越滋味 (已結業)

首先哩餐係收我$53 完全唔值 係完全唔值第1 外賣等得耐 似係整晒堂食至出外賣第2 個麵係幾乎冇味 得個鑊氣味 又炒得唔均勻第3 豬頸肉得5舊 都係冇味第4 個蛋炒燶晒 仲要燶到苦第5 華田似水一樣唔會再有下次

以前在附近返工，多數會尼依間餐廳食午餐。今次就同朋友兩個食晚餐，叫小菜。小菜就冇得包飲品、又冇得包飯。所以叫飯就另外加$6。叫左個椒鹽鮮尤同埋腐乳通菜配豬肉。本身係配牛肉既，但因為朋友唔食牛，就可以轉豬肉。不過，感覺就怪怪地。所以下次都係就咁腐乳通菜或者配牛肉好一些。個鮮尤都唔錯既，唔係太多炸粉。環境都幾好，可能因為星期日，所以可以坐得舒服D. 因為平時午餐時段就好迫。小菜就大概$68一碟。始終都係叫餐抵食D. 大概$50包飯包飲品。

雖然有點舊，有點破落...瑟縮在女人街的角落但越南粉做到出乎預料的好味道，又夠地道，價格又夠平，下午茶只是$40，有湯粉，檬粉或飯選擇，包飲品！燒牛肉檬，牛肉可口，不鞋口，檬爽口，自己調製的淥冧，有香味，不過甜，不過咸, 可比美其他集團的越南食店，粉卷，內容豐富，味道有層次，皮薄此店值得再次來

今日難得經過銅鑼灣，當然要問返舊同事食飯啦。今次就去咗平時我哋好少去嘅地方 ，食越南嘢 。因為往往我哋食一點鐘已經係滿座 ，今次我可以早啲去當然就好快有位，時間差不多一點已經坐滿。今次我哋幾個都食咗唔同嘅嘢 ，同事話味道都算唔錯，而且價錢都幾平.但係今次我嗌咗一個香茅牛肉 粉絲， 反而我自己就覺得一般牛肉分量唔算多 ，粉絲好多但係整體味道偏淡。飲品方便味道只屬普通唔算茶味很濃， 但係已39蚊不用加一銅鑼灣嚟講都算抵食。

今日去食越式粉麵走咗去渣甸街街市內街食朋友帶路才知道有這間餐廳入到去餐廳細細 都幾多客人👦🏻👧🏻👶🏻👱🏻‍♀️👧🏻👴🏿坐就普通 服務普通 🙈我們選了2個下午茶餐1. 印尼炒飯🍚都算可以 有蝦、蛋、咖哩 唔會好辣 好唔會好油 👍🏻2. 另外叫了一個茶葉雞球濕炒河粉 好細碟😞，油膩了點 雞都腍但好細塊 河粉炒很唔差 另外餐飲我們叫了熱青檸水🍋 2小片青檸 不過都特別 好少地方有這個選擇下次來都係食佢的湯粉比較好

同事突然想食越南嘢，上openrice睇睇發現渣甸坊裡面有間越南餐廳，一於去試下！餐廳裝修係茶餐廳格局，set lunch有好幾張紙，炒粉麵飯都有，今次就叫左個生牛肉湯檬。$39，上枱其實都幾靚仔，牛不是肥牛，大大塊，冇牛騷味，湯都夠熱整得熟佢，幾好。湯底冇咩香料味，雖然清清淡淡但都食得出係越南湯麵，有種想發脾氣又發唔出嘅感覺，係好搞笑咁冇啦啦有舊蘿蔔係到，但舊蘿蔔又幾好味，入味又冇渣，一舊有啲唔夠喉，呢個價錢包野飲，都冇咩好投訴，過一過口癮都ok，下次試下海南雞！

今天中午胃口一般，最後就在銅鑼灣內街一間越南式茶餐㕔坐下，叫了一碟越式炒檬粉。配料有扎肉絲，蝦仁和洋葱絲。檬粉炒出來香味四播，食落檬粉幼滑爽口，不象其他炒起來很易黏在一起又會炒爛，碟底沒有一點油,值得一讃！

逛街經過這家餐廳，正好餓了，看見門口的餐牌有自己喜歡的印尼炒飯，便進去一試。下午茶套餐很平價，$40飯+飲品只是印尼炒飯端上來的一剎那，我驚呆了米飯炒包菜⋯⋯就是這樣。白花花的一盤米飯炒包菜。沒有任何味道，沒有鹽味沒有香味，只有一股炒飯的油膩感。最後，在加了半盤子的辣椒醬之後，我勉強吃了下去這一盤白花花的東西。講真，對於不會做飯的我來說，炒這樣一盤東西都簡單的不在話下關鍵是它怎麼好意思叫「印尼炒飯」？正宗的印尼炒飯酸辣鮮香，一隻煎到恰到好處的蛋舖在表面，炒飯內容豐富：青菜雞肉香料而越滋味這一盤白花花的包菜炒飯，究竟是什麼鬼？無法再光顧，欺騙了一個吃貨對食物的熱情與信任

