越男仔 (已結業)

去到銅鑼灣食晚飯其實有時都好難唸。特別係同一位想慳錢又要對食有要求既朋友😂😂😂我叫左個手撕雞札肉椰汁酸湯檬粉。🔹對我泥講，味道唔夠濃，札肉都太粉團味，要額外加好多辣椒去做調味。下次可以試其他。我另一位朋友叫左個沙嗲香茅雞扒撈檬。佢就話ok既，不過沙嗲汁唔夠。另一位朋友叫左個三絲撈檬都係話ok啦😂😂額外叫左芝心蝦多士。So far 48蚊有4舊都ok。但食過西餐大排擋個冬陰公蝦多士，對蝦多士既要求真係會提高😂😂😂

去得causeway bay預左食飯要100幾蚊一位無走雞當我行經登龍街，見到越男仔餐廳好搶眼餐廳好大，又光猛坐低左睇下餐牌，都係60幾蚊一碗越南粉麵而且好大碗，粉麵跟小食有優惠價我加左牛油雞翼！🐣重點推介！！我覺得自己食緊牛油多士咁好香好濃牛油味，好好味😭係追加系列之一可惜我唔記得左影相🤦🏾‍♀️另外我叫左個生牛肉既湯檬粉生牛肉夠新鮮先擺得俾客人食👍🏻而且好大碗好足料👍🏻店員態度好好，會再幫襯😊

青檸梳打: 直接一整支泰國梳打水倒插在杯上, ( 雖然它的外型與韓國雞尾酒非常相似!!! )但依然很特別!!! 很吸引!!! 很吸睛!!! 讚!!! 外表吸引, 但青檸只有兩片薄薄的, 糖水又太少, 所以味道超級淡... 手撕雞清雞湯河粉: 雞絲和河粉的份量都很多!!! 雞絲充滿黑椒味, 湯底味道幾乎沒有雞湯的味道... 又沒有提供新鮮的青檸、香草、辣椒... 所以完全沒有一點越南河粉的風味!!! 生牛肉牛骨湯河粉: 我沒有吃, 不予置評... 越式蝦餅: 蝦餅邊有一點點烤焦了, 所以蝦餅多了一陣焦香香氣, 蝦餅雖然炸過, 但外層沒有脆卜卜口感, 內層軟綿綿, 像在咬棉花糖一樣, 口感有趣!!! 但是餐廳冷氣嚴重不足!!! 令在場的我們都熱得汗流浹背!!! 染滿汗水的紙巾!!!

呢日原本預定一早去書展，但因為打風關係搞到要延遲計劃，好彩個風4個鐘左右已經除下，我同男友睇完戲就快手食個晚餐，跟手攻入去書展喇！ 越南餐廳普遍都較迫夾，要跟其他食客背對背絕對不是新鮮事，但銅鑼灣這間越男仔就奇蹟地樓底又高，價錢又OK。 先揀一個主食，然後可以以優惠價加配小食跟飲品。 越式手撕雞清湯河粉 $48 手撕雞湯粉比較少見，所以一於試下。手搣雞絲其實都幾講究心機，一不留神就很容易將雞絲搣到大大塊，但越男仔的雞絲夠幼細，上面更有層焦香將雞絲包裹著，食落有陣炭香味，夾埋生洋蔥一齊入口就加左陣辛辣味道，連平時唔食辣既男友都覺得正！ 越式生牛肉牛骨湯河粉 $58 用牛骨熬出來的湯底清澈但牛味不夠濃，好在面頭鋪滿大灑炸蒜，熱氣野岩我~ 湯最緊要夠熱，先足以將全生的牛肉浸熟，而肉質可以保持著鮮嫩。 來到小食部份 招牌原隻軟殼蟹 $78 能稱得上是”招牌”，質素一點也不失禮。軟殼蟹新鮮炸起外皮香脆，中間的蟹肉鮮甜，加埋面頭的炸蒜跟椒絲，頗有避風塘風味。 海膽越式春卷 $34 又係熱氣野，皆因見到”海膽”兩個字已經立即心心眼~ 不過一試下發現原來海膽跟炸春卷其實不太夾，兩樣分開食就OK的

