賞麵

營業中

休息中

同屋企人快閃lunch，今次來到賞麵， 呢到比我感覺好窩心，因枱上有6款唔同程度的辣椒醬， 絕對有一款岩大家口味。食親車仔麵我都會選擇豬腸，豬紅，魚蛋，油麵，今次我仲加左牛骨汁牛丸， 呢款好特別，又夠彈牙，呢到d 豬腸洗得好乾淨可以放心食用。仔仔選左豬皮，羅白，干貝燒，花枝丸粗麵， 羅白真係好甜，花枝丸夠彈。我地兩碗都加左腩汁，仔仔好滿意加左1度辣， 我自己就加左2度辣，喜歡食辣的人可挑戰6度。另外婆婆仲叫左份咸牛治烘底， 呢到烘底唔洗加錢幾好，小食我地叫左香酥雞翼，三色炸腐皮卷，時菜一碟。雞翼和腐皮卷即炸夠哂入味， 時菜咁岩係我地鍾意的生菜非常好。呢間車仔麵幾掂，下次會再來。

餐廳：賞麵 (荔枝角)地址：荔枝角青山道514號地舖唔知大家睇咗港產片《幻愛》未💕？去荔枝角D2 Place睇呢套戲之前係附近一間開咗無耐嘅車仔麵店食晏，歡迎同我詳談劇情😌呢間賞麵嘅格局有啲日本風味🇯🇵，好似拉麵店嘅setting咁🍜，亦成為咗餐廳嘅一個特色叫咗個干燒貝、滷水雞翼腩汁米線($31)同豬骨湯貢丸、蘿蔔瀨粉($31)，麵嘅份量唔多，大食嘅人最好加底🤪；價錢黎講唔算貴，兩餸加個麵底都係$30左右👍🏼，而且佢地嘅餸嘅款式都好特別，例如麻吉燒、蘭花豆卜、魚飲鮮魷🦑等，麵底有我鍾意嘅瀨粉😍，湯底都可以加腩汁或者秘製辣汁🌶，都唔錯架小食叫咗份蜜糖燒賣同脆B生煎包，每款小食都係$18，燒賣一份有六粒，煎香再加上甜蜜蜜嘅蜜糖幾惹味🍯，生煎包細細粒好cute😆，咬開香脆嘅外層有熱辣辣嘅肉汁流出，不過就有少少油🙈；另外熱飲加$7有一杯，一個人係到食個晏大概$50左右啦

車仔麵檔有咩食？今次到咗荔枝角一間車仔麵，諗唔到品種多樣豐富，心思思都唔知揀咩好。卡位分開舒服，好企理乾淨！檯面有特色醬汁，唔同風味都可以試齊！特別推薦特濃芝士拼香辣脆炸豆腐。好味到可以比得上街邊小吃，鮮炸熱辣辣。咬開有香濃芝士夾心，真係好好味。平時車仔麵勁鍾意豬紅，呢度有得食真係好正！彈牙有質感，唔錯。冬菇入味，夠淋。牛丸好彈牙，值得一試👍卡位乾淨就真係好私隱，坐得舒服😊仲買埋外賣番屋企，真係好滿足！

