賞麵

營業中

休息中

火腿太陽蛋沙嗲牛肉通心粉通心粉嘅份量多得驚人，比一般茶餐廳多至少3分之一，十分之飽肚😁炒蛋，太陽蛋，煎蛋都可以喺落單嘅時候自己揀想要嘅生熟程度👍🏻沙嗲牛肉肉質嫩滑😋，沙嗲味香濃，唔錯。雙拼吐司三文治炒蛋又厚又滑😋加埋半溶芝士真係無得頂👍🏻塊吐司嘅牛奶味十分突出，香香甜甜好好食😋可惜唔記得揀埋要烘底，下次補返😬蜜糖燒賣出奇地好食😋外脆內軟得嚟帶d煙韌嘅感覺，配上甜甜地嘅蜜糖，好似食緊一個飯後甜品咁😁最後想讚下呢間餐廳除左環境乾淨，坐得舒服之外，佢地嘅冷氣係超涼爽，喺而家咁熱嘅天氣底下，入嚟食嘢真係一大樂事😬

星期六嘅荔枝角工業區 四圍都係得返啲茶餐廳 想食間好少少但係又搵唔到 唔打誤撞嚟到呢間麵店 行過既時候 比佢門面嘅裝修吸引左 對比起佢旁邊啲茶餐廳嘅裝修比較型格 入面嘅裝修係行工業風 冷氣夠涼 啱曬啲大汗嘅我沙爹牛肉配黑蒜油出前一丁(跟炒蛋蒜蓉多士)個人認為沙爹牛肉一般 而個麵質佢煮得啱啱好 唔會好似住到一pat嘢咁 即叫即煮 唔係就咁煮定再加湯 整體碗麵正常發揮 鍾意食辣嘅我加咗佢兩滴自家製辣椒油 辣椒油非常出色 食落除咗食到喇仲有麻 我忍唔住再加多幾羹 個辣椒油令到成個麵整體昇華 而個炒蛋同多士都係正常好食嘅 五香肉丁配米線（米線改為米粉)佢係好食嘅米粉 加埋五香肉丁個汁 可以話係絕配 但個五香肉丁就一般 食落都係啲平價貨都係偏大舊炸雞翼 炸餃子依度嘅炸物我覺得係好出色 食落去係外脆內軟 熱辣辣 雞翼裏面有肉汁 餃子入面啲餡料夠味 兩樣都係新鮮炸起 記得食嘅時候唔好心急 如果大大吙食落去會辣親個嘴 我鍾意食沙律醬嘅朋可以同店員講比你 我就用嚟點餃子 整體上嚟講都好食 值得推介佢有會員可以免費做 首次會送你一張20蚊優惠券

牛奶吐司好香甜😋雙拼牛奶吐司三文治(午餐肉炒蛋+ 火腿炒蛋）個牛奶吐司真係好重牛奶味，香香甜甜，好有驚喜😀炒蛋亦都夠滑，值得推薦👍🏻淨餸車仔麵我哋一致叫咗黑蒜油豬骨湯底，個湯底超級香濃，如果麵底有得揀拉麵嘅話，呢碗麵應該可以賣到70幾蚊😎糖心豬軟骨同埋秘製牛腩都好軟腍入味，我地都食得好開心😜另外幾鍾意餐廳嘅座位設計，好有私人空間感，喺而家有疫情嘅情況底下，感覺會食得特別安心。而且係用QR code 自助落單，方便得黎帶點前衞😎😎

行開荔枝角香工，見行到攰攰地又肚餓就諗住食下野在戰鬥過，喺OpenRice見到呢一間賞麵，就諗住試試佢，位置有啲偏僻，附近都係工廠大廈，入到去見到佢嘅格局好似自修室，全部位置都係一排一排一個一個坐，啱晒唔鍾意搭枱嘅我，落單係用QR code落單，非常方便，我嗌左粗麵，魚蛋，豬紅，牛肚，樣樣都做得好出色，尤其牛肚好夠林，唯獨是我覺得份量有啲偏細，同埋個碗有啲細，飲品方面嗌咗奶茶，茶味偏濃少低嗰種，我個人麻麻哋鍾意，總括而言，下次行開都會再幫襯 唯獨是地點有啲格攝

