走肉‧朋友 (已結業)

因為疫情影響左 無左自助餐模式 ，多左兩個服務員幫你夾餸，都幾好，平平地有個豐富架晚餐，保持水準，下次再幫襯最後，黃色告急，其實點解唔考慮 賣啲短期飯票之類，資金周轉唔會快啲咩

原來自助餐改變方式，食物極差，絕對不再光顧. 態度不好，就算是黃絲都不會幫襯。食物有冇改進，根本是劣質食物，不要說五十五元一位，就算三十元一位也不值。服務員態度也不好，好像唔憂做一樣，根本二十元一位也不應該光顧，他們有沒有檢討自己是否一間飲食店鋪。

💛💛💛黃店推介💛💛💛走肉朋友 係由三個香港人開嘅素食自助餐餐廳，最近因為社會運動同疫情關係，生意跌咗好多，所以今次我同家姐就尊登黎「懲罰」佢！因為我同家姐比較夜黎（9:00p.m.左右），所以食物都唔係淨返好多，但佢本身其實係有四十多種嘅素食任君選擇嘅，有pizza、素壽司、碗仔翅、沙律、生果、豆腐、炸嘢例如素春卷同炸饅頭等等。除咗食物之外，呢度嘅設計亦都十分特別，我其實係專程黎打卡嘅ＸＤ不論係店內店外，佢嘅設計都非常之有味道同特色，仲增添咗啲文青嘅氣息添～睇得出幾位老闆都十分有心思，由一張櫈到一眼燈係精心挑選。雖然九點先黎到食物冇咁多，但打卡位就多咗好多啦哈哈ＸＤ

星期日ge夜晚黎到,已經滿座啦,門口仲要超多人等緊位,所以最後決定買外賣因為受疫情影響,為左衛生,走肉朋友變左做半自助形式,減少食物受污染ge機會,有一樣野超like就係個外賣盒係紙盒黎,唔係發泡膠套餐可以揀五款餸,之後自己裝飯同湯,$85 only 先係門口收銀處比錢,之後店員就比個紙盒你去拎餸,去排隊話比店員知想要邊款餸,遞比佢裝夠五款就可以去裝飯啦本身走肉有鼓勵人帶盒祼買,可惜今次本身無預買外賣,淨係帶左袋無帶盒裝好就行得太肚餓是旦搵個位坐低就開始食,食到一半先記得影相同朋友一齊食就可以試多幾款餸啦,超好味!!

今次嚟到大角咀呢間主打食素嘅自助餐餐廳，素食嘅感覺總比人覺得淡而無味，但食完呢間之後令我呢食肉獸對素食有少少改觀。餐廳選擇多，而且水準在素食來說也算是出色！例如有一啲素食壽司🍣、卷餅、仲有關東煮、炸物等等，食物品質都算OK環境方便餐廳是走文清風格，但係通道就比較窄，出入有少少唔係好方便。但整體嚟講百幾蚊有得食自助餐都算係咁啦😬溫馨小提示💁🏻‍♀️餐廳絕無加一服務費，所以食完野記得自己執嘢啊。

7-2-2020走肉朋友🥗素食自助餐午餐 $68/位 *星期一至五 12:00-3:00pm-素食自助餐我地暫時食過每日、素街同無肉食 呢間我地一路都想試 不過係大角咀少去既地方 所以拖下拖到琴日終於食到啦😂要講到食物既款式就每日係最多既 但味道嚟講係我地試過幾間內就佢最好食-有D驚喜係個素口水雞同素蒸肉餅 唔止外表連食落個感覺都好似真既😂另外佢有四川薯粉揀 加埋拍青瓜夠麻再配素口水雞 絕對係好夾！炸物有炸蕃薯、紫薯同椒鹽豆腐配蛋黃醬或者千島醬係幾好味😋食得太多炸物可以試吓個疏菜卷夠Fresh🤣而個蒸水蛋係做到有D似瑤柱蒸水蛋既效果 用金菇代替瑤柱 蒸水蛋好滑送飯一流👍🏿再加埋佢有個炒椰菜 好有碟頭飯味道😂-我地食完第日就係某社交平台見佢話近日生日額下跌好多😢有可能捱唔住 呢間地點未必就腳但的確好好食 希望大家都可以去試下 難得有間好味又食齋既黃店！誠意推介！

