越男仔 (已結業)

工作忙碌, 工餘後 一定要找些美食令自己輕鬆.  今午和同事行經軒尼詩道, 看見 越男仔.  餐廳門外彩圖食品多款, 價錢公道, 立即鎖定目標, 入內搵位.餐廳內座位不太多, 整潔有序, 坐得舒適.  有大電視播放飲食節目, 介紹此店的開創歷史和美食.牆上貼有食物照片, 及網友評語, 從中可以更瞭解那些食物最熱門, 最受歡迎.餐牌美食真不少.   價錢吸引.有新風格的食材.侍應還有推介.我們點了一個精選套餐, no. 3. 3+2撈檬, 手撕雞檬紙卷 + 一杯熱飲 $124-,   朋友另加凍飲 7-up $8-.加個小食, 會安炸春卷, $55-一客兩條, 備生菜包, 有醃酸 紅/白蘿蔔絲, 魚露. 賣相吸引.春卷炸得香脆, 不太油腻,餡料多, 有木耳, 蘿蔔絲, 肉絲, 好滋味.  自家製魚露含蒜香味, 勁正.手撕雞檬紙卷 (連餐 $28)紙卷一客三個, 用越南米紙包裹著滿滿的材料, 内有雞絲, 檬粉及生菜, 米紙皮煙韌, 頂上鋪滿手撕雞, 雞肉嫩滑有雞味, 調味好.   配香蔥,魚露 入口帶甜酸味.招牌魷魚釀咖哩飯  $138-賣相擺碟佳,  大家爭着先拍個照片, 魷魚 siz

一間香港食店對香港人第一印象是上菜快慢！尤其在路旁店，十二點未有太多人，食客只有四五個人，卻漏單，整整十五分鐘，店員在玩手機，三四張單做了吃了，卻只漏了我張單，然後我催單，被告知廚房在忙別的事。。。。。。最不能接受有籍口，一直門面的客應首先處理 ，香港人秒秒幾廿萬上落，漏單卻給一個廢籍口，以後不會吃！食物質素也只是普通。。。。。。大家請小心！員工表現絕對影響食客翻食機會！漏單最可恥！！！寧得罪老闆 莫得罪食客！！！

Lunch time，同事話一齊行去灣仔個邊食粉麵，點知行到過嚟冇咗之前食開個間轉咗呢間新越南嘢，入去試下得唔得先！叫咗個雞翼香茅豬扒轉檬粉（要加錢），湯底揀咗牛肉湯，加嘢飲加$8蚊，叫咗咸檸檬沙冰。同事叫咗蕃茄湯底札肉豬扒檬粉同薄荷青檸梳打。間店唔算大地方，但都坐滿晒，嘢食上得都算快，雞翼都好大隻，香茅豬扒醃得夠味，又唔會好似”拿”到冇晒肉味，同埋碗粉都好大碗，女仔叫一碗share再叫其他小食都得！同事個蕃茄湯好濃，但略為甜咁d，我杯沙冰超夠味，真係有咸檸檬肉係到，好濃味！薄荷青檸梳打冇乜薄荷味，普通啦⋯⋯

本來相約了友人去附近的一間餐廰吃的，怎料那間餐廰沒有開，唯有另覓餐廰了。於是我和友人就在街上遊蕩找餐廰，走著走著就發現了這間餐廰了。因為見到門外餐牌所列的價錢不算貴，就決定吃這間了。餐廰外有一部電視機，我起初還想電視向著街外是給誰看，後來我再看電視正在播放的節目就明白了。原來電視台曾經來過這間餐廰做訪問，電視機中播放的正正就是當時的節目，向著出面就是要給街外的人看見。好，那就試試這間吧。一進餐廰我就嚇了一跳，怎麼這麼少人，好歹也是8點鐘，晚飯的繁忙時候不管了，反正也已經進店內了。餐牌上有很多選擇，我們看了一大輪之後就決定了好幾款菜，分別為3+2撈檬、胡志明巿番茄四寶湯檬、會安炸春卷、海膽手撕雞檬紙卷、牙車快(柚子+手撕雞)、珍寶拼盤B和招牌原隻魷魚釀咖哩炒飯 (憑著我那小腦袋有限的記憶，應該是這幾款吧)會安炸春卷，吃下去沒什麼味道。海膽手撕雞檬紙卷，同樣地吃下去也是沒什麼味道 (這是什麼食評...)。3+2撈檬，一切的味道都是來自左手邊那瓶汁，酸酸甜甜的，友人喜歡吃，而我則覺得一般。肉的味道也是一般，不太吃得出肉本來的鮮味，所有味道都是用調味料堆砌的。胡志明巿番茄四寶湯檬，大伏! 其實

