越棧越式湯粉專門店 (新翠商場) (已結業)

今日又係咁熱⋯真係路講得笑⋯連商場都好似冇冷氣咁！所以決定買外賣番公司食！左行右行決定食越棧！我諗我有半年冇食過啦！所以決定叫個外賣！因為肚餓既關係，決定食紅米飯唔食河粉！個紅米飯煮得幾好食，唔林唔硬剛剛好！但係d餸就麻麻啦⋯⋯札肉同上面既粉絲冇咩味道，好似食緊紙皮咁⋯0分豬扒份量都多既，但係好鬼咸同硬！要好大力咬先分開到塊豬扒⋯真係喊多掂果2隻雞翼已經係叫做最好味⋯不過凍左都係差小小！雖然杯凍檸茶我叫左小冰小甜，但係佢直程係冇味⋯我又好似係到似緊苦茶咁！$64 食衣個午餐唔值囉！下次不會幫襯

招牌生牛肉湯河Dry 睇貌相，不怎麼吸引， 味道聞落都算濃郁....試落口湯味道不曾，牛肉方面出哂事🤦🏻‍♀️牛肉太原，有啲鞋口.... 慶幸沒有筋， 河粉及芽菜方面沒有什麼特別

下午茶餐，點了越式牛脷飯，送來的飯就夠晒多，但可憐兩小塊牛脷還要切成幾小塊，而且淡而無味，白烚一樣，無汁無味，連咸味都無，何來越式？！？！真係好差！一送來就知中伏，如果可以的話，我寧願起身就走，當無入過嚟！

今日同老公小朋友係柴灣戲院睇完戲就行去商場食下午茶下午茶個menu係印埋係個主menu上面,老公搵黎搵去都見唔到, 就問個侍應其實係邊架? 個侍應都搵左好耐先指到出黎.... 個menu design 有待改善我地叫左1. 豬扒金邊粉(40蚊) 加4蚊要椰汁三色冰2. 豬頸肉河粉(40蚊) 加4蚊一個椰汁紅豆冰3. 越式豬頸肉蝦片拼香茅雞翼( 40蚊) 配檸蜜之後個店員好惡咁走黎話冇哂豬頸肉轉豬扒, 我心諗我個金邊粉已經係豬扒, 我地想轉其他食物, 之後轉左做:1. 豬扒金邊粉(40蚊) 加4蚊要椰汁三色冰2. 生牛肉河粉(40蚊) 加4蚊一個椰汁紅豆冰3. 越式扎肉蝦片拼香茅雞翼( 40蚊) 配檸蜜上菜喇, 碗麵份量係下午茶份量, 好細碗, 湯底好飲 , 有落蔥莞茜等, 黃豆芽放左係d金邊粉下面, 差d以為冇芽菜, 味道中上, 份量偏少, 河粉係好食過金邊粉既, 滑d叫左佢俾兩份青檸辣椒圈, 佢叠埋兩個上俾我, 我有冇當過我係客呀? 個小食扎肉蝦片同雞翼好流, 十分差, d粉絲好難食, 雞翼細隻唔新鮮, 食落臭臭地飲料椰汁三色汁 係有紅豆蓉, 綠豆蓉同綠色長條啫喱, 個啫喱似的物體食

今日行開CHAI WAN，肚子餓，選擇再次去越棧食，不過就去柴灣呢間，下午茶時段，叫咗餐的香茅豬扒湯檬粉配熱奶茶，我覺得香茅豬扒好食，肉質腍，夠熱，味道吾錯，檬粉又滑吾黏口，但奶茶就麻麻了，第一吾夠熱，第二，聞到隻杯有陣漂白水味，其實吾淨只呢一間，之前都試過有D用呢款杯嘅食肆都有呢D情況，洗漂得太犀利，D漂白水味蝕晒入杯的物料到，影響杯中飲品的味道。今日一個人坐到卡位，感覺幾舒服，人又不多，吾駛等位，服務一般啦！

探完病坐小巴到柴灣轉地鐵，覺得肚餓就在新翠商場找東西吃，天氣熱只想吃點粉，看到越棧可吃撈檬，清爽些。就快過吃飯時間，所以有用等位，立即叫了，炸蝦餅撈檬，蝦餅爽脆，味道可以，撈檬有花生，炸韓䓤青瓜吃落也爽口清涼，0k不過不失，但我只想要一杯茶，就叫了三次才有

今日工作忙到過了時間沒有吃午餐，所以可以早收工，去咗柴灣地鐵站商場的越棧吃下午茶，呢度有特色下午茶餐：有豬頸肉蝦片配香茅雞翼、扎肉蝦片配香茅豬扒、蓮藕釀餅及豬串燒、越式蒸粉包，另外可自選飲品一款。今日沒有吃午餐，所以叫了下午茶湯粉套餐，可自選一款湯粉及配自選飲品。湯粉有生牛肉/牛腩片/香茅豬扒/香茅雞翼/牛脷⋯等。可以選擇河粉、老撈檬、湯夢檬、金邊粉、紅米飯⋯等。自選飲品可以㨂奶茶咖啡，也有特色飲品，例如珍多冰、三色冰都只是加$4。

太熱完全唔想食飯，附近又無什麼特別想食，又攰又唔想行，唯有隨便食食。這間店舖環境，服務態度，都唔錯。二人套餐又平靚正，那就選了這店舖我們點選了一個二人套餐，一個牛利湯檬（生牛肉），一個雞翼河（生牛肉），小食豬頸肉，炸春卷和上湯蘿蔔，飲品意式紅豆奶茶和咸檸7。生牛肉和牛利都唔錯，肉質不會太堅韌，湯底也很惹味。雞翼就普通雞翼。炸春卷，豬頸肉，上湯蘿蔔也不過不失。意式紅豆奶茶味道就有點怪怪的，好似不太配合。總括而言，都沒什麼不太不好，普通一間越南菜，但一定沒什麼特別，因它的價錢大眾化，而沒有什麼特別賣點，如果突然想普普通通一餐，也可以接受的。

