越男仔 (已結業)

星期日7點幾黎到，雖然唔洗排隊，但都幾乎坐滿晒人。奈何waiter得一個哥哥仔，落單、送餐、執枱、埋單都係佢，真係睇見到辛苦。menu都幾多新鮮野食，好多都係一個餸併另一個餸咁，都令人心思思唔知食咩好。最後揀左雙層芝士炸醬（牛）豬頸肉撈檬。其實呢，芝士、炸醬、豬頸肉三樣野都好食既，但撈晒一齊就好似無分開咁好食🤔豬頸肉係炸既，還好。友人就叫左鴛鴦雞飯，一邊係去骨海南雞、另一邊係炸雞，一次過滿足晒兩個願望

認真食越南野香港都幾多選擇，但如果話係越南Fusion菜我都真係第一次試，好鬼正家陣都仲掛住果個椰汁酸湯❤️ “真係問妹何所肉”#招牌手撕雞拼扎肉椰汁酸湯湯檬 💰$69 ✍🏻8/10其實大家一定會覺得越南湯大多數都係牛肉湯，老實講我覺得悶🤧 今次依個係椰汁酸湯，原本覺得椰汁一定好濃食幾淡都已經飽大佬🤢 但係佢個湯又幾抵死 幾清新可能因爲酸酸地. Besides, 佢個🐔雞絲唔會好乾 扎肉🐷都無d腥味係正既係要讚既👍🏻 同埋佢都幾大份 如果你200磅體重🙈都應該會飽真心❤️ 老老實實。隔離如果有越男仔而你又肚餓，我麻煩你入去鯨吞🐳！

話說上次泥食都係昨天既事，尋日我先係呢到食到個我覺得幾有水準既麵，點知第二日好似去左第二間餐廳食咁，完全係天與地既感覺，如果我講上次係食到有車呔人既感覺，今日應該係食到條車呔。影左相自己睇個名都唔需要特別記得，仲之「沙嗲豬扒撈檬」我就奉勸你唔好亂挑戰啦，個賣相超唔掂好似嘔野咁，*條*豬扒想點呢？！一睇就知番炸啦又黑又硬....呢條*豬扒條*同街市車仔麵檔炸好曬個類一樣，唯一唔同既係，佢仲要硬仲要差同難食...豬扒係呢碗撈檬既靈魂你點解要做咁差呢？加1後$77蚊 你自己覺得抵唔抵之前推薦過比5星呢到，現在係咪有需要扣番？

用APPS訂枱，準時入座。夜晚嚟食飯既人唔多，所以店員都冇趕我地走，任我地坐。位置容易找，鋪面簡潔整齊。我跟朋友嗌了三款小食，一碗粉分別是蒜香牛油雞翼、法式芝心蝦多士、海膽炸春卷、招牌椰汁酸湯滑雞湯濛粉蒜香牛油雞翼脆香，附送紅蘿蔔碎酸汁。似翻炸，但內裡都是熱，都是joicy的。法式芝心蝦多士推介! 芝士是流心的，食兩舊都唔覺油膩，唔錯唔錯。海膽炸春卷的海膽比想像中大件，先食件海膽吧，有火炙過，冇乜腥味;春卷外皮都是脆身，幾好食。招牌椰汁酸湯滑雞湯濛粉，另外附上三樣調味，分別是辣椒粒、青檸粒及蒜蓉麻油。我跟朋友每人食左兩三個碗仔既粉，都食唔哂，好大碗。

未食睇到個電視畫面就知好味啦裝修西式但都有港式味道，牆上面既句子好攪笑，雖然間鋪係軒尼詩道，但其實食飯唔多會行呢面，今次係同事發現有新餐廳介紹我泥。「招牌手撕雞拼扎肉椰汁酸湯湯檬粉」雖然個名好長但呢樣吸引到我想試食一下。碗檬粉泥到就已經聞到陣陣香味。陣陣既火炙味道竟然加咗喺雞絲上高！不得了有fusion菜既感覺，食落好香口估唔到呢個火炙既化學作用可以咁湊巧！即刻試啖湯先，wow~然係碗仔翅嘅味道！小小酸加上少少椰汁味，夾到啱啱好真係估你唔到，係車呔人嘅味道！檬粉正常爽口，札肉好味唔多味精，忍唔住飲左好多湯。總結$59碗對得住價錢，無去過越南真係唔知正唔正中，不過呢到收加一同埋飲品要加$1x,感覺是有點貴。但都可以一試再試，但唔係成日law