平時吃午餐好多人排隊，香港地方細呢D餐廳預左人逼人！所以揀左晚上去試試.同朋友宵夜，無咩人可以盡情試新菜，叫左幾個他們推介紙嘅菜，個個都幾好味，但係貴左D！3個人宵夜六百多元

男友7月29日一大早就發來消息說，當天是美國的National Chicken Wing Day！身為資深雞翼控的小丫頭和男友當天各有各忙，沒能一齊慶祝，終於等到三天後一起歡度我們的專屬Chicken Wing Day。又能見男友、又能食好西，小丫頭從一大早就開始了期待……其實這次是我們第二次光顧越男仔，第一次是數月前在銅鑼灣鵝頸橋旁的分店，可惜已經結業。但時至今日我們仍然對那次嚐到的牛油雞翼念念不忘，最後決定在這「大日子」重溫久違的味道。晚上八時四十分到達，打開鋪門，小丫頭與男友都大嚇一跳，餐廳竟然一個客人都沒有！！！我們心裡頓時浮起「難道中伏了」的感覺😱 但最後仍決定硬著頭皮，一試無妨~今晚的主角是雞翼，所以主食方面我們只點了晚市套餐的火車頭來share，小食選配了金蒜脆雞翼，另外又再加了五隻牛油雞翼，飲品則點了雙檸七喜。越式火車頭湯粉（$108），湯底看著濃濃的，有點像牛肉湯帶粉紅色的感覺，味道卻未算重口，喝著有丁點兒青檸的酸味，未知是男友擠青檸汁太重手還是什麼原因，但湯底整體味道還算可以。河粉應該不是越南河粉，吃著帶點「魚蛋河」那種河粉的味道，煮得略碎、質感偏薄、亦有點油膩。配

經過見到這間新開的越南仔，今日lunch買個外賣試試。點了越式手撕雞清雞湯河粉$45連飲品加外賣盒$2。 賣相佳，有最基本的湯粉分開，回到office至少河粉沒被浸軟身。湯有濃郁的雞味，不會偏咸不會偏油，河粉份量不少，對一個肚餓的女仔也絕對夠飽。雞絲豪不吝嗇的拌在河粉裡，啖啖都吃到雞絲。雞絲夠嫩調味剛剛好，再加上秘製的酸味加蒜的醬汁，更惹味！整體不錯，十分滿意！外賣要加$2略覺得有少少貴，不過味道不錯選擇也多，下次會再買來吃，外賣的另一好選擇！

我個人覺得似泰式多啲。 冇乜越南菜嘅特色， 味道亦唔 似。 最搞笑杯滴漏咖啡， 竟然唔記得落煉奶。 基本上同 港式車仔麵冇乜分別， 只係加一個泰式湯底。 啲小食 炸得幾好但係 冇厘味道。

之前係旺角成日見到呢間越男仔,個名好得意但未有時間去食。最近係灣仔都開左分店,夾到時間同姊妹食先!先黎手撕雞檬紙卷 ,滿滿嘅手撕雞 配香蔥,加上胡椒,一流嘅小食。主食蕃茄四寶湯檬,湯底好正 ,濃厚蕃茄湯 ,檬粉幼身得嚟夠彈牙,有齊扎肉,豬扒,脆豬肉同豬頸肉 。啱曬貪心嘅我 。最後仲叫左個賣相好吸引嘅招牌魷魚釀咖哩飯 ,賣相好正,好喜歡個咖哩飯,好香仲帶有魷魚味,色香味俱全。份量比較多,兩至三人位女士食都飽飽。另外呢到嘅沙冰都好飲,唔會好甜又真係有D粒粒食下,好消暑。地點好近灣仔MTR 好方便呢。味道:4/5環境:3/5服務:3.5/5價錢:4/5

