越翠苑

營業中

休息中

平時做完GYM後會係荃灣食完野先番屋企，大部分時間都係食快餐或粉麵，由中意食都變到唔想食…咁岩撞正元宵夜，比個藉口自己行遠少少，去到大窩口搵食。由於臨時決定，無時間比我慢慢研究，行行下見到間越式小店，價錢唔算貴，而且見到我中意既越式法包，無道理唔試。晚上9點幾，餐廳人流唔多，較為冷清，所以職員一直企係附近等我地落order，好大壓力..越式咖哩腩飯 $54個牛腩炆得好軟好淋，雖然有人會嫌咁既牛腩無哂口感，但我偏偏就係中意軟淋既牛腩，所以我同朋友都中意。不過個咖哩汁比較水，唔夠杰身，而且偏甜、無唔係好辣，唔夠惹味。越式法包 (大) $40餐廳提供幾款越式法包，但我只鐘情最普通果款。由於即叫即整既關係，朋友幾乎食哂個飯，個法包先到，等到頸都長烘到外脆既法包，夾住札肉、腩肉、肉鬆，加入醃蘿蔔解膩，再配上蔥段同我最愛既芫茜，每一啖都係幸福既滋味~~食到一半既時候，先發現原來法包入面搽左一層蟹膏，但由於其他配料味太重，食落唔會察覺。餐廳價錢唔貴，食物質素唔錯，連水都用檸檬暖水，就知道佢地既用心，值得大家一試。

星期日午餐其實都多人，我地7人要分兩張枱。坐低後老細都好識做過黎同我地傾下計，話要我地分開坐唔好意思，仲推介左我食蟹膏湯檬，話我未食過真係走寶 所以我都即刻叫左黎試下！本身睇餐牌見越南野，仲要大窩口，午餐$52唔算抵，但食完就知性價比高！小店招牌菜：蟹膏湯檬個湯好清新，好濃蟹味同蕃茄味又唔會味精，加埋啲香菜 入面有扎肉（厚肉又有肉粒有咬口）、豆卜（濃湯必備，正）、蛋餅真係推介！咖哩牛腩湯檬咖哩唔辣，牛腩超林同入味，份量仲好多！見佢個樣少少油，但係食落唔會太油，薯仔又粉，吸晒啲湯好正。豬扒飯雞翼湯河滴漏咖啡

這間餐廳外邊望入去就好似茶記簡單裝修，望到menu 竟然有得飲牛油果沙冰！😱所以就同朋友入去食餐晚飯，try try佢!!我們當然點了牛油果沙冰、蟹膏湯檬、咖哩牛腩法包，還有外表幾ok既芒果糯米卷🤗🤗我想講全部的都好有驚喜！首先我想講既係：．牛油果沙冰：今次是我第一次飲牛油果味的沙冰，我想像的沙冰係凍到有敏感牙齒，飲落口夾住好多碎唔哂既冰，😂不過這裡的牛油果沙冰真是好濃味，飲落的口感好滑！感覺真是將好多個牛油果打起咁！雖然不是太解渴，不過我認為這杯野都幾足料，希望下次黎試下芒果沙冰！👍．蟹膏湯檬：成碗湯檬都幾多餸，除了有主角蟹膏，又蕃茄、豆卜、豬紅、生菜，仲有扎肉！份量都幾大！😨蟹膏食落口是加埋其他料煮過黎，不過就食唔出仲有咩材料（後期睇返餐廳外面的報導，原來是有乾魷魚、蝦米、蟹肉同雞蛋一齊煮，真是好有心思啊😨）全部餸連湯都好夠味，伴住檬粉一齊食，好快就食哂😂．咖哩牛腩法包：雖然咖哩牛腩先係主角，但值得一讚的是個外邊脆香的法包，入面是好！軟！熟！撕開麵包時是一絲絲👍然後牛腩煮得好淋，即使單獨不配麵包食都好過癮😂．芒果糯米卷：$25有兩大件糯米卷，芒果大大舊，糯米皮有好香椰汁味，而且很軟

呢日到荃灣做野，到咗lunch time同行既人就推介咗食呢間越南野。入到餐廳，裝飾就正正常常，有啲似茶餐廳格局，不過勝在夠光蠻乾淨，坐得舒服。佢既menu上面有唔同既野食，飯、粉麵同包都有。有好多選擇都幾吸引，不過同行人推介佢既蟹膏湯粉，就一於試下啦！一上到枱就見到大大碗，同大大個蕃茄係湯面，好足料！佢麵上有一大舊蟹膏，佢既蟹膏應該係加咗蛋落去，好吸到湯汁，夠曬鮮味！個湯有鮮味得黎唔會好咸仲有啲蕃茄味，唔錯。

