超羣麵包西餅 (金寶樓)

營業中

休息中

超群出左焙茶系列!!! 不嬲都係超群FANS既我....見到佢有焙茶芝士蛋糕急不及待去買左!!!我今次買左焙茶芝士蛋糕➕紐西蘭芝士蛋糕!!買2個開心SHARE比屋企人食!!!! 其實一個都唔算好細, 30蚊個都唔算太貴! 而紐西蘭芝士蛋糕就$25個, 2個就$45蚊! 好抵食!2個蛋糕相比下, 焙茶芝士蛋糕味道不錯! 佢又唔會甜!入口鬆軟! 而佢都幾香焙茶味! 但佢既質地就冇紐西蘭芝士蛋糕咁滑...紐西蘭芝士蛋糕佢既食落既感覺係入口即溶! 勁香芝士味!各有各既好食! 可以一試! 

行完花墟，見到一間麵包店排晒長龍。麵包店裝修普普通通，但見到宣傳紙有啊華田珍珠塔，未食過嘅我就好想試吓，即刻買咗個。阿華田珍珠塔阿華田珍珠塔新鮮出爐，就買咗。呢個珍珠塔，只有牛油皮冇so 皮。咬落香口，阿華田味比較淡，比蛋漿嘅味道掩蓋了，中間阿華田蛋漿軟身。食頭兩口,覺得有小小阿華田味，但不算特別。食食吓，食到有黑珍珠，幾驚喜。黑珍珠有咬口，係軟身嘅蛋撻中配上煙銀嘅珍珠，有創意。阿華田芝士蛋糕呢個都係排長龍，熱賣產品。呢個阿華田芝士蛋糕，一打開就聞到好濃郁嘅阿華田味。細細歌，價錢都相當貼地，仲有買兩個更加平。切開黎食，蛋糕質地鬆軟，似海棉蛋糕，阿華田味道重，有少少芝士味，食完唔會太full。

這家位於旺角花墟的超羣麵包店在網上的風評不錯，今次特意繞過來吃吃看這家麵包店旁有一個小小的地方是整雞蛋仔的，但要注意他們家是下午三點才開始販售喔!有許多客人也有買他們家的麵包，看起來與其他麵包店沒有太大分別現整個蛋塔好香好誘人但這個期間限定的阿華田口味更讓人很心動為了留空間給雞蛋仔忍住沒有買其他東西，雞蛋仔要先去櫃台付錢點餐喔!等了大約8分鐘叫號領取 包裝袋很厚不會像一般紙袋軟軟爛爛的不好拿熱辣辣的雞蛋仔飄出陣陣奶香 但一咬下去瞬間失望 雞蛋仔外皮是硬不是脆 內層不Q只有鬆軟的口感 味道奶香味蓋過了淡香 甜度也偏低 個人不是很愛 這樣的味道一底要賣17蚊個人不喜歡不會再光顧 不過店員的服務態度是值得大大讚許的 客氣又有朝氣 或許下次試試看麵包會有不一樣的感想

恰巧係附近食野就行左去買個一試 話晒都係阿華田小粉絲😻 去到太子依間分店 大約2點 勁多大福 有啲擺左係近門口 有啲擺左係入啲麵包個邊~ 所以都吾洗驚會無得賣 但我就KEEP住到夜晚先食 但都OK喎 吾知同即食有無分別呢-阿華田大福 $8黑蚊蚊既外表👀 真係吾太討好既😂 入面好液體feel 都幾似融左既阿華田雪糕 仲有啲朱古力粒粒係入面 如果係脆脆會更好😅 外皮勁煙韌👍 又吾會過厚 依種我覺得剛剛好大福愛好者都可以try try😏 但如果係阿華田控就麻麻啦 因為我覺得有啲過甜🙈 對比之下覺得上次伯爵茶正啲😛

年近歲晚, 唔想下星期同人逼, 所以今日就去太子花墟買定蘭花過年!!!等緊盤蘭花期間, 行經超羣, 記起呢排新出左阿華田系列嘅產品, 一於去買黎試試先阿華田大福($8): 未買前對佢好有期望, 但令我最失望。皮太淋, 完全唔煙韌, 個餡有少少阿華田味, 但太甜呢。阿華田蛋撻($9): 新鮮熱辣出爐, 記得上網睇過介紹話普通。食落蛋餡阿華田味唔算濃, 口感都滑溜, 珍珠煙韌, 但同個撻唔係好夾。反而撻皮有啲驚喜, 牛油味濃而且鬆化好食。可惜普通蛋撻啱啱賣哂要等20分鐘。阿華田芝士蛋糕($30): 啱啱買返屋企, 忍唔住食左件, 坦白講有啲失望, 有少少酸味, 阿華田味好微小。之後放左雪櫃, 雪左一陣, 再試, 估唔到好食左, 阿華田味濃啲。仲買左柚子戚風($20), 我覺得佢係我買甘多樣嘢最好味, 蛋糕鬆軟, 有淡淡嘅柚子味而且仲食到柚子皮見到日式芝士蛋糕$45有2個都幾抵同埋有紫薯戚風, 下次試試先。