去年在銅鑼灣食過越男仔的美食，老公十分讚好，近日想再去食，但已經改左另一家店營業，今日甘岩經過灣仔修頓球場，在等過馬路期間，望到對面有一間鋪，名字好熟喔！是越男仔！原來搬左來這裡，我立即叫老公和女兒過來，讓他們再嚐越南仔的美食！餐廳比以前在銅鑼灣的舖細左。胡志明市蕃茄四寶湯檬：蕃茄湯底濃郁，味道鮮甜，四寶(扎肉、豬頸肉、脆豬肉和豬扒）都入味，檬粉幼滑，吸收了湯汁特別美味！手撕雞扎肉椰汁酸湯檬粉：湯底濃郁，椰香味香甜帶少許酸味，手撕雞和扎肉有口感，加入芫茜蔥、炸蒜和炸蔥非常惹味！越式海南雞配黃薑飯：海南雞已去骨，皮滑肉嫩，點些醬汁更好味，黃薑飯軟硬適中，黃薑味濃但不辣。咖哩鴛鴦烤肉拼雞翼配白飯：豬肉和牛肉烤得入味，雞翼炸得皮脆肉嫩，咖哩汁不辣，咖哩味濃帶甜味。跟餐加48元：法式芝心蝦多士：蝦多士面上沾滿芝麻，炸至金黃色，蝦鮮味，多士香脆，中間芝士流心。跟餐加88元：招牌原隻軟殼蟹，炸得香脆，加有炸蒜、辣椒等，使味道更香更惹味！餐飲加18元咸檸沙冰：味道鹹鹹地，沙冰夠凍，夏天消暑解渴之選！餐飲加12元凍咸檸七喜：除了咸味，還有七喜的甜，不錯！

打算去書展，所以諗住喺附近搵一間食少少嘢， 非常之不幸入錯咗呢間， 其實附近仲有幾間麵店，或者茶餐廳，唉~生牛肉湯河由於原本賣相都唔靚，所以沒有衝動影相，但因為太難食，不得不寫出，(影相嘅時候已經食了三成)湯是不熱的， 生牛肉，浸極都仲係好生。食生牛肉，就是想吃用熱湯剛剛浸熟的粉嫩(個人感覺)，但用常溫湯浸生肉，感覺好差，好恐怖湯有咸味，常温。~完~金蒜脆雞翼炸漿炸完極硬， 雞翼無味，好油蒜蓉包餐牌是沒有的，叫就會有好食，香脆應該原本叫原本叫越滿居，改咗名叫越男仔。幸好原本不肚餓， 所以兩個人，只係叫咗一款主食，兩款小食。但平均$90一位，對於食呢個質素，好不值。好後悔無去隔離嘅麵店或茶餐廳。另外，店內播MK音樂，與餐廳個感覺好唔襯， 我唔知越南嘅音樂係點，但我相信唔係MK....環境令人感覺非常之不舒服

出咗灣仔電腦城買完嘢， 打算搵食嘅時候旁陀大雨， 沿著地鐵出嚟 電腦城對面軒尼詩道， 好似有間幾光鮮嘅越南菜。 店鋪細細都有啲特色裝修。 餐牌中以越式粉麵，小食，飲品為主。 還有不少的套餐選擇。 店員先放低調味架， 有各式各樣泰式調味醬， 留意泰式魚露加入了生蒜粒，辣椒和一些油， 很特別幾惹味可以試下用嚟點湯料。越式火車頭河粉$108每間餐廳嘅火車頭河粉都有其特的。 所以每次都必叫。 火車頭河粉載滿各種材料， 牛柏葉大大塊 但唔夠爽， 牛肉片， 牛丸， 牛筋， 牛腩和蘿蔔。 每樣都很入味，不過就唔太察覺有生牛肉。 湯底味道濃郁， 頗為重味。越式生蝦沙律$98 唔肯定自己有冇食過越式生蝦， 廚師先把生蝦肉拍扁了， 鋪在椰菜絲沙律上，沙律菜味道帶酸酸甜甜。 唔似得泰式生蝦有生蒜和辣汁。 生蝦肉經拍扁後很實淨， 冇咩蝦味， 不過和大量椰菜絲伴吃 口感都唔錯。越式海南雞配黃薑飯$98 海南雞雞肉嫩滑带少少肥， 黃薑飯又唔算係雞油飯， 冇咗嗰種雞油香， 但係較為乾身唔油膩。 黃薑飯香味適中， 唔會好重黃薑味， 和雞件幾配。 海南雞醬調配得唔錯，唔會太鹹。跟餐配龍眼沙冰$18有淡淡很清新的