好耐好耐冇食車仔麵啦, 真係好想食但係因為疫情關係, 已經好少堂食, 而就算堂食都盡量去d大d闊落d既餐廳, 車仔麵店通常比較迫狹多人, 食得冇咁安心。今日同個同事傾開計, 係咁叫我地去食荔枝角依間車仔麵, 話乾淨企理絕對唔嗱渣, 餓左車仔麵咁耐既我放工就同個同事一齊食! 入到去見到d位兩個兩個同隔板隔開, 而且鋪位係車仔麵店黎講都算大, 又真係幾企理! 枱面已經set好左位, 有餐墊, 銀包架, menu整齊放好, 仲有獨立包裝既餐具, 一眼睇哂非常整潔。依度仲準備左6款唔同風味既辣汁, 仲好貼心寫埋如果想試味可以問店員拎試味碟, 中意食辣既真係開心!我同同事都叫左米粉, 加左麻辣醬, 店員又好貼心咁辣汁另上, 話驚我地太辣, 果然好夠辣勁, 又麻又香又辣, 正!  我揀左辣魚蛋, 蘿蔔, 滷水雞翼, 牛骨汁牛丸同牛腩, 全部餸都合乎水準, 特別推介辣魚蛋同牛骨汁牛丸~ 辣魚蛋好惹味而且大粒又彈牙, 牛骨汁牛丸咬落爽彈之餘好juicy, 而且牛汁味濃, 一定要試。我同事揀左滷水豆腐, 魚肉春卷, 蘿蔔同腩肉,  每樣比左舊我試下, 滷水豆腐好入味, 而蘿蔔都係必點, 又甜又腍又冇渣!

其實我都幾鐘意食車仔麵，尤其是一D又乾淨又新潮的車仔麵檔，呢間車仔麵設計裝修衛生舒適，連客人放手提電話位置都設計埋，真有心思，餐具全部一套套包裝，方便又乾淨衛生😊😊😊———————飲品：🟫凍鴛鴦———咖啡溝奶茶，奶茶和咖啡味道幾平均，不會被奶茶搶走咖啡的味道，喝得出咖啡味的濃郁，又不會忽略了奶茶的味道，水吧沖調飲品不錯😋——————我好鍾意食車仔餸，所以叫了一個剩餸😇😇😇🐷豬大腸———我最愛吃豬大腸的質感帶煙靭，有咬口，而且味道也做得不錯😋🥕白蘿蔔———炇得又腍又入味又夠清甜😉😉🐷豬軟骨———最愛吃軟骨的食物，有口感，炇得夠腍又不影響肉質的嫩滑😊🐟魚肉鮮鱿——用魚肉做，但切成形狀似鮮魷，彈牙爽口好味道⋯⋯干燒貝————-有點像吃獅子狗魚蛋的感覺，味道亦不錯⋯⋯🐷豬骨湯貢丸——-用豬滑湯打做成的貢丸，肉鮮甜，餡料有冬菇.......等等。貢丸爽口肉質彈牙好味———————小食：🐔雞軟骨———又係我的至愛，雞軟骨炸得香脆香口，雞軟骨有咬口有口惑，哈哈，港式車仔麵，竟然吃到做得像日式雞軟骨的口味⋯⋯👍🥰———————吃著好味道又簡單的一個午餐開心🥳........簡單

今日出左去食lunch，特別揀呢間感覺乾淨衛生的車仔麵，仲有特別辣醬，同款款餸都好味，所以揀左好多款，仲有小食，非常滿足。食店有間隔位，環境乾淨衛生，仲用獨立包裝的即棄餐具，很貼心。下單可填紙仔，也可用app 揀，好方便。麵款是同價，有7款選，可免費加腩汁同秘製辣汁，也可加錢要麻辣汁。更有30款餸可揀，價錢 $8-$12，非常吸引，而且款款都高質好味。食店特別之處是有6款辣醬，味道同辣度都有分別，真係想試齊哂。車仔麵底要粗麵$13，揀左蘿蔔$8、豬皮$8、牛肚、$10、豬紅$10、牛骨汁牛丸$10、咖哩魷魚$12，湯底係腩汁加秘製辣汁，非常豐富好味。牛骨汁牛丸好爽彈，牛味濃郁，幾多汁。咖哩魷魚好惹味，係港式咖哩味，香濃微辣。豬紅入味又有彈性，口感軟腍平均，唔會有炸唔透的硬身位，非常滿意。豬紅味道幾好，份量同牛肚一樣都係多。牛肚鹵得入味又香，易咬唔痴牙。蘿蔔係超讚，清甜多汁且無渣，令整碗麵都唔會有膩感。揀左粗麵可更吸湯汁，都有麵粉香，但個麵碎左d。湯底加腩汁，清而不膩，味道香濃。而秘製辣汁微微辣開胃刺激，就算唔食辣嘅人都可以接受，而且辣汁好香。炸雲吞$18賣相幾得意， 細細粒，可一口食到

