賓墟冰室

營業中

休息中

今日約咗朋友過黎青衣行山⛰️而家天時暑熱梗係要食飽飽先出發，唔幫襯青衣城既連鎖店，經過呢間冰室睇落唔錯就入黎醫肚佈置上都有唔少格仔石同老招牌💡真係幾有懷舊冰室風格，令人回味過去老香港時光，咁啱今日連事頭婆都走埋，真係往事只能回味😭早餐款式幾多，有歐陸類、脆豬包、多士、三文治、粥麵同湯粉麵類📔行友們都揀到心水野食沙爹牛肉麵上檯見到牛肉間夾雜咗好多紫洋葱，令醬汁有濃厚沙爹香同時唔會重口味偏鹹🥓紫洋葱既甜味應記一功，麵底都煮得夠爽身唔會煮得耐變軟腍

抓住夏天嘅尾巴，去游個早水之前食個靚早餐，食得連鎖店多，想食返茶餐廳小店，今日就嚟咗呢間冰室。呢度地方大，唔會坐得迫夾，仲有電視睇添。我地叫左個招牌沙爹牛肉麵配香脆牛油厚多士午餐肉同煎蛋，同埋香煎雞扒配香脆牛油厚多士雞肉腸同煎雙蛋，再加一杯凍齋啡一杯熱齋啡。唔鍾意食強士既可以加錢轉菠蘿包，我見佢個菠蘿包都幾出色，不過一陣去游水，所以廢事食到咁飽。招牌沙爹牛肉麵-個沙爹湯底真係不得了，夠香夠濃，唔係現成湯底，堅濃沙爹味，仲咬到粒粒花生，唔怪得佢話招牌，麵唔淋唔硬，煮得剛好。香脆牛油厚多士午餐肉同煎蛋-多士重牛油唔會慳，煎蛋燶邊面熟入面生，下次要加錢試埋佢個菠蘿包先得。香煎雞扒配香脆牛油厚多士雞肉腸同煎雙蛋-超豐富既早餐，雞扒煎得夠香脆，仲有少少沙律菜，樣樣齊。凍齋啡/熱齋啡

初初開張之後都有間唔中幫襯過，啲嘢食中規中矩味道唔差，價錢亦唔係特別貴，但係唔知由幾時開始服務同嘢食就變得越嚟越垃圾。-打電話叫咗自取外賣星洲炒米，我知道唔係常餐所以問佢要等幾耐佢話等20分鐘，我20分鐘落到去之後仲要等多10分鐘先至有得攞。個星洲米勁難食，無味！似係一個鑊炒好多份米粉咁，蝦仁得兩隻，各款蔥，洋蔥，三色椒等配菜數埋唔唔超過6條，仲見到兩粒仔叉燒碎，呢個炒米我係俾正價買，野飲要另外加錢的。-常餐欖菜肉碎四季豆飯，肉碎就唔係好見到，四季豆分量正常，但係個汁一pat 嘢咁，打芡打得唔均勻，難食！最後成個餐都掉咗落垃圾桶。-服務態度差到你唔信，尤其是收銀個阿姐！態度差同串已經唔係一兩次嘅事，我叫外賣，佢問返我乜有呢個餐嘅咩？！態度好串！隔離個職員同佢講係xxx(隻手指住落單機話距知係邊到有呢個餐)，外賣等咗15分鐘都未有得攞，我走去問佢攞得未，佢話未有！跟住遲過我買外賣嗰啲陸陸續續都攞咗個餐，我再上前問佢有未，跟住佢先至話有啦~一直都擺係到！原來我個餐一早就已經出咗，但係佢根本冇叫我個Number！

這間茶餐廳一次比一次差，今日還離譜到熱啡走☕️微暖勁苦，加糖連白糖都溶唔到，大家可想到杯野涼到乜程度😠😠碗麵就普通過普通，無乜味道😩早餐咁簡單都如此，邊會再幫襯呢🤦🏻‍♀️