夜晚和幾個朋友到了這間越南餐廳吃個晚飯。餐牌上的食物種類有很多, 包括有湯粉、飯類、串燒類、檬紙卷等等。剛剛巧遇餐廳的經理, 他很細心和熱情, 向我們推介店內的特色小食、麵類和飲品。他還推薦我們要試一試他們餐廳的沙冰。熱香茅薑蜜是他們自家製的, 它的薑味也挺突出, 帶點蜜糖的味, 甜甜的, 很暖胃。鹹檸沙冰很特別, 飲落鹹鹹的, 應該是越南餐廳的特色飲品。而且, 沙冰很解渴, 適合炎炎夏日飲用。麵類方面, 我們點了胡志明市紅蕃茄四寶湯檬粉和越式火車頭河粉。胡志明市紅蕃茄四寶湯檬粉值得推薦! 湯底是蕃茄濃湯, 它的番茄味很鮮甜, 番茄味很突出和濃味。檬粉充分吸收到鮮番茄湯底的味道, 很惹味。湯檬上放上豬肉、扎肉和蒜片。脆脆的蒜片為湯檬粉增添了不少味道。湯底裏亦有番茄和洋蔥以調味。越式火車頭河粉上有牛栢葉、牛筋等等, 份量很足料。番茄焗咖哩牛腩的咖哩很惹味, 入面的牛腩分量很足, 亦有一些番茄皮在裏面。我認為, 可以點一客蒜蓉包或白飯來配咖哩牛腩來吃。沙嗲芝士雞扒焗紅米炒飯上面有層邪惡的芝士，很滋味! 配較健康的紅糙米飯, 不錯。

以前喺銅鑼灣返工，好鍾意去登龍街食越男仔，簡直係我A姐嘅飯堂呀，最鍾意佢個越南牛河！不過，自從佢搬離開咗銅鑼灣之後，我就無理過呢條越男仔，直到今日行過灣仔，原來佢搬咗嚟呢頭，今日就帶M佬見吓呢個第三者啦。小食拼盤A拼盤A有春卷、手撕雞檬紙卷、招牌豬頸肉、酸辣無骨鳳爪沙律，份量都好多架。最鍾意就係手撕雞檬紙卷，因為皮夠薄，仲有黑胡椒手撕雞肉配上甘筍絲同青瓜絲，好有呀口；另一驚喜係招牌豬頸肉，因為個皮脆口，而肉就好juicy。蜜糖漬蕃茄原隻蕃茄，我不嬲都唔太喜歡，但呢個充滿蜜糖嘅凍蕃茄已經去皮，食落仲有柚子嘅甜味，酸酸甜甜，夠晒開胃。窩蛋烤牛肉生菜包豬肉生菜包就食得多，窩蛋牛肉飯都食得多，但窩蛋烤牛肉配上生菜包都係一種幾新鮮嘅食法！牛肉撈上蛋汁，好香好滑，夾埋生菜好fresh！招牌原隻魷魚釀咖喱炒飯嘩！好大隻魷魚呀！入面仲有好豐滿嘅咖喱炒飯，直頭係漏晒出嚟！最滿意係啲飯唔會太乾身！越式海南雞飯配黃薑飯海南雞無骨啖啖肉，又夠滑，配上黃薑飯，我對呢條越男仔真係好滿意。

天氣熱到成日無胃口，唯有泰越菜可以令我胃口大開！過往有d泰越餐廳食完真係想打佢一鑊！完全呃錢！所以而家都只會去d有口卑，朋友介紹或之前食過的餐廳，免得食到一肚氣！今日同另外兩位auntie 級食飯，選址隨左要方便佢地，食物質素更要穩陣，經朋友推介後，就黎左越男仔。店面小小但坐得唔算迫，三個人都會俾六人枱，另一枱客兩個人都坐六人枱，繁忙時間就另計啦。每人點了一份主菜再加小食，另外加了一個紙米卷。椰奶酸湯雞絲扎肉檬粉第一下以為會奇怪味，加上本身就唔鍾意椰奶，食落又幾上癮！椰奶嘅甜味令檬粉空口食都咁香甜惹味。微酸可以平衡椰奶heavy之感，食落唔會太膩，反而仲幾醒胃。雞絲有少少老，不過係咁咖啦。另外因為雞肉纖維多，沾滿椰奶，欲罷不能！海南雞配黃薑飯海南雞有少少老，食落肉鞋。雞是三黃雞嗎？很豐富的黃油，但香氣比較清淡。黃薑飯是油雞飯吧？！濕潤且富有雞肉味，和黃薑味配合得宜，忍不住也多吃了幾口。其中一位auntie 卻說飯有點硬呢！所以我就老實不客氣的都吃掉了。火車頭湯檬粉有炸牛丸，生熟牛肉片，牛栢葉同牛筋。熟牛肉片是像港式茶餐廳常餐的沙嗲牛肉，和傳統做法不同，auntie 好像沒發現，個人就比