越興苑越南美食菜館

營業中

休息中

下午經過旺角，最鍾意去越興苑食個生牛肉河!呢度既湯河，湯好夠鮮甜味! 再加辣椒碎同檸檬汁，味道更鮮更好味!!主角牛肉我俾足滿分，解凍得夠，又薄又大塊。上既時候都未到半生熟，可以自己再浸入湯控制生熟程度，耐且牛肉處理得好，無凍肉既雪味，又有牛肉既甜。河粉都要讚!!!呢度既河粉薄身得黎唔易斷，所以好入味!完全食到湯同牛肉既味道，十分推介可惜既係下午茶會收加一

今天去了旺角越興苑tea ,其實味道價錢都抵食！但其工作服務態度和處理方法可以改善一下下午茶平均$30價錢抵食馬拉盞炒飯$33～辣辣地幾醒神份量足檸茶～中上豬頸肉湯粉絲$31～豬頸肉幾香口粉絲也沒有問題食食下有一揪線，立即詢問店員，佢好大聲撘系粉絲未處理前的包紮線，佢冇話換比我或取消，只是提供可以加D粉絲比我，我確實無言，果然答案好創新夠mk

晚上同屋企人嚟到越興園食飯, 4個人點咗個$328 四人餐(免加一), 包2個小食, 4個主菜, 4個白飯(可加$10 轉湯粉或撈檬) 同4杯餐飲, 幾乎食唔哂!我地揀咗: 炸蝦餅, 烤豬肉檬卷, 法式香橙雞, 芝麻香檸蝦, 醬燒豬頸肉, 馬拉盞炒雜菜!小食同炒菜一般, 正正常常冇乜特別; 個豬頸肉好大碟, 燒得幾靚又唔會韌, 香橙雞雖然得8塊不過整得幾好食, 厚肉但唔會厚粉, 個汁甜甜酸酸加少少芝麻響面好惹味! 芝麻蝦最有驚喜, 薄粉開邊炸又唔駛剝殼!!! 家姐加$8叫咗杯鮮奶芒果冰, 好似芒果奶昔咁好好飲, 不過食完咁多嘢仲飲多杯芒果奶真係太飽啦整體嚟講真係好味又抵食, 服務都唔錯, 阿姐好忙踢哂腳都仲主動過嚟幫我地加茶, 唯一覺得麻麻地就係D 檯太逼

今日心思思想食越南菜 ，行經花園街見到有間越南菜，就入左去(抱住試吓心態).今晚就叫左馬拉盞炒通菜，好夠味唔算太辣正，再叫牛油雞翼，幾好味，好香蒜蓉味，再來一碗生牛河個湯底幾好.飯後有甜品送(椰汁黑糯米唔太甜ok)唔錯唔錯.食完都以經好滿足，比想像中好。一時忘記左(掛住食)唔記得影吓相

本人係依間餐廳叫左朱扒湯河同一個(鹽燒薄牛肉)點知就出左事!!個朱扒河都還可以,食下食下諗住好期待個牛肉,一見到,點解唔係燒而係滾水整熟。。。都算,食左一舊!熟到咬都咬唔開,算!我放棄,我食完個朱扒就走左(我有比錢架個牛肉)我從未食過差咁遠既野,食都真係想講粗口,真係無下次!!

晩飯時間又係要諗食咩既時候,行過呢間餐廳員工係門口好落力拉客,門口餐牌上既野食都係ｄ大路既越南野同泰國野,無咩要求下就入左去～我地係散叫,但食完埋單發現一開始店員推介既二人套餐係抵食ｄ!!首先叫左個撈檬($48),撈檬最重要個汁,但個汁麻麻,無咩味,所以成個粉都無咩味塊米紙好乾,咬唔開,所以入面D料跌哂出黎,但味道就唔差,上菜個侍應叫我地點魚路、我地都覺得怪怪地,因為平時都係點甜酸汁,不過我地都聽個位店員講,但食食下又有另一個走過黎話唔好點魚露啦,甜酸汁好食ｄ嫁...呢個好食!黎到仲熱辣辣,個汁都好好食,好甜同好香橙味,而且淋左汁D雞皮仲脆卜卜,個人覺得仲好食過荼餐廳既西檸雞越南餐廳但越南野麻麻,但唔係越南野就幾好食,整體都唔差既,店員都幾好人幾好傾～～

