越滋味 (已結業)

又來啦 , 兩個人沒有叫套餐 , 散叫了一個蔗蛤春卷檬 , 炸墨魚濱海 , 蒜茸包 . 個檬幾好味 , 料也算多 .炸墨魚濱海 , 做得有些鬆 , 一拿起就已經碎開 , 墨魚好淡 , 沒有什麼味道 , 要加好多調味 , 生菜新鮮大塊 . 蒜茸包 , 好像烤得不夠 , 蒜茸味又不夠 , 也不均勻 . 服務 ok , 亞姐不停加水 , 也有禮貌 , 只是笑容欠奉 .

好很難食, 春捲是腐皮捲都得, 串燒唔係燒, 係煎好再番熱,燒豬頸肉食落滲油, 全口都係油.激死, 兩個人邊食邊罵.

在約十款的午餐中, 選了茄汁牛腩飯茄汁味可以, 隱約吃出一點點蔬菜肴出來的味道牛腩炆得非常之腍身, 不錯, 但牛筋的份量太多了.可惜食物上菜時不夠熱, 影響了食趣.座位太逼,坐得不太舒服服務員太忙, 等了五分鐘才能點菜32元的午餐, 凍飲再加3元, 不過不失.

想去渣甸坊行街順手搵下openrice有咩好食,一個惡夢既開始有個老女人 好似係主管咁既人,禮貌差過d茶餐廳仲比我見到佢喝d客勁大聲"4位丫麻等陣啦好無呀你"仲以為d野好食先可以咁串咀啦點左d野試下1)越式湯河 一個字"淡" 個牛腩都ok好,不過個湯太清 我女朋友食野淡都係咁講2)沙爹牛河 普通到唔可以再普通3)馬拉x炒通菜 d菜老到...................4)本來對個咖啡好有期望,點知又係一個失望 勁淡呢間野 一定無下次去番上次食太子honda showroom 後面間越南野好過

上次來不舒服也沒有吃過什麼，朋友說不錯，一直也想試，今天終於來了．　叫了個 set lunch，是排金邊粉，味道好好，加一點辣椒絲更正．30 多元一個 set，份量又多，幾好 !

叫了生牛河及串燒併盆生牛河幾好食, 但欠缺一種鮮味.

同太太行經銅鑼灣女人街, 見到呢間食店係巷內, 一D都唔起眼, 入到去乾淨企理, 但幾擠迫。我哋叫咗生牛肉河粉, 咖哩豬扒飯, 越南春卷及馬拉盞炒通菜。生牛肉好有牛肉味, 咖哩幾香但唔夠辣, 豬扒一般, 通菜炒得好嘢味, 唔錯! 但最好味反而係咖啡, 濃淡適中, 好香好飲, 下次去記住叫凍咖啡呀!

午後三時，要吃個「快餐」，想起越式湯粉，捨出面路口的強記取這裡，純粹想試未試過的店。都有好幾個下午茶餐的選擇，價錢廿二蚊起，包湯粉及一杯飲品，幾經濟。但想喝滴漏咖啡，茶餐不包，可以理解，但加錢也不能相就，就有點難明白，那唯有散叫。要了﹝招牌菜的﹞生牛肉湯粉及札肉雞絲檬，另外一客蒸粉卷及鹹魚蓉炒芥蘭，再來兩杯滴漏咖啡。生牛肉粉不知何解，總覺賣相平平。湯底不算鮮味，再下紅尖椒及灑上青檸汁，才覺得好一點；河粉是本地貨，厚身又不爽滑，像吃魚蛋粉；牛肉不提也罷，反面芽菜、洋蔥及蔥倒不少，挽回一些分數；蒸粉卷賣相不錯，粉皮薄薄的，可以看到裡面的餡料。但一夾起來，放進酸辣汁裡面，就立時「甩底」，所有餡料也盡散在汁料中，好不敗興。而餡料是打得幾碎的豬肉、木耳等等，想撈也撈不回，成兜汁料連碎餡喝下又不行，唯有連剩下的兩個粉卷一起放棄。札肉不是我那杯茶，雞絲也未見佳處，不吃自然也不評。咖啡不算很香，要數這個滴漏咖啡，北角華苑的是不錯。埋單155，因為散叫而不要套餐，不便宜也理解。但食物質數亦不算高，很難找到再來的理由。

