肚絲應該算不上是絲切得頗大塊但滷水汁入味、豬肚絲軟冧易咬好味好味！推介指數：8/10

發現旺角都幾多唔同嘅米線店，呢間就第一次試，當日係平日晚市唔算太多人，好快就有位。上菜速度呢都幾快酸辣雞！平靚正～招牌麻酸辣雞絲腸仔米線$46湯底我揀左麻酸辣嘅（小辣），麻味唔夠，辣味都冇，有酸味，但整體味道係ok。雞絲肉質都好嫩，有雞味，腸仔煎香另上，仲有兩條，米線嘅口感係比較軟冧。配料方面都好足，夠哂多，有芽菜、蔥花、肉醉等等，增加左口感嘅層次感，整碗米線食起來非常滿足～酸辣腩肉金針菇米線$46呢碗米線揀左酸辣（小小辣），同麻酸辣湯底係差唔多，只係酸味再濃d，同冇麻辣，非常開胃。腩肉嘅肉質非常軟嫩，因為舊肉幾肥下，但味道方面都幾惹味。同樣地配料都好多，成碗麵食完都好飽，兩碗麵比較，個人更喜歡酸辣湯底，因為湯底夠酸又夠濃，好食！

收工黎呢度食，啲米線都幾大碗，食物質素ok，麻辣食落真係會食到口麻麻地既，但唔辣，如果下次再黎可能要大辣。另外叫左滷水牛肚，味道唔錯。問題係佢地啲位真係好窄知你地生意難做，滿座都可能蝕錢，啲人叫個米線叫碟小食加杯飲品可能坐成日。但唔係因為咁而要加多2張枱賺得咁盡掛？？枱同枱中間窄到岩岩一個手掌位（有圖），行去入面位，除左要則身，仲要慢慢行，大脾位肥啲真係會夾住行唔到囉。先頭食嗰陣，隔離枱埋單，另外2個男仔坐呢張，行入去嗰陣，成個屎忽對住我張枱，仲要行到一半停左落黎，拎部電話出黎，幾驚個男仔諗住放埋個屁先坐低呀😱😱😱佢地又食完先過我，個男仔行出黎，又係屁股對住我地，又係企喺度一陣，真係驚囉。。如果佢掉轉行，又條j位對住我地，我諗真係食唔落。

出咗旺角買嘢，成4點都未食嘢，喺附近就入去醫肚鋪仔細細，預咗要坐逼啲，枱腳同附近位置有啲跣，可能積埋啲湯同油清唔乾淨，但食嘢最緊要都係食物兩個人分別嗌咗酸麻辣湯豬膶薯粉同沙嗲湯木耳絲腐皮米線，紅油抄手，加杯凍奶茶同凍檸茶少甜少冰酸麻辣湯冇落酸味，但就咁麻辣都好食，豬膶啱啱好唔怕太老，薯粉有驚喜，一般米線店嘅薯粉都硬身，佢偏軟得嚟唔會淋得滯沙嗲湯嗰碗就正常發揮，不過不失，紅油抄手就驚喜地好食，用咗雲吞，豉油食得出調過味，甜甜地，辣度啱啱好飲品就極一般，茶底淡，杯檸茶仲俾錯咗全甜平民價錢醫肚都ok

今日去太子行街，突然想食米線，決定光顧一下。我叫了雲南酸辣米線，小辣，米線好滑溜，餸菜選了肥牛，鷄翼，豬潤，紅腸，超级豐富，湯底好濃，酸酸甜甜，十分開胃。下次必定光顧

貴香園今日繼續凍到痴線，所以又係食啲暖笠笠野既日子，之前一直都食開，平時覺得佢幾好食，但係今日.....------------------------------我叫左酸辣米線 小辣小辣睇個色水好似好辣咁，但其實食落完全係無乜辣味，仲有D過酸，而餸叫左韮菜餃同腐皮角，個量都幾多，大大粒。之前食過蘿蔔都幾好食，但係唔知點解今次既水準真係跌晒。又係時候搵第二間米線解癮。

