越味屋 (好旺洋樓) (已搬遷) 新店位置

大份抵食仲要好食嘅街坊越南外賣舖，經過絕對值得去會一會佢，法包大癲🤘！・・・・・・・・・・・・・・・・・・・・**每個主茶各送飲品一杯，罐裝汽水、紙包飲品同茶等，自製龍眼水同奶茶等自家樽裝嘢食印象中都係加$2咋～**🍜 雜錦粉 (揀咗：牛湯、河粉) HK$62 餸排名：手工扎肉&牛丸＞生牛肉＞雞絲・味道：扎肉有醃過幾入味，牛丸都有啲牛肉香。生牛肉好大塊但牛味竟然少過牛丸，雞絲正常發揮。湯底話係牛湯但唔夠牛肉香，不過冇偏鹹嘅。有青檸同辣椒令個湯底味道豐富返～・口感：正常，特別想講生牛肉有啲厚度，而且好大塊，切到豚肉咁嘅size咬得好爽🥳。🥖 豬頸肉法包 HK$42 👍內有：青瓜、肝醬、酸蘿蔔絲、芫荽、特色越南醬・味道：豬頸肉好夠油脂香好厚實，偏淡味冇醃得重手，食返豬頸肉本身油香，亦冇油溢或羶味。6大塊肉食到係咁跌肉出嚟🥳！法包外脆內軟🥖，想講個肝醬係淡版肉醬幾好食，加埋酸甜越南醬同其他清新配菜中和下，好吃欸🤩！・口感：好厚實，成條包長度差唔多有前臂咁長(唔計手板)，食咗三分一已經投降交畀肚波男友aka食物焚化爐🤭，比起subway包有過之而無不及嘅墜手重量同飽肚感，仲要好食，抵食啦😚～其

$42包飲品，法包都幾大個，食曬成個好飽肚，性價比都算高💰法包口感唔錯，唔會太硬👍🏻 好多配料，多到睇唔到塊豬扒，一打開個包裝以為比漏咗😂 除咗青瓜之外其他都切絲，青瓜好大片，個人比較鐘意青瓜絲，太大片會搶味🤔 豬扒埋咗係最入面，食落都幾大塊，咬到最後一啖都重有肉🐖但係豬扒味道太淡，要認真慢慢咬先食到D調味，濃味D應該會好食好多醬嘅味道都麻麻地，食落有種好乾好沙嘅感覺，之前食過第二間都唔會咁，唔知係因為呢間正宗啲定點🧐值得一讚嘅係店員好細心，袋好個包之後另外比嘢飲我，唔會整凍個包👍🏻

因為睇米紙而知道嘅越南小店，位置都易揾。晚上七點幾左右都有幾多人等緊外賣。今次我就叫咗鮮蝦米紙卷，越南豬扒法包仲有蔥油豬扒太陽蛋飯。價錢非常親民，而且包同飯仲跟埋嘢飲，紙包罐裝咩都有。返到去即刻食法包，好多配料，而且仲脆卜卜。調味亦不錯，豬扒亦都唔會炸到好油。鮮蝦米紙卷亦都好出色，啲配料爆曬出嚟🤩滿滿的，三樣之中最推介就係豬扒飯，$45有四五件豬扒，而且煎得好香口，又淋😝加埋特製嘅蔥油，真係成個飯食晒都話咁易😍而且特意想讚老闆娘真係好貼心，見到客人未返嚟取外賣嘅時候，老闆娘會繼續將個法包擺喺焗爐等，等客人食到最新鮮最脆既法包。一定會再幫襯😚

鮮蝦紙米卷好好味，點埋個醬汁一流，好fresh, 好多蝦 好好味香燒腩肉撈檬好好味😋啲花生好香，燒腩肉整得好好食燒豬頸肉河粉賣相吸引豬頸肉整得好好食好推薦👍🏽😋

成日都係屯元天page搵好西食都食過大大小小 唔同類型嘅越南包我都覺得自己對越南包有幾分熟悉今日叫左個雞排法包 等左我成20分鐘其實呢間野 唔可以話難食 但係又未好味到你地所講咁正 加上地下好濕 好污糟✅ 佢個越南法包係正嘅 夠熱夠脆❌ 雞肉冇味 得兩三舊❌ 配料 有青瓜 芫茜 洋蔥 好奇怪地 全部都冇味❌ 正常越南包 （我自己食過個啲）就算唔係叫肉醬法包 都有少少肉醬加嘅 個味就會香啲 但係冇 所以冇味簡單啲嚟個 就係成個包都冇味但係淨係個包好食 希望可以淨賣法包

