越棧越式湯粉專門店 (新翠商場) (已結業)

香芧豬扒湯矇味道可以，矇粉少，最唔得就係杯椰汁冰，直頭係一杯有小小椰汁味嘅開水咁，椰汁味超淡，無味，仲要加4蚊去叫杯開水，D白蘿蔔又凍嘅，真係試一次就夠，唔會再去食

趕時間，就在地鐵站商場來個簡快午餐。兩個人速速點了：順化豬手金邊粉湯底味濃帶微辣，豬手片爽肉有咬口（不是好淋），牛肉片就比較鞋，金邊粉夠滑，金不換夠新鮮特別牛饗宴：胡椒牛扎肉，金肚絲，牛腩片，生牛肉來的時候喝了兩口湯，發覺湯吾夠熱，可能是放了生牛肉。通知店員，馬上跟你換👍。牛扎肉比較特別，其它可以。另一誠意是用了短肥牙菜，跟一般瘦長芽菜食法兩回事。市場上不容易買到，要讚👍最后來個越南春卷，可以遂條叫，水準一般。店員服務好，出品有要求，不錯的簡餐選擇！

星期二羽毛球之夜，近幾個月，打完波都會去越棧食麵！仲要指定食私人分享，咩餸唔緊要，至緊要係撈檬！點解？！咪就係因為呢個咸魚醬囉！佢絕對唔係死咸，你一食落口，就會食到陣陣魚香味，用佢黎撈檬，唔洗一陣我就k.o左碗麵...每次食麵，無論我地係兩個人定四個人，都會食晒人地樽醬今日就叫左香矛豬扒！佢嘅豬扒都好值得推薦，醃得夠味肉又一d都唔un爽口！

呢一日去左柴灣探個親戚 相約到了他附近的商場食個簡約既lunch...最後黎到呢間大集團 越棧其實之前都食過其他分店 覺得都ok..幾多選擇 平日中午時份人流不算太多裝修得幾colourfulmenu...menu...親戚點的 由於怕唔夠飽 所以加底了 加底要加6蚊加底後 的確份量多點牛腩可惜太韌，較難咬，牛肉味不太濃但配料都好足，有牙菜，香葉，香茅，香料等 所以味道的確地道河粉都好幼滑我點的 豬頸肉都幾重豬味 又有點燒過既味 幾香口而且豬肉不太韌 易入口 肉既份量都適中對我黎講一碗粉size都岩岩好一人食左一個越南粉 又可以坐低傾下計

收工遲咗，去買個外賣做晚餐，柴灣選擇都幾多，今晚去食越南菜，去到店內只有一枱客，雖然光猛，加上彩色金屬椅子，店內唯一一個女店員在拖地，所以地板好滑又好大清潔劑味道！揀好拖地店員來落單，等一陣就包好比我，回家打開，包裝衛生！外賣餐盒可以用微波爐翻熱！幾方便！豬頸肉撈檬（$42）豬頸肉燒得香，油脂滿咀，檬粉煙韌，加上九層塔葉同青蔥、花生碎，撈埋一齊好香，酸汁酸酸地開胃！好味！芒果雜飲（跟餐$12）有菠蘿同芒果，加上梳打，好清爽！店員比較cool,唔太理人！越南菜撈檬最適合外賣！好味

一連4日假期，梗係要周圍行下街食下野，第一站就黎左呢度同媽媽食lunch，難得公眾假期唔洗等位，good!我叫左札肉湯檸($42)，媽媽叫左特別牛湯檸($50)，兩碗粉份量都好充足，勁多檸粉，細胃口d既女仔肯肯定食唔晒。札肉湯檸d札肉整得唔錯，一碗有成十塊咁濟，整得幾入味，連埋洋蔥同肉湯一齊入口，正！阿媽碗特別牛湯檸就有d似潮州牛雜河，簡單黎講就係包羅萬有乜都有d，佢話個湯底吸左牛既精華，食落味道濃郁。

