越北牛肉粉專門店 (已結業)

行行下街又到晚飯時間，唔想等位就黎到越北食嘢。 試左A+B+C 套餐，一個主食加一個小食加飲品，性價比算唔錯。越南菜必食既生牛肉粉，味道ok，蘿蔔入味。 配既蝦餅都正常，冇特別驚喜。另外叫左雞扒撈濛，雞扒煎得都香口，但醬汁味道偏淡，酸啲就更好。 薄荷青檸梳打好好飲，酸酸甜甜，夏天飲一流。

路過又見到唔多人排隊，就試一試呢間越式粉麵。我叫咗一個一人套餐，主食係牛肉牛腩牛丸粉。湯底唔錯，越式風味又唔太咸，我鍾意佢辣椒同青檸另上。牛肉片全熟，有啲鞋。牛腩片更加鞋，咬唔開。牛丸就好食，夠肉汁又彈牙，如果可以大粒啲就更加好。海蜇好爽甜，配汁酸酸甜甜好開胃。啲配菜就好大草青味，我自己唔鍾意。薄荷青檸梳打薄荷味唔重，梳打偏甜，配青檸好清新。我一向好鍾意食湯粉麵，就算夏天都忍唔住口。今次配菜好適合夏天配湯粉食，下次再黎會試埋檬粉米紙卷😋

有朋友話荃灣如心分店下午茶份量夠又好食，於是今日黎試下個下午茶生牛肉河，點不知份量好少食完唔飽，個味道係好食嘅，湯底亦都好香，不過河粉好碎，份量已經少，碎到要用匙羹先食到，而且一夾就斷開可以優惠價追加小食，不過我冇試啦唔明點解咁多人都話下午茶份量夠，連我個細食嘅同事都話食完好似冇食過咁，咁代表唔可以每日都保持住水準下次如果唔太肚餓可以食嘅，但要預咗唔夠飽囉

其實我嚟咗呢一度好多次，唔知點解今次買外賣，嗰啲撈夢汁喊到飛起😅 唔知係咪改咗供應商，不過記得試吓味首先好倒落去😂啲雞扒同粉就無變嘅，不過我都同佢哋反映咗，希望佢地會考慮吓變返之前咁

越北嘅生牛河河粉係每次黎都必定會order嘅項目。牛肉質感一般不算差，湯底味道唔錯。足料方面完好咯。價錢算係中規中矩。鹹檸汽水🥤推薦。Besides, the Rice paper roll was nice. A fine recommendation. Lemongrass chicken steak with cold rice vermicelli is another good choice for people who is seeking a dry dish.

今日(13-3-2021 Sat)晏晝,同老公嚟攞口罩但冇晒,咁食個晏啦,原本想食牛摩,但唔太吸引就唔食,改嚟呢間,我哋要咗兩個餐同一個小食:1. 加$8.00嘅凍香茅蘆薈蜜喺好奇同戰戰兢兢之下要呢個,因為覺得用香茅做飲品未必好飲.最後係,真係唔太接受到,不過佢嘅味道已經唔係太濃同太甜.2. 加$8.00嘅薄荷青檸梳打呢個正常冇問題.3. $58.00嘅河內香茅烤雞扒撈檬件雞扒都幾大塊同juicy,香茅味唔太濃,但都幾鹹.檬粉正常冇問題.4. $68.00嘅順化湯檬有牛腩片,扎蹄,扎肉同牛肉丸o衣o家睇返menu,至知係檬粉,但老公食嘅時候係河粉.而我就只食咗啖牛肉丸,都幾彈牙同食到牛肉香味;老公話啖湯好甜,我試咗係OK,而且都唔係好辣.5. $15.00嘅越北炸春卷兩件外脆,饀料味道唔太濃亦唔太鹹,ok.抵食係2.6分

是日晚餐選擇咗越北牛肉粉專門店。近年來，越南食品喺香港越嚟越普及。雖然比起越南嘅味道冇咁地道。但係疫情冇得去旅行嘅情況之下。間唔中食下異國食品都算係一種心靈嘅慰藉。由於我比較早食飯嘅關係。所以選擇左佢嘅下午茶。價錢平一啲。而且佢餐牌寫明份量不變。今次叫咗演講黑頭膏酸辣海鮮湯檬。佢餐牌上面寫住有一條辣椒嘅。我自問都算一個食得辣嘅人。但係我覺得佢嘅辣都幾辣下。如果唔食得辣嘅朋友真心唔好叫呢個。另外海鮮份量非常多。我冇期望過蜆肉夾極都有。而且兩隻青口非常新鮮。亦都有幾隻墨魚仔。咁嘅價錢來講。呢一餐可以話非常抵食。