今日下晝同朋友喺柴灣食下午茶，喺地鐵站附近嘅新翠商場搵嘢食，見到地下有間越棧，入邊有幾張空枱冇人坐，就入去試下佢個下午茶。 餐牌上面下午茶餐有兩款，一款係小食類 一款係湯粉類，兩款都係收36蚊。 而我叫咗個香茅豬扒湯河，朋友叫咗個香茅雞翼湯河。 過咗五分鐘左右，兩碗湯河分別送上，豬扒湯河有一大塊豬扒，係切咗片再送上，豬扒大約有一個碗嘅大細，豬扒浸係個湯度。比較軟身少少，味道正常。 另外，香茅雞翼湯河，總共有三隻香茅雞翼，我哋將雞翼分開擺喺個碟度，香茅雞翼煎得幾香味道唔錯。

我很久沒吃越南食品，所以就去附近吃越南餐。那天我在大約六點半到達，顧客並沒有很多，我一去到就已經安排坐位，我們被安排坐在中間，但我們要求坐比較角落位，他們樂意給我更換。我想講的是：它的食物不太行，有點偏鹹。當天，我叫了一個四人套餐，牛腩超肥。有送四杯飲品，但我們叫紅豆冰，那些紅豆還沒熟，硬硬的。那杯三色冰一點也看不見三色。杯芒果雜飲根本就是fruit punch一d芒果味都無。那個併盤有生菜，一句解釋也沒有就掉在桌上。待應高談闊論，好像弄到店像街市。我也看見待應在玩手機，有其他客人叫，就互相推。我明白有新職員需要教導，但不應在客人面前高談並在客人面前教授。待應的服務態度超差。或許因為這裡是柴灣吧，所以待應質素是這樣吧。我這次的經驗很差，我不會再去這間吃越南食物。其實價錢$368有併盤、每人一碗粉或飯及一杯特飲，算合理價吧！

去幫襯嗰陣 一啲禮貌都冇媽媽呼呼咁話 幾位呀 有陣時去食嗰陣 係下午茶 同味下午茶時間 員工 強調 依家未到下午茶 冇優惠價 講到好似畀唔起錢咁 一啲禮貌都冇 上粉 嗰陣 媽媽呼呼擺低就算 呢間都算係我食過 態度最差嘅一間越棧 千祈唔好幫襯呢一間 幫襯其他還可以

之前都去過其他分店，姑且比多次機會佢。猶豫緊好冇嗌套餐，但諗諗下覺得唔岩食，咁就散叫返啦。我地叫左三個撈檬，一個湯河，一個春卷同一杯綠豆冰！豬扒撈檬豬頸肉湯河 河粉又厚又鞋，講真都幾失望，近乎難食......豬頸肉都幾多片，質素OK。顏色嫩紅看似冇咩味，但入口都有好香既炭燒味。雞絲撈檬 雞絲份量多，而撈檬汁就略為淡味，亦都冇咩辣椒所以冇咩辣味。春卷 雖然係新鮮炸起，但就好油林林，亦都唔係脆口。內有少旺蔬菜絲。綠豆冰蝦餅撈檬 蝦餅都幾大份，爽口彈牙。整體評分：多服務人員，落單、上菜、加水、埋單等都很迅速及有效率。

同朋友見面多數係港島區，朋友整左蘿蔔糕送我，約了我在柴灣食午餐。由於柴灣食肆唔多，我揀左較為好坐又方便傾計的越棧，今日星期六1點去到已經 full house, 等左10分鐘就有位了。枱同枱之間太近，完全聽到隔離講嘢，同埋啲位算迫呀！我叫左特別牛河，熱檸檬水，朋友要蝦餅撈檬，凍檸檬茶，我既牛河的湯底濃郁，河粉夠滑，牛肉合格。 朋友話蝦餅炸得夠彈牙，唔錯。差唔多每次嚟柴灣，唔係越棧，就係吉野家，無嘜選擇。

下午茶就成日幫襯， 午餐都是第一次勁多人排隊， 不過等一陣就有位👍睇餐牌發現新食物：豬手麵， 梗係立即order 😏😏當然唔少得豬扒撈檬同豬頸肉湯河啦！😄再加多個拼盤：蝦餅、香茅豬扒、春卷、粉絲札肉蝦片豬手麵：豬手燜煮得ok， 味道ok豬扒撈檬：豬扒較乾身， 不過檬汁酸度適中， 非常好味還有花生碎及蕃茄豬頸肉湯河： 豬頸肉較乾身， 不過配上湯河， 肉質軟硬剛好拼盤：蝦餅、香茅豬扒、春卷味道ok粉絲札肉蝦片但厭蝦片較軟身，唔脆份量之大， 連兩位男士都話好滿足😄

之前，響康怡越棧，已經領教個某個阿姐拎樽撈檬醋嚟倒瀉哂響我腳邊😤。諗住柴灣店未必會啦！前日去咗新翠越棧食粉，食完... 個「副店長」收嘢... 成碗湯反轉，「淋」到我丶隻佬＆阿仔3個... 由褲開始濕曬！😡襪＆鞋都濕曬😤😤😤。 佢有即刻講2句對唔住！ 但無比紙巾我地抹！無理我地3個！只顧抹地＆執番地下D粉😡😡😡。 阿仔話以後❌❌❌唔食越棧！好彩D湯暖！唔熱！如果係熱... 我地3個已經灼傷送院！！！！！