越棧越式湯粉專門店 (荷里活廣場) (已結業)

今日第一次去呢間鋪頭食. 散叫O左2個餐(包括香茅雞翼撈檬, 香茅豬扒湯河), 再加O左2個小食(蒸粉卷及湯蘿蔔), 2柸特飲. 本來正常收HK$152(冇加一)。先講味道，香茅好油食幾啖已經好飽咁, 其他都不過不失..快餐服務咁！

今日想食越南粉麵，見到越棧不多人，不用排隊就入去試試。蝦餅撈檬味道不過不失，份量可以，唯是蝦餅炸得有點乾了。豬扒湯河豬扒味道可以，但也是豬扒炸得有點乾了。這店的好處是價錢相宜，不收加一。地方也乾淨。唯侍應的態度有待改善，不要問多句也像不耐煩似的！

下午茶時段，睇荷里活廣場都唔知食乜好。一條友幫襯呢度食碗越南河，依家已經要面對埋老趙嘅競爭，因為對家都有下午茶餐，但係呢間嘅質素依然好一般。我叫左碗牛札肉金邊粉（$36），連熱飲，再加菜（$8）。首先，明明侍應同我落單係落得啱嘅， 1分鐘後送上黎嗰碗都只不過係普通嘅扎肉金邊粉，薄薄地幾塊好可憐。我立即拎住張單同侍應講啦，佢話係廚房出錯左，之後秒速俾返碗啱嘅我。好可惜，湯底麻麻哋，我估有少少味精，碗粉嘅份量唔係好大，胃口大嘅人未必夠飽。牛札肉比較有肉味，但都係得薄薄地三塊。加錢叫嘅菜，有幾條好生。熱飲係熱柚子茶，淡如水。下次未必再黎食tea了。

天氣悶熱，最想留係有冷氣ge地方，就算出街食飯，都係近近地係商場揾間餐廳就最好😄自己一個走左去荷里活廣場食越南河，清清地兼簡單抵食d。豬頸肉湯河 ($46): 係商場到食到呢個價，而且豬頸肉份量幾多，算抵食，味道中規中矩唔太差，豬頸肉肉質都ok，但河粉就一般普通貨，當然亦稱不上正宗啦。蒸粉包 (半份$28)：皮太厚，餡料係菇，豬肉碎，蘿蔔粒，味道好一般，唔係我杯茶。如果呢個質素就$28都略貴，有進步空間！

今天跟朋友到鑽石山逛街，來到中午時份，要計劃午餐了。來到這樓層，有星馬餐廳及越南餐廳，二家都很多人在等候入座。各取了2家的籌，看看哪家最快叫號入座。越南餐廳有位了，大家都快快入內就座。先看餐牌，款式真的讓人花多眼亂，奈何每款都想要，看到這個卓越河套餐配飲品2杯，配料包括：生牛肉 牛腩片 牛扎肉 牛脷 雞絲 扎肉。　一次滿足多個願望，所以點了這款。　而朋友則點了蝦餅撈檬。       大大碗卓越河來到了！真係好大碗呀！鄰枱的客人都露出驚奇的眼神呢！  職員提供二個小碗，方便我倆分享。先喝一口湯，未算甘甜，但味道也算濃郁。來分配不同的食物了！生牛肉：朋友不吃生牛肉，全都讓給我。生牛肉脂肪較少，以肉質纖維為主。浸到粉紅色的牛肉，好嫩滑，好有肉味，還有牛肉原本微微的酸味。只有浸熟的生牛肉，才感受到這味道。牛腩片：較硬身的牛腩片，主要交由朋友負責。　牛扎肉：顏色較深　牛脷：牛脷十分鬆化　雞絲：浸到老左的雞肉，但配湯一同品嚐，還算ＯＫ　扎肉：又白又滑的扎肉   河粉　要配上湯，還有洋蔥絲一同品嚐。朋友點了蝦餅撈檬     卓越河真的很大，最後二人還是不能將其完全消滅。應該說是：好抵食。

星期日去荷里活廣場行街，見肚餓搵嘢食，點知間間到咁多人，得依間越棧少人D，算啦，入去試下，睇D價錢，下午茶36蚊，幾抵食，叫個豬頸肉場檬，加個玫瑰柚子特飲，份量好少，檬粉太淋，湯底唔夠味，豬頸肉D肉質唔掂，個特飲D抽子味好淡，唔掂，冇下次！