今日同友人夾完band就係旺角隨便搵左間野食。 見呢間越式野食都冇食過於是就搵左呢間啦。佢分左正門同樓上有一層獨立房， 而我同友人就去左樓上座位用餐。 先講環境， 衛生都算合格， 不過座位都算迫，而且欠缺窗戶。 整體黎講有6/10。不過試唔慣新野既我最後就揀左法式魚柳飯黎食，價錢係42蚊，加8蚊要多左杯凍檸茶。先講杯野飲啦，同其他地方冇咩分別，有啲地方有得跟餐包野飲淨係加2，3蚊，唔明點解佢要比市價過多幾蚊。跟住到個飯餐， 諗住佢個法式會好特別啦，點知一黎到， 我hi, 原來只係係個茄汁吉列魚飯。 一啲都唔特別， 不過好在個飯都煮得唔錯， 飯身唔太硬唔太軟， 茄汁都算開胃， 加上自己有啲肚餓，好快就食完。 所以整體黎講， 都有6/10既。可以下次再試下佢地店既特式越菜。

突然想起牛油雞翼，就去了旺角花園街間越興苑，水準果然冇失望，有淡淡牛油香味及皮脆肉滑，雖然油ｄ，但間中食吓，真係好好味，正！跟着食牛柳粒炒紅飯，酸酸甜甜的汁醬配香滑牛柳粒加炒飯底，哈哈！勁好味！以百零元食到這水平的食物，超值啦！若選平價好味的餐廳，「越興苑」我必選它！

同家人行完街，隨便入去一間餐廳食下午茶，就選擇左呢間。主打越南菜ge餐廳我食得多，但到目前來講我覺得最靚，最正宗ge就系呢間。我地兩個叫左生熟牛肉河粉同埋鮮牛肉河粉(各自都系HK$37)一講道牛肉河粉，相信大家都會想到越南。聽講越南人日日都會食距，正如好似我地中國人日日食飯一樣。碗河粉ge湯底清甜，唔似D茶餐廳一樣，咩都落味精。相信距應該系用新鮮牛骨燉制出來ge，100分！D牛肉就唔系用肥牛去整，而系用新鮮ge牛肉來將距切薄，味道都幾甜下。鮮牛肉河粉呢碗河粉同上述河粉最唔同ge地方系D牛肉系全生ge，然後再放落碗湯入面食。食過一塊，覺得呢碗比我過碗重鮮甜，爽滑。紅毛丹冰（加HK$8）呢杯野系用新鮮ge紅毛丹（毛荔枝）沖出來而成，入面仲有幾粒紅毛丹。如果熱天ge話，真系可以做到消暑ge效果，推介!服務方面都幾好下，叫左菜無幾久就上菜。按照我ge眼光，我睇D侍應都應該唔系香港人，可能系越南gua。下次一定會再來！

喺附近剪完頭髮又約左朋友來個QUICK DINNER，所以就來食喇坦白說，小店看來好以好污漕咁呀！可能係因為個地好油啦坐低後叫了一杯咸檸七消消暑，咸檸檬的味道很錯GOOD越式豬肉片炒河~~~味道不錯，有D似乾炒牛河，但就油左D囉牛油雞翼~~~外皮整得好香脆，肉仍係滑滑的GOOD馬拉盞炒芥蘭~~~咸到唔知想點呀！我只好用熱水洗一洗先食到呀！總括來說，食物真係好一般

出到旺角想食越南野, 見平時越興苑都幾多人排隊就去試下啦點知......去到唔洗等位直接坐低, 但舖位好細亦唔新淨我地兩個人叫左一碟香茅豬扒蟹柳蛋飯同札肉湯檬落飲品時個waiter問雪碧/可樂, 我諗左幾秒準備答之際佢就話: 唔飲就比杯水你, 然後就走開左果刻, 我呆左...... 我係未答唔係唔飲! 真係激死我!等左陣個飯黎左, 成碟飯都好咸, 飯又好硬身個檬就得檬粉同6片札肉, 無咩特別總括而言, waiter既態度真係令我呆哂, 我見到隔離枱嗌左佢兩次佢都無反應, 態度又差又hea!!!

