越色牛肉粉餐廳 (已結業)

阿囡話要來，見唔駛點等位，就佢啦！河粉湯底偏甜，生牛肉唔錯，豬扒油淋淋，串燒雞，牛唔錯。蒸粉卷味太重，平時喜歡吃的阿囡都唔食。坐位唔迫，但一路食問左兩次趕收野，唔夠碟用？我地只係坐左半小時多些，估唔到阿囡一放低筷子就有人過黎問野到齊味，答完到齊後居然即收走枱面的碗碟茶杯，水都唔比飲多啖，同時間埋單，實有趕客。老實說有人等位我地都唔會再坐，但門口無人。笑容夠，但服務差，奇怪。

經過呢間新的越南餐廳, 裝修很舒服. 過了食飯時間所以很少人. 樓底非常高, 完全沒有壓逼感坐得很自在.餐廳面積很大, 而且位同位之間很寬. 點了春卷豬扒檬, 味道很不錯, 春卷很香脆豬扒味道很不錯入味. 檬汁好正.牛油果軟殼蟹米卷, 很香的檸檬葉味道, 大量的不同菜絲配合軟滑的牛油果和軟殼蟹, 一絕必點好味. 抵食.

昨天開工,同同事出左去食飯, 我地六個人去左越色食越南嘢,12點幾好彩未開始多人,我地坐底見到有撈濛,大家就說要撈起,所以五個人都叫左撈濛,一個就叫左馬拉盞豬頸肉炒米粉,我們的撈起好快就嚟啦,我同同事都點左香茅豬扒撈濛,另一個點春卷撈濛,炭燒豬扒春卷撈濛.我同同事的豬扒撈濛先到,但好奇怪我的沒有春卷,他的有春卷,可能攪錯了,份量好大碗呀,豬扒都好大塊,濛粉入面有些生菜絲,甘笋絲及花生碎,豬扒都好淋身入味,好味道呀. 加埋D魚露及辣椒醬一齊食,好開胃,好味,春卷好硬,麻麻地,反而同事春卷濛的春卷好味D,出面有些好似網既嘢,都好香脆及入面係香芋,好食呀.另一個同事的炒米粉因為要炒所以要等耐D,賣相都幾好呀,個顏色好深啡色,所以係咸左少少,佢話D馬拉盞過咸呀.飲品我飲咸檸七,成杯都好似係啡啡地色咁,雖然唔係原隻咸檸檬,不過都幾夠味及真的有檸檬核架,GOOD.我地一路坐已開始多人及門口好多人等位了, 所以仕應後尾都放低個單俾我地埋單.

這天晚上 , 本肥牛約左女朋友去MEGA BOX吃晚報 , MEGABOX雖然店舖多, 可是很多食店我都沒什麼食過. 沒什麼特別原因, 只是很小和其他人一齊行MEGA BOX罷了 , 自己一個就好小會去好餐廳吃東西.約左女朋友7點吃越南菜, 沿扶手電梯直上, 當中見到不小食店, 很多都是空空如也, 只有零星的客人在店內, 心中在想, 這樣對於一間食店來說, 好象前途有點隱憂..... 是太貴嗎? 還是不好吃呢?多想一會, 就想到自己現在去的越南菜館會不會也是名不乎實的店..... 去到門口, 就看得出. 這店應該不會太差, 雖然店舖小 (絕對比其他MEGA BOX的店都來得小), 可是客人滿多的. 有時候客人多寡已經證明了此店的價值, 不是很抵食, 就是很好味. 越色牛肉粉餐廳是後者對還沒吃飯的本肥牛來說, 我的肚子在打鼓了. 一來到就看到檯上面就放了一碟菜, 原來牛女早就算好時間先叫了一碟菜, 真細心呢~蒜蓉炒椰菜苗是很平凡的越色菜, 很多店也吃過, 這裡的椰菜苗也是跟其他店一樣, 好。噤。咬。。呵呵, 這是椰菜苗的特色麻, 可是這店的椰菜苗是我所食過既最香口, 又夠熱酸辣辣....

我點了一碗鮮茄牛腩湯河，鮮茄湯應該是很清的，我未食過一碗咁多油的，食了一口就知道原來是用牛尾湯做的，都算了，還要一碗都係炆牛腩的八角，加起來都有十幾粒，請問點食？？？所以才拍下來給大家分享一下