好少食車仔麵，但係上星期食過一次之後好似挑起咗條癮😆，今日又想食，晏晝喺荔枝角區， Google一下就搵到呢間口碑唔錯嘅車仔麵店。叫咗幼麵，加牛腩、豬軟骨、豬紅、牛肚、滷水雞翼、滷水雞腎同埋油菜，仲叫咗個凍檸茶少冰。好快大大碗車仔麵就嚟到，睇落有好多餸非常豐富😍。其中特別好味嘅有：牛腩和牛肚炆煮得好腍好有牛味；豬軟骨好軟熟入味兼大件，好食過好多香港日式拉麵店嘅豬軟骨；豬紅好滑又極好味。我仲加咗「秘製辣汁」同「腩汁」，幼麵少少彈牙配呢個湯底食好正。而嗰碟「時菜」係生菜，顏色非常翠綠非常新鮮。各種食材分量十足，係滿足嘅一餐😋

好耐冇食車仔麵, 知道荔枝角 有間舒服又乾淨嘅車仔麵店所以來試下。🥰 店入面嘅設計係排咗一行行單邊間板長枱， 坐下時面前就係整齊擺放了點餐紙、餐具、筆紙巾、6款秘製辣醬( 不同嘅香辣程度)、order 按鐘。👍最貼心就係有一個小架🥰，可以擺放電話小物， 唔怕放喺枱面整污糟。 👍除咗點餐紙，佢亦都有一個wechat點餐系統可避免浪費紙張夠曬環保。👍試咗佢嘅辣魚蛋、魚肉春卷、豬皮、豬紅、芝士腸、冬菇、鹵水雞翼、咖哩魷魚、鹵水蛋; 每碗都配油生菜。全部餸都非常入味， 已我就特別喜歡佢嘅魚肉春卷同豬皮。 😋小食亦點咗我至愛嘅炸蜜糖燒賣， 再配埋凍檸茶大滿足！🥰

盛意拳拳嚟到荔枝角食壽司郎，豈料比我更有誠意嘅大有人在，經過一輪耐力賽，肚皮實在係唔爭氣，唯有轉戰其他餐廳，喺附近行咗一轉，最後決定食碗車仔麵醫肚。餐廳打破車仔麵店俾人嘅傳統印象，望落除咗乾淨企理之外，簡約嘅格局仲有少少似日式拉麵店。點餐紙設計精簡，條理清晰，配料同小食選擇多，而且價錢合理。除咗點餐紙上面可以選擇嘅秘製辣汁、腩汁同麻辣之外，仲有六款唔同地方特色嘅辣醬俾食客自己調配，好有心思，我哋淺嚐咗兩款，分別係潮州同四川嘅辣醬，各有風味。由於時間已經好晏，飢腸轆轆嘅我一口氣點咗五款餸，有牛腩、牛肚、冬菇、蘿蔔同魚蛋，配米粉同麻辣湯底加腩汁，上菜嘅一刻對於餓過飢嘅我簡直有種被治癒嘅感覺。湯底味道香濃，雖然揀咗小辣，但辣度偏強，建議將辣醬續少加入湯底比較保險。冬菇煮得非常入味，入口香軟腍滑，係咁多款配料之中最出色。牛腩尺寸適中，口感唔會過腍，保留返少少咬口，入味得嚟牛味亦重。先生揀咗四款配料，有牛腩、豬紅、豬軟骨同蘿蔔，配上幼麵、秘製辣汁同腩汁。豬紅係先生食車仔麵必叫嘅配料之一，耳濡目染之下我都漸漸愛上，口感嫩滑，同香辣湯底非常合襯。豬軟骨亦煮得非常軟腍，連軟骨位能夠輕易咬碎，而且同樣入

