越一越南牛肉粉專門店

營業中

休息中

有堂食亦都試過外賣！堂食下午茶時間長期有自助瓜果！無需另外付款 會有酸蘿蔔青瓜，西瓜蘋果橙等等隨機。喺其他分店嘅特別之處。唯一缺點係外賣份量，比起堂食細份很多。鹹檸七去落超級多糖漿

推介指數 Recommendation Level : 🔥🔥🔥近年香港商場內的食肆，大部分都是以連鎖店為主，千篇一律毫無特色，難怪未能吸引外區的客人。不過，有時候一些舊區內，亦隱藏着一些非由大集團經營的小店，除了更具人情味，食物的品質有時亦會給人驚喜。就像這間越南小店，客人主要是附近的街坊，所以價錢十分親民，還附設自助區，提供免費的醃菜及水果。雖然如此，但食物的質素亦不會馬虎，而且還有多款選擇，性價比絕對十分高。In recent years, most of the eateries in Hong Kong shopping malls are dominated by chain stores, lacking uniqueness and failing to attract customers from other areas. However, hidden in some older districts are small shops not operated by large corporations. These small shops are not only mo

Lunch行過呢間越南餐廳，決定試下佢😉雞絲扎肉湯河$55真係超大碗，勁多河粉勁多雞絲🫨🫨🫨食極都食唔晒🤗🤗呢個價錢超抵食！味道都正常、不錯👍咖喱牛腩飯$62個咖喱椰奶味比較重，幾岩我口味，仲會附送一碗例湯。另外加左$16要左半份越南春卷，春卷口感豐富、熱辣辣炸起，脆卜卜👍👍最特別係呢間餐廳有得自助拎水果同前菜，任拎任食🫨🫨🫨天氣熱，大家都拎左好多西瓜食🤣🤣午餐咁既價錢仲有得任食水果，真係性價比好高👍👍👍

越一係一間位於黃大仙一間既越南菜食府, 位於黃大仙既關係, 食物既價錢都比較親民, 而且份量都幾大! 今次最鐘意食又最好味既一定係法式扎肉麵包, 值得ENCORE熱熱的天氣, 一坐底即刻叫左杯椰汁紅豆冰, 味道清新, 重甜, 唔鐘意太甜既朋友可以點少甜咖哩牛腩飯套餐, 除飯食外,更有例湯同小食可以揀, 牛腩多過薯仔, 而咖哩汁亦都係非常之有誠意, 撈飯食一流. 亦都有湯水跟埋, 非常健康而且老火湯味道同湯料都好好味牛油蒜蓉雞翼, 炸皮香脆, 而肉質香嫩, 加埋蒜香口感極佳法式扎肉麵包, 麵包厚但不會太硬, 加埋托肉同埋越式香料, 食完一啖又一啖, 原本係同朋友SHARE的, 但自己都食得哂咁好味!!

行開黃大仙，朋友話好想食越南野,第一時間諗起越一，地方闊落，乾淨，店員安排左卡位比我地，坐得好舒服,我地叫左個2人餐,超豐富,有越式牛油軟殼蟹,牛坑腩檬粉,生牛肉金邊粉,越式酸辣鳳爪,上湯蘿蔔,熱柚子,椰汁三色冰,另叫左炸蝦餅,鮮蝦米紙卷,仲有個自助區,任食醃酸蘿蔔,酸菜,西瓜,車厘茄,真係超級抵!越式牛油軟殼蟹，份量好大，粉漿好薄，炸到外層酥脆，内軟，蟹肉都好香，加上香氣四溢既牛油，超級惹味.牛坑腩檬粉，湯底濃郁鮮甜，唔油，牛坑腩肉連筋膜，好腍，檬粉好滑，好掛湯,好食.生牛肉金邊粉，湯底用牛骨去淆，正.牛肉份量都好多，薄切，入口嫩滑，金邊粉爽滑，好好味必叫酸辣鳳爪，鳳爪大只多肉，爽脆彈牙，夠曬入味，酸酸辣辣，好醒胃。好味.炸蝦餅，炸得好香脆，香口，唔油膩，食落又有蝦味，點埋泰式辣醬。更加惹味鮮蝦米紙卷，米紙卷煙韌，充滿米香，包住新鮮爽口大蝦，青瓜絲，粉絲好清新，好fresh,好食!上湯蘿蔔，蘿蔔好清甜，無渣，好食.椰汁三色冰，椰汁味濃郁，腿衣绿豆同红豆軟淋，三色珍多粉條增加口感，清甜解渴。正2人餐真心好抵，樣樣份量超大，又好食，大滿足

