越棧越式湯粉專門店 (荷里活廣場) (已結業)

豬扒撈檬系我最鐘意點既檬粉，豬扒夠大碟， 我甚至覺得仲多過d檬粉，我通常都可以分d比fd食，食檬粉既好處就系可以加好多好多汁，食到最後都仲有汁，正啊。 當然生熟牛河都唔錯，但撈檬始終野味d。

近來來過幾次，但一次比一次少客，為何？🤔生牛肉湯麵河，幾片薄牛肉，湯都算合格呢個一望就知，D豬扒又乾又硬，賣相不佳又不好吃👎呢兩杯梳打，只是糖水一杯，還要加$8，味道就好一般咁嘅出品，D客越來越少真是意料中事了！

今日去完約修眉，便同朋友在附近吃飯。廣場選擇不多，之前去完越南，掛住當地的越南河，所以就簡左食越棧。叫了一個二人套餐，包了二碗兩送的越南河，兩個小食，一碟菜，和兩杯飲品。價錢198，價錢合理。我叫了一碗生牛肉，金肚絲金邊粉。生牛肉無咩特別好普通，仲以為好嫩，而且份量好小，至於金肚絲，小得可憐。睇圖都揾五到。。整體完全同我係越南吃的差太完。友人叫了生牛肉，豬頸肉金邊粉。朋友覺得湯底偏淡。小食叫了春卷，幾脆口，合格水準。越式蒸粉包，出奇地幾好口味，個皮好薄，包住d雜菜，清清地。仲有一碟上湯菜。 最後埋單198$，不收加一。不過應該無下次，個粉實在太普通。

去兩次兩次都找錯錢，一同佢講立即二話不說攞返出嚟。正常店舖都會點數同埋冇咁順攤⋯⋯一個客人俾佢呃幾蚊，一日都唔知呃埋呃埋幾多錢！去呢間野真係要打醒精神，計好晒數先好去埋單！

今時今日，輪候座位不但沒有遙距取票，電子派票，就連人手派票都沒有，只叫人客門口排長龍。手上沒有票，即是廁所也不能去，只有乾等。輪到我們排龍頭，只有一個到處忙的伙記知道我們正等待六人枱，其他伙記一見有枱就放後面二人枱入去，這樣做，我們再苦等也不會有枱，感到好無奈，惟有大叫大叫再大叫，說是我們先來的，一片混亂後，才有得入，真是慘過輪米。今時今日，派米都有籌派，比錢人賺仲要受這樣的苦，真是自討苦吃。

一坐低問阿姐個飯個價錢係跟餐定散叫，點知俾個企唔定既阿姐話:「你要跟餐咪做跟餐俾你囉！」我再問「跟餐有d咩?」又大大聲話:「自己睇餐牌」首先:我識睇（你嗰個亂七八糟，又求其嘅餐牌）嘅話就唔洗問你啦!我唔係喺度返工!!!當然唔熟你哋開邊凡!!第二:新年流流黑起塊面，一d平和語氣都冇第三:我地黎出糧俾你，唔該珍惜，攪到間鋪喺open rice臭晒，你收得皮啦!第四:今生今世都不會再幇襯

態度之差數一數二，問佢攞杯水就話得啦，但之後影都無，再問多次佢時就很好惡地答你攞緊囉，你唔見咩，又話忙又話我好催佢！不斷地同我爭拗，真係俾佢激到飛起，簡直以為餐飯唔使俾錢，所以我理應要受氣添