曾幾何時金鐘和灣仔是每天必經之地!!! 今日和親愛的再次踏足灣仔覓食兩顆肚餓的心都沒有目的地走著走著，都唔知自己想食乜，巧合之下行經越男仔，見不用排隊就直接入去坐低了人生有時就是要這樣random! 首先study下餐牌，覺得比一般越南餐廳有些不同！選擇較多元化首先order了雞肉串燒，味道不錯的! 我一向係cheese lover! 當然就order了芝士蝦多士係幸福呀!! 望住芝士滿滿的在蝦多士裡面! 又彈牙，我10個推介呀!!生菜包有微微的辣，親愛的食到要叫碗飯嚟送

放工後，相約好耐無見的姊妹黎到灣仔。想食濕濕地的湯粉，就試一試這間有幾間分店的越男仔，好似唔錯的！環境都乾淨又舒服，雲石枱好靚！有好多相片介紹食物及明星來訪！平日星期一至五有午餐及茶餐，抵食之選！餐單一張大大的，有小食、撈檬、湯檬、飯、沙拉、飲品更有全日餐，最後我們試了2個全日餐M1: 招牌海南雞配薑黃飯，還有秘製清雞湯好靚喔！大份的量！雞顏色好靚又唔肥；配上青瓜，爽脆又清新；薑黃飯軟腍，香味濃厚！M3: 四鳥椰汁酸湯檬好大碗喔！雞有4種，包括：雞脆皮、手撕雞、滑雞件及香脆雞；湯汁椰汁酸湯好特別、開胃，有3個鐵罐一同上枱（辣椒、蒜蓉汁及青檸），客人可自家調味，雞浸入湯中令脆雞沒了脆脆口感，湯檬比較碎

諗住happy friday食晏揾間新餐廳，見到越南野灣仔唔多就試下，叫左個鴛鴦雞飯$73蚊。海南雞正正常常，同出面其他泰國餐廳冇咩分別，牛油蒜蓉炸雞就好鬼硬，外皮太厚，蒜蓉偏咸，食2啖都要飲啖水。個黃薑飯有黃薑味，但落太多水，偏爛。 另外一提係竟然要收加一服務費,上菜職員冇比餐具，問職員攞佢竟然手指叫客自己去攞，午餐時間人又多又逼，d餐具放晒在牆邊 叫人點拎？收碟就快快手 總結黎講 食物普通服務需改善 已經列入黑名單 照都冇影

早前我去過越男仔的旺角店，覺得唔錯又抵食，今次來到灣仔試試，順便去玩具街行下....【越式生牛肉牛骨湯河粉】食越南湯河點都會先飲啖湯，湯底好香甜，不會過鹹，牛肉嫩滑且偏瘦，配上滑滑的河粉，是一碗幾有水準的越式湯河。【沙嗲三絲撈檬】材料非常豐盛，有手撕雞，炸腩肉加札肉，淋上沙嗲醬之後再用火槍炙燒外層，所以多咗一份焦香味，拌勻入口，沙嗲味香濃順喉，青瓜絲，生菜絲爽脆鮮甜，食落非常清新，而三絲份量非常多，而且肉質鮮美軟嫩，整體配搭極好！【蒜香牛油脆雞翼】蒜香雞翼大大隻勁香脆，肉汁多，較為入味。【法式芝心蝦多士】我上次去旺角都食過呢個蝦多士真係好出色！超級厚嘅蝦膠彈牙爽口，入面嘅芝士勁流心，再加埋外層既芝麻，好香口。絕對推介!!【越式古法扎肉蒸粉包】蒸粉包其實有少少似春卷咁，不過不是煎炸而改返蒸既方法煮出來，感覺冇咁肥膩，粉皮好薄餡料脹卜卜，內餡有好多料，仲有肉碎、木耳絲、蘿蔔絲等等，餡料好豐富 好有口感。【咸檸七喜(左)、柚子龍眼蜜(右)】配上甘檸七喜、龍眼冰做飯後飲料，又解渴又醒身，越南菜最佳飲料。

平日午餐這個餐廳多數爆滿，價錢非常相宜，今日錯過午餐時間，下午三點半才吃午餐，所以能夠嘗試到下午茶，與同事叫了一個小食給兩個粉麵$120埋單尚算OK，我們叫了手撕雞椰汁酸湯湯檬、胡志明市扎肉番茄湯檬和海膽越式春卷，奉送奶茶咖啡。

Lunch time 嚟到大街食，今次用左extxgx book 所以有9折！即免收加一嘅，大家都可以用呀(^^) 男朋友揀左雙色雞配黃薑飯($72)💁🏻‍♀️💁🏻‍♀️味道尚可，雞算嫩滑，但份量太少了🤦🏻‍♀️🤦🏻‍♀️ 大食仔一下都食哂💆🏻‍♀️ 另一個叫左茄湯配手撕雞檬粉($62)☺️ 呢個就大碗d！雞都幾多，加上黑椒調味，配上濃郁茄湯，非常惹味！枱上有辣椒等調味供應，加左d辣椒食好正，酸辣咁，勁開胃！不過湯底有d過咸，可以進步:-D #2018秋