香港有水準嘅素食店真係唔多，呢間我係覺得質素幾ok嘅。當然唔係話一食落口會嘩一聲嗰種，但味道不錯，而且價錢合理，環境都乾淨。雖然而家因為疫情由自助餐轉左做5餸，但飯湯糖水茶都任添任食，一定夠食有餘。提提大家記得食完要自己執返啲食具，以免增工作人員嘅負擔啦。

一個武漢肺炎令到唔少黃店叫苦連天，除咗打告急牌之外，我認為諗辦法自救更加重要，呢方面走肉 • 朋友就做得相當唔錯，佢哋好快就決定將自助餐變為自選餐，充分顯示出靈活變通，值得掌聲鼓勵👏👏。一直覺得呢度嘅素食自助餐係同類型食肆中質素最高嘅，除咗味道出色之外，食物款式仲充滿創意，不時令人有驚喜。而家晚餐做緊八十五蚊自選五餸，最受歡迎嘅口水雞同 pizza 依然保持水準，咖哩魚蛋啲蘿蔔非常入味好好食，芋頭魚啖啖芋泥最啱芋頭控，至於用油炸鬼造嘅鎮江骨味道極為像真，可惜口感略為偏硬。朋友揀嘅串燒，壽司同薯粉則屬正常水準。除咗主菜之外，呢度嘅白飯，粟米粥，湯水，蕃薯糖水，普洱茶同菊花茶全部任飲任食，絕對唔會驚唔夠飽。比較特別嘅係個龍脷葉枇杷葉煲雪梨湯，好足料，好好飲，據聞仲有抗疫清肺嘅作用，所以嗰晚我連啪咗三碗😆😆。食完出嚟，見到店外貼咗張恕不招待強國人嘅告示，倍覺放心又安心😌。

有見呢間食過一兩次覺得唔錯既素食小店告急 即刻去捧捧場☺️因為疫情/衛生問題 小店由自助餐形式 轉左做揀餸+半自助形式當日係晏晝去 價錢$55@5個餸 另外粟米粥、飯、糖水、湯自助任裝我揀左 口水雞、煎釀三寶、蒸肉餅、炒米粉同埋Wrap🌯一向都覺得走肉朋友做一啲扮肉嘅菜式都做得幾好 所以頭三樣都推介😋 而米粉同埋wrap自己本身就好鍾意食 所以覺得好ok!本身以為會唔夠飽 但係飲埋愛心抗疫湯💕同埋檸檬水 就覺得啱啱好！覺得可以改善嘅地方係 揀餸個度 因為有時望完d餸唔知係咩黎 就要問店員如果有提供埋餸菜名嘅牌 就最好喇😛

大角咀呢一間素食自助餐一直都book mark左好耐都未有機會食，得悉佢都係同路人，終於的起心肝去啦。💛·以前成日有個錯覺就係素食一定係嗰啲甜酸齋。但呢間新派素食就擺到明係年青人嘅路線：除咗裝修風格好文青之外，提供嘅食物種類都好年輕化，好易入口😛·嗰度有成30幾款嘢食，我就攞咗3 round，大食嘅人真係抵到爛啦🥳🤰🏻。·值得推介嘅係佢哋嘅壽司、墨西哥卷、炸菌菇、炸饅頭、口水酥雞、咕嚕肉、西檸雞、手拍青瓜、涼拌紅薯粉、Brownie等等，全部都出乎意料地同肉冇分別，完全唔覺得食緊素😆！仲要師傅嘅刀工好厲害，切得好幼細；馬勒野條配得好好味，值得一讚🙌🏻·其餘仲有一啲食飽肚嘅飯麵、涼粉、咖喱、自選沙律、關東煮可以一試😎·嘢飲方面就推介佢哋嘅少糖涼茶，飲落好健康🤩💛-素食自助餐｜$125（ 星期五六+$25）-走肉‧朋友 (大角咀)大角咀博文街28-30號地舖-