每次接安娜放工，好多時都會順道在附近吃飯。其中一間我們頗喜歡的食店，是位於九龍灣 Megabox 的越色牛肉粉餐廳。晚飯時間人不多，我們找了個卡位舒舒服服地坐下，然後興奮地翻閱著菜單。要從眾多美食中決定晚餐內容，從來都不是容易的事呢（笑）。 最後，我們決定要一個麵食，今次選的是有生牛肉、牛腩、牛柏葉、牛筋、牛丸的河粉，肉類尚算鮮美，份量好大碗，湯底亦幾甜，但當然最令人高興的是豐富的材料。　　越色的蝦餅比想像中大件，可能是我們食過最大的蝦餅，外形有些似銅錢。咬開內層，果然是啖啖肉，但味道卻是麻麻地。當中，蝦餅肉地比較軟腍不夠彈牙，是最令人失望的地方。　　今晚最值得推薦的是椰王海鮮焗飯。在這個飯裡，海鮮只是配角。這個飯用上整個椰王，連飯粒之間也混入了一條條的椰絲。除了聞起來充滿椰油香，吃起來也帶著甜絲絲的椰奶味。感覺非常特別，值得一試。　　對我們來說，越色牛肉粉餐廳是一間不俗的越菜飯堂。食物不俗，環境尚算寬敞，而且有一點非常重要，就是價廉物美！

又來到平日晚上儼如死城的Mega Box, 這天不吃”宜家”, 轉移陣地到越色生牛肉河粉($42)- 肥牛半載半沉的在湯粉上, 最上面的牛肉仍然維持血紅色, 進食前要快快把它浸熟. 用的是類似火鍋用肥牛片, 哪有不嫩的道理? 而牛肉亦沒有嗤之以鼻的羶味, 不錯吃! 吃越南湯河最重要是湯底的味道, 先呷一口, 牛肉牛骨味欠奉, 只有一股味精味, 雖不太鹹但味道亦不自然. 平時最愛喝湯(湯麵的湯)的小妹也要舉白旗! 河粉幼身, 口感清爽柔韌俱備, 有淡淡的米香. 香葉, 豆芽, 青檸另外奉上, 由客人自行添加, 頗為貼心的安排.蒜茸炒椰菜苗($62)- 之前在某泰國菜館也有點過這道菜, 那時索價七十多, 但我也會覺得值. 這個椰菜苗, 一如既往的爽脆, 咬落o索o索聲, 有芥蘭的口感, 卻沒有芥蘭令人難以入口的苦澀, 取而代之是椰菜的清甜, 只可惜平時在街市不會看到有椰菜苗出售, 要特意到泰國/越南菜館才可以品嘗得到. 但話分兩頭, 菜好, 廚師的功夫也需好. 這位師傅好像不及之前某泰國菜館的好, 金銀蒜炒得不夠香, 蒜味又未能充分滲入到椰菜苗中. 吃罷, 發現碟底水汪汪, 明顯炒得不夠乾

12:05分去到剛好有四人抬, 我點了雞亦湯金邊粉, 同事點了豬扒飯, 生牛河, 海南雞飯.食物是很一般, 但今次要講的是侍應的服務態度.雞亦金邊粉, 雞亦三隻是另上的. 已經唔係第一次食, 之前明明有牙菜薄荷葉青檸角跟埋, 但今次得片生菜. 於是問一名綠色制服短髮女侍應. 佢的回應係: 係冇架, 得牛肉河先會跟呢D! 牙菜薄荷葉應該跟湯河來, 點會只係牛河先有呢? 我冇同佢拗, 不過再問咁檸角呢?(牛油雞亦多數都有跟架...) 佢又反問我: 咁你係咪要丫? 你地睇下之前其他人POST的相啦! 衰左唔緊要, 唔好理值氣壯得嚇親人麻唉,,,食到一半, 黑衫侍應已一野放低數薄好等我地準備埋單. (但我地未食完未飲完餐茶更加未叫埋單) 到飲緊餐茶傾傾下計又走來收走我未飲完的杯, 手指塞左入我杯中了, 直至我喝止佢兩次佢先識停.唔係特別好食價錢唔係特別平都仲有咁多人LUNCH湧住來門口等位. 同區茶餐廳都好服務過佢, 起碼有杯水.

同老公睇完戲後，在MegaBox 食晚飯。雖然去MegaBox交通不太方便，但除著東九龍新展一日千里，新酒店／甲級寫字樓相繼落成食肆的選擇都越來越多；因此今次選擇到MegaBox睇戲兼食飯。今日不太肚餓，想食粉麵，於是決定試這間「越式牛肉粉餐廳」。地方不算大，內部裝修精緻；特別喜愛這裡的中式吊燈。點了每次去越南館都會叫的生牛肉湯粉及牛油雞翼生牛肉湯粉牛肉送上枱時已是熟的，都唔係半生熟，有些失望；湯底都OK，好重牛肉味。不過不失的生牛肉湯粉，可惜食完後覺得好口渴，湯底太多味精了～最懷念以前「清亭」的生牛肉湯粉，每次都可以喝完碗湯牛油雞翼賣相唔差，大大件，外層炸到金黃色，好吸引！都好重牛油香，味道唔錯；略太油膩。芒果軟殼蟹卷好多顏色，七彩繽紛，好健康因只是見到蔬菜；主角軟殼蟹唔知去左邊？咬左幾啖終於搵到軟殼蟹～軟殼蟹都是微溫，味道都幾惹味，但菜太多，多過軟殼蟹好多，好似變成配角要了兩柸飲品（鹹檸七及金桔水），味道麻麻，特別是鹹檸七好似開水的味道；雖然飲品不太貴，但可以不叫