呢日打算去沙田嘅道風山，所以隨意揀啲野食先😹見到呢間越南粉睇落唔錯，就試下🍜👇🏻午餐時間有套餐！一碗粉或者飯會送杯熱飲，凍飲或其他飲品就要加錢👆🏻不過唔洗加一啊！有牛肉、雞絲、扎肉等等嘅粉，飯嘅話亦有雞翼、豬頸肉、咖哩等等，仲可以加錢要小食👆🏻而呢度主打牛骨湯🐮所以食碗粉就實無死嘅😹😹👇🏻👇🏻(圖上)越北綜合牛肉湯粉($66)🐮有生牛肉、牛腩片、牛肉丸，份量都算多，而且食落唔un👍🏻個牛骨湯又真係幾好飲～落埋啲青檸汁同辣椒粒仲惹味～👆🏻(圖下)順化湯檬($68)🍜牛腩片、扎蹄、扎肉、牛肉丸，呢碗啲餸多款啲🥰不過啲扎肉就稍為薄咗啲😹不過味道搭夠嘅～而兩碗都係檬粉，唔會太淋👍🏻

放假在沙田辦事，午餐經過見到好多人在門口等，應該都唔錯。即管入去攞位試試。午餐都幾抵，一碗河粉，小食及飲品$100有找。河粉好滑，生牛肉都ok,湯底帶點甜。春卷小食$15元兩條大大條，十分香脆。還加了清蒸粉包，粉包的皮比較口，三件一客大大件，好扺食。熱飲是套餐的，不用加錢。可惜太熱，如果趕時間就飲唔切。兩個人食三樣嘢，$116沒有加一服務小費，不錯，難怪咁多人排隊。

屋企人買咗外賣返嚟，雞扒撈檬，我成日都覺得撈檬好難會唔好食，因為都係俾啲汁你自己撈😂不過要睇吓啲配料整得好唔好，今次呢塊雞扒真係超大塊，有煎香過，味道都唔錯，再加左啲蔥油幾好食！另外仲加咗一份豬頸肉，都幾大塊，味道正正常常。呢間都算有質素保證，都已經食過幾次，價錢亦都唔算貴。

又係食外賣天寒地凍唔想出去就睇下有咩揀呀見呢間越南都多野食揀價錢都大眾化之前試過堂食都OK就揀左佢呀點左~雞絲扎肉撈檬個份量好多一個外賣盒係滿晒同左佢講要多撈檬汁佢真係比左兩個外賣杯好夠扎肉幾好食唔似平時食到既扎肉望落中間有少少啫喱咁~豬扒湯河呢個都一樣好大碗真係食極都食唔晒咁真係可以三個人叫兩個SHARE呀豬扒都係一個字多有成七至八件味道就正常但個湯底味幾濃佢仲有跟辣椒同青檸(另外包裝)~蒸粉包呢個幾讚有D蔥油0係上面連埋粉包一齊食一濃一淡咁配搭得好好~炸蝦餅呢個可能炸得唔夠透就覺得唔夠香呀望落都無咩色水咁正常水平呀

依間越南粉長期多人，我目測佢啲粉係大碗同幾好食，所以黎試下店員介紹左佢地個帽子火鍋，見到相覺得幾得意，就真係叫左一個🤔🤔 不過....中伏點知黎到.......蕃茄蟹湯就似足正宗越南湯底，好飲嘅。但所謂足料兩位用，就真係得上圖咁多，就一個人都應該食唔飽！我事後要去食其他野補數......除非你加$38叫個粉，但個價錢又真係好唔值，$238都食唔飽，仲要再加錢，我會寧願叫番平時兩碗粉，兩碗加個特飲都唔洗咁貴啦依個火鍋就真心唔抵試椰汁綠豆冰就正正常常

越北順化湯濛$58 小辣(牛腩片，扎蹄，扎肉，牛肉丸)湯底幾惹味，幾香，啲餸都足料，同湯底幾夾美中不足嘅係濛粉太幼好散，比較難夾，食落亦都冇咁有口感~-整體環境唔錯，明亮舒適，有唔少卡位~上餐既速度正常，店員態度不錯~

今日諗住食越南菜，就同朋友黎左越北食👯‍♀️，今次兩個人叫左一個a+b+c set同單叫一碗粉，總共有灼生菜、街頭香茅豬扒飯、椰汁斑蘭糕、越北三寶湯粉😋碗越北三寶湯粉，有香茅豬扒、香茅雞翼、扎肉，好豐富，每樣既配料都唔錯，湯粉份量亦都好足夠，d粉都好滑👍🏻街頭香茅豬扒飯d豬扒都炸得好脆，好入味，單食唔點汁都已經夠晒味，送飯一流唯獨個椰汁斑蘭糕有d失色，糕既味道好淡，口感都麻麻，唔推薦大家叫呢個#越南菜#沙田友

平日嘅晏黎係食下午茶，都要等位等咗大概兩三個字到！咖喱香濃，飯嘅份量都好多！以呢個價錢算好抵啦😋😋🤩基本上我次次嚟食呢間野都係淨係嗌呢個生牛肉河粉，因為真係又平又好食！佢個湯底勁清甜，牛肉份量又多，仲要係高質牛肉！🤤呢個沙律係完全唔知做乜，超奇怪加超難食🙄呢個雞翼下午茶係冇㗎，係特登散嗌嘅！因為之前食過覺得超好食，所以次次嚟食都要捱！所以今次都係一樣咁好食啦，揸到勁趣勁重牛油味但啲雞肉仲係好大呀好多汁🤤🤤