#支持良心餐廳🔔告急黃店必須支持午市五餸飯 $55好耐以前嚟食過一次 最近見到佢告急即刻再去幫襯！依家自助餐係高危 所以餐廳轉左做客人揀餸佢地匹嘅方式🥰其實我覺得呢間素食店食物質素係唔錯架🙌🏻第一推介嘅係佢嘅沙律wrap 雖然冇我以前食嗰次咁好食 但都唔錯 佢個皮係薄少少 唔知點解食食吓會覺得有少少牛油香味 雖然係薄啲嘅皮但又絕對唔係咬落好梅嗰隻 仲會保留到少少咬口 個卷睇落好似好乾咁 但其實佢入面沙律菜有少量沙律醬嘅 所以啱晒我呢啲唔好沙律醬嘅人😀 如果覺得乾嘅話佢哋都有沙律醬提供 可以因應自己鍾意去加🙌🏻底層仲有素肉餅😂 幾正呀我覺得像真度都OK高 實際落咗啲咩我唔係好知但係食到幾香豆味 有豆腐 蓮藕同少少菇咁 佢個調味係偏咸啲 所以撈飯食一流 但果次去食已經夠飽所以都冇攞飯lu 🙌🏻葡汁素雞？其實我唔知葡汁嗰個係扮緊肉😂但係係豆卜黎 索哂啲汁好鬼惹味😂豆角我覺得係Ok架 個姐姐好好匹海量比我 但食食下會有啲za 所以再揀就未必會揀佢最後飲品同番薯糖水都可以任拎番薯糖水都算薑味幾濃 但可惜係啲🍠都煲溶哂咁濟 無得大啖大啖咬 （圖嗰啲大大舊係薑泥）有機會大家都去支持下啦～🙌🏻🙌🏻唔堂

💛想起疫情爆發前既好友聚餐😢·素食自助餐第一次食.有朋友好擔心食唔慣因為佢腦海中素食=齋雞粒🤣😙😙價錢抵食（成人$125）有30-40款食物任君選擇🍕🍟🌯🥗🍢🍜🍲🥘·食物味道有好有唔好.不過不失👅最好食係涼拌薯粉👅帶點麻辣刺激味蕾🌶大家出關後可以試試啊☺️·📍走肉.朋友大角咀博文街28-30號地鋪

茶記價錢$68 buffet lunch， 唔會係食啲咩fancy 野，但種類多，菊花茶好飲，肉餅好食，多菜少肉食得健康啲，有湯有糖水，洗手間又乾淨，絕對係一個好選擇！！

在大陸人仍然吃緊野味，卒之搞出個武漢sars，仲輸出到成個世界之際。香港人梗係去食下齋，既文明又健康，仲可以積下陰德。這天揀了走肉朋友做yellow challenge,位於大角咀，位置都幾隱閉，舖面的裝飾頗為清新及有格調。由於晚市常有客人在外等位，所以亦貼心地放置了椅子。午市都有好多客，當中有家庭主婦，白領，甚至學生。可能空間有限，位置亦頗為擠逼，即使我巳經避開了peak hour,13：30才入座，仍然要搭枱，座位細細的，不算舒服。咁睇下食物先，選擇係有，但唔算多，食物有特色，味道見仁見智，但自助餐最好的地方，就是有選擇，喜歡吃的便食多D，不喜歡便不吃，完全沒有問題。以下介紹我認為好吃的：素壽司味道豐富，好味炸豆腐及天婦羅番薯好香脆，炸漿薄，没有多餘調味，簡簡單單素口水雞，非常神似，有特色炒脆肉瓜，不太油膩，調味充足芋頭炒飯，充饑一流，好過食單調的白飯煎釀三寶，走肉朋友signature dish，無魚肉，但同普通出面賣的有八成相似，都非常好味芋頭扣肉，芋頭用南乳炆蒸，又稔又軟又香，精彩在於閉着眼吃素扣肉，以為自己在吃真豬肉雞骨草茶，解渴解毒解膩，微甜，不像在飲涼茶。午市埋單68蚊

今日跟咗一位食素嘅朋友嚟到大角咀搵食，平時我都係無肉不歡嘅食肉獸，但係我朋友話不會令我失望，帶咗我嚟試呢間素食自助餐，開頭我仲會驚我自己唔夠飽，但係眼見咁多嘢食就知道我一定會飽到撐着肚皮咁走。雖然食物嘅種類唔係好特別，但係勝在都唔係剩係得菜食，口感都唔錯，但坦白說我都係比較中意食肉。😅