媽媽突然一個Line Msg問出不出來吃下午茶~~反正在家也是發霉而已XD 所以二話不說就出了門~~ 不過新年時間嘛~就是所有平時覺得很抵吃的下午茶套餐之類都收起。幸好都還有個「越式湯粉套餐」...但其實都幾貴Orz點了 生牛肉金邊粉 ($50)大碗就大碗 >< 不過金邊粉超硬.....雖然說金邊粉多數用來炒。但有吃過湯的金邊粉口感是軟身。生牛肉可能我浸在湯底有點久? 有點靭～要說的話，最好的應該是湯底~沒有味精的感覺，但味道十足。套餐還包一杯飲品~點了咖啡，夠滑夠香~茶的份量適中不會澀，而且不用再額外加糖。如果想轉特飲也可以的，要+$4 (不過妹之前吃過說特飲其實好普通就放棄了)

所謂特別牛肉湯河，就是牛雜錦越棧的特別牛河包括生牛肉，牛腩片，牛肚絲，牛紮肉其中以牛紮肉及生牛肉比較出色腩片及肚絲比較淡身，難以突出其鮮味另外要留要，很多人要走芫茜，走葱，走洋葱等這裡一走就是"全走"，令人費解！？集團式越式湯粉，價格尚算合理，可惜飲品略貴

中午時段，我和同事多數選擇到商場午膳，這次我們到越棧試下。我點了豬扒湯河，這兒的湯很香，但豬扒太乾身，肉質唔夠脆和鬆軟，若豬扒能做到外脆內軟更好。河粉份量適中，配料有香茅，芽菜，紫蘇葉，蔥花等，令湯底特別香，餐牌上寫道湯河是用牛肉湯的，然而，卻被香料蓋過了，以致沒有牛肉味，湯略嫌淡了點。飲品方面， 我點了意式紅豆奶茶，奶茶的味道與一般港式奶茶唔同，味道較甜和比較特別，個人覺得傳統港式奶茶較為地道和好味，紅豆份量適中，但被奶茶的甜味和茶味蓋了，不能突顯出紅豆清甜。不過，這兒特飲款式很多，下次可試下點其他，說不定有意外驚喜。

自從個越南同事自帶homemake嘅食物比同事分享後，就一直對越南嘢有無限嚮往，撈檬又好，米卷又好，真係令人回味！於是，今日決定食越南嘢。其實，以前都有幫襯，不過果時真係覺得中式嘢好過佢，而家，都會有d期望，可惜，希望越大，失望也越大！門面很有越南風格，menu設計也比足心機，是日，食下午茶餐，我地都想試下d特飲，始終，茶餐廳飲極都係凍奶茶咖啡鴛鴦檸茶，來得食越式，梗係入鄉隨俗㗎啦！首先，係我嘅豬扒撈檬賣相冇乜特別，不過個人就覺得如果豬扒可以另上，留返d空間比我撈撈個檬粉，就更好啦！迫不及待加魚露，成個檬粉嘅靈魂，其實就係個魚露汁到，個汁應該係酸甜適中，加上爽口嘅檬粉及配菜，如果有埋咸蝦醬，會更加有越南嘅味道，不過可惜，當日嘅粉唔夠乾身，有被浸淋過頭之錯處，令人失望！講返個豬扒，可能係成個粉唯一可取嘅地方，不過食唔出香茅味，似中式多過越式。朋友仔鍾意食牛佢點咗個牛脷撈檬，更加驚人嘅係，個牛脷竟然係白水sa熟嘅！又騷又韌，難啃度十分有九分！友人見碗嘢冇乜好食，於是咬咗嚿葉，唔咬還好，咬完把起火，友人話d味道有d怪，唔知道係乜，係裝飾定食得呢？於是問下個侍應，果位姐姐越叫越走，另一位過來問