去荷李活廣場買野, 未食野咁就食左先買啦, 睇下個商場有咩食之後,我地就揀左越棧,去到間舖頭,唔洗等位有得入去, 見又有下午茶,諗住爽啦。咁我地嗌左兩個下午茶餐, 野飲就一杯凍檸七, 另一杯就食完先嗌,熱既即磨咖啡。門面呀,裝橫呀,都係行大排檔風,坐硬櫈,但都企理既。下午茶, 唔貴,但又唔突別平,可以啦, 餓既岩晒,可以有飯轉一碗生牛肉金邊粉, 生牛肉以為會嫩啲啦,嘩,鞋過我啲皮,又實又老, 湯底就淡口啲, 粉就無特別香茅豬扒金邊粉, 一上黎,散亂既豬扒浸晒係碗粉到,見到都唔開胃, 立即就夾起晒, 當然無香茅味啦,但唔老既,都算ok重點黎啦,叫佢比辣椒,比左一碟,我問要多啲辣椒, 佢話要比錢嫁喎,我話你比得兩粒我, 要多啲要比錢??佢就話係咁嫁,要比錢, 痴根,食粉麵要辣椒要比錢,我真係頂唔順,而嗰粒青檸, 都唔知放左幾耐,一粒汁都無。最終個阿姐仲要口嗡嗡係到話,有個姐就叫佢加比我地。 大前題係,坐我隔離個阿姐, 之前要求時, 係無話要收佢錢, 成盒拎黎畢比佢!唉。。。最後叫埋野飲, 杯咖啡出其地ok, 飲左先記得影相!味道已一般,本身都仲會比ok, 但加個倒米無理阿姐。。立即扣分!

Tea time 想落order, 男友睇唔到後面男店員幫緊其他客人落單，就同個店員講：寫嘢吖唔該 點知男店員答：咪寫緊囉真係O晒咀，跟住我舉手想叫第二個店員落單，個男店長明明睇到都唔行過嚟真心唔會再過嚟食嘢

好耐無去過尋日同屋企人去，三個人單點一個拼盤，三個粉單上面無價錢，巡例自己計下大概幾錢阿媽去俾完錢出黎話三百幾，明明我計出來就二百幾走返去問，個收銀先話睇錯，應該係二百幾收錢個陣齋講又唔俾單我阿媽睇，因為之前都食過好多次俾錢又無留意睇返張單好清楚咁寫住二百幾，即係收多左幾十蚊真係唔知有心定真係無意反正一定要睇清楚張單！而且台面張單都無寫價錢仲有，而家連水都無一杯.....以前都唔係咁差既d野就越來越貴...服務又唔好...

店長態度極差店門口寫住請排隊拎票，後面一大班人沖上嚟就比人先。問佢點解又話人地人多野食雖然ok但店長態度差個店長會黑你面鬧你，唔當你係客。唔知點請人，今時今日咁既服務態度唔得啦。

有一名男店員(戴眼鏡,髮線向上生)態度惡劣，對客人呼喝，完全沒有服務態度，客人好似貼錢買難受咁，對客人一啲都唔尊重。千祈唔好去食，而我都唔會再去食！完全失望，從未如此被對待過！Rude service without respecting customers!So disappointed with such poor attitude. The worst service I have ever met! Wouldn't be my choice of restaurant anymore! Black listed!

今晚同5個朋友諗住入去食反，有個白恤衫男人用呼喝既語氣要我地係旁邊排隊，唔係唔知我地係度等位，但明明佢張reception 枱有輪候紙可提供；我朋友對於佢既態度有d氣憤，就係度講我地比錢食反，點解好似要受你氣咁，跟住佢勁串咀咁回贈一句唔想食就咪食啦我地聽到佢依句真係好唔憤氣，決定影佢相係依度公開依個白恤衫（我諗係經理掛）男人極之差劣既態度，如果大家覺得比錢食反唔介意受氣既，可以照去，no comment.

本身好地地六個人係鑽石山附近，就諗住去荷里活食飯，星期日八點就預左要等位，見呢間無咩人等位，都估到唔會好食㗎喇。估都估唔到咁大間野唔可以扲飛，仲要你排好隊唔好走開，但我又發覺佢係有得扲飛但係玩野要晒六個人排隊係門口罰企，其實消費者唔會無啦啦發火既，有時職員既態度真係好緊要囉

一入座就附上熱茶，可以喝一口茶才慢慢看餐牌。我單點了一碗生熟牛肉河粉走青，沒有配餐飲，加配了一個娃娃菜。生熟牛肉河粉的湯底不油膩，味道尚算中等，沒有突出的肉味，而牛肉和河粉份量也還不錯。另外，一般吃越式粉面，通常有青檸、辣椒和九層塔附上，但在越棧，是需要客人主動的。所以如果各位需要這些配料調一下味，就記得要主動詢問店員啦！連鎖店的味道，就是沒有什麼的驚喜，但會有合格的保證，所以肚餓時經過越棧，有時還是會沒帶期望的走進去。