前兩日lunch time，同行人士就建議食越南野，於是我地就去咗呢間越南餐廳食lunch 啦！🥢入到去地方乾淨光蠻，坐得都唔會好迫。👌🏼佢menu都算幾多選擇，飯、麵同越式法包都有得簡。天氣凍凍地，咁我就簡咗呢碗蟹膏湯檬粉（$50~)。係出面好似比較少呢款湯檬粉，所以就簡咗黎試下。😜一上到枱記見到佢滿滿一碗，份量多又足料，值得一讚！佢配料有越南扎肉，豆卜，豬紅（？！），生菜同一舊蟹膏加蛋既野。佢湯底亦都唔馬虎，鮮味十足。👍🏼

尋日約朋友一齊食LUNCH，因為大家住荃青區關係，好多舖頭既野食都食過，所以特別選D未接觸過，點知一試大讚！我地叫左蝦膏檬粉、蝦卷撈檬，仲追加個芒果糯米卷，結果我地食清光～不過叫餐飲想要特飲的話，就要照原價咁叫，所以唯有普普通通叫餐飲算，如果跟餐有少少優惠價就好了～

男朋友真係幾鍾意嚟呢度食飯，不過我就唔係好鍾意。可能覺得環境有啲mk味哈哈！不過佢鍾意呢度個豬扒飯，個豬扒炸得好脆，去過越南沙律都好足料好好味，同侍應講要小辣，最後嘅辣到都幾適合。佢仲有個櫥窗買甜品，上次試咗椰汁紫米糕，甜度啱啱好，唔會太甜。最緊要嘅係佢價錢非常相宜，到岩我呢啲窮人食。

早兩天跟文員同事farewell,我們選擇來到近公司的越翠苑！其實早前本人都來這小店吃過lunch,但沒暇寫食評，今次決定寫食評讚一讚這店舖！ 由於我們一行四人，所以就安排坐在卡位，大家都坐得舒適。我們幾位都是點了小吃，但都值得推介給大家。 先看menu,餐牌內有各式各樣的粉麵、小吃、甜品等。我們點了魚露雞翼及越式咖哩腩飯。 先呈上的是魚露雞翼。雞翼很香口，魚露亦很香脆，吃得很滋味。 其後，呈上的是越式咖喱腩飯。牛腩燘得很林很軟，腩汁份量也很多，連飯一起吃一流！我們其後還點了芒果糯米卷、椰汁紅豆糕等甜點，味道也不錯！ 整體來說，這裡的食物很可口，店員服務殷勤，值得推介！

越南餐廳本身價錢已經唔平，如果食到都唔好食真係會有啲激氣㗎！呢間都已經嚟過好多次，就算行遠啲都要黎食。因為食物質素真係好，環境亦衛生清潔，坐得都舒服。首要推介係蕃茄蟹肉湯檬，味道夠但不會郝喉，蟹肉夠香而且啲扎肉仲好厚添～雞絲湯河湯底做得清，亦唔係齋味精味，有深度嘅越式法包夠新鮮，麵包趣卜卜，香脆可口。老闆人好好，好有善，你叫得太多佢會提醒你驚你吃唔晒。感覺得到係有熱誠的餐廳唯一有啲失望就係冇生牛肉湯河。只有香茅牛肉湯河。

今日下午茶食咗一個越式蟹膏湯檬粉，湯底濃郁，蟹膏大大件充滿香味，唔知係點整既，$44不錯啊！凍o茶加$3！下次可以試下撈檬餐和越式法包，好像也有很多不同的選擇。唔洗食大XX!