車仔麵對我黎講真係日日食都覺得好好食，要揾間好食既車仔麵其實真係唔容易架，好掛住哩度唔同辣度既辣椒🌶️因為配埋湯底就真係prefect match 😋今日嗌左牛三寶車仔麵餐，配牛腩，牛肚，牛丸，時菜，岩哂我哩嗰牛魔王呀😗我選左油麵👍車仔麵一定要食油麵架，另外再加配左鮮腐竹，冬菇，滷水雞翼同滷水糖心蛋，凍檸茶走甜，真係好肚餓，特別鍾意食呢度嘅牛丸，食過真係返唔到轉頭架，牛腩同牛肚炆得好入味，索晒啲腩汁，同埋好重牛味👍 冬菇大大粒，好厚肉喔👅滷水雞翼淋到不得了，好喜歡喔😍另外再嗌左一碗牛骨汁牛丸，滷水糖心蛋，豬骨湯貢丸，豬紅，陳皮魚蛋，冬菇，加熱檸檬水，滷水糖心蛋又係另一傑作，真係勁好食，陳皮魚蛋好彈牙😋豬紅好QQ❤️再嗌左惹味炸豬扒，炸豬扒好大塊喔，而且無粉漿，生炸豬扒黎架，外脆內軟，正呀😍最後嗌左碟蠔油時菜，車仔麵都可以咁好食😜😜

出黎長沙灣呢度拎啲野，順便同朋友黎食個tea，朋友推薦呢間好有私隱嘅車仔麵店，啲位全部都係獨立㗎，仲係簡約風裝修，感覺有啲文青添。下午茶無乜人，咁我地就唔客氣坐張四人枱啦，枱上有辣醬同菜莆，個菜莆炒過辣辣地仲幾有蒜香，好味喎。先來兩杯凍飲，要左凍鴛鴦同凍朱古力，唔知係咪杯鴦要左少甜，好似連奶都少左咁，而且茶味唔夠得啡味，屬一般。相反杯朱就幾好味，好濃朱古力味，少甜啱啱好，正好為一陣碗辣粉解解辣。自己點左呢碗牛三寶車仔麵，哈哈，好紅呀。湯底揀左重慶麻辣湯，要小辣咋但已經好辣，無乜麻味，個辣味都唔夠香。跟配米粉，吸左湯都好爽口，唔錯。餸方面有牛腩，牛肚同牛丸，個牛腩炆得軟腍好味喎。朋友就要左公司車仔麵，貪佢咩餸都有啲夠豐富。湯底要左豬骨濃湯+秘制辣汁，真係好濃豬骨味，呢款湯底正啲，推介！好肚餓又加左啲小食，先來個滋味蜜糖燒賣，好酥脆唔油膩，咁樣有蜜糖去炸燒賣又幾好食，可以學下整。仲有勁脆炸雲吞，炸得香口又鬆脆，點埋個雞醬一流。最後仲有皇牌香酥炸雞翼，勁香口勁香口勁香口，外皮脆但肉仲好嫩滑，又係好好味。可以用QR Code自己落單幾方便，入面啲飲品全部可以自己揀少甜少冰等，個網站好user

荔枝角少有高質車仔麵，店面乾淨企理整齊，坐得舒適，一改車仔面固有邋遢形象，很是滿意！選了自選車仔麵，湯底有原味，豬骨湯味，辣味等 。餸的選擇更不少，有傳統的豬皮魚蛋，也有比較少見的溏心蛋，響鈴，還有各款肉類如腩肉牛丸，都是8至10元一款，價錢合理 配料的味道不錯，最推介是牛丸，肉味很香濃，而且溏心蛋都好食！另外響鈴和車仔麵原來都很夾～除了車仔麵餸外還有小食選擇，都是價錢相宜，叫了幾款：炸雲吞和雞翼是即炸，香脆夠熱～是日抵食之選生煎包 10元3個則較為普通。總的來說 環境舒服，食物質素不錯，價錢相宜，會再去的。

珍寶魚柳，太陽蛋，香草腸配蒜蓉多士 $40 魚柳比一般茶餐廳嘅大塊最正係炸到脆邊，脆口得嚟入面嘅魚肉仍然keep到juicy 牛奶吐司多士（朱古力醬+煉奶) $23牛奶吐司食到甜甜地嘅牛奶味，很不錯除咗朱古力醬，花生醬，煉奶，仲有得揀抹茶醬，果占或者係牛油雙拼牛奶吐司三文治 （火腿炒蛋）$29呢款雙拼吐司我覺得好抵食嘅，質素都貼近Isaac toast 下次嚟都會再order 呢個另外都幾鍾意呢間車仔麵店嘅座位格局，比我嘅感覺有啲似日本嘅拉麵店，面壁思過咁食嘢，私隱度幾高