位於舊B巷仔入面有間主打越南外賣小店，老闆娘係越南人！聽講越式法包好正宗，有見YOUTUBE有片介紹，咁岩經開見到就決定試下。🔥豬肉法包 $42★★★☆☆豬肉法包長長一條，佢地即叫即整，會烘番熱個法包，拎到手時微熱，食落好脆口。入面餡料都幾足，由頭到尾都會見到有豬肉，入面仲有埋酸蘿蔔絲、青瓜、同埋芫荽呢Ｄ香草，食落好清鮮，唔會有負擔。豬肉亦有醃過，重香茅味，加埋爽脆蘿蔔絲幾夾！食落肉同蔬菜比例岩岩好，連埋法包一齊食都唔會話超乾，加埋個醬汁係幾惹味，但如果個醬可以再多啲就更好！食完成條都幾飽肚，份量算多、價錢唔貴，幾抵食，仲會贈送埋一包紙包或者一罐裝飲品。🔥泰式無骨鳳爪 $38★★☆☆☆望落大盒，但實際還好，因為有埋D生菜、洋蔥個啲，份量正常。鳳爪幾失望，一啲都唔入味，Ｄ酸辣味只停留係表面。個辣度唔勁，食唔到辣嘅人都可以食到。洋蔥切得太大，就咁食會太勁個辛辣味。十分普通嘅一個泰式鳳爪，唔會再叫。🌟總括：法包幾推介大家去試下，就算外賣拎到番屋企都仲脆口，有時天氣太熱唔想食麵、飯，呢個係一個好唔錯嘅選擇，清爽唔膩口👍🏻

越南朋友來到香港後一直有嘗試不同餐廳店子的越式法包找尋最正宗的味道。很有名的大角咀聰仔，銅鑼灣新開的越南餐廳，九龍城的越南妹 等等全部都試過。。這日來到元朗，得知這間小店，特別安排時間一試究竟！買了傳統扎肉法包，鮮蝦米紙卷，越式春卷他的結論是： So far the best in HK, very northern natural全港口味最正宗（越南北部）的法包！登登登凳，就是這裏 元朗的越味屋！絕對要試小知識：有關春卷和米子卷的醬汁越南：會加花生越北：不落花生

今晚諗住食幾樣野, 但當然都要揾一樣主食！經過元朗一條食街, 見到一間越南嘢食新開好似幾唔錯, 而且入邊既店員好似都係越南人, 所以試一試😃1）雞扒湯河(冬陰功湯底) $45估唔到呢個價錢仲有分湯👍🏾食落都幾多雞扒香茅味好足夠, 冬陰公湯好搶喉, 食落好惹味😋2）燒豬頸肉撈檬 $52豬豬肉燒得好香口唔會太鹹, 面頭嘅蔥油好惹味, 而撈檬比較重米味, 好食！3）跟餐配汽水唔使加錢, 其他特色飲品一般加$5-10呢間小店其實比好多越南餐廳好食！值得支持！👍🏾

🔴而家仲係冇晚巿堂食🥲夜晚想出街食飯都只可以買外賣返屋企🥲上次食cafe嗰陣見到隔離有間越南嘢做外賣的😛就bookmark定諗住下次可以買外賣食🤣所以今次就特登去咗買😚🟠嗌咗豬扒法包，米紙卷，咖喱豬扒飯✨🟡豬扒法包一大條，入面好足料有好多豬扒👍🏻另外有啲蘿蔔絲同埋芫荽✨食落主要係豬扒嘅味道嚟帶出成件事✨香茅豬扒幾香又唔會濃味✨越式嘢通常配埋芫荽都好夾✨另外有啲蘿蔔絲增加口感✨仲有得配埋嘢飲👍🏻一大條都幾夠飽✨性價比幾高🤣🟢咖喱豬扒飯就正正常常😛個豬扒其實同法包個香茅豬扒係一樣🤣價錢唔貴又係配埋嘢飲✨幾抵嘅🔵米紙卷就普通正常的不過都足料又有蝦🦐主要都係點個酸辣汁食✨

叫咗豬頸肉法包，炸春捲同葱油雞扒煎蛋飯。法包夠脆，蔬菜餡種類同量都多，食到最後一啖都有肉，醬汁幾惹味，超級抵食，可以多少少肝醬就perfect la。春捲餡料夠多，調味啱啱好，包埋生菜食，脆口又唔覺太油，點埋汁酸酸地口感更清新，$30有4條(8件)春捲，物超所值相對葱油雞扒煎蛋飯就比較遜色，雞扒同蛋都少少乾，味道一般。不過唔係佢主要嘅越式菜色所以都可以理解嘅。如果賣返越式嘅飯類可能會好啲，例如香茅雞翼飯之類。

Tried the new addition to the row of eateries on No English menu available but offer a nice selection dishes.Ordered the pork neck soup pad thai noodles - good size portion with a well flavoured broth and nice sear on the pork.Also had the chicken bahn mi - was told the roll would take a little longer. Bread was nicely toasted and the chicken had a nice lemongrass flavour. Enjoyed the pickled veggies added to the filling.All main dishes include a soft drink so good value.Interested to try more.