提起登龍街好多人都係即時諗起拉麵店、拉麵店同拉麵店，其實嗰邊都有龍蝦包、甜品店等，而喺街頭有一間挺新嘅越南野，叫越男仔，我地今日就去食左。週六下午茶時間去到，估唔到客人都不少，好在剛剛有人埋單，我地剛好唔洗等位。相信平日食飯時間會更多人，畢竟附近都好多番工人士。餐廳位置都幾多，裝潢新式，有卡位、適合人少少嘅高枱高櫈，部分飾物都幾有文青感。餐牌有越式粉麵、小食、任品，喜歡自選嘅朋友亦可以自己揀配料。不過留意，呢度係冇越式飯食架。喺銅鑼灣而言，定價合理，點粉麵更加可以優惠價配小食、飲品，而且免加一務費，性價比高，難怪keep住都有客人入座。我地今日想試多啲小食，所以只係點左一碗粉分享。落單後不久就上菜，速度非常快，轉眼就上齊。如果唔想啲食物凍哂，或者要逐啲點。越式生牛肉牛骨湯河粉 $58：生牛河粉份量不少，牛肉都有好幾大片，湯頭夠熱辣辣，只係略嫌牛骨湯底味道唔算太香濃。牛肉片食落嫩腍，脂肪位置唔多，加少少魚露或者枱面上已有椒絲，已經好好食。蒜香牛油雞翼 $16/2件：正價24蚊，不過點左主菜(粉麵)就可以優惠價加小食，雞翼牛油味都幾突出，雞翼皮雖然比較厚身，但都幾脆。冰鎮蜜糖凍蕃茄 $35

我同阿媽都係都甜酸愛好者，屋企附近開左間新既越南餐廳，所以我地就去試下，又唔錯喎！睇左睇menu, 價錢合理，係出面睇入去，有少少似速食店，但都有卡位坐，環境都幾舒服，乾淨企理。越男仔既飲品賣相幾特別，我地叫左一杯利賓納青檸蘇打同埋薄荷龍眼冰，雖然只係利賓納加蘇打，但影相幾靚。薄荷龍眼冰用左薄荷味精同薄荷葉，幾重薄荷味但就冇咩龍眼味，我黎個龍眼冰迷係有小小要求加啦～我同阿媽係大胃王，叫左兩個主食加上四個小食。一個係推介既手撕雞扎肉椰汁酸湯湯檬粉$55，湯幾濃郁又有椰香味，手撕雞肉都好入味，份量都幾大，黎個價錢真係抵！阿媽就叫左個越南火車頭河粉$69，料都好足！牛腩、牛肉、牛根都好好多，麵份量一樣大。個湯先係戲肉，飲得出係用牛肉煮出黎，好甜，好香濃牛肉味。我地仲叫左四個小食，第一個小食係招牌原隻軟殼蟹$69，原隻上好得意，岩岩炸好熱辣辣，加埋炸好既香蒜同辣椒絲，又香又脆。而且肉都幾厚，入面既肉唔好炸到又乾又鞋，外脆內軟就係咁解啦～第二個係越南蝦餅＄25，已經有四件。價錢咁抵忍唔住又叫左，有小小燶賣相唔算好靚，但仔細食食得到係蝦肉，而且好彈牙。食到太濟，可以食碟邊既酸蘿蔔絲，繼續再戰，哈哈

今年相約好的越南旅行泡湯只好在越南美食中尋趣平時坐巴士經過的越男仔今天專程來品嚐明亮的大堂設計甚具摩登風手撕雞扎肉椰汁酸湯湯檬是我的選擇湯頭有濃郁的椰汁味帶微酸份外開胃扎肉黑胡椒味很重雞肉被過了一把火有股炭香味如此惹味的湯頭我也不客氣地喝光光你的火車頭河粉也有豐富的配料牛肉牛筋牛丸牛胃通通上場小吃是越式蝦餅和香茅脆雞蝦餅有微炭香口感彈牙香茅脆雞酸酸的香脆可口越式咖啡是滴漏式味道醇中帶甜來回了一趟河內原來只需要一個晚上

銅鑼灣一向人流多，想找一間食肆價錢合理而有質素的餐館確實不易。 幸好最近發現了一間吃越南嘢的店舖新開，一於入內幫襯。店舖面積不大，但勝在光猛和潔淨 。我和老公點了 兩個湯河和一個小食。手撕雞扎肉椰汁酸湯湯檬粉 帶有胡椒香味的雞肉和扎肉混入椰汁而帶酸的湯底吃落特別滋味。紅番茄雙牛湯河粉 牛肉嫩滑，湯底以茄膏和鮮茄牛餚製而成 。每條河粉混入濃郁的湯即時令胃口大增 。因分量太足，河粉把湯底索乾影響食慾;幸好服務員幫我加上足料的湯，滿足非常。火辣川椒雞翼對吃得辣的人這小食是值得一試 。大辣而帶有炸蒜的惹味，食得過癮。越式咖啡賣相有格調，味道濃烈順滑。青檸梳打 飲落清新涼快

