越色牛肉粉餐廳 (已結業)

話說 , 我地一行6個 去食 Lunch , 我同個 同事 兩個入坐先 , 其餘4個去左食煙 , o係 Mega Box 食煙係好麻煩 , 要落街先可以食 , 而間野o係 8樓 , 咁我同個同事o係 12點07分入坐 , 咁好正常 我地咪去坐低先囉 ..........入坐前 , 門口帶位都同我地講 , 要人齊至可以入坐 , 咁我都同佢地講 , 啲同事去食煙 , 轉頭就到 , 咁佢都比我地入坐. 咁我同個 同事 咪叫野食囉 , 點知個經理就不斷問 啲人幾時到 , 再唔到 就安排其他客坐落黎 , 咁當時我都未有火既 , 如是者 , o係短短 15分鐘 就問左我4-5次 , 咁我同事都打左3個電話比啲同事叫佢地快d到 ..........個經理都見到我地打比佢地 , 直到 12點22分 , 佢就好大聲同門口個 帶位講 , 再有客就安排坐我地張枱 , 咁個帶位就回應佢 : 佢啲人去左食煙 , 轉頭到 ... 咁個經理就答佢 , 佢地食左 25分鐘啦 .... 佢一講呢句 , 我啲火就黎 , 佢重要o係我隔離好大聲咁講 , 我一聽到佢講呢句 嬲到我呢 , 唔係我著住公司衫 , 我真係同佢開波

昨晚去到 Mage Box 諗住同老公找間未吃過的餐廳試下，叫左橙咖哩雞腿飯(好似去快餐店食20蚊學生餐，一舊橙色的飯+無特別香料的雞腿上面淋d咖哩汁) 價錢$58 仲要係店長推介菜式海鮮炒金邊粉 (有隻蝦仔+數件無味魷魚) 價值錢58炭燒牛肉紙米卷 $38 這個是全頓晚飯較有水準的作品，米紙包著 牛肉、生菜、甘筍，碟面配上與牛肉相配帶點微辣的汁特飲(奇異果+火龍果) $28 半價，無什麼特別 簡單來說 唔抵食 兼 無誠意

尋曰同阿女去megabox買嘢，行咗一陣阿女叫肚餓，咁就幫襯咗呢間啦!入去時未夠3点，所以冇下午茶餐，唯有散叫.諗住叫碗扎肉雞C湯河，佢話冇扎肉,越南餐廳都冇扎肉，我最後叫咗個烤猪肉湯河加椰青.先講食物水準椰青 ： 唔應該有驚喜烤猪肉湯河: 芽菜青o香葉一碟，烤朱一碟，再加湯河另上。湯好味，有一嚿羅白超入味同超林,得果一嚿太少，猪肉烤得好味但唔夠熱不过等咗好耐。食物水準算OK!反而要講吓服務水平：餐廳係長形,左面係長梳化加散櫈,再加二人枱方便setting, 右面係3張4人枱加一張8人round table.本人到達時,可能未到下午茶時段，So唔洗等位我大住個肚同一个3歲嘅女加一个背包被安排左面梳化位打對面坐,當時左右二邊都有客,我先点菜,等食物期間,本人右面枱客走,我就move 过去,而女兒就坐响我隔離,我地2個坐係梳化果迈、正當我餵緊阿女食粉嘅時候，2个staffs埋嚟叫我比返一个梳化位佢地,我同佢講我都係Keep二個位>,点解要我比返佢呢?佢話D客唔肯坐!我見到有人等位,但都有其他吉枱,佢地D咁嘅處理手法,完全唔似一間連鎖食店、茶餐廳都唔会咁！really ridicio

尋晚megabox食完晚飯，今日既第一餐又黎依度…不如係度訓好了…其實因為今日又落雨所以就黎又依度食野。留學時好鐘意食牛肉粉因為平又飽肚，係香港食過好多間但都搵唔返勇記既味道，回想都快十年了我都差唔多忘記了個種味道依家只係想食到好味既牛肉粉。希望搵到比佢更好既鋪頭但係未搵到前一想食牛肉粉就會黎依度後記：食完牛河就出發去沙田食frozen yogurt

