走肉‧朋友 (已結業)

同朋友聚餐，大家都俾個口水雞晚餐吸引左，齊齊食口水雞。個餐$85，5款送，有飯，有湯或糖水揀，好抵食。基本上我地4個女仔只食得落一碗飯（係4個人食一碗...），因為d送實在太惹味😂口水雞食落少少麻，好入味，炸番薯又脆脆地，炒蛋又炒得好食。個冬瓜湯好清甜，飲唔到有味精，事後都唔會頸渴👍🏻外賣用Call4van，準時送到，正呀😼下次再試其他餐

試左咁多間素食店，都比較喜歡這間，早上訂了檯，去到排左一陣就入座了。自助餐食物有好多款式，水準都保持得比較好，晚餐任食一個半小時。有salad、冷盤、主菜、甜品、湯、水果及飲品等，正正子。醬料則放在另一位置。湯煲得好好飲，因為無肉，所以較清甜。個人推介煎釀三寶，口水雞及酸辣粉~但其實素pizza都好好食，因為鋪了一層厚厚的芝士我就最鍾意!! 新派素食環境不錯，也感覺年輕。服務一流，入坐時仲清晰指示我地先付款。晚市$150 沒有加一，已經可以吃到飽飽了。大家飯後也可以買飯券贈有緣人！

約中午12，在hsbc離開，落大角咀舊街找cafe，想起有間素店自助餐廳，因疫情關係轉了套餐，比較衞生。誰知一入去，原來已經變回自助餐形式。當時只有幾個客，侍應亦說客人必須戴口罩才可以去取食物。那我就試下食吧，並立即襯人少，取一大碟算了。味道是可以的，但不是網上說的好好吃。我覺得d食物有些”機械化”，吃不到”人氣”，每款有6-7分那種。而好多人推介的口水雞，的確味道不錯，但只是味道。如果你食幾碟佢全部的食物，營養方面其實不知吃了什麼。之後我再取了一小碗豆腐花，唔掂。衞生方面，我觀察到有客人去取食物，冇戴口罩，但冇職員理會。試了一次，可以算了。

星期一諗住食得健康啲，但係發現公司附近有一間食素食嘅，都好特別下，而且都係一間黃店，個名都改得好搞笑，一於就去食下啦。一入到去見到門面裝修係幾好，都好有個人風格，另外枱面等等嘅設計完全都唔似一間傳統食齋嘅地方，我覺得好適合年青人嚟食，另外都見到佢有做好多唔同社會公益嘅嘢，去幫助一啲老人家，例如就話可以比老人家去帶佢哋自己嘅器皿出嚟舀佢哋想要嘅食物，我見有啲老人家都舀得好犀利，希望佢哋食得晒啦。希望佢哋食得晒啦。價錢方面，價錢唔算貴嘅，我哋平日星期一至五中午都係$68一個人，星期六日貴多少少， $98 ，但係見到食物嘅選擇都算係好多，所以我覺得係十分之抵食嘅。所以其實我識咗兩次嘅，一次就係平日食嘅，一次就係星期六食嘅，我想比較下兩個價錢嘅分別喺邊，但係最尾發覺好似星期六日嘅嘢食會多少少嘅。其實佢嘅嘢食質素都好好嘅，例如話佢整嘅咕嚕麵筋，佢應該係想扮到自己好似食緊咕嚕肉咁，但係覺得個口感當然童真嘅咕嚕肉係有分別啦，但係食落個味係真係唔錯嘅，另外當中覺得可以讚賞嘅食物就係佢個煎釀三寶，入邊嘅肉整到好好，食落去完全唔覺得自己係食緊齋咁，但係唯獨是呢樣嘢食就比較油膩，不過其他嘅餸都好食嘅，例如話

呢間店改變咗我對素食嘅睇法😝 以前不嬲覺得食齋好寡，淡而無味，幾年前都食過素食自助餐，但極重味精食到怕😖 呢間真心好味，d食物好有誠意，我呢d非素食者都回頭幾次了🤤🤤 講起又想食🤓本來嘅自助餐受疫情影響變成中午—— 5餸自選餐🍱 $55晚上—— 5餸自選餐🍱 $85白飯、湯、糖水同飲品就任飲任食😌唔驚唔飽，因為佢每個餸都畀好多，一d都唔孤寒😎🍠首推煎釀三寶！炸蕃薯超級好味，仲好食過專賣三寶嘅小食店🥳 又甜又脆仲唔會太油膩，如果有返任食我有信心食一盤😎 🥔 四川撈薯粉都好好味！佢都辣辣哋，但醬汁開胃，味道絕不會差過正宗嘅四川店舖😌 🍗 口水雞texture都似肉，好神奇，有d煙韌，味道又是不錯🤪呢間令我最刮目相看嘅係佢每款食物都唔差😱 (so far食過幾次都冇中過伏) 而且食完冇好口渴(好重要好重要好重要!) 超喜歡的素食店🥗