I always walked past V-Point at Causeway Bay and was attracted by the decor of this Vietnamese restaurant. Finally, I got the time to try on it this time. It was designed in clear glass wall, transparent from the outside. Their main course was mainly on noodles, as i did not see any rice or banh mi. They have a wide selection of light snacks and drinks as well. Lemongrass ginger and honey special drink - The water was clear and have very strong lemongrass and ginger taste. There were even big pi

下班後約了寶寶到銅鑼灣吃晚飯，經過登龍街發現新開了越南餐廳。落地玻璃和光猛的裝修十分吸引，還以為是貴價餐廳。仔細一看，咦這不是旺角的越男仔嗎？竟開了來銅鑼灣。價錢比旺角的貴一點，但在登龍街的標準又算掋食。利賓納青檸梳打 ($18) 有驚喜。相信大家對利賓納的味道也不陌生，加了梳打後變成有氣很爽，還有酸酸的青檸很開胃。平時覺得利賓納太甜的我，現在有梳打水沖淡其甜味，很適合不愛太甜的我。香茅薑蜜 ($18) 真材實料，有兩條長長的香茅在內。因加了薑所以越喝越辣，但又有蜜糖的甜味中和薑的辣味，味道非常夾。這間越南餐廳而麵為主食，寶寶點了胡志明市紅蕃茄四寶湯檬粉 - 加麵底 ($78 +5)。蕃茄湯底很濃郁，喝光了湯也不口渴。四寶有札肉，豬扒，脆腩肉和豬頸肉。份量十足！豬扒煮得稔又夠入味，豬頸肉又爽口。但説到最喜歡的就是脆腩肉了，切碎了的豬腩肉十分香脆，脆卜卜的口感十分討好。我就點了人氣皇首選的招牌手撕雞拼札肉椰汁酸湯檬粉 - 加麵底 ($62 +5)。以椰汁酸湯為湯底十分特别。湯底有香濃的椰汁味，但帶點酸味使湯底不膩，還很開胃呢。手撕雞十分嫩滑入味，而札肉也不錯。我實在低估了這裡的份量，其實

天氣熱辣辣，食越南嘢就最好不過喇！行開銅鑼灣知道V Point新開咗間越南餐廳，見裝修都幾靚所以就試吓啦。裝修色調以藍白為主，光猛乾淨，除高枱外都有卡位，坐得幾舒服唔算多選擇，但勝在affordable［胡志明市紅蕃茄四寶湯檬粉，$78］四寶係扎肉、豬扒、脆豬肉，同埋豬頸肉，再加上湯底都有幾多蕃茄，真係非常足料。成碗麵最有驚喜居然係最冇期待嘅扎肉，因為佢每片都燒過，有少少焦香味，好香口檸粉掛滿濃濃嘅湯底，不過稍嫌湯底偏甜［招牌椰汁酸湯滑雞湯檬粉，$65］朋友嘅呢碗麵，上枱時就聞到香噴噴嘅椰汁味，但食落就冇乜椰汁味，反而係酸味比較多［海膽手撕雞檬紙卷，跟餐$72］海膽份量都幾多呀！呢個價錢嚟講都幾抵呀，而且海膽味道都幾濃，鮮甜唔腥米紙卷包住新鮮蔬菜同雞絲，點埋越式酸汁一啖食落去，原來海膽同米紙卷係可以擺埋一齊嘅，真係幾夾［冰鎮蜜糖凍蕃茄，跟餐$25］呢個係台灣高雄啤酒節嘅得獎菜，食落除咗有蕃茄同柚子蜜嘅酸甜味，仲有淡淡嘅梅子味，果然係台灣嘅味道原個蕃茄已經去皮，所以口感唔會被蕃茄皮影響。凍冰冰嘅蕃茄肉好解暑呀［香茅薑蜜，跟餐$18］杯內居然有一條薑同一條香茅！飲落清新香辣［利賓納青檸梳打