又到周未，星期五放工後，接埋老婆又去MEGABOX搵食。今次，試越南菜，點了以下菜：火車頭湯河燒豬排撈檬串燒拼盤奇異火龍果汁雙檸七喜火車頭湯河略嫌少餸。芽菜、九層塔及青檸另上，辣椒就要求先畀。粉的份量夠，女士可能嫌多。湯底算香濃。OK。燒豬排撈檬豬排見到網燒紋，入味，OK。串燒拼盤有泰式無骨酸辣鳳爪、沙爹雞肉串燒、燒豬排以及炸蝦餅。樣樣都夠入味，OK奇異火龍果汁應該冇另加糖，好多果肉，清新。雙檸七喜雙檸係鹹檸及青檸，酸酸地，幾開胃兩口子叫三個餸已經好飽。唔算好出色，不過呢個價錢都可以接受。

去睇戲後搵食 就腳入去幫趁不太餓 叫了兩碗粉 牛丸,生牛河 賣相奇差且湯淡無味 牛丸細粒又少 牛肉又UN 自己煮好過佢熱飲 不過不失.. 其他都不想試仲要收加一?? 再見無下次!!

數次光顧這越色湯粉不知原來其湯底是出色之作要知湯底好味與否一試便知生牛肉湯檬粉我要了生牛肉湯檬粉，雖知牛肉湯河較湯檬好食，但我喜歡在越南餐廳食凍/撈檬粉，這是首次試食生牛肉湯檬粉，果然其湯底好味清甜有肉骨味，半生熟牛肉浸在湯內一會後令湯底更稠，特出牛肉鮮味，連湯飲可補血呢…牛肉本身又補鈣，日後再食必食這款生牛肉湯檬粉不足之處是檬粉太碎生熟牛筋腩湯河牛筋及牛腩軟腍入味，河粉不太腍剛剛好

今晚同女朋友睇完戲, 就黎呢間越南餐廳食野.因為太夜的關係, 所以唔係叫了好多野 . 只係叫左兩樣野: 札肉雞湯粉: d 湯低 太多味精. d 粉太少太少. 只係d 雞肉比較好食d 烤豬肉撈檬: 來得實在太太太慢 . 個湯粉食完都未黎. 我接受唔到lor. d 肉烤得完全唔得. 仲有d 覺得生生地, 烤gum 耐唔知烤咩! d 野又係太少. 我地都算係常食越南既人, 但我真係估唔到有一間越南野黎野慢到離晒普 . 慢工出細貨都話jei, 但連d 野都唔好食呢 !!!　非常失望lor. 服務態度又麻麻... 以後唔會再黎

嘩~~~ d下午茶真係幾抵食, 而且去到6點~ 所以其實我係1745入座食early dinner~~~ 真係睇movie o既好去處之一!!!普遍係$30 tea set, 飯都有幾款, 小食類就貴d d, 不過都包飲品, 算唔錯!!!選擇又多, i like it!!!我order越式豬扒飯, wow, 個樣俾我想像中更靚更好味~~~ o黎到越式餐廳多數都係食豬扒/雞翼, haha~~~~ lee個豬扒居然係炭燒架... 真係估佢唔到, 而且一咬落去一d都唔會硬, 而且又入味又嫩, cool!!! 好驚喜O既early dinner!!! 不過如果多d蔥就更正~~~ 另外都係$30 o既牛丸粉絲就差d啦~~ 因為得o個幾粒而且份量又偏少, umm!!! 點解會係咁架...............唔通丸類就係咁??? 下次真係唔好揀啊~~~ 不過男友略嫌杯奶茶冇乜味wor, haha, 我杯鴛鴦就唔知點形容, 因為其實我唔係成日飲, 不過又想飲齊兩樣飲品, haha!!! 所以唔太識評價正唔正宗~~~ 最後覺得d staff可以主動d, 因為客人已經唔太多而且d staff又夠,