平日去食過幾餐味道都好麻麻，佢地一味主打做外賣，出餐耐都算，仲要出到黎既野食更加令人食到谷鬼氣，咩叫俾錢買難受，黎一次你就會知！最近開學，都無時間出去食，中午都會叫外賣，最近食過幾次都好快就有反應，去左2次就無事，心諗可能壓力大，身體有異常，直到今日放假出街既時候我見到既呢一幕... 原來啲外賣等咁耐都係有原因既，除左人多旺場之外... 原來都係曬下太陽先會俾客人食，35度咁樣曬法 你想唔屙都幾難... 所以仲有無下次 你地自己諗啦

邊個話港女唔食茶餐廳，我都可以好貼地㗎。通常禮拜六日呢high Tea之前，我都會食個早餐先，通常食屋企樓下嘅茶餐廳，但係今日呢就特登出咗去青衣食。周不時都會經過呢一間奔去餐廳，但個名呢就唔特別吸引我入去食，咁只不過突然心血來潮都要試吓啲新嘢嘅。咁就入咗去啦點知原來係驚喜呀。首先呢佢個餐呢都好平民價，好似四十零蚊就OK啦，最重要係佢呢份魚柳餐係勁大份囉，係我食過咁多間茶餐廳入邊最大，仲要係好Juicy好嫩口嘅魚柳，呢個價錢呢個份量真係冇得輸，然後我發現佢又係連鎖式有幾間分店嘅，唔知其他分店會唔會都係咁高質素呢。話說第二次食呢食埋個蕃茄通粉，個茄通都OK呀，湯底夠濃啦又有淡淡的蕃茄肉，食落口真係好有口感。

搬黎依區冇耐 想係青衣城附近搵茶記真係冇咩選擇今日唔想食商場餐廳 行出去灝景灣附近就見到依間賓墟冰室下午茶時段送埋飲品就試試佢兩個人叫咗窩蛋免治牛肉飯同焗茄汁雞扒意粉熱奶茶茶走 凍檸茶飲品先黎到 攪勻杯奶茶時已經見到好多練奶😂飲咗一啖已經覺得太太甜 以為水吧唔小心重手左姐之後再試埋杯凍檸茶 一樣係甜到過分😂所以野食未黎已經心入面打個八折免治牛肉飯好快黎到 賣相正常但攪勻食落發現好重酸味 應該係蕃茄/茄汁個到出咗事 其餘味道正常 如果唔係咁酸都收貨嘅食完個飯先上焗意粉唔係好感受到焗既感覺 比較似撈茄汁既雞扒意粉 純粹多咗啲溶既芝士咁解朋友評價為「我依個唔識煮野食都煮得到嘅水平」如果屋企煮飯初哥煮出嚟 我會比合格不過茶餐廳咁既質素就好失望喇整體黎講 我哋唔會再幫襯😂

前日放假訓到下晝就落左去賓虛食下午茶，睇完餐牌見佢推出左新既鐵板餐加上未食飯好肚餓，一於試下新嘢，我就叫咗個重量級香煎紐西蘭牛柳配意大利粉(黑椒汁)，家人就叫咗個巨人雞脾扒拼蒜蓉焗青口配薯條(洋蔥汁)同兩杯凍檸茶，等咗十零分鐘兩個餐都送到，兩份餐既賣相都唔錯意粉同薯條都另外分碟上，呢個做法幾好，啲薯條唔會淋曬，意粉又唔會沾倒鐵板上太多油，牛扒質地正常分量足，家人話份雞扒都唔錯，如果呢個餐可以有埋餐湯就更加好了， 宜家青衣想經濟實惠食扒餐又多左一個好選擇。

早晨雖然不該要求高，但今日我叫的這碗豬扒麵真的淡而無味，豬扒又薄又細塊，個人覺得湯底可能是用淥麵水我放了胡椒粉及鹽也帶不出味道來，所以只好放辣椒油再講杯咖啡☕️是我每日早上必須飲的，咖啡帶些少酸是正常，但這杯酸度超高是因為他們沖嘅咖啡完全是暖的，我絕對沒誇張，我放入煉奶也蓋不過酸味！