今日去到黃大仙買嘢，經過呢間餐廳，見到都幾多人幫襯，見到係我鍾意嘅越南菜，即刻入黎試下我地叫左1️⃣鮮蝦米紙卷💰48米紙卷外皮好煙靭，裏面包咗大量嘅蔬菜，仲有鮮蝦，點埋撈檬嘅汁一齊食，好清爽，夏天食最啱。2️⃣生牛肉拼牛腩片湯河粉💰55湯河湯底好好味，好清甜，加上青檸汁🍋‍🟩同埋辣椒🌶️粒更加好味，牛肉片好粉嫩，入口軟稔，牛腩片夠軟熟，牛味香濃，果然好味🤤3️⃣生牛肉湯河粉💰52呢個同牛肉牛腩片湯河一樣都咁高質，本身想試撈檬，可惜賣曬，下次再黎試下😻4️⃣小食拼盤💰128小食拼盤好高質，個春卷炸到好脆，餡料豐富好食😋，雞翼入味，豬扒都好好食，仲有蝦餅都好彈牙，我地全部食曬5️⃣椰青💰36椰青好新鮮，好鮮甜，一定要叫❤️❤️❤️6️⃣凍鹹檸梳打💰18凍鹹檸梳打好好飲，鹹檸檬好味道，醃得好好，加埋梳打水，夠氣夠好飲，出色👍消費價錢：2人💰337，人均💰168.5結論：（10分為滿分）味道：8.5/10性價比：8.5/10回頭指數：8.5/10餐廳名稱：越一越南牛肉粉專門店 (黃大仙)餐廳地址：黃大仙鳳凰新村環鳳街12號地舖#越一越南牛肉粉專門店 #黃大仙美食 #黃大仙 #越南菜 #越南河粉 #牛肉河粉 #香港生活 #香港

📍 越一越南牛肉粉專門店 Pho 1🌍黃大仙鳳凰新村環鳳街12號地舖 G/F, 12 Wan Fung Street, Fung Wong Sun Chuen, Wong Tai Sin📝整體評分：８／10⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝⸝開業8週年，免費提供水果任食，refill會換款，有西瓜、橙、車厘茄，自助任食。大件夾抵食良心食店，次次黎食都捧腹走▸紅河炸蝦餅 ◂＄５６✿ 極力推介，暫時食過最好食嘅炸蝦餅！！！✿ 外皮如魚餅般煙韌、口感如墨魚餅扎實彈牙、加左馬蹄勁鮮甜又有肉汁！！▸ 柚子鮮蝦沙律◂＄５８✿ 甜中帶點甘澀嘅柚子配料紫洋蔥同花生，甜蜜微辣醬汁與柚子清爽，開胃~▸扎肉蒸粉包 ◂＄４５✿ 煙韌薄皮包裹住木耳、甘筍、肉碎，晶瑩剔透，味道清爽而不膩。呢到湯麵一碗夠２個人食到飽飽，我地地盤工人嘅食量都食唔哂成碗！▸蟹肉蕃茄湯檬 ◂＄６５✿ 鮮蝦、蟹肉、蟹肉丸、肉碎、豆卜，湯底勁濃稠又鮮味~▸生牛肉牛腩湯河 ◂＄５５✿ 牛肉湯河的靈魂，湯底將灼熟生牛肉，令生牛肉的肉汁滲入湯中，加重牛湯的香味，味道超濃厚。

'香茅雞翼越南金邊粉 -湯底夠濃!岩曬我呢D重口味~金邊粉唔絛過熟，都仲有咬口， 香茅雞翼多汁又夠脆。下次唔知食咩都可以盲選呢間📍越一越南牛肉粉專門店 (黃大仙) 黃大仙鳳凰新村環鳳街12號地舖 港鐵黃大仙站A出口步行約8分鐘