米線控出沒注意⚠️ 以前在旺角上班的其中一間飯堂🍚重臨舊地，再來一碗米線是必須的！ 會成為飯堂，其中一個原因是因為沙嗲湯底🤤一餸沙嗲米線 $36男朋友由於不太肚餓，所以叫了一餸海帶結🥢久違了兩年的味道和記憶中不一樣了🥹沙嗲湯底很稀我、味道淡☹️米線很淋，一夾就斷，失水準。以前是很濃郁，吃到花生🥜香氣的！ 海帶就正正常常不過不失。一餸香園涼皮 「酸辣湯」$39配炸醬、酸菜、芫茜、蔥花😗我不吃韭菜和芽菜，所以走～木耳絲爽口！ 湯底點了少少辣，但是一點也不辣，味道偏酸，涼皮也不是煙韌有咬口的那種，一夾即斷😞失望啊😮‍💨椒鹽腐皮角 $33 這個也是以前必叫的小食！ 可能時間較趕，觀點也不香脆可口😣🥺😩整體用膳環境較差，非常擠擁，枱細而且有油膩感，我用消毒酒精抹了兩次還是油膩的！ 只能夠說，短期內我不會在到訪啦😞最最失望的是，為什麼水準會大跌？

平時經過見到好多人排隊，亦見到不少好評，今日便特地一試，發現實際比想像中遜色，頗失望。-今日叫左兩餸紅薯粉 小小辣酸辣湯小小辣食落基本係唔辣對於食唔到辣嘅我黎講係OK嘅但係就有D太鹹 同埋都見到係好油紅薯粉就好軟好滑 係好味嘅-至於餸方面 我叫左豬軟骨同埋生根點知攞到返屋企就發現佢俾漏左生根…兩餸變一餸…… 接受不能🥲😅上菜準確度差評😶❌❌❌豬軟骨都有幾舊 都淋嘅 味道無咩特別另外仲叫左6隻煎韭菜餃 $35價錢偏貴味道都少普通 食落無好驚艷嘅感覺整體麻麻最後埋單$91 ($7生根收左錢無俾貨🥵)俾漏餸俾負分❌❌❌味道普通唯一可取之處係紅薯粉口感很好很軟不推薦❌❌❌❌

記得以前細個成日食呢一間紅薯粉，朋友介紹完之後真係返唔到轉頭🤣🤣質素都一直keep到，但係份量好似越來越少咁🤭（唔知係自己大食左定係咩）我多數都會叫酸辣紅薯粉，間餐廳其實幾好，因為佢個辣真係唔係好辣🤣（我係少少辣都會流眼淚嗰啲）所以平時都會嗌BB 辣都夠了❤️至於餸嘅話，都幾新鮮同埋有咬口，我多數會叫豬大腸或者雞肉或者豬軟骨，其實同普通車仔麵差唔多，因為有好多餸可以揀😜我覺得佢最出色嘅係個湯底同埋個麵，紅薯粉好煙韌，其次就會揀拉麵，佢係屬於粗條嘅煙韌拉麵🤣 米線我就覺得麻麻哋喇，因為比較淋。湯底就好濃味～自己喺屋企真係整唔到呢個口味至於服務員嘅態度一般啦～始終我見好多唔同時段都有好多人去，佢哋都忙到踢晒腳，所以我都可以體諒☺️佢哋都好辛苦最後提議如果可以開一間喺新界就好了🥲咁就可以喺屋企慢慢嘆🫡好味度：🌝🌝🌝🌝 （我以酸辣紅薯粉作為基準🤣）方便度：🌝🌝🌝🌝 （佢位置喺旺角其實都算係中間點，都方便嘅～）舒適度：🌝🌝（如果好多人喺餐廳嘅話，身形較健碩嘅人一定唔太坐到，因為啲枱枱櫈櫈都擺得好埋，基本上冇通道可言，都好窄價錢度：🌝🌝🌝（好似成日都加價🤣，一蚊兩蚊咁樣加）推薦度：🌝🌝🌝🌝