中午時分去到登龍街，本想吃日式拉麵，但看到一間新開的越南餐廳，腦內立即浮現出一碗生牛肉河粉，於是急不及待入去一嚐心頭好。餐廳嘅裝修新穎型格，座位除了一般卡座外，亦有一些日式格局的排坐座位。餐廳嘅食物除了有傳統的越南美食外，亦加入一些新頴日式元素的小食，另外亦有幾款在台灣高雄啤酒節的得獎菜。超新穎推介：海膽手撕雞檬紙卷（正價$79/跟餐$72）三文魚手撕雞檬紙卷（正價$55/跟餐$49）台灣高雄啤酒節得奬菜：招牌原隻軟殻蟹（正價$78）冰鎮蜜糖凍番茄（正價$35/跟餐$25）法式芝心蝦多士（正價$38/跟餐$28）越式生牛肉牛骨湯河粉（$58）這個河粉是人氣推介，上枱後我先喝一口湯，湯底充滿牛的鮮味，幼滑嘅河粉浸在香氣滿溢嘅牛骨湯內，加上嫩紅嘅生牛肉和爽脆的洋蔥絲，真是一種越式誘惑。胡志明市紅番茄雙牛湯河粉（$70）這個湯河粉嘅湯底散發出香濃嘅番茄和牛肉鮮味，加上有生牛肉和熟牛肉，熟牛肉經調味料醃過，食落有點醬油味道，生牛肉則嫩滑及原汁原味，一碗河粉吃到兩種不同口味的牛肉，加上濃濃的蕃茄湯底，味道很豐富。海膽手撕雞檬紙卷(跟餐$72）貌似日式海膽壽司，其實是海膽手撕雞檬紙卷，米紙和生菜代

食物味道一般都唔緊要，最緊要係好重味精，食咗之後幾個鐘個口都仲係嗰陣味，飮極水都好口乾。牛油雞翼好鹹，個皮炸得太勁𠝹口。手撕雞扎肉椰汁酸辣湯檬粉個湯幾香椰子味，扎肉好重黑胡椒味，幾香口。餐牌推介必吃的手撕雞檬紙卷，沒特別，錯過了亦沒什麼可惜的。蕃茄四寶湯檬粉ok,沒特別。坐梳化本來ok舒服，不過奉勸着裙嘅女士唔好坐高枱，因為坐梳化望過去高枱嘅風景影響食慾。服務一般，侍應數目唔算少，不過要問先至有水飲。好在辣椒絲就放在桌上任食客自行添加，不用下下叫人。

呢間銅鑼灣【越男仔】據我所知係第2間分店，經過見到d野好似幾吸引 就決定入去食試下 入到去果然冇令我失望 認真嘢食雖然唔算特別平又唔算特別貴，但勝在性價比非常高除咗賣相非常好之外，食嘅味道亦都非常！佢啲嘢食味道唔似其他出面嘅越南餐鋪，得個樣似但係味道上原全食唔出道地越南菜既感覺而佢哋呢間越男仔嘅味道，嘢食真係的而且確食得出好有越南風嘅味道食材又新鮮，粉麵又爽口，湯底又濃郁，除左用【好得】，【好正】，【好味】，都唔知仲可以用咩字黎形容所以如果鐘意食越南菜既朋友仔，不防去試下銅鑼灣呢間越男仔以上開飯食評，只是本小姐個人食後感

越男仔名字很特別，所以就進去試一試啦，餐牌食物，有正宗的越南火車頭粉，牛油雞翼…我和朋友決定試幾款比較特別：胡志明市紅蕃茄四寶湯檬粉$78有4款炸豬扒，豬頸肉，脆豬腩，扎肉。炸豬扒軟腍，脆豬腩好特別，脆脆很香口，豬頸肉，扎肉,蕃茄湯底夠濃，酸甜適中。炸軟蟹殼很香脆又惹味，一開四蟹肉都不乾，有膏。三文魚手撕雞檬紙卷$49跟餐很特別配搭，上層煙三文魚，煙燻咸味下層係手撕雞檬卷（加些越式醋更好味），Mix & Match小食，賣相很漂亮。芝士蝦多士$38/$28跟餐非常抵食，芝麻最外層，薄薄麵包，有厚厚蝦膠，非常彈牙有蝦味，芝士流心而出，芝麻香味濃郁，很有口感和邪惡食物。越式牛油雞翼，正宗好香牛油味。跟餐$16 2隻飲品方面，我們點了薄荷龍眼冰$16 （很涼快有很多薄荷葉，龍眼肉有10粒抵飲）和 咸檸7喜（半個咸檸檬）$10 很大杯，全單仲有88折，服務哥哥推介食物同態度都很好，超正一次選擇！