我們一家四口打算慶祝仔仔生日,係玩具反斗城買完玩具後,肚子餓見旁邊有間餐廳就去試下。佢比左張四人枱我們，食物普普通通，冇咩特別，但服務態度就超差我老公同仔去左廁所，有個女待應過黎清理,我叫佢唔好清住,話佢地只係去左廁所，跟著女待應走了。跟住,有個老女待應二話不說就沖過黎清理。年輕既女待應對老待應講話佢地去左洗手間,唔好清住。跟著，有個黑衫男經理走過黎大罵年輕女待應，客人去廁所你要同我講。連客人去廁所都要同你講?明明出面冇人排隊就趕快汁枱,個客未食完都汁我以後都唔會再黎

因為未夠鐘入場睇戲，所以去食一個early dinner，見到呢間仲有tea set，所以就同男友入去啦﹗叫咗一個生熟牛肉+牛腩河，同埋火車頭，再加多一個油菜，侍應小姐話有生菜﹑菜芯同通菜擇，我哋選了通菜，之後個經理問我哋同通菜係要點煮，我哋問有咩選，個經理話可以選上湯同馬拉盞，咁我哋話馬拉盞啦﹗食物嚟到，味道一般，好大碗下，但係d牛腩同牛筋超硬﹗食完口好乾，相信係因為味精啦﹗之後，食飽飽埋單，一睇張單真係打咗個突，ttl：139.00之後問返個女經理，我哋係加個12蚊油菜咋喎，點解收我哋4x蚊呢，佢話通菜唔係可以當油菜選，我話係你哋個侍應話可以選通菜，我哋先擇，個經理就話佢係新嚟架﹗有無搞錯，一句新嚟就算，問我用咩煮嗰個係你囉﹗最後我哋都照埋嗰張單，但真係有受騙感覺，所以唔會再幫襯呢間店﹗

自從這個商場開幕後，便很少到來。不過駕車的話，這個地方也不錯。星期三晚到了這裡，人流極少，餐廳以日式居多。原本想吃的店都沒了，最後選了這家越式的，7:30的座上客大概佔店的一半，應該很快有得吃~每人點了一款主菜 - 蕃茄牛腩配蒜蓉包， 兩者都帶有同様的香草味，茄汁還加了八角，讓牛腩更入味。但茄汁的味道，無論色澤，味道和質地，都像金寶牛尾湯。而另外一款是我愛的豬扒濛。這個是炭燒豬扒，賣相滿分，滿有期待。可惜, 肉比平常的肥美，不是我那杯茶。亦嘗和嗅不到炭燒的味道來，只是有點樣叉燒的甜和外皮的焦。濛粉還可以，順滑如絲，湯底亦很清。不過，應是味精作祟，感到口喝呢!

又是團購去試食, 早去到所以不用等位,抱歉沒有拍照,二人餐, 選了二碗生牛肉粉, 粉很多, 很飽肚,湯底ok, 但牛肉略少了點, 不知散點是否一樣,串燒選了雞肉, 是用雞胸肉, 很鞋, 吃不下, 放棄了, 沙律ok, 炒通菜, 好味,飲品, 甜品, ok整體是可以的, 希望雞肉串改用雞脾肉, 不然只是浪費了那雞肉串

Got to love the pho noodles at Pho in mega box. Managed to feed our family of 2 adults and 3 kids with a huge bowl of noodles, the fresh spring rolls and fried spring rolls (which were served with generous bowl of fresh crispy lettuce to wrap the rolls in) plus a not too spicy pomello salad (a tad too much toasted coconut for my liking but very nice all the same). Great eat and cheap.

今日Baby GaGa興趣班在附近有表演見到有"Pho",就來試試我是好鐘食"Pho",在世界好多地方,我都揾到這個味道例如有時出差經過巴黎,一落飛機,就到D'Italie 既 Pho 14,整番碗火車頭+ 淨牛丸但在香港要食到那種味道,我從未找到過!!!這奇異火龍,只收$16扎肉,春卷撈檬大庶蝦--非常油牛丸河火車頭這裏選用的是金邊粉,賣飛佛.....湯底鮮甜,放了點洋葱火車頭有生牛肉,牛筋,牛丸,牛柏葉,牛腩片還跟有簿河葉+芽菜另上牛丸,不是那種越南獨特的有兵乓波差不多size大牛丸,切成一"卡'卡"在越南食到的通常一碗入面有齊大size牛丸+普通size牛丸這裏的不是那種牛丸,但都帶有少去的越南味道,相信不是外購的這Pho,雖不太令我滿足,但在香港所能找到的,算是有少少似.了...在香港真的找不到.....順帶一提,這裏用的甜漿辣漿係美國貨....馮這一點,又再多似一點