同未來老公仔買咗飛睇20:05ge戲6點鐘收工，極速6點半到咗荷里活原先諗住食隔離新開ge喇沙，點知已經超多人了😵😵😵見到餐牌個「特別牛河」好吸引，大大碗，回知嚟到嗰實物係伏到一個點😡😡😡1.蘿蔔勁多渣又唔甜2.牛肚絲幼到好似條金邊粉咁幼，明明相係正常size3. 牛腩薄到好似張紙咁，仲要痴牙4.D料勁勁勁勁少，肥牛1塊、牛丸片2塊簿切，「金邊粉」牛肚絲3-4條、薄薄牛腩一片😤😤😤好，湯底係好味的，但唔值簿我俾$7X去食，完。😤😤😤另外，侍應們都唔理人的Blacklisted 😤😤😤

5月6日下午5:45見門口下午茶餐至下午六時(清楚寫明計入坐時間),於是選擇在這裏進餐，约到5:58左右便order食物，怎料店員說電腦顯示下午茶餐時間巳過，不能再落單。我向她查詢不是計入坐時間嗎？她只不断重覆又重覆說時間已過，問非所答。於是我只好向坐在收银處，看似較高级，帶眼镜的男士再詢問一下，估不到他沒任何反應，全程木口木面，我有我問，他有他繼續發呆，我就像跟空氣說話。講真今時今日你還有這樣的服務態度，真係out哂！

店長，男性，戴眼鏡，喝我們：「食咩野？係咪全部人唸齊哂食嘜？」又再喝我們：「係咪唸齊食嘜？唸齊先叫！」發生什麼事？不可以先點一些菜，再加單的嗎？該店長的語氣和態度，不能用文字形容，好像是我們對他做錯了什麼事，這種不禮貌的態度誰人受得了？

此店店長，男性，戴眼鏡，態度惡劣，黑口黑面，粗聲粗氣，唔想做咪返歸囉！本來只求吃飽，也沒有特別要求，唔駛你賣笑，但我也不用受你氣，收錢時，單都冇張睇下，話幾多就幾多呀？收錢時，未睇清楚就俾面色話未夠，好似我乞佢咁！話哂我都係客，多謝都冇句，仲要眼超超，語氣差到呢！

雖然話就話三點先下午茶，裡面有位又唔比人入左坐住先，都算啦，過左三點先放人入去。下午茶餐牌唔算多野揀，咁本身都鍾意食越南菜嘅我都係叫翻我嘅最愛～生牛肉河。我地四個人有三個都叫左生牛肉河因為呢間咁多分店點睇都唔會伏啦。點知上菜嘅時候，碗生牛肉河嘅牛肉都唔多過四塊，真係好少。成個生牛肉河份量都好少，話就話係下午茶但係幾啖就食完真係好少呀！至於飲品就叫左好基本嘅凍檸蜜，但係真係好稀好多水。至於服務，上菜慢語氣又唔係特別好，真係好後悔黎咗食下午茶

一個下午茶餐於商場舖HK$40左右確是抵食，但吾可以因為平就無服務。店員無笑容、叫佢吾彩你、同個似店長投訴好似不在乎，食物普通、椰汁冰又太甜比錢又受氣，無下次!!!

食物好，上菜快。但收費方面就兒戲，用心算，計錯錢，而且是差成2百蚊。一餐食了費用$252，我俾$500，結果找回$34。足足差成$214。吵完後先找夠數，其他同事梨問情況，收銀員就串我話：找少5蚊姐。 大家下次去食完，開心完，都請拿個計算機幫幫收銀員計番條數，唔想大家成為下一個收少（5蚊）的人。

行過見到越棧下午茶好似幾抵食加上唔洗排隊同仲有幾個鐘先食晚餐所以就入去試一試同朋友一人叫左個下午茶，＄36／set自選，特飲加＄4我叫左個香茅豬扒金邊粉湯面，味道唔錯，豬扒比想像中“林“，唔會太肥太瘦！剛剛好朋友叫左個豬頸肉撈檬，食時淋上魚露，酸酸地幾開胃但係朋友認為份量太小特飲叫左杯青檸梳打同芒果特飲，味道好假同用罐頭生果，不太喜歡

今日去左鑽石山挽 行行大見到呢間野就去試 我叫左個特別牛檬 點知啲又鞋又唔好食 又冇咩味 份量又少 杯野飲10幾蚊兩啖冇曬啲人態度又差 又好似趕客咁款 收銀又掛住自己野唔收錢 我嘥左錢係到