越棧越式湯粉專門店 (荷里活廣場) (已結業)

同朋友周末來共午餐，等候時間同上菜時間都不會太耐，野食到左，我覺得欠小小調味，辣味同魚露果類，我舉起手叫服務員時，我話唔該我想要調味架，當時我估他是經理，因為佢衣著同其他人唔一樣，當時4眼男經理就問我係味魚露果啲呀，我就話係，佢隔左一陣就攞左比我，我就話唔好意思有冇辣椒果啲，佢即刻好冇禮貌地話，早講啦調味都好多種要我行兩次又唔早啲講，我覺得我泥食野啫唔係要受你氣呀，你作為一個經理都咁既招呼我相信你對下啲下屬都唔會好有禮貌，今時今日咁文明既社會，估唔到仲會有啲咁既服務態度，對依間店好失望

食左特別牛河，好特別，牛肚，牛腩都未稔就賣，唔知係我唔識食，定係越南真係咁呢？，價錢又唔係平，真係越做越衰，如果唔係food court執鬼左，真係唔食呀！早知食元氣!

札肉檬粉: 札肉是現成的, 再加湯粉, 基本上無難度可言, 唔會難食。香茅豬扒湯河: 豬扒硬同乾左D, 無香茅味, 敗筆~~~咁普通GE 野, 價錢應該再平D LAWWAITER 好似好GREEN, 唔熟手, 要多TRAIN 呀~

姓黄主管由入座開始就黑口黑面！唔知係無落單定係咩原因，一碗生牛肉河等左超過20分鐘都未有！要投訴後先有！另一碗春卷撈檬，居然等左超過半個鐘先有，但係黎嘅居然係蝦餅撈檬！姓黄主管居然係一句唔好意思都無就話：你要唔要？唔要就再等！埋單時我要公司電話投訴，姓黄主管唔俾之餘仲反問我有咩好投訴？！仲將責任推俾廚房話佢地做得慢做錯佢都無辦法！

第一次嚟呢間越棧食嘢，由於食越南嘢總係諗起生牛河，所以今次就叫咗生牛河食。同埋叫咗杯綠豆冰。呢到個生牛肉好好食，牛肉夠滑而且肉肥瘦適中。可惜湯底唔夠鮮甜，河粉亦有少少痴埋一舊舊，亦無比青檬同辣椒......綠豆冰太多椰奶，好少綠豆而且綠豆好實。總括嚟講都ok嘅，但繁忙時間侍應態度亦有少少趕客走feel.....

本身諗住好耐冇食呢間，lunch走去食下，味道唔係話差，不過啲服務真係。。。完全唔掂，坐低左，茶都冇杯，餐牌又冇，要叫先識得比，好啦…叫左野食，同一杯凍檸茶少冰少甜，野食冇問題，杯凍檸茶就。。我要少冰，佢就冇冰，我要少甜，佢就走甜，想點呀！

在商場睇戲後經過一間裝修鮮明的越南餐廳只見英文招牌Viet's Choice，細看才發現原來是越棧2.0!正值午餐時間，門外人山人海，幸福地2人枱立即有位 內部的裝修色彩豐富，立即成為了一間時尚餐廳選擇都有幾多我地選擇了2人用河粉2人河粉套餐的另個好處，就是可以免費任選特色飲品，感覺抵咗 ［卓越河套餐］二人用Peachy.foodie rating: ✮✮✮✮☆(4/5)大大大碗河粉來了！看見大過個頭的碗就已經感覺很開心用料豐富包括:生牛肉、牛腩片、牛扎肉、牛脷、雞絲、扎肉扎肉每款更加有4片，每人分到2片!湯底有少少咸和少少咪精味，屬於普通份量十足！可以分到大概5-6小碗，最後兩個人食到捧住個肚都仲有少少剩我最喜歡雞絲!醃得出色!男朋友就最喜歡牛扎肉!夠香口!牛腩片就肥到有回嚇人免費升級了兩杯特飲右邊凍的是Peachy.foodie rating: ✮✮✮✮✮(5/5)比起一般的鹹檸七有Ginger Ale可以揀有驚喜!左邊熱的是Peachy.foodie rating: ✮✮✮☆☆(3/5)薑味和薑絲都十足，不過纖果就不見了

可以趕得切食到下午茶啦！但係幾乎俾人要俾正價！？佢哋估人不會睇帳單！打了正價！！好在睇到後同餐廳 d 人理論！我叫了一個香茅豬扒撈檬，賣相吸引！水準同其他越棧味道差不多！豬扒都腍，入味，無雪藏味，亦無乜香料味！？！檬粉都爽口，加上自家製的魚露汁(有檸檬，魚露，九層塔，蒜容等)，帶出 清香鮮味，味道一流！加上一杯三色冰，紅豆幾腍！有些起沙！其他材料都可以！可惜不夠椰奶！淡淡地！在炎炎夏天飲，都算合適！