諗咗好耐啲嘢食都好 後尾諗諗吓最近成日食飯 不如食吓粉麵 試吓其他嘢 OpenRice見到有一間食越南河 就係呢間越一越南牛肉粉專門店 一入到去周圍擺設都乾淨企理 叫咗個香茅雞翼越南金邊粉香茅雞翼越南金邊粉 - 金邊粉爽口彈牙 湯底濃郁可口 才料十足 香茅雞翼咬落去好Juicy 非常香脆可口 勁想外賣返屋企😝😝😝真心推介🌕🌕🌕🌕🌖

呢間越南餐廳真係超多嘢食，揀食咩都揀咗好耐。最後點咗兩個套餐再加啲小食。～～～～～～～～～～～～～～～～～～～～🥓燒豬頸肉米紙卷$48豬頸肉煎到好香，肥瘦適中，米紙晶瑩剔透口感煙韌，包住一堆蔬菜，食落口感非常豐富。🥗柚子鮮蝦沙律$58啲蝦同柚子都好新鮮，酸酸甜甜食落好開胃。🥪燒雞肉包$48呢個包係即點即烘，所以需時15至20分鐘。不過都值得等待⌛️。包皮烘到好脆，雞肉煎到勁香，中間仲夾雜着啲肉醬，口感層次非常豐富。～～～～～～～～～～～～～～～～～～～～🍜一人湯粉餐雞絲檬粉（加牛丸另+$15） $88套餐包一個小食同埋嘢飲。雞絲同河粉的份量都幾多，河粉幼身，口感煙韌嫩滑。🥒套餐小食：青木瓜牛肉沙律（半份）超鍾意呢個沙律，青瓜同埋木瓜絲切到好幼細，味道酸酸甜甜勁開胃🤤，而且份量都幾多，再加埋新鮮嘅燒牛肉，燒到好香好惹味。～～～～～～～～～～～～～～～～～～～～🍛一人米飯餐海南雞飯$88有油飯同白飯揀，雞肉口感嫩滑，點埋醬汁更加好食😋。🍤套餐小食：炸蝦餅（半份）蝦餅都幾大塊，切成兩塊，入口彈牙又唔會太硬。～～～～～～～～～～～～～～～～～～～～📝整體而言：真係幾抵食嘅越菜餐廳，好多餐廳都有收

行過路過咁啱又肚餓，就入左‘’越一‘’食晚飯。 入到嚟都差不多坐滿晒人，再聽到事頭婆同啲客好親切咁傾計，就知係做熟客多，街坊生意👍 前菜自己任夾，仲有生果添，真係想得周到😍 豬頸肉青木瓜沙律 $58豬頸肉肥瘦適中，燒得好惹味，配青木瓜沙律味道清新，就最夾啦～ 酸辣無骨鳳爪 $56天氣熱，食個涼拌小菜最開胃，鳳爪酸酸辣辣，爽中帶甜，醒胃👍 椒鹽軟殼蟹 $98椒鹽炒什麼都好味，尤其是軟殼蟹，無骨，啖啖肉。細細隻得嚟又有膏，真係好好味😋😋😋 火車頭湯金邊粉 $72越南粉識食就一定會叫火車頭湯粉因為火車頭嘅湯底超甜，用牛骨，牛肉和多種香料熬制成，配以牛丸，牛肉，牛腩同牛柏葉，非常豐富😍加啲青檸，辣椒令味道更提升😋 椰青 $36食左椒鹽軟殼蟹飲返個椰青，簡直是一樂也😅 椰汁綠豆冰 $18椰汁綠豆冰都係清熱之選呢👍 價錢已經好實惠，仲要全日免收加一，真的好抵食👏👏👏