今次第二次食，同屋企人嚟，大概都知模式，同上次一樣入場先俾錢，無人換碟同坐得迫，今次多一樣野就係攞野食要帶返囗罩，其實疫情下好多酒店因為衛生問題已經唔做buffet , 之前食過嘅餐廳做semi buffet 係waiter serve, 唔係客人自己攞，呢度啲客人其實都幾自律，不過咁嘅要求就大大減少咗我出去攞野食嘅次數，好彩有細佬幫我攞，哈哈！唔係好記得上次食幾錢，今日就150一位，印象中好似無乜加價，食物都差唔多，媽咪第一次食話好好食，話疏食幾好，咁多菜，啲蟹肉幾似蟹肉，另外屋企人話炸蝦片好好食，我自己呢……就覺得不過不失，譬如話炒時疏咁，雖然有我鍾意嘅西蘭花同翠玉瓜，但炒得耐咗，唔爽囗，又譬如話飲品咁得檸水，夏枯草同水，選擇就少咗啲，同埋真係迫，雖然我地一家幾囗都係瘦，但離開位攞野食一拉櫈都基本上會撞倒人。

這家素食自助餐自開業以來桃子已經光顧很多次了。食物多樣化，質素非常有水準👍🏻桃子通常平日午餐時段來，$68一位，可任食一個小時。-沙拉、冷盤、主菜、甜品、湯、飲料等都一應俱全，十分豐富。其中，桃子最欣賞口水雞，雖然是豆製的「雞肉」但質感和真的雞肉十分相近，醬汁調得很惹味🌶 -另外，推薦大家試試煎釀三寶，同樣非常惹味可口。甜品方面豆腐花每天自家新鮮製作，入口軟滑。整體食物質素以自助餐來說，質素十分高了～

行過大角咀見到有呢間走肉朋友，有感依家新興素食自助餐，就諗住一試無妨，平時都係食肉獸！裏面環境有少少逼，會用膠板隔住每枱客人。入到去見到晚市做88蚊自助餐，但因應疫情，變左任選5個菜式，再有白飯/粥/飲品/甜品任食，我同男朋友一共揀左10款菜式一齊share食，極力推介素pizza，焗得超好食！其次係豆腐，可能純粹係本人中意食，哈哈！順帶要推介一下佢既夏枯草，煲得好好飲，少少甜又夠清熱！位位88蚊，實在相當抵食而且好似可以買餐卷贈長者，好有善心既老闆！

之前上網見到好多人食過尼間話好好味，終於琴晚去試了，入到去店內，雖面積不太但環境都整潔舒服，因疫情關係現暫停了了自助餐，只有走肉五餸一餐套餐，白飯，湯，糖水，茶無限添食或添飲，價錢$85/位，屬於正常價，有2位服務員幫忙夾餸。致於食物方面，眼望不起眼好普通的餸，估不到有出色嘅味道，喜出望外，講較特別的有京都骨真是好好味，咬落去脆卜卜，味道質感good👍;咖哩薯仔牛腩，牛腩真是好似真一樣好正好正;仲有串燒，味道質感跟真的是無分別，尤其魚旦簡直分不出，超掂😋;pizza 同干炒牛河都好好味，跟真的完全一樣味道同質感，下次恢復有自助餐時一定要去吃多次

約左朋友喺大角咀食飯😛就諗起呢間想試左好耐既素食！星期五晚飯時間7點幾到 等左20分鐘左右就有位了室內裝修好有feel 好適合幾個人傾下計🤣本身餐廳係做開自助餐 但因為疫情轉左做$85 五餸餐入門口就要買左飯票先既白飯湯糖水就任攞既😛而餸呢就出counter自己揀 員工再裝比你選擇都幾多嫁！我揀左：- pizza （大推！好食！👅）- 回鍋肉 （偏辣 食唔到辣既朋友要注意)- 乾炒牛河- 豆腐- 煎釀三寶 （比pizza遮左😛） 雖然唔係自助餐無得添 但份量都幾多！如果想後加/加多個餸就要比多$20另外飲品就有熱茶同雞骨草 我自己就加左$8要左支豆漿自助吧除左有飯仲有南瓜粥！但我太飽了所以無試到糖水係喳咋 質素都唔差👅——————————————————總結係 肉類口感同味道都同真肉好似差啲唔記得左係食緊素🤣整體都偏油膩同重味既 如果係想健康而食素既可能就未必岩你但如果係想食少啲肉又想體驗下素既話呢間味道都真係唔錯嫁～