今日早左放工， 打比媽咪，媽咪話唔煮飯叫我買外賣返來食算，我心諗平時你都係煮飯，今次我一於買車仔麵返去食，因我好鍾情車仔麵，因可以叫好多唔同的餸，岩哂貪心為食的我。今次來到“賞麵”係比佢裝修吸引左先，入去見到好企理，每兩個座位中間都間左板去阻擋。每兩張枱前都有六款辣醬，好清楚寫明六款的辣度和來自咩地方。我叫左4款小食， 香酥雞翼， 炸雲吞，3色炸腐皮卷和脆B生煎包， 小食即叫即炸，新鮮熱辣， 最特別係脆B生煎包，細細件咬落去有小小肉汁，做得唔錯喎。車仔麵方面就叫左以下兩碗：辣魚旦，豬紅，牛肚，豬腸，牛腩，咖喱魷魚油麵，加秘製辣汁。魚旦，豬皮，羅白，豬軟骨粗面加腩汁材料夠哂豐富， 每樣食物都夠哂入味， 特別係牛腩和豬軟骨炆得剛剛好唔會散。不得不提，外賣會幫手分湯， 所以就算外賣回家食麵都唔會浸到脹。 我同店員講想要小小辣醬， 佢就比哂六款味我， 每一款辣到唔同好鬼刺激呀。下次媽咪唔煮飯，我都會再來買的。

一般車仔麵店給人的印象都是比較平實地道，但這間「賞麵」車仔麵店給我的整體印象是整潔、型格和寬敞。進入店內看見一排排單向的長枱，間隔板上放滿餐具、點餐紙、筆、紙巾、六款不同辣度的辣醬等，全部都整齊有序放好，整潔乾淨的環境令食客在疫情下吃得更安心。車仔麵（HK$69)👍👍👍👍👍這碗車仔麵包括油麵（$13), 魚蛋（$8), 豬皮（$8), 蘿蔔（$8), 豬紅($10), 牛骨汁牛丸($10), 咖喱魷魚($12)。豬皮蘿蔔很入味、魚蛋爽彈、牛丸爆汁、咖喱魷魚爽口，每碗麵還有生菜附送，另外可以免費加腩汁，如果喜歡吃辣可以免費加秘製辣汁，或加麻辣（+$3）。車仔麵（HK$61)👍👍👍👍👍另一碗車仔麵包括油麵($13), 豬皮($8), 蘿蔔($8), 豬紅($10), 牛肚($10), 咖喱魷魚($12)。這碗的豬皮蘿蔔同樣十分入味，豬紅嫩滑、牛肚有嚼口，不會過稔，咖喱魷魚爽脆，湯底惹味。這𥚃的辣醬有六款，有潮洲的香辣、北京的鮮辣、四川的微辣、湛江的勁辣、海南的酸辣、桂林的咸辣。辣度由一至六度，客人可按自己喜愛為自己的車仔麵添辣。蜜糖燒賣（HK$18)👍👍👍👍小食方面有多款，價錢同樣是$18

中午放飯經過荔枝角呢間車仔麵，門口已經有人等外賣，裏面裝修企理乾淨，冷氣夠強勁，就食呢度啦。好，坐低睇吓有咩好食先。呢度可以寫紙仔，呢度可以寫紙仔，亦可以掃QR code落單，仲有好多款唔同嘅辣醬可以選擇。乾燒貝、牛腩、花枝丸油麵，花枝丸夠彈牙，仲有好多件牛腩，炆得腍之餘帶點脂肪，好味。朋友仔叫咗牛肚、豬皮、豬軟骨，都好好食，每件都切到一定厚度，咬落有口感，唔會散開。生菜綠油油，新鮮食落爽口。泡菜煎餃，個皮夠薄，裏面餡料足夠。香酥雞翼，啱啱炸起，食落又香又脆，夠大隻啖啖肉。