試酒會後微醉閒蕩至渣甸坊, 見到有間未試過的越式餐廳, 雖然還未算餓, 但不知為何很想吃一碗越式生牛河. 坐下望望餐牌, 星期六也有下午茶時段至六時, 生牛河只賣二十二, 想也不想便要了這個, 再另加七元轉飲青檸梳打.湯河約五分鐘就奉上. 雖然是下午茶餐, 但並沒有偷工減料, 洋蔥芽菜, 九層塔等皆不缺, 牛肉份量也不少, 湯夠熱, 牛肉很快就由生轉為淡紅色的半熟狀態, 先吃一塊, 肉質頗滑而夠牛肉味; 河粉一般, 又是平常港式沙河粉, 並無驚喜; 湯底夠熱, 但不夠香濃, 只算合格, 加入另上的青檸及指天椒粒後, 增加了味道的層次, 也總算可以吃過碗底朝天. 加錢換的青檸梳打, 清甜中帶點點青檸的酸和甘澀, 份量又十足, 實乃飯後的消滯良品也. 埋單時再看看四周, 雖說是星期六的銅鑼灣, 但只有三檯客人. 做飲食生意, 除非很有特色, 否則店鋪位置相當重要.

原本同老闆一齊食LUNCH,點知行到半路比佢個客CALL走左,只好自己去搵食...諗起好耐無食越式炒檬,1個人又唔難搵位.ORDER了越式炒檬同凍檸茶走甜.這兒的越式炒檬內容頗豐富,有鮮蝦仁,扎肉,生菜絲,雞肉絲,芽菜,蛋絲,花生碎同蒜片.師父炒得幾有鑊氣,只是鮮蝦仁被"拿"得"淡某某",無聞味.不過連凍飲都只係33蚊,銅鑼灣都算OK啦!這兒地方乾淨,只是座位太密,無法啦,香港寸金尺土嗎?!

來了此店食tea幾次, 今日帶亞傻鬼來食個tea先...叫左個生牛肉湯河, 炸春卷+檸茶及青檸梳打...個湯河都好多牛肉唔錯不過亞氯鬼就話香河既生牛肉河就正d, 此店既湯都放得幾多味精, 反而個春卷唔錯即叫即炸仲有埋生菜配埋真係唔錯..下午茶都係一個唔錯既選擇.

星期日按完摩同家姐2人去食下午茶..叫左雞絲撈檬及牛油雞翼; 2杯咸檸7-up.撈檬都唔錯好香好正; 雞翼即叫即炸係熱氣左不過真係幾香又唔會太油...杯野飲都唔錯.二十多元都算抵食; 不過此店既服務就認真麻麻.

尋日lunch朋友帶左我黎呢間餐廳食, 佢話聽聞幾好食, 但位置比較入(渣甸坊街尾), 今次叫左兩個set: 雞絲湯檬個炸春卷, 加多個牙車快沙律雞絲湯檬: 湯底辣辣地, 雞絲同檬粉都好普通炸春卷: 岩岩炸起熱騰騰, 好脆都幾好味牙車快沙律: 即雞絲沙律(生菜同紅蘿蔔底), 好大陣魚露味, 味道一般服務方面, lunch時間雖然唔係好full, 但得兩個侍應, 所以叫兩次先會應你一次囉。

見到食友話幾好, 自己又想食越南菜, 加上就腳, 所以就去試了。自己散叫了1)牙車快(越式沙律)2)炸燒雞糯米飯(半隻雞)3)炸軟殼蟹合共$162燒雞糯米飯幾特別, 可惜... ...隻雞最多肉的脾是生的, 有血出。另外服務員比較生手, 我們的細檯和另外2個人的細檯的並排的, 服務員不停在我那邊給他們上菜及收拾, 起初我們的食物還未到, 有很大可能服務員以為食物是我們, 所以在我那邊問了然後上他們的菜當然沒問題, 但是當我們在進餐時, 服務員多次在我們2個中間伸手過隔離檯收拾食具, 大約經過收拾3次之後, 才有一個服務員醒覺應該要去到另一張檯旁才收拾。

睇咗報紙介紹，咪黎試吓囉!我哋兩個人，叫咗招牌牛肉河、炸春卷同埋牙車快(越式沙律)!個春卷同牙車快都好食呀!牛肉河Ｄ牛肉就略為un咗Ｄ!不過味道也不錯!埋單只不過八十蚊，勁抵!佢哋個二人套餐仲抵呀!$88.........有好多野食架!下次會去試下!地方唔算大!服務ok!