一心想黎支持依間素食黃店咁早到走 餐廳接近無人我地三位 兩位到左 朋友對腳因為對鞋既關係流哂血 所以想坐低先 但餐廳都係堅持要人齊先入座咁好彩佢出面都有櫈俾朋友坐低先一入到去 都係見到黃店有既連儂牆其實食過尖沙咀既每日素食、係無肉食同素食分子既常客， 今日黎到走肉朋友 我覺得佢野食係比較有創意同高質既。不過，佢由自助餐轉左五餸，佢安排分配野食可能要統一啲。你睇下我地3個人個3碟既粉量，你就知架喇😂有個姐姐係好慷慨咁俾好多，而另外一位後生少少既會俾得少啲。例如我兩個朋友都有叫芋頭魚，我一個朋友得兩舊，我另一個朋友有三舊。前者要追問底下，個後生既姐姐先話：「正常係得兩舊架咋、咁頭先佢俾錯左，就俾番多舊你啦」。咁我地覺得都fair既，但你都睇到第三碟係多過第一、二碟😂好多！講番菜色：必試 菠菜皮卷、鎮江骨（油炸鬼愛好者必食、好脆！）、串燒（假炸大腸有啲太硬）但魚丸真係好似魚丸😂、口水雞！菜色我覺得係出色既、疫情過後我都必定會幫襯，雖然地點唔係好較腳，但係質素好似比其他素食自助餐出色。不過，係我地食左一個鐘（左右），我地糖水都未食，就有店員催我地交枱，問我地介唔介意讓枱出黎。其實早入去既人比我

走肉朋友早已在朋友口中久仰大名雖然沒有食素的習慣但經過大角嘴還是想試一次餐廳裝修好文青的感覺有點工業cafe feel的由於疫情關係自助餐取消了 改為$85 5送 套餐 白飯和湯是任食比較特格出色的鎮江骨：我估是用炸了豆品去煮 但感覺好似骨的 味道很好咖哩牛腩：牛腩口感很像真 好入味 但真係估唔到係咩招牌薯粉：喜歡四川口味一定要試煎釀三寶：香口冇粉味，但分唔到到底是不是魚肉了任食的：可以配紅米飯/南瓜粥是日老火湯是霸王花粟米紅蘿蔔湯原來冇加豬骨瘦肉都可以咁好味飲品 糖水 方面有 清熱涼茶同 蕃薯糖水但因為真係太飽 食唔到了$85 套餐真的不貴但我想好多人都未必可以食到咁多野建議推出幾個套餐 比大家選擇相信會更方便手足/學生🥰唯一要改善的是頭頂的風扇太大風 吹到好頭暈

口水雞味道同口感好似好好味乾炒牛河朋友話好食到想另外買走用冬瓜做既東玻肉入口即化魚蛋既味道同口感同真魚蛋幾乎無分別油炸鬼做既鎮江骨好得意其他炒蔬菜味道都好好值得加分嘅係仲有湯水飲品糖水而且白飯仲加左紅米定紫米最重要既係無味精坐得又舒服 CP值好高既素食黃店👍🏻👍🏻👍🏻😋😋😋

很少食素的。今次和太太一起入去。雖則是抗疫期，由自助餐變成套餐，份量超大。飯粥又任裝。煎釀三寶好好食。如果合埋眼食，會以為食緊肉。起初以為有YouTuber 介紹過會好多人排隊。但又唔係。會再來食的。

因為疫情嚴重，餐廳隔離生效。入到去自助晚餐變咗套餐，可以選5個餸。飯、粥和湯就自己拎。因為疫情關係，大家坐也要隔1.5米的距離。每抬客不能多過4人。老闆在我們身後面，不斷聽到佢地講點様放人入來..真的辛苦晒佢哋。味道：🤚🤚🤚🤚/5加油香港