食晏時間喺荔枝角，想食車仔麵，記得好耐之前嚟過呢間，幾好味留低好印象，咁就決定食過番尋味😆有多款粉麵底可以揀，全部$13 ，我揀咗粗麵；湯底就揀咗「重慶麻辣湯底 小辣（+$3）」，再加腩汁；餸菜就由$8至$12不等，揀咗秘製牛腩、五香牛肚、溏心豬軟骨、瑞士汁雞中翼、響鈴、招牌白蘿蔔，再加一碟$10嘅「油菜」😋基本上全部食物都幾好味，特別美味嘅有：秘製牛腩好有牛味😋；牛肚腍得嚟又有少少咬頭😋；豬腩肉大大件好軟熟😋；白蘿蔔鮮甜嫩滑冇渣😋；仲叫咗杯$7嘅「熱奶茶」，幾香幾滑😋。仲有，呢度食物份量好多，食得我好飽😆😋

一間裝修好新派嘅車仔麵店，不過時間尚早未有車仔麵食，於是就食早餐。坐位好舒適乾淨，掃一掃QR Code自助落車，每一個位一個編號，放餐時唔駛再邊個打邊個，好細心！落單個系統亦好完善好清晰，讚！【皇牌百搭兩餸粉麵】冇得食車仔麵就食過豐富啲嘅餐蛋麵彌補一吓，哈！仲可以轉辛辣麵，餸嘅款式都幾多選擇，包兩款餸，額外每款再加HKD6。餐肉係一整片，炒蛋落單嗰陣仲可以揀「正常」、「生D」、「熟D」，我揀左正常嘅都夠滑溜。面嘅軟硬度都食適中，係一整個辛辣麵餅嘅份量，飽晒！【蒜蓉牛油多士】麵餐冇跟嘅，想食就加HKD4。一上到枱就聞到好香蒜味，咬落麵包外脆內軟，好食！【珍寶吉列魚柳】朋友就食佢至愛嘅吉列魚柳，超大塊！食咗少少，粉漿炸得好香脆，魚肉口感係比較實嘅。條腸比較細條，但整份餐但食到佢好飽嘅，哈！好滿意嘅一餐早餐！期待下次再嚟食呢度嘅車仔麵！

荔枝角新開車仔麵店 原來有做早餐今日經過就試下門面都易認 黑色木色為主題好似日本拉麵店既格局，分開坐一個人食都唔洗同對面檯眼望望👍🏼檯面有曬調味料、餐具整齊企理，乾淨衛生菜脯任添🥰🥰用QR code落單，幾好又可以環保d 用少d紙今次叫外賣返工食欣賞餐廳湯分開盒裝d麵唔會浸到淋曬👍🏼👍🏼👍🏼炒蛋份量超多啊！食極都仲有！牛角包係迷你size但都很鬆軟！牛油味很重！不錯喔！加分！湯底係黑蒜油豬骨湯，都幾香豐盛既早餐😉

荔枝角其實都係美食之地，好多小店同港式食物，講到港式，又點少得車仔麵？環境我鍾意餐廳嘅設計，好有私隱嘅感覺，每兩個位有塊隔板，唔擔心同人坐得好埋咁食，加上車仔麵都係速食文化，食完好快翻枱，呢種間隔更適合。餐牌餐廳係掃QR code下單，疫情期間再減少交叉感染風險亦更環保，原來除咗中午食車仔麵，都有茶餐廳早餐食。 自選麵 揀左米線($13)配原大地魚湯加秘製辣汁，因為辣湯底今日無供應。配料揀左瑞士汁雞中翼($10)、秘製軟滑牛腩($12)、香辣陳皮魚蛋($8)。配料都足，湯頭本身清清地，加辣汁就啱啱有啲辣調下味，唔會好辣，雞中翼同牛腩都燜得好焾，陳皮魚蛋正常，份量都幾大碗。惹味炸豬扒 $18 望落去應該係生炸，無炸粉，油份較多，不過炸完嘅口感都唔會好韌，以車仔麵店來講質素都可以。總括而言，想喺荔枝角食平價嘢食真係好多，如果要去食車仔麵又想私人空間高嘅話我就會諗起呢間。