新春期間，與家人親友在荷李活廣場搵食，因為是假日，這商場內為數不多的茶樓食肆大多高朋滿座，最後決定來到這間自稱是越式湯粉專門店的「越棧」吃午餐。這店子雖稱自己為越式湯粉專門店，但即使是我吃的店中推介「特別牛河」，吃來也不過爾爾，甚是平凡。這「特別牛河」之所以稱為特別，原因在於它是牛四拼，一碗湯河可以有胡椒牛扎肉、金肚絲、牛腩片和生牛肉四款配料，可惜，這四款配料全都平平無奇，質素十分普通。胡椒牛札肉的口感雖然較好，但胡椒味淡薄；金肚絲切得既細且碎，口感全無；牛腩片與生牛肉亦並不嫩滑，且欠牛味。至於那店家自稱用鮮牛骨熬製的湯底，也牛味不濃，令人失望。因為我吃的是套餐，所以還有飲品。叫來了「椰汁三色冰」，甜味不重，是這特飲的優點，也是缺點。味道不太甜，當然較為健康，但味道不甜，卻不太好喝。這間「越棧越式湯粉專門店」，不要叫自己做越式湯粉專門店吧！

裝修以籃色同黃色為主調，燈光光猛，但環境唔不太舒適。檯與檯之間既距離好少，空間峽窄。豬頸肉湯檬份量比以往食開既少左，蔥同芽菜既配料仲多過檬粉。豬頸肉雖然煎過，但唔香口~香芒雜欴名不符實!!!成杯野飲得好少芒果肉，反而波羅既份量較多!

今日系沒有目的的情况下去左 hollywood plaza 逛逛。 見累累地就去左越棧食個下午茶。下午茶比我想像中出色！味道好而且分量同晚市一樣多！值得寫篇食評來贊一贊！香茅豬扒湯檬，豬扒醃得好好味也很香，雖然浸係湯裏面也唔會變淋，有五件左右，湯檬裏有芽菜和生洋蔥䓤，個湯底都好味道，質素很不錯，very good!餐茶叫左咸檸七，味道正常好味，因爲沒有很多冰，所以唔會太淡。香茅雞翼湯檬，雞翼也是醃得好味好香，仲有3隻！湯底同上，好味道！my favourite!餐茶叫左熱檸蜜，用的是蜂蜜而唔係菜蜜, 個人認爲蜂蜜好味過菜蜜，good!牛肉撈檬，因爲我中意撈檬，個湯系精髓，酸酸辣辣好醒胃，好味道！牛肉串拼豬頸肉（小食），牛肉串有點噥，味道正常，唔錯！總括而然，這餐系意外驚喜，用下午茶的價錢食到晚市的質素和分量，抵贊！！

黎到鑽石山，呢個商場有好多餐廳選擇，友人提議食越式餐廳，就來這裡tea一tea.我點了生牛肉湯河，飄來一陣香味，是金不換的味道，我喜歡它的湯加了金不換葉，換黎獨特的香料味。生牛肉僅熟，啡色的肉夾雜少少紅色，食落夠嫩而且新鮮，河粉就夠滑，建議加上少少魚露醋，更能吊出牛肉鮮味。

話說今日同幾個同事早上出完JOB，坐地鐡回到鑽石山已經是LUNCH 時間，索性食埋LUNCH 才回公司繼續趕工，打算食個快捷LUNCH但要知在荷里活的食肆，除了麥記, food court 這類快餐店以外，大多上菜都需要等的不過唯獨越棧，是我印象中上菜最快的一家，兼不太需要等位於是我們一行幾人便直奔越棧果然於1:30 的時間，也可直接入座，頗神奇呢~~我個人特別喜歡越棧的豬頸肉，貪其燒得夠香口同事選了 豬頸肉撈檬其實撈檬是我的至愛中學時期試過一次後，便愛上撈檬，最喜歡落好多檬粉汁，令我開始覺得檬粉汁才是主角食落十分開胃本來我也想揀撈檬的，可是見這幾天天氣開始轉涼，想食些熱嘢，所以選了豬頸肉湯金邊粉話說上月底跟家人去了越南旅行後，就一直對當地的粉( Phở )念念不忘越棧的湯底味道比我在越南食較濃，用了較多的香料而男同事則鐘情於越棧的健康三色紅米飯，我每次見佢都是點這款~~~其實價錢上真係幾抵食，比粉麵類多幾蚊，就有齊雞翼、香茅豬扒、扎肉粉絲只是份量太大，一個女生應該食唔晒了我們從ORDER到食完，應該20分鐘左右，所以說越棧是非快餐類的快捷之選

新裝修菜未到 , 拍個照。保留原有的厨房出菜窗口位, 看到厨房倍感親切。未食得, 拍張照先.愛喝的玄米綠茶。平均加了十個巴仙啊 !甜酸汁咖喱牛脷紅米飯, 不辣, 很香濃。小子最愛, 每次都點, 百吃不厭。春卷, 炸得脆, 咬落煙韌, 是包米紙的!我的健康紅米飯, 有蝦片扎肉, 香芧鷄翼+豬扒. 紅米不是很多呀.跟餐叫了柚子蜜, 也有各種冷飲, 如紅豆冰等... 

今晚做完facial已經差不多成晚上十點，周圍食市都已經打烊，只係得返一個個選擇就係越棧，唯有入去食個晚餐啦！點左個特別牛河，好大碗下，材料都幾足，有牛腩、牛肉、紥肉同牛肚，牛肚同紥肉都好爽口下，牛肉就有少少「鞋」，牛腩都幾淋。味道唔錯，不過個湯底好多味精下，食完好口渴。蘿蔔，幾甜同好淋，唔錯！之前食過佢D蘿蔔好多渣同老，今次有進步！叫左杯燈梳打，好甜下，唔係太好飲！埋單$70，都算幾抵食，下次會再食的。