喺銅鑼灣返工，自然會喺銅鑼灣食lunch, 今日我同事話有間幾好嘅越南野，原來喺渣甸坊啲巷仔到，真係唔講我都唔知，位置真係幾偏僻。室內都幾大啦，茶餐廳格局，有一個水吧位置，座位闊絡，都坐得幾舒服嘅。聽講lunch time一點會好多人，我差不多兩點先到，所以唔洗等位。餐牌上嘅湯河可轉做撈檬，所以我要左香茅豬扒撈檬加凍檸茶💰HKD45凍檸茶有一大半杯都係冰，味道好似水吧落得比較多糖，整體上都偏甜。香茅豬扒撈檬都幾好味。撈檬汁放喺枱面隨便仼落，檬粉上有油蔥，增加香味，檬粉唔會一舊舊，好易撈。香茅豬扒有啲靭，而且比較多骨，但係十分之香，亦唔算太油膩，又唔會太乾。對於我一個女仔黎講份量剛剛好。

身處老銅，朋友話想食越南菜，我呢啲非港島人淨係識香河，於是上openrice search吓，發現有呢間就試吓新嘢朋友點咗豬扒湯檬，另上青檸辣椒幾貼上，整體感覺實而不華我叫咗蝦餅撈檬，蝦餅唔係平時小食炸得勁脆嗰隻，亦都無咩擺盤可言。蝦餅切成片狀質感有啲似食緊魚片。最得係個油蔥，有蔥香又有炸乾蔥嘅脆口。

叫了個生牛肉湯河。湯似滾水，毫無味道。別說用牛骨肴湯的正宗越式做法，就連雞粉湯也不如。牛肉又"鞋"又乾又柴皮，相信浸泡過的樹皮也比它易入口。勉強逼自己先食到半碗。。。無疑係有生以來吃過最最最難食嘅牛肉粉

睇到有特別既粉卷...特登黎試...點知又加左價😭計落...似乎下午茶粉麵飯抵食過粉卷...不過既然原意要黎試，就二話不說點左個粉卷...等左大約5分鐘...估計係即叫即蒸,所以等耐左少少?!蒸粉卷上枱喇...熱辣辣，仲不斷見到佢出煙😀個皮煙煙un un..好有趣，加上好香既葱蓉係面,仲有入面既豬肉，木耳，蘿蔔...真係幾好食~口感特別...順帶一提...熱飲佢用瓦杯裝...好保溫，好夠熱😊下午茶小食都幾好...不過就一定唔會話係好飽...但係見到粉麵比呢個更平...就覺得有dd唔抵喇...

去銅鑼灣行街，行耐左都唔記得食lunch，入左黎呢間越滋味，兩點幾鐘，可以食下午茶餐抵食d叫左E餐 香茅烤牛肉湯河個湯底有d清，好彩有d辣椒仔平衡番個味其實我幾中意佢咁因為太濃味感覺冇咁健康奶茶就普普通通啦整體感覺好好

這天和銅鑼灣的親戚吃飯，她推介這所位於內街的越南餐廳，便前來一試，順道做「越南菜水準調查」（於同期內找港島區三間越南餐廳比較，詳見筆者OpenRice）。餐廳是普通的茶餐廳格局，遠觀之還不覺是越南餐廳，相信餐廳前身是茶餐廳。餐廳沒有卡位，只擺放了普通的椅子和桌子，且有點擠迫，不大舒服。服務也只屬一般水平，店員在下單仍不肯定我們所點之食物，需再三肯定，影響服務效率，唯上菜速度屬正常水平。食物：1. 香茅豬扒撈檬 + 凍檸茶 ($36-)和光顧其他餐廳一樣，這一回還是點了香芽豬扒撈檬，以便比較。香芽豬扒有點硬身，選料不屬上佳水平。幸好餐廳選了不多骨的部份，使顧客仍有「啖啖肉」的感覺。本人倒想花點筆墨說有關醬料的安排，餐廳之每台桌子都擺放辣醬及檬粉汁，各位食家日後光顧時應分清楚兩種醬汁，否則便會像筆者一樣下了太多辣醬，使辣味蓋過一切，未能真正吃到餐廳之出品。凍檸茶是一般水平，甜味雖猶在，但筆者認為其味道過酸。水吧師傅在下檸檬片時應留意當中之數量。三家相比之下，此家雖然配料不多，但主菜豬扒仍然做到不俗水平，比太古越棧更佳，但又不及堅尼地城的津津食店。

之前黎過依到食野,不過就未試過佢D生牛河,之前睇過,賣相非常唔錯，同自己講有機會一定要番黎試下,今日終於都得閒喇。其實如果未黎過既話,呢間野都幾難搵嫁,佢係渣甸坊則邊D唔起眼位到,仲要係角落,未黎過絕對係難搵。一黎到就叫左生牛肉河,好快就有得食,賣相都係吸引到我,不過個湯就差少少味,香草份量就唔係太多,我自己就唔鍾意太多,所以依到岩我,食生牛肉河緊係要放辣椒,都好似放左好多粒先出味道，之後仲有洋蔥,依樣就比其他野多好多，味道出哂黎,湯都有哂佢既味,夾埋非常甜，賣相同味道係算成正比嫁,當然主角生牛肉都要講下,係瘦既牛肉,唔會太肥，要岩岩熟既時候就食,唔係既話口感就好差, 再加多杯檸檬茶,味道正常,下次有機會再黎講食埋其他野。