超羣又出冬日阿華田系列，最近不斷推不同口味既大福、蛋撻🙄但越出就越古怪😰繼之前出咗紫薯、伯爵茶，之後又出咗阿華田口味。呢個阿華田口味，無論係大福定係蛋撻，其實都食唔到有阿華田味，阿華田大福$8相對好食啲因為都較為軟熟，當食糯米糍。但阿華田蛋撻$9就真係食普通蛋撻好過，仲要入面有珍珠真係好奇怪仲要係唔夾😰🙈做咩事姐扮飲珍珠奶茶咩😬😕下次都係唔好亂咁試新野😖.最好味係紫薯系列🍠😢當然說到蛋撻 我還是力挺傳統的牛油皮蛋撻👍🏻.太子超羣餅店

之前既紫薯大福好搶手成日經過都話賣哂算啦 註定我地有緣無份😟不過呢期既伯爵茶大福終於俾我食到喇作為茶控既我 一見到梗係9秒9買起佢啦😆攞上手都幾墜手外表係淺啡色 十足十倉鼠仔咁😛聞落有清香既茶味一咬開 伯爵茶味出哂黎非常之清香😗個糯米皮好煙韌仲要加埋啲茶葉粒食落兩種口感整體黎講好fresh既感覺一啲都唔漏食完有想再食既衝動😋

對上的紫薯系列令我對超帬的伯爵茶系列十分感興趣。伯爵茶吉士大福-又是等熱潮退了才買到，8蚊挺大一個，皮厚，內餡陣陣嘉應子味和伯爵茶味，吃下很奇怪，吃一半就掉了。黃金蛋糕--挺大一個，顏色烤得漂亮，鬆軟，有蛋味，不過吃了幾次，總有一塊像吃了雞蛋殼似的。

【即叫即整】因為會成日行太子花墟，所以會經過超尼間新鮮出爐的面包好香，好吸引啊！！原本只想食雞蛋仔，但諗到要排隊，所以買左牛油皮的蛋撻頂住自。好滑，而且熱騰騰！等緊雞蛋仔的時候，最鐘意企系尼個櫥窗位睇住人整。到手啦！真係新鮮滾熱La~~~

原本係為紫薯芝士蛋糕而來，因為Promotion就完, 只淨得呢款, 一場黎到就抱一試無妨既心態, 試試看~!是日點餐：  紫薯戚風蛋糕  紫薯味頗濃，足料, 係紫薯肉blend出黎，所以好moist, 唔乾甜度適中，夠鬆軟~~   番食指數：＊＊＊＊

紫薯蛋撻$9好肚餓好肚餓好肚餓，經過麵包店就買左件紫薯蛋撻食（因為夠飽肚😂）。呢個蛋撻好特別，我以為佢同平時既蛋撻一樣，淨係面層多左紫薯粉，原來唔係。佢蛋撻面層灑左一個好似閃電既紫薯粉，咬落去撻底是牛油皮，薄身同埋鬆化，同埋黃色蛋漿裡面夾着香濃幼滑既紫薯蓉，仲有紫薯粒，有口感，紫薯跟蛋的味道好分明，味道唔假亦唔會太甜，唔錯唔錯👍🏻👍🏻👍🏻

原本諗住去買新出果種芝士蛋糕點知佢話無貨 ok 咁咪問佢係咪賣完囉呢日會唔會再有 嗰丫姐就黑我面 姐：無貨就無貨喇 會有咩原因(心諗洗唔洗咁串)我：咁幾點會再有姐：等下喇 有咪有無咪無我：大約咩時間會再有姐：我點知咪時間會有 我：……果時又無人 洗唔洗咁😠野食ok都無用 過黎買件蛋糕都要受你氣

呢間芳叔位於花墟，每次行花墟如口痕都會睇下佢有乜新嘢出，由之前嘅kit kat蛋撻，紅豆綠茶蛋撻，牛乳蛋撻，以至今次嘅紫薯蛋撻，芳叔都係將佢嘅創意同蛋撻結合。今次佢嘅新嘢就加埋大福，我就去試下啦～佢紫色嘅外形係幾吸引嘅，紫色粉嘅味道不太強，紫薯餡沒有我預期嘅死甜，而係更接近天然紫薯嘅甜味，加上紫薯粗粒，係唔錯嘅。喜好糯米糍mochi之類嘅朋友，可以一試

麻薯表面撒上一層紫薯粉，黏得牢固，不像椰絲般總是吃得亂撒。紫薯比例比我想像中多，有紫薯粒，沒有死甜。麻薯皮亦沒有像一般大福般軟趴趴，但亦略嫌不夠煙韌，。整個麻糬紫薯味道足夠。比起麻糬，紫薯tart更好吃

第一次去，其實係係花虛最前個位，由太子地鐵站B1出口向後直行過幾條馬路就到😆講番啲嘢食 入面有好多選擇，有各種面包、曲奇、蛋撻仲有雞蛋仔💟 我今日試咗限定的紫薯撻同紫薯大福😍味道幾好，當然有紫薯味😂 但我鍾意食甜，所以再甜啲會仲好味。