越一餐廳位於黃大仙，價錢不貴，正宗的越菜味道，店不算大但係食物價錢都在$100樓下, 即使多人來吃都不會太貴的選擇首先是生牛肉牛丸湯河，牛肉鮮嫩，生牛肉既口感特別滑，加埋D香料一齊食冇得頂，牛丸彈牙，湯河滑溜，一口下去充滿滿足感。其次是酸辣鳳爪，鳳爪入口即化，酸辣的調味帶來刺激口感，令人回味無窮。接著是香矛牛肉米紙卷，香矛牛肉鮮香多汁，搭配脆生菜和軟綿綿的米紙，一口咬下層次豐富的口感令人驚艷。最後是椰青，新鮮的椰青水清涼解渴，口感順滑，完美的結束。

今日去鑽石山龍蟠苑探姑媽，佢就帶我去左對面鳳德邨搵野食，姑媽介紹左佢果邊一間抵食越南野，雖然屈左入內街，但係正馬會隔離，所以好易搵我地叫左兩份餐加小食拼盤，飽到捧住個肚走😂一人湯粉餐牛坑腩片金邊粉（轉茄湯）+酸辣鳳爪（半份）蕃茄湯底非常濃郁，每一啖牛坑腩片同金邊粉都掛滿湯汁，加上九層塔🌿洋蔥🧅等配料，味道有唔到層次，另外牛坑腩好軟腍，配塔無骨爽口嘅酸辣雞腳唔錯唔錯一人撈檬餐香茅牛肉撈檬+扎肉蒸粉包（2件）檬粉大大兜，鋪滿青瓜絲🥒蘿蔔絲，而牛肉片都有唔少，加埋檬粉汁一齊撈埋，味道惹味，而肉片爽滑，只係檬粉汁唔夠辣🫣而蒸粉包一啖食落口，所有食材係口入面，口感好豐富😂小食拼盤估唔到咁大份，我估應該係四人份😂😂有春卷、炸蝦餅、香茅豬扒同香茅雞翼，春卷香脆，而蝦餅、豬扒同雞翼保持軟腍，少少肉汁椰汁紅豆冰椰汁三色冰兩杯飲品椰汁味重，唔好太甜，消膩解渴

今日同阿媽去黃大仙還神順便喺附近搵嘢食，上網搜尋呢間食越南粉好似幾好就過嚟試吓！我哋11點幾嚟到應該啱啱開門，都好多位，座位亦都寬闊。不過當我哋食完走嘅時候就好多學生哥了，所以如果你真係要避開午飯時間好啲！首先想讚一讚裏面嘅員工非常之有禮貌同積極，人手可能不多，但係都很快手！我就叫咗個綜合牛肉湯河，牛肉清湯鮮甜，也有牛味味，一碗有晒牛腩牛肉片牛丸，滿足晒不同口感。牛味的確濃郁不錯。阿媽就叫咗碗三寶湯金邊粉，其實兩碗湯底都係一樣，只係配料不同。呢款就有香茅雞翼豬扒同埋扎肉。其實都非常豐富。好香口。跟餐仲可以加錢叫埋酸辣粉鳳爪同米子卷。份量都不少。都只係+20至$30，酸酸辣辣都幾開胃！跟餐亦都可以配埋嘢飲，我就揀咗椰汁三色冰。飲埋呢杯嘢先叫食咗真正嘅越南餐整體嚟講同其他人介紹嘅一樣，不錯，抵食！

朋友屋企附近打算要食晚餐，見到這間越南菜館，就入去試試。有提供很多套餐，單人和幾人的都有，但是套餐通常都會有粉麵飯，當天朋友不想吃澱粉質，所以散叫。叫了海南雞，柚子鮮蝦沙律和小食拼盤。所有食物上枱都覺得很對板，份量大，擺盤也好看，味道也不錯。海南雞叫了半隻，佢會每人給一份海南雞醬料，我覺得這個很方便大家。這裏的雞很大，半隻也很多。小食拼盤上枱有豬扒春卷雞翼和蝦餅，基本上有齊我喜歡的越南小吃。大蝦柚子沙律，跟平時泰式的有少少分別，不會像泰式柚子沙律咁辣，比較溫和，不過我不喜歡太多洋蔥，因為不喜歡吃生洋蔥。相信這家越南菜館主要都是街坊客人為主，價錢都比較實惠。餐廳光猛，桌子夠大，坐得舒服。飲品價錢跟茶餐廳差不多