越萊 (福榮街)

營業中

休息中

今日去左深水埗睇電腦，行到攰攰地，見到呢間越南野，就順便抖下醫下肚。我們點左兩個午餐，每個餐有一杯熱柑桔蜜送，另外午市優惠加$12仲可以選配小食一款，好抵食。河內蝦仁米子卷：冷盤上，半透明的米紙包住大大粒既蝦仁、生菜、檬粉，賣相很靚，加埋個酸酸甜甜既水蘸汁，好開胃既小食。香甜菜心苗：真係好似個名咁，菜心夠腍甜好鮮嫩。炭燒豬頸肉煎蛋飯：豬頸肉燒得恰到好處，好香口，加上一隻太陽蛋，同埋秘製豉油，令成個飯生色不少。越萊人氣撈檬：食越南野又點少得蝦餅、扎肉、燒豬肉，呢個人氣推介，當然要叫嚟試下。蝦餅炸得乾身，好鬆脆；扎肉好有越南風味；個燒豬肉好特別，口感甜甜地，有D似腸仔，撈檬個靈魂就係魚露酸汁，調配得宜，加埋蔥油，簡直係成碗粉既精髓。整體來說，出餐快，食物美味，值得一提，麵底可以改成菜底，夠晒健康。

收工過嚟行過吸引所以光顧。確實。物超所值。但很可惜，當完食後。遺憾。發現。此店廚房內工作嘅員工。嚴重缺乏衛生意識。不正確的或完全不帶口罩工作行為 ，雖則，工作辛苦較熱。但政府仍堅持口罩令。代表什麼？！他們完全妄顧客人安危。忽視社會責任。疫情沒完沒了。總有因由。即使多美味。好評多高。現只有卻步,想起一啖一驚心。辛苦工作為生活，提心吊膽去食餐飯。何必呢

我和朋友隨街行入了這間不起眼、環境普通嘅餐廳，結果就有驚喜，依間餐廳性價比高到不得了😱order了：🌟一個牛萊了（有生牛肉、牛腩、牛筋、牛展）$72⭐️一個越萊經典撈檬（有香茅牛肉、厚切燒豬扒、豬頸肉）$66💛兩個份量都極大，無論係餸定碳水化合物都好足料，而且好好食💛牛萊湯底清甜，有牛肉味，生牛肉都鮮嫩，牛丸有肉汁！💛撈檬嘅所有肉都燒得很香，頗惹味！整體喺一間性價比之王嘅越南餐廳，值得一試！

今日一個人係深水埗做完野，又係周圍搵食試伏嘅機會。行過見呢間都幾多人幫襯，應該都唔錯。入面唔算闊落但都好光猛同乾淨👍🏻見到佢最近做緊冬日限定Menu 就揀咗個珍寶蝦仁春卷試吓外皮鬆脆，入面原來係蝦肉溝埋啲蔬菜絲，幾有口感👍🏻另外仲叫咗個西貢馬拉盞炒通菜，炒得幾香幾爽口，$20一份，都幾抵食👍🏻主食就叫咗個照燒雞扒豬頸肉撈檬兩樣餸份量都唔少雞扒仲好厚肉，入味得嚟又唔柴👍🏻👍🏻整體唔錯👍🏻幾抵食😋

今日約咗朋友喺深水埗做gym，咁啱好耐冇食越南嘢，聽講有間新開嘅環境唔錯，食物有高質素，所以就諗住試吓，位置都非常方便入到去之後勁肚餓，當然就即刻睇嘢食，我同老友都諗住食返餐勁嘅好快咁落咗單越萊經典撈檬 $66我同老友都叫咗同一個撈檬，因為佢非常豐富，有香茅牛肉，厚切燒豬扒同豬頸肉，啱晒我哋呢啲食肉獸，入口肉質鮮嫩，加埋豐富嘅調味令人忍唔住一啖接一啖，檬粉爽口，加埋魚露非常開胃泰萊超值小食拼盤 $178呢個消息真係非常抵食，有超多唔同嘅小食，例如牛油雞翼，酸辣無骨鳳爪，雞湯浸蘿蔔，鮮蝦仁米紙卷，炭燒豬頸肉，潘良太子名蝦配茄子，好小食又清爽亦都有野味嘅，全部質素都十分之高，啱晒三四個人一齊分享，我同老友都食到勁飽推薦大家嚟到深水埗一定要嘗試吓，呢間性價比性價高嘅越南餐廳，真係會越嚟越好食