值得回頭再食既車仔麵！平時好少食車仔麵，印象中既車仔麵舖環境都係比較簡陋，地下都會油油嘅，呢度完全冇呢個感覺！😳👍🏻一改我對車仔麵既既負面印象！呢度好乾淨，裝潢同用品都比較現代風！佢地既餐牌仲好得意！「凍肥妹」你估唔估唔到係乜嘢？猜一凍飲。原來佢係凍朱古力！🤣🤣🤣食麵揀野都可以動動腦筋，好正！平時生活咁緊張，呢個時候唔知點解有種輕鬆下既感覺！可能係近呢大半年心情都比較沉重...嘩！估唔到咁窩心，餐廳仲設計左一個擺放手機/銀包既位，方便食野時唔驚滴污糟啲隨身物品！食完麵一起身嘅時候，仲會望到一定記得拎👍🏻😎太肚餓關係，我叫咗粗麵麵底、餸菜方面：大腸、蘿蔔、腩肉、滷水雞翼、豬紅、魚角...叫左好多餸！最可惜冇我最鍾意既牛筋牛腩？如果有，就更正！🤤嘩！估唔到咁用心，餐廳仲有埋6款辣醬比我選擇😳第一次見粉麵店會咁多款辣醬揀！我唔係好食得辣，放棄左辣度為最高既海南辣醬😂食四川味就夠啦☺️好香又唔太辣☺️👍🏻用嚟配我嘅泡菜煎餃就一流

荔枝角有間新式車仔麵小店，環境乾淨，食物種類又多👍🏻，份量十足。.🍜車仔麵面底揀咗米線，加咗牛腩（$12）、豬皮（$8）、牛肚（$10）。湯底清澈但香濃，飲落唔油膩。.餸菜份量頗多，牛肚爽口彈牙，亦都夠晒入味。豬皮每件都好完整，吸收晒特製腩汁，保持咗膠質嘅口感。.🍗香酥雞翼（$18）雞翼金黃香脆，亦好入味，咬落仲好多肉汁。.🐔雞軟骨（$18）本來以為得一串，點知超大碟！粒粒香脆爽口又冇雪味，好食又抵食。.🥬生菜（$10）生菜鮮嫩翠綠，價錢合理。食完咁多肉食返啲菜，營養夠均衡。

香港其中一樣好有特色既食物，我相信車仔麵一定佔一席位😄今日行過荔枝角見到一間好特別既車仔麵🤟🏻每一位食客都有單獨既座位，好有日本既車仔麵檔既感覺，好正呀😗最出色既係有六種唔同地方既辣醬俾人選擇，仲有埋介紹好貼心，食辣人士大愛呀！🔺嗌左生煎包同炸雲吞，大推生煎包，薄薄既皮一咬就穿，熱辣辣既肉汁即刻充斥住口腔，好食😘炸雲吞脆卜卜夠哂香口😊🔺嗌左好多餸，大大碗，有滷水蛋，豬骨湯貢丸，牛腩，冬菇，魚肉鮮魷，麻吉燒，干貝燒，加上車仔麵不可不叫既油麵加腩汁，超級豐盛😘😘🔺當中貢丸超級有驚喜，好香肉味好濃，佢比外面嘅貢丸味道更加出🥳麻吉燒都唔錯，彈口既魚蛋加埋軟林林既麻薯，q感十足😚腩汁既牛味好香濃，麵底口感好好，十分讚💪🔺唔鐘意食麵叫淨餸都得，蘿白，冬菇，滷水豆腐，魚蛋，牛骨汁牛丸，滷水雞翼加油菜都好出色，蘿白好甜，吸收埋腩汁味道好吸引，魚蛋好彈牙啵，係有驚喜，最最最出色既係牛骨汁牛丸，牛丸味道好出，直頭一試難忙。🔺凍肥妹好有趣既名字，其實係凍朱古力，甜度剛好，而凍檸茶大大杯茶味同檸檬味比例好好，解渴一流。