天氣悶熱，冇咩胃口，日本菜太常食，今晚簡單食個凍撈濛啦!呢間野係旺角都好耐歷史，又當眼，但作為一個MK人，我都未食過，哈~香茅豬扒撈濛($45):唔係有咩特別，勝在豬扒都叫大件肉厚同淋，但其實個人又覺得有DD硬身同脆邊Ga會好食D。椰青($25):正呀!!好多水、好大個。超清甜，我雖然飲唔哂，但食哂入面D肉，感覺好抵，真心讚!!香茅雞亦($35):6隻，比預期中多喎。熱騰騰，係唔係好夠味姐。不錯的Quick Dinner

因為樓下full 左, 所以waiter帶左我地上一樓. 舖面… 有d dirty, 但環境還過得去… 佢個冷氣隔塵網一定好耐無洗, 因為一向有鼻敏感ge我, 一入到去, 做左一陣, 就開始打核癡… 叫左豬肉撈檬, 牛油雞翼, 馬拉盞通菜+三色冰豬肉撈檬賣相: 非常一般, 好似亂黎咁味道: 豬肉腌得味道剛好, 個檬粉其實好睇個汁, 都算ok…牛油雞翼 (4件)原來佢係兩只雞全翼分4塊就係4件, 我當時感受係, $38 wo!!! 兩只雞全翼?!賣相: 都係晤掂架喇…味道: 口感非常鬆脆外層炸到金黃色, 不過真係好油膩, 一咬落口, 成口油, 同埋食得出D油晤係牛油, 只係普通煮送ge油… 所以, 晤知點解佢叫做”牛油” 雞翼…馬拉盞炒通菜 (最好食)本來叫左越式通菜, 佢黎左馬拉盞通菜…好彩, 又幾好食.賣相: 正正常常味道: 夠鍋氣, 通菜炒得脆口, D汁料同D菜炒得夠均勻, 辣辣地有好香蝦醬味, 惹味醒胃!Overall: 埋單約$160兩位, 正常價錢, 正常quality; 最大問題係hygiene, 因為果碗豬肉撈檬只碟邊係非常之疵立立, 我估佢成個碗都應該係咁, 所以D 飲

香港有不少越南人開餐廳，做得不錯，也很有口碑。價錢有貴有平，豐儉由人，若選平價好味的越南餐廳，「越興苑」應有一份兒。 越南菜多下香料，又喜用魚露。這款香茅豬扒味香甜，送飯最是頂瓜瓜。 豬扒有三大塊，份量十足，香茅味道濃郁，再以蔥油的香味來混合，落點辣魚露，這一個越南風味的豬扒飯，就是以香味為主打。 豬扒做得非常鬆軟出色，水準佳！

今晚8點左右同女朋友去食dinner, 諗起想食越南野, 就諗起呢間食店, 之後點了三樣野食, 豬頸肉, 蝦餅湯河, 炒通菜....................到我地差不多食到8成, 每碟餸都只返幾舊, 當然梗係唔想浪費, 想慢慢食, 第一次叫佢地加茶 但感覺開始有人開始黎收野....其實已經講左話唔駛收住, 但佢地既動作仍然係想收.....到差不多食完, 諗住飲埋杯茶準備埋單, 咁叫第二次加茶.....但竟然聽到收銀有個男人...望落衣著應該係老闆....講話: 如果要加茶就要加$10...連講幾次...仲要叫個侍應同我地講話如果要加茶要收$10...但個侍應勁無奈望住我地......講真人地打工, 我都唔想出聲....臨尾梗係唔會比貼士.....