純粹做附近住嘅人生意嘅餐廳，如果你叫得多外賣，一講電話號碼都識送上嚟，唔使重複幾次地址，呢個係做得幾好嘅😍之前呢都冇八達通，同個老細反映，而家好多人都唔用現金㗎喇，佢過咗半年之後，真係加返部八達通機，可能因為政府嗰個消費券，所以佢都要加番部機呢個疫情，第二件半價都真係幾抵食，所以四個人都一定嗌四個餸，剩返嗰啲帶飯😂 唔想出街煮嘢食，附近嘅人都可以考慮佢啲咖喱同埋炸物都幾好食😋奶茶都唔錯，不過如果你飲開檸蜜嘅人就唔好叫😂 因為佢係西洋菜檸蜜嚟，我就覺得唔太好飲啦😂

平時去完迪士尼玩，我哋都會出青衣食晚飯，次次都係青衣地食，好多次經過「賓墟」都話食，今次終於去食啦！老實講，佢個門口都幾吸引，最重要係佢個名吸引！我哋叫咗「椒鹽茄子鮮魷」，新鮮熱辣上枱，不過熱辣辣食，我被嗰啲沾滿椒鹽粉嘅炸蒜辣親，直攻上鼻，人都癲！不過放涼少少又ok喎！不過呢個配搭都好食！我至愛椒鹽鮮魷。必些呢個「蘿蔔牛腩煲」啲白蘿蔔勁入味，啲牛腩牛筋都好淋，成味餸用嚟送飯一流呀！其實佢哋做緊優惠，叫一個小菜，第二個係計半價，不過我哋食唔到太多，就叫咗3個，雖然唔抵，但都唔想浪費食物！呢個「梅菜蒸肉餅」，清清地，送飯都食唔停口，小朋友至愛。最後，原來帶小朋友嚟食飯，埋單會送金幣比你，可以用啲金幣去佢哋嘅夾公仔機玩，我哋好成功咁夾咗3隻熊仔鎖匙扣，小朋友最開心。

今日放假同女朋友晚餐,俾佢鋪頭半價小菜吸引咗入去。呢間餐廳都係第一次去。餐廳小菜好好味，而且碟碟都好有鑊氣餐廳好有心。每10日轉一次菜單。一個餐牌有14個小菜。好味加有心餐廳，必定會繼續支持

呢間冰室個名真係好鬼型 賓虛 意思真係好墟撼嘅場面 時下年青人可能真係唔識 咁確實佢都算多人食 今日一個人食孤獨午餐叫咗豬頸肉金邊粉 冬陰功湯底 分量好充足 豬頸肉有成10片個陰公湯底叫做可以 咁就梗係冇九龍城嗰啲咁好飲啦 仲有點油添 最後加埋杯凍奶茶就係完美嘅句號

這間食店初初開業有食過，食物水平一般般，光顧不到五次。唯一好處開得較夜，想坐低食宵夜，除了街市美食城，會諗到呢度。今次黎食宵夜，一坐低侍應遞上消毒啫喱，問我要唔要洗手，打開餐牌介紹我晚市小菜宵夜有乜食。再望一望周圍牆壁張貼多張告示，內容大概係佢地被抹黑，老闆有武漢肺炎之類，但只係謠言。其實我都無聽過呢個消息，我入得黎食，都未必會理，我睇完，仲覺得不安。點了豬扒炒公仔麵，熱辣辣幾好食，豬扒肥瘦適中。凍檸茶味道不錯，宵夜餐盛惠55$。小插曲，食到條洗鑊鋼絲，差啲啃親。聽到員工言談間好擔心，因為生意淡薄了，員工好落力周顧客宣傳晚市小菜第二碟半價，可惜我得一條友。

賓墟冰室青衣牙鷹洲街8號灝景灣購物中心地下1號舖每日返工放工都匆匆忙忙經過呢一間餐廳門口，但係都冇試過入去食早餐，今日難得放假終於有機會可以試一試啦環境同裝修都唔錯，入到黎感覺好舒服好有心思既餐牌圖文並茂見到都好吸引沙爹牛肉麵好高質牛肉好滑煮得好冧，味道岩岩好價錢同普通茶餐廳差不多但食物質素同環境比其他餐廳高一班