個日自己一個shopping~~行行下都3:45到~~個開始....咕咕....咕...咁就入左去hea tea 啦~～Ｄ　侍應都好ＮＩＣＥ．．．．動作又快手話咁快我就有得食啦Ｄ雞亦熱辣辣.....入面一D血跡都無GA......可以好放心咁食用~~

放假同老公大人行mega box,７點幾就見到餐廳要等位,老公想食粉關係,所以在不情願之下幫襯,(因之前試過食到一肚氣), 但今次一定要讚一讚企接待處的男主管,由本人攞飛到入座前都坐係呢位主管後面30分鐘有多,見到他的服務態度真係令我非常欣賞,(星級酒店都末必有這樣的接待)值得一讃 叫了豬扒撈檬 火頭車河 春卷 比起之前好味好多,令我對餐廳觀感大改, 埋單走時又見到門口個男主管親切送客的態度,值得再讚

來到九龍灣去了溜冰，溜完剛好兩點多下午茶﹗就嚟咗這𥚃食，不太多人，坐得幾舒服﹗二人，一人叫了一個餐，香茅豬扒飯、雞扒撈矇，加飲品，豬扒雞扒煎得好香好正﹗個撈矇超大碗，加上個酸汁，正﹗三十蚊一份，不用加一﹗幾抵食啦喺megabox嚟講﹗

I went to Megabox to watch the hockey tournament. Decided to go for vietnamese. There were three guys (including me). Myself and my friend arrived first at 11:55am.a) restaurant wasn't open till 12pm so we waited.b) my other friend was coming in 10-15 minutes (on the shuttle bus coming from Kowloon Bay MTR)c) as soon as the restaurant opened, the staff asked me how many people?d) I said 3 of us.e) She said that we would have to take a ticket and wait (EVEN THOUGH THE RESTAURANT WAS EMPTY AND WE

在九龍灣返工都知道伊間野出名人多，本人放 12:30 食飯都已經早過其他人，點知去到經常都係排晒隊，講真話門口同黑衫四眼哥仔態度又真係幾差，無他～人多到做唔切是也今日同老婆在UA 4:00 睇完戲想食 D野，唔過見唔駛等位於是入左去試下(次次見多人排都放棄了)，坐低叫左個生牛肉牛腩蒙粉，D 芽菜係另上的，伊點值得讚，同其他網友食家一樣，D 生牛肉係真係生得好緊要的，要浸一陣湯先夠謄食囉～但湯唔夠熱所以浸耐左，湯味道夠濃窩，老婆話牛腩好食，而我就叫左個炭燒豬頸肉拚春卷飯，個豬頸肉好難得係即整的，因為炭燒既味道好勁下，可惜既係味道入唔到豬頸肉入面，只停留在表面，大致上係好食既，春卷就唔得好乾身好硬，D 薑蔥就太小唔夠送飯，叫黑衫哥仔落埋野飲，佢亦有提示返本人落既野飲要計正價，要讚丫都係叫左 D 唔駛加錢既野飲算了，可能無乜人完全無趕客既情況出現，不過仕應經常一無野做就圍埋傾計就係真的，老闆睇黎真係要撤底既改善一下先得了仲有既係連水都無杯招呼下顧客都要改善改善

同事金日想吃越南菜 就去左越色啦 12:20pm就爆場 問reception大約要等多久 個reception話 大概6-7張枱 見同事鍾意食 未等囉..15分鍾後入去坐低 張枱勁污穢囉趕都唔洗甘求其丫下 呢D都算 舉左手五分鍾 無人理囉 最后有個侍應埋黎 黑口黑面 我等你甘耐仲要睇你面色? 我想要湯檬又比左湯金邊粉我..同事要全走又冇走到..侍應態度必須改善!黑衫男人 帶眼鏡既 由你入黎坐低就望實你 幾時食完就收紙收杯 趕客趕到甘 聽執我唔會再去