香港越南餐廳唔算好多，今次食既呢間起灣仔，起正修頓球場對面，地點超方便！今次黎左呢度食午餐！越男仔火車頭牛骨湯河粉$72湯底有濃厚既牛骨味，唔會好味精！有牛丸、牛栢葉、沙嗲牛肉、生牛肉！呢款抵食，因為一碗可以試齊唔同材料！牛丸比街食既牛肉味重，牛栢葉無內臟既腥味，沙嗲牛肉既沙嗲味較濃，略微蓋過牛肉既鮮味，生牛肉好嫩滑，好味！食午餐可以加錢換唔同既小食！呢個招牌原隻軟殼蟹（跟餐$88）好多人推介，所以試下！真係原隻上，軟殼蟹炸得夠脆，但唔會油淋淋！蟹本身都幾大隻同好多膏！加上上面既炸蒜粒一齊食就更香口我地兩個人鐘意食小食多過粉麵，所以叫得一個粉，三個小食！法式芝心蝦多士（正價$46）蝦多士入面真係幾多芝士！蝦膠打得夠爽口，炸完之後，芝士半溶狀態就更正海膽手撕雞檬紙卷（正價68）呢個檬紙卷入面包左好多蔬菜同手撕雞，調味唔錯，海膽屬新鮮，無腥味，呢個配撘幾新穎，又幾夾！最後朋友試左越式拉茶，我試左香茅薑蜜！香茅薑蜜好足料，一望已經知！天氣開始轉涼，飲呢杯野暖下胃好舒服！

新居入伙，今早同老公去灣仔選購裝修材料，不知不覺到中午，就係附近軒尼詩道「越南仔」食個午餐先啦！《招牌手撕雞拼扎肉椰汁酸湯湯檬粉》＄59，材料豐富，湯底椰子味道濃郁，啱晒我口味😋《招牌越南仔海南雞飯配黃姜飯》＄68老公話食落雞肉嫩滑，黃姜飯味夠香，很好味😋《薄荷青檸梳打》＄38，用原裝進口梳打水，正👍越式蝦餅＄48，夠熱，吃落充滿蝦🦐味，香口彈牙😋《法式芝士蝦多士》＄58，蝦多士配上芝士很特別，食落唔會太膩😋王牌拼盤（越式素春卷、酸辣無骨鳳爪、蒜香牛油雞翼）＄73拼盤啱晒我眼闊肚窄嘅人，食到多款美食😍

在公司附近的越男仔開張了一陣子，終於在一個加班後的晚上去品嚐了。越南咖啡滴漏咖啡，杯上先加入煉奶，再蓋上咖啡容器，咖啡從容器一滴滴落杯中，慢慢跟煉奶混和。咖啡入口感覺細緻，香濃幼滑，飲落十分舒服。法式芝士蝦多士多士舖滿白芝麻，炸至黃金色，已經十分香脆，充滿芝麻香，外脆內軟。饀料饟入彈牙蝦膠及流心芝士，較落軟綿彈牙，芝士香更把蝦的鮮香帶出，prefect match!越式火車頭河粉吃火車頭就好處就是大件㚒抵食，而且配可以吃到多樣不同配料。牛肉軟腍入味，帶有牛肉羶香，牛筋軟彈粘口，牛柏葉亦爽口。湯底牛骨味香濃，河粉軟滑入味。

今日要在灣仔修頓見客，做完嘢都差不多兩點鐘，就四圍睇下有冇好嘢醫肚，望過對面街，有一間門面、招牌黃黃綠綠好吸睛，咁就過去試下咯！這裡舖仔細細，坐在店中央既我對正部大電視，正播緊老闆接受訪問及介紹餐廳既片段，發現好多特色又有創意既菜式。不過今日一條”冷”，而且下午仲要趕返公司，咁就點了個”胡志明市紅番茄四寶湯檬粉”，大大碗上枱，有扎肉、豬扒、豬頸肉和炸豬肉，全部係豬，各種豬肉的味道都唔錯，豬扒有香茅味，札肉香料味濃，炸豬肉爽口好味，各款都經過悉心烹調，鍾要食豬既我就啱晒。湯底呢，係用咗番茄膏煮成，香味十分濃郁，伴濛檬粉吃好夾味，連個湯都飲埋。跟手叫埋個小食先，春卷、米紙卷、軟殼蟹、蔗蝦全部都冇叫，淨係點咗個招牌推薦既法式芝心蝦多士(4件)，呢個蝦多士大大件，雖經油炸但油而不膩，上面佈滿芝麻，內裡夾著流心芝士醬，個人強烈推介，食完超滿足。