賞麵好似拉麵嘅港式公仔麵，係香港人獨特嘅茶餐廳麵🤪❤️~仲有大家至愛嘅麻辣湯底🍲+ 港式茶餐廳🏠overall/環境/ 服務:✅每位客人有獨立嘅一格食枱，而且都擁有獨立餐具同醬油喺附近，非常方便又唔會太擠迫。😝😌✅點餐可以用QR code又或者用紙筆落單。如果冇網絡嘅朋友唔使擔心，餐廳會為你提供免費WiFi, 非常user friendly🥰，好體貼值得加分！‼️自選車仔麵（牛肚、油麵、魚蛋、麻辣湯）好食指數：⭐⭐⭐⭐打卡指數：⭐⭐⭐⭐️大份指數：⭐⭐⭐️⭐️抵食指數：⭐⭐⭐⭐️✅ 魚蛋細細粒 好弹牙✅ 麻辣湯底主要偏辣 唔算太麻‼️ 香酥雞翼 $18好食指數：⭐⭐⭐⭐打卡指數：⭐⭐⭐⭐️大份指數：⭐⭐⭐️⭐️抵食指數：⭐⭐⭐✅ 外層香脆美味，內層多汁肉嫩，真係會令人食到唔停。如果有其他醬汁配搭就最好啦🤪❤️‼️蜜糖燒賣 $18好食指數：⭐⭐⭐⭐️打卡指數：⭐⭐⭐⭐️大份指數：⭐⭐⭐️⭐️抵食指數：⭐⭐⭐✅香炸嘅燒賣再加上一層甜甜嘅黃金蜜糖，簡直係冇得輸呀！因為炸左嘅燒賣食起嚟會特別乾口，塗上蜜糖後顯得更加美味👅‼️勁脆炸雲吞 $18好食指數：⭐⭐⭐⭐️打卡指數：⭐⭐⭐⭐️大份指數：⭐⭐⭐️⭐️抵食指數：⭐⭐⭐✅炸雲吞嘅外皮又

春卷牛腩車仔麵🐂講真個麵底同湯底真係無咩特別🤭份量唔多大食小小都唔夠🥺牛腩無乜牛味🐂春卷係魚肉春卷d fd 但普普通通啦🤨但係好在佢有6種風味辣醬🤗感受不同程度的辣🔥🌶️真係齒頰留香🥳昇華到另一個層次其實佢d 小食反而仲出色過個面🤣🤣🤣我試左個炸燒賣😁真係外脆內軟☺️☺️☺️同埋表面有d蜜糖都幾好食🤣🤣-🚻🚽(5🌟滿分)🌟🌟🌟🌟麻雀雖小🤣但五臟俱全😄夠曬新同乾淨

一直想試呢間OPENRICE0️⃣零負評既車仔麵店, 收6:30PM既佢地, 平日放工好難就到時間食到, 今日終於有機會。頗喜歡賞麵的裝修, 蠻有設計感, 帶點🧱工業風, 黑色的金屬元素和地板上刻意的水泥印漬配上🪵木質餐桌椅, 感覺粗獷型格之餘又帶點溫暖柔和。還有佢地係裝修細節上擺左好多小心思, 完美主義人仕應該會鍾意, 筷子筒, 飲管筒, 筆筒, 手機架, 手袋架, 紙巾架, 調味料, 點餐紙全部都有自己固定既位置, 排列非常整齊, 還有椅背可以放帳單。我點左蘿蔔, 響鈴, 雞腎豬骨湯底刀削麵。老公點左牛腩, 魚肉春卷喇沙湯底河粉。另外再叫左一份蜜糖燒賣。蜜糖燒賣, 外脆內軟, 一D都唔乾, 蜜糖味道充足，好味。雞腎新鮮, 厚身爽口, 不錯。響鈴尚算脆口。刀削麵也彈牙煙韌。但蘿蔔有苦味, 而最令人失望就係個豬骨湯底, 味精重, 賞麵既豬骨湯底令我唸起出前一丁既九州濃湯豬骨湯味。對比起較早前喝過的秘坊豬骨湯底, 飲得出秘坊既豬骨湯底係新鮮熬製，真材實料, 入口頗鮮味清醇。相反賞麵就有種很重的人工化學味道。而老公點既喇沙湯底表現也強差人意, 首先, 我地點喇沙湯底, 但佢地比錯左韓式湯底,