香港有好多間越南河粉餐廳，而越萊性價比應該最高，每款食物份量好多。入面裝修簡約，牆身以湖水藍色為主。- 牛萊了餐廳既湯河好大碗，牛萊了入面有生牛肉、牛腩、牛筋、牛丸同牛𦟌。牛肉上菜嘅時候係半山熟，肉質鮮嫩。牛丸鮮甜呀肉汁豐富。檬粉吸湯能力好出色，每啖都鮮甜可口。- 越萊超值小食拼盤小食拼盤好大份，種類都好多包括牛油雞翼、酸辣無骨鳳爪、雞湯浸蘿蔔、鮮蝦仁米紙卷、炭燒豬頸肉，$178嚟講真係好抵食👍🏻味道方面雞翼無論氣味同味道都有牛油味，而且外皮好香脆。蘿蔔清甜食落無渣，豬頸肉燒得好香口，其他食物都唔錯。總結而言，越萊嘅食物真係好大份，尤其係小食拼盤，份量實在太誇張🤩

今日收工係深水埗買完電腦野就食埋飯先走，呢兩日天氣凍左想食熱野，最後去左食越南河呢間餐廳係黃金附近，鋪頭唔係好大，但都幾好坐，湯河平均$50-$70，仲要跟一杯熱柑桔蜜法式吉利豬扒包豬扒新鮮炸起，外層夠脆，豬扒肉嫩唔柴，面包夠鬆軟，配上唔同既蔬菜，感覺清新牛萊了（河粉）牛丸，牛筋，牛腩，牛展，生牛肉各兩件，牛腩牛展牛筋都炆得夠淋入味，生牛肉夠嫩同有牛肉香，湯粉都會跟一份配料 - 青檸&辣椒&芽菜，一個好食既越南粉湯底係好重要，而呢個湯底都做越南味道既8-9成生牛肉豬肉丸湯檬（牛肉湯）有3粒豬肉丸同4-5片生牛肉，豬肉丸係貢丸，幾香冬菇咪，而生牛肉就係處於半生熟粉紅色狀態，牛肉夠嫩同埋有牛肉香味熱柑桔蜜柑桔蜜帶有咸咸甜甜既味道，秋冬時候飲番杯可以滋潤喉嚨越南咖啡雪山沙冰打得幼滑，配上咖啡香味，鍾意咖啡既可以試試

今日夜晚想食越南菜行開深水埗見到就黎試試之前都見過佢分店係佐敦個邊照燒豬扒蝦餅撈檬 $56豬扒大大份 而且撈檬都比好多蝦餅都即炸 出黎都好熱辣辣開頭仲以為咁平應該好細碗點知大大碗'😍😍😍炭燒雞扒煎蛋餅 $56左邊冤脆扑扑唔知咩黎撈飯好好食 唔係係咪肉鬆呢雞蛋上面都有蔥油將個層次再昇華雞扒同樣大大份而且好juicy沙沙汁魚柳包 $42魚柳包上下都沙律醬加碎蕃茄包圍住而且絕無偷功減料成份魚柳放落個包到成餐2個人食只係$154人均$77 就可以飽到爆炸真係好抵呀仲要冇加一 好食 大大份

疫情持續，每日都有8仟幾宗新冠。又唔想出街食，幾個同事一齊用OpenRice 落單有九折，非常抵食，就買回公司享用。我就點了照燒豬扒撈檬：撈檬有好多食材，紅羅白絲、羅白絲、生菜絲、青瓜絲、花生碎、炸蒜片、還有我最喜愛的芫荽和蔥。加埋撈檬嘅汁，一齊食就非常爽脆可口的。照燒豬扒：厚厚的豬扒醃得好入味，又有咬口，下次可以再食👍👍👍熱柑桔蜜:好多柑桔，好夠味，沒有偷工減料。整體來說：份量足夠，食得好飽，非常滿足😋

吃的是下午茶， $42包括包類/湯粉/撈檬+小食+飲品。點了燒扎肉撈檬+蒜香牛油雞翼（兩件）+凍檸檬茶。燒扎肉撈檬：米粉上有扎肉四片，還有紅蘿蔔絲、生菜絲、青瓜絲、乾蔥、花生碎、蔥油和芫荽等食材，份量頗多。扎肉不算切得太薄，其中一面更略略煎過，微暖，比不少越南食店的凍冰冰的扎肉好吃。美中不足的就是，附上的魚露甜酸汁（碌冧）味道太淡。檬粉本身沒什麼味道，所以碌冧對夢粉的味道影響很大，但這兒的碌冧酸甜度不足，也沒魚露的鹹鮮味，令這檬粉吃起來也過分清淡。蒜香牛油雞翼：有蒜香，有牛油香，肉質嫩滑，就是有點過分油膩，把雞翼吃掉，碗中留下了大量的油。凍檸檬茶：茶底不夠清澈，也略有點苦澀味。總的來說，這下午茶餐價錢是非常超值得， $42就有撈檬、小食和飲品，不過味道方面尚有改進空間。

