影片
更多
2017-01-15
600 瀏覽
年近歲晚, 唔想下星期同人逼, 所以今日就去太子花墟買定蘭花過年!!!等緊盤蘭花期間, 行經超羣, 記起呢排新出左阿華田系列嘅產品, 一於去買黎試試先阿華田大福($8): 未買前對佢好有期望, 但令我最失望。皮太淋, 完全唔煙韌, 個餡有少少阿華田味, 但太甜呢。阿華田蛋撻($9): 新鮮熱辣出爐, 記得上網睇過介紹話普通。食落蛋餡阿華田味唔算濃, 口感都滑溜, 珍珠煙韌, 但同個撻唔係好夾。反而撻皮有啲驚喜, 牛油味濃而且鬆化好食。可惜普通蛋撻啱啱賣哂要等20分鐘。阿華田芝士蛋糕($30): 啱啱買返屋企, 忍唔住食左件, 坦白講有啲失望, 有少少酸味, 阿華田味好微小。之後放左雪櫃, 雪左一陣, 再試, 估唔到好食左, 阿華田味濃啲。仲買左柚子戚風($20), 我覺得佢係我買甘多樣嘢最好味, 蛋糕鬆軟, 有淡淡嘅柚子味而且仲食到柚子皮見到日式芝士蛋糕$45有2個都幾抵同埋有紫薯戚風, 下次試試先。
等緊盤蘭花期間, 行經超羣, 記起呢排新出左阿華田系列嘅產品, 一於去買黎試試先
阿華田大福($8): 未買前對佢好有期望, 但令我最失望。皮太淋, 完全唔煙韌, 個餡有少少阿華田味, 但太甜呢。
阿華田蛋撻($9): 新鮮熱辣出爐, 記得上網睇過介紹話普通。食落蛋餡阿華田味唔算濃, 口感都滑溜, 珍珠煙韌, 但同個撻唔係好夾。反而撻皮有啲驚喜, 牛油味濃而且鬆化好食。可惜普通蛋撻啱啱賣哂要等20分鐘。
阿華田芝士蛋糕($30): 啱啱買返屋企, 忍唔住食左件, 坦白講有啲失望, 有少少酸味, 阿華田味好微小。之後放左雪櫃, 雪左一陣, 再試, 估唔到好食左, 阿華田味濃啲。仲買左柚子戚風($20), 我覺得佢係我買甘多樣嘢最好味, 蛋糕鬆軟, 有淡淡嘅柚子味而且仲食到柚子皮
見到日式芝士蛋糕$45有2個都幾抵同埋有紫薯戚風, 下次試試先。
張貼