最近元朗開咗一間新嘅越南外賣小店，咁啱經過就試下。豬肉法包 呢個法包即叫即整，仲有豬頸肉、豬扒等選擇。我地就叫咗豬肉。烘完嘅法包份外香脆。入面有香茅豬肉同一般越式法包嘅材料。香茅豬肉醃得好入味，口感豐富。鮮蝦米紙卷米紙卷有四大舊，每舊都好大條🤣 入面嘅鮮蝦好大隻，爽口鮮甜😛 饀料夠多，米紙好煙韌，值得一試。燒豬頸肉豬頸肉有大約十塊，豬頸肉燒得好香脆。大大塊口感十足，肉質一啲都唔嚡。加埋酸辣汁好夾，唔錯😛

肉操雞扒飯⋯⋯⋯肉燥唔係一啦啦！成埋糊狀既！食唔到肉粒！雞扒用推髀肉拆骨，仲拉住d骨，炸到乾晒身！ 最慘連基本個白飯都煮到太多水，糊晒！ 如果唔改進⋯好難做得長。因為真心難食。汽水一早又話冇，12點落order渣wo（可樂 雪碧都冇，仲比人揀跟餐）唔會再試，為左打夠200字要格硬打多幾隻字。（For 可以比喊既公仔）講埋份量就唔多，似大少少既波仔飯size.價錢45蚊。相信會有更多更好食選擇。 冇回頭，零CP值

行過見有新店開張就試下先，呢個舖位都轉過幾次唔同嘅外賣店，今次做越南野喎，都好吖，附近無乜越南野食。新店叫越味屋，主打越南食品，但都有港式飯餐同小食，口味多元化。叫左份外賣返屋企食，試下先。拎到返去外賣依然靚仔，個撈檬汁打斜左都無漏出黎，抵讚喎。叫左燒豬頸肉撈檬，賣相幾好睇，而且個盒好濶口方便是食。除有豬頸肉，配菜仲有青瓜絲，酸蘿蔔絲，生菜，花生碎同蔥等，有菜有肉夠均衡。酸汁比左大大兜，啱晒呀勁鍾意呢啲汁，呢度調教得酸酸甜甜啱啱好，好味好味。豬頸肉燒得香口，入口有嚼勁，正。檬粉爽口，撈左汁酸酸的勁開胃，份量仲幾大碗添喎。另外又叫左份越式法包雙併餡，可以揀切或唔切㗎。中間係咁樣，好足料喎。揀左雞肉拼手工扎肉，仲夾住其他蔬菜同芫荽，超香口呀，再多啲芫荽就正啦，個包烘過熱辣辣，入口鬆脆，大大個夠飽肚。飲品送紙包或罐裝汽水，可以加錢轉奶茶咖啡添㗎。整體黎講幾好味，價錢唔貴份量足，有下次。

越味屋 (元朗)元朗裕榮徑11號好旺洋樓地下18號舖扎肉豬頸肉法包$46無冰奶茶加$5很喜歡這個發包，覺得外皮香脆，來你的家還是熱辣辣和鬆軟的。豬頸肉香烤過特別有口感，而且豬頸肉飯份量也多，還可以加其他餸菜，我就加了在喜歡的扎肉，整個法包很有口感和層次。鮮蝦米紙卷$30每個米子卷上多真係有一粒大大粒的鮮蝦，用料充足，而且米紙透薄，包出黎很有口感，包得非常之紮實。蔥油雞髀煎蛋飯$42手掌咁大隻的蔥油雞髀，用料足，而且是即叫即炸非常新鮮，加上煎得外邊香脆的蛋！$42今時今日仲搵到一餐飯食果然是非常抵食。生炸大大雞比$38原隻大大隻即叫即炸的大雞髀，成塊面咁大！去邊度搵到呢？跟沙律一個雞髀還跟一個沙律，沙律份量很多很清新，就算食完一個炸雞俾也不會覺得油膩。