越Home 越式料理

營業中

休息中

呢間越式餐廳我同我老公都好鍾意食😋價錢唔貴又好味！但去之前記得check 吓有無開門😂試高摸門叮😂我哋差唔多次次都係食火車頭湯河🍜.火車頭湯河湯底好濃，啲河粉份量都唔少牛丸彈牙得嚟～牛味都好重👍🏻👍🏻仲可以追加小食～我哋加咗香矛豬扒，入味得嚟又唔乾，唔錯啊！每次必飲鹹檸梳打！正！

失望透的一天！經過附近,記得這裏有間越南粉店過來吃了...店員見我帶20吋行李喼,一定說不能帶進店內, 說沒有位置..硬是要我放在店外,才能進來堂食..唉！我知是小店,也不至於小唿也放不下吧！American Tourister不算是特別名牌行李箱,也不至終隨便丟門外吧！結果沒吃便走了,失望！

越式手撕雞湯金邊粉配越式炸豬扒味道鮮美，金邊粉吸收湯底嘅精華，滑滑的口感非常好。炸豬扒外脆內嫩，咸香味十足。🍜🐔整碗菜式色澤金黃，湯面上漂浮著幾片香菜，令人一見就食慾大增。🌿✨

住在附近多年 ，在這間餐廳食了很多次， 以前覺得很好吃， 因為清清地。 但是近期吃了覺得非常口乾和失眠 。 因為我對味精有敏感， 所以估計是食物多加了味精。 希望 廚師 可以 改下壞習慣。 本身食物 已經好味 不用添加 味精的。 很想繼續支持你哋。 因為附近好吃的越南餐廳不多。 仲有近一兩次， 發現河粉 沒有以前好吃， 應該是換了材料。 現在有啲淋 同埋碎碎地， 口感差咗。 但係炸蝦餅都係好好味。 我個5歲仔仔最鍾意食。 希望店主可以繼續努力。 街坊們會知道的

可用QR code 自行落單，或叫店員幫你落單。豬頸肉好食，但份量時多時少，相中的份量是多的那次。湯清甜好味無味精，粉滑。座位不多，服務一般，唔好有太大要求。星期二全日休息，星期一及三只開到18:00。

真心講餐廳性價比係高既，一碗粉連野飲四十幾五十蚊，但係我都唔知戈位白面紅唇阿姐係老闆娘定伙記真係惡過狗。 我叫左碗豬扒湯河等左差唔多半個鐘都未有，我都明係忙既，好聲好氣問佢”唔該，可唔可以幫我追追個豬扒湯河”，佢聽完冇反應一個眼神都冇比我，甘我緊係以為佢聽唔到啦，我之後再同另一個伙記講，戈個伙記幫我問，然後佢就話大叫”唔好追啦！”我話”對面戈兩個客人遲過我坐低遲過我點都有啦，我等左成半個鐘喇”，佢話因為人地係雞翼，我已經想問佢即係雞翼你識整定豬扒唔識？大家都係炸有咩分別？再之後碗粉到左佢拎比我同我講”下次趕時間既唔好叫豬扒啦，豬扒係要等架”我真係一肚氣，你menu有冇寫豬扒要等甘耐呀，我駁左一句”我點知你個豬扒要等成半個鐘先得架”最搞笑係我都忍左冇同佢再嘈，佢仲不停大大聲依依吟吟話我好追佢，之後有個男既追佢豬扒撈檬佢竟然冇鬧個男既仲幫佢追廚房。係唔係甘性別歧視？我真心自問真係有禮貌甘同佢講係佢無啦啦鬧人，事後我埋單另一個伙記都有同我講唔好意思，但我真心唔明我做咩要比你鬧呢？我係黎比錢食嘢，又唔係要求過分，真係比錢買左個難受

🙈平時經過都會望到鋪頭外勁多人等位今日就早少少去食個午餐啦😎😎.\\ 3人行．越式午餐 //▶️招牌生牛肉湯粉配凍檸茶 $49牛骨湯底🍜濃郁，牛肉片鮮嫩🥩，口感很滑▶️香茅雞翼湯粉配凍奶茶 $47肉質嫩滑👍🏻，但感覺較像酥炸雞翼🙈▶️越式三寶湯粉配凍檸茶 $60三寶✨包括香茅雞翼、香茅豬扒、札肉🥩豬扒外層香口吃下啖啖肉又鬆軟，超滿足🥳，但雞翼和札肉相對之下較為普通.💬整體黎講，食物質素不錯，份量大，價錢適中，但店鋪環境較擠逼，午市時間基本上都要搭枱👀.🍴餐廳資訊🍴越Home 越式料理地址 : 荃灣海壩街20A號地舖時間 : 11:00 - 21:15#foodblogger #foodies #越南菜 #越式 #越南河粉 #香港小店 #越南餐廳 #香港 #荃灣美食 #海壩街 #午市套餐 #午餐 #越式料理 #美食 #平靚正 #為食妹日常🍴

跟朋友