連鎖嘅越南菜館基本上都試過哂但係都冇間覺得特別好食所以已經好耐無食越南菜；最近心血來潮上網搵到報導推薦呢間小店雖然地點有啲難搵但係都決定去試試咖哩牛腩檬粉咖哩湯底好香好濃；牛腩炆得軟腍入味；薯仔同埋檬粉吸哂啲湯底食落好惹味蟹膏檬粉蟹膏食落甘香可口而且份量好多；配埋濃郁嘅蕃茄湯底味道微酸夠哂開胃；仲有扎肉豆卜等等好多配料好正牛油果沙冰雖然平時唔太鐘意食牛油果但係呢間餐廳嘅牛油果沙冰實在係好出色；沙冰口感幼滑冇冰粒而且夠稠身；飲落好濃明顯用左好多牛油果好有誠意

最近行經東亞商場發現開左間越南野 今晚就同屋企人一齊係呢到食個晚餐啦 叫左個蟹膏檬粉 配牛油果沙冰 豬扒飯 配凍咸檸水 同埋春卷 牛油果沙冰做得好綿好滑 鐘意食牛油果既一定要叫啊凍咸檸水有一粒幾大粒既咸檸 好似迷你檸檬咁 飲落真係好咸 哈哈春卷個皮厚左啲 細細舊咁 所以入面都包唔到好多料 非常一般 但佢有配醃蘿蔔 正豬扒飯既飯係黃飯黎 食落有少少乾身 不過佢豬扒唔算乾 所以食落都還可以 一樣都有配醃蘿蔔同埋幾片青瓜蕃茄蟹膏檬粉 係蕃茄湯底既 仲配左好多野添 有豆卜 豬紅 扎肉 肉碎同主角蟹膏 好香蟹味 湯底酸酸地好開胃 不過個粉唔似我地食開既檬粉 似米粉多啲

近期興起在家沖越南滴滴咖啡，多喝了自己沖的咖啡，都想試試外邊沖的滴滴咖啡味道。位於荃灣的越翠苑，雖然在荃灣，但不算就腳，店鋪對著馬路亦不起眼，經常到荃灣shopping的我很少會行到那邊，若不是專程找吃的，應該比較難發現這店。店外店內沒有標奇立異的裝潢，只是在牆上掛了些越南裝飾物和食物相片作點綴，樸實不花巧，最最最顯眼已經是貼在店外從雜誌剪下來的美食專欄介紹。簡單看過餐牌，就是越南菜常見的菜色，點了：香茅豬肉撈檬 $48凍滴滴咖啡 $25價錢合理，不算貴。比較在意的是這裡沒有豬排，我習慣每到第一次光顧的越南店都會點香茅豬排，方便去比較店鋪的味道。點餐後不到3分鐘食物及飲品就到齊，有效率。在滴滴咖啡慢慢滴咖啡同時先試試撈檬，這個有很多配菜的豬肉撈檬同樣地樸實，賣相以至盛載食物的碗碟餐具都不花巧。這個撈檬很足配菜，白蘿蔔絲有點粗，夠酸很開胃，魚露汁在辣味的刺激下浸出微微的魚露味，最有驚喜是香茅豬肉，一片一片薄薄的，醃得很入味，甜味較搶，但仍能食到香茅味。比較失望是檬粉，不是水晶透明那款，麵身較硬，不爽滑。這碗檬粉份量非常多，好像預設了加大似的，吃到3/4已經很飽，再吃不下。至於那個滴滴咖啡

有時返工食晏想食好啲既話呢，有時會揀依間越南野食，因為味道黎講係唔錯既，不過依區黎講就比較貴。今日食咗個咖哩牛腩米，因為想食濃味野，依個就0岩喇。咖哩夠香濃，唔太辣，牛腩夠淋又入味，米粉索哂啲咖哩一齊食，可以食唔停口呀。另外，值得推介既仲有香矛豬排飯同牛肉撈檬，豬排大件又夠淋，牛肉撈檬都做得唔錯，雖然食間野啲菜色無咩特別，但勝在每一道菜都有返咁上下水準。越南菜都唔少得有滴滴咖啡，鐘意飲咖啡既朋友都要試下。

喜歡越菜，說白點是喜歡越式酸魚露。香茅豬扒沾上越式酸魚露再配白飯，香咸甜酸完美地配搭著，真是一流。老公對小店特別關注，又不知從哪裡知道這間越式菜館。餐廳菜式不多，都是一些大路食物。午餐我們就點了最簡單的香茅豬肉飯及豬扒蛋餅飯。老公的豬扒飯很香，而且很淋很入味，蛋餅結實得黎又唔會太硬。豬扒亦很大塊，基本上是肉多過飯。雖然香茅不是貴價食材，大多數餐廳只會落少少的香茅，但這間真是真材實料的。香茅豬肉飯一上枱就聞到勁香的香茅味，豬肉份量多，豬肉很入味。可能是太好餸飯，不知不覺已經食曬成碟飯。餐廳有自制的芒果榚、馬豆榚、椰汁榚等。但太飽試唔到，下次要試吓。