之前友人提及到深水埗有間越南野性價比相當高，咁啱今日要去深水埗就試一試佢位於高登電腦商場附近，鄰近深水埗站D出口相當方便 當去到越萊時你會發現裝修光猛，而且有唔少人食平日太約10分鐘左右，店員安排左位置後，都好貼心有杯水清洗餐具友人急不及待睇Menu點餐，同我講好抵食同好多款。的確以呢個模式黎計 真係應有盡有飯，湯麵，撈粉，而且有種車仔麵feel揀咩都得仲有得加配小食開心share wor 最後我牛筋羅白湯粉，會有埋芽菜 青檸同辣椒跟，相當開胃牛筋好淋好入口，羅白無渣，正！友人見到隔離枱食法包就跟住食，佢同出面有少少分別，比較軟身，類似漢堡。會煎到好香同夠牛油青瓜蔬菜令到個包保持濕度，又唔會太油，必點！另外都加左通菜春卷雞翼等小食，埋單都唔洗2舊水

小火車頭越南河，set餐搭配一杯野飲，點左越南黑咖啡，超濃！有鍾意濃咖啡的mm可以試試～個火車頭料超足，一半肉一半粉，素食者鍾意菜多d～下午茶set，豬肝醬扎肉包，一啖超滿足，包葛口感適中，唔干唔柴，跟餐有兩個細春卷，沾汁包生菜，正！再飲翻杯咖啡，舒適滿足，又抵食，兩人下午茶食飽飽，100蚊出d

一早whatsapp落單有職員已經回覆ok無問題2:45嚟到竟然話冇落到單明明有職員whatsapp我話冇問題 可以2:30後取嚟到冇落到單 即刻落翻要等20分鐘😡😡😡呢間嘢之前試過不止一次係咁Whatsapp睇完覆咗ok 已落單嚟到自取又話冇所以你呢間嘢外賣嘅 自己要有心理準備😤😤😤

之前教友同我講一定要來食@phobohk 越南粉,今晚番團契之前就來食吓先 🔮越萊蒜蓉牛油雞翼 推介之選,外面粉漿炸到超級脆,雞翼嫩滑,咬落去仲有雞油bi出來,好juicy 好好味,上面淋上香濃蒜蓉牛油醬,非常惹味🔮越萊經典撈檬  $66天氣咁熱,真係要食D酸酸地嘅嘢開開胃.其實我好鐘意食撈檬,越萊經典撈檬份量好多,入面有三款肉：香茅牛肉,厚燒猪扒,炭燒猪頸肉,三款都好好食,尤其個炭燒猪頸肉,肉質軟腍,外皮烤到勁香,而猪扒就醃得好入味,好香口,配上越萊甜酸魚露汁,和青瓜絲甘筍絲,入口清新又開胃.配粉太大,我仲問店家拎多碗酸甜汁再撈更有味 🔮青檸柑桔雪山 （跟餐加$18）真心推介勁呢杯沙冰,青檸柑桔味濃之餘,以新鮮青檸和柑桔打成沙冰,入口有粒粒青檸和柑桔,而且仲有大杯,我飲唔哂,問店家拎外賣杯邊行邊飲 無諗過深水埗有間咁好食嘅越南菜,價錢又實惠size又大份,性價比很高,睇吓佢地個menu,仲有好多其他好嘢食,下次一定會再回頭來試吓其他嘢食先

今日去深水埗嘅越萊獨食晚餐，餐廳有二至四人枱同吧枱，因為一個人，所以安排左坐吧枱。本身都擔心吧枱會唔會唔方便，但高櫈夠大張，坐得都好舒服，有勾可以掛袋，仲有個腳位可以踩住，好似我咁腳短d都可以舒服咁坐。食物方面我叫左越萊經典撈檬扣底，有香茅牛肉，厚切燒豬扒，豬頸肉，撈檬仲有生菜，青瓜，花生，蘿蔔絲等嘅伴菜，撈檬汁酸甜唔算太重味，差唔多落曬食落就啱啱好。檬粉煮得唔會太諗或者太硬，亦都唔會太凍，食落爽口清新。餸嘅份量都多，香茅牛肉有d帶筋，咬落都算嫰，厚切燒豬扒，唔會過油或者太乾。豬頸肉最有驚喜，薄切，肉質彈牙，肥瘦均勻。小食就叫左潘良帶子明蝦伴茄子，帶子質素唔錯，冇腥味，明蝦處理過冇蝦腸，值得一讚！茄子大大件，好入味，係幾有特色嘅小食之一！另外仲叫左越萊自製手工春卷，皮薄餡靚，唔算太重口味，幾好食，上枱一陣咬落都熱辣辣。凍越南咖啡冇得揀甜度，味道偏甜，厚身而且咖啡味都算香濃。。越萊性價比都唔錯，貼近一般晚市價錢，而質素都幾好！