因為「牛雜河」個名唔夠特別,所以餐廳好有心思咁唸左一個好特別既名. - 「特別牛河」,真係唔同哂。講完創意改名後, 其實有咩食呢?1.特別熟的生牛肉, 牛河有上枱已經有七成熟的所謂生牛肉,味道ok的,但佢唔可以叫自己生牛肉囉 2.特別野味的牛腩片, 這個都煮得唔錯,夠淋夠入味 3.特別考眼力牛肚絲,少得可憐,刀功了得。 4.特別特別的胡椒牛扎肉,有啲似黑椒牛丸,牛札肉係片狀之如,比一般的黑椒牛肉好味, 入面的香料明顯比較多, 所以香口好多,好味. 紅豆冰 (+$4)紅豆好甜好淋,唔錯。整個牛雜河的味道其實不太差,不過套餐價要$58+$4 就有啲貴。

是日，因私事到柴灣，碰著午飯時間，機緣巧合下，入了越棧用餐。店家擺枱蠻進取的，位與位之間極為擠逼，動彈不得。大部份客人，不分老幼，均點生牛肉河粉，估計是店中大熱食品。惜，小妹與牛無緣。細閱餐牌，除了越式牛豬雞等河粉外，竟有數款健康紅米飯餐。雖則感覺怪怪的，但小妹決定要後者。 健康三色紅米飯 (豬扒、雞翼、扎肉蝦片)$56，三色紅米飯入口香糯軟熟，還帶有一陣不知名的香味。除了三款餸外，還配有少量鮮爽生菜和酸甜醃紅蘿蔔絲。炸得焦香的豬扒帶越式香茅等醃料的香味，切成一塊塊的，方便進食，稍嫌炸得較乾硬。雞翼相對較一般，不太入味，肉質又不算嫩滑，驚喜不大。扎肉蝦片似小吃多於餸菜，彎曲脆口的蝦片內，放有味道突出，質感細緻的扎肉，還有香脆炸香蔥頭，酸香米粉和脆口花生碎等，混入魚露同吃，添味添鮮，口感層次極豐富。凍檸茶(跟餐)茶味較淡，幸夠大杯，且不太甜膩，解渴一流。

其實多數都係星期六晚黎食~放假前一日當然就係出街食啦~首先，我真係幾鐘意飲佢呢度杯茶~清甜~每次黎都一定飲一大杯最鐘意叫豬頸肉/雞翼/豬扒河粉河粉+佢本身個湯底，好味道三隻餸都好香口~特別係嗌淨豬頸肉同淨豬扒上面會灑左d炸蒜，加埋一齊食真係超正~最近呢次因為叫左二人餐，所以有特飲揀，嗌左杯熱既類似紅棗茶既野飲，個人覺得好好飲，又唔會太甜

星期日晚簡簡單單去食越式河粉, 我們叫了2人套餐扎肉河粉(走青) 好味!豬頸肉河粉略為遜色, 味道沒理想中好香矛豬扒拼豬頸肉(忘了拍照), 豬扒有點硬且乾, 豬頸肉就很嫩口唔錯上湯浸生菜沒有人什麼特別, 生菜算新鮮鮮橙梳打, 椰汁冰

今晚9 時多去了越棧, 平日覺得越棧的食物吃完較口渴, 所以少了光顧.. 今天的食物真令我大開眼界, 改變了我對越棧的看法..特別牛河一到, 初時還以為淨河粉, 細看之下原來別有洞天. 可能真是太美味了, 還沒來得及上枱, 我估應該還未來到餐堂, 已經被吃掉牛肉了, 好吃的東西就是特別吸引, 只怪我不能入廚房幫手.我想這店子真誠實, 沒有用photoshop 執圖, 就是怎執也沒可能跟右圖一樣, 本來是右邊的樣子, 可是出到枱面就變了左面的樣子, 師父的手藝真出神入化.叫了特別牛河, 師父的刀工認真一流, 把牛肚切得比魚生還要薄, 入口即溶, 彷彿不帶走一片雲彩, 就輕輕的走了.今天是河粉不太口渴, 惟持了故有的水準, 金邊粉夠軟, 軟得快要感受到面粉在口全碎掉的感覺, 師父手勢好, 把湯的味道保留在湯裡, 面條的味道不會給他的味道打亂, 味道條理分明.而湯的味道保留一貫水準, 不會太濃, 就是讓有人清新天然的感覺, 沒有太多的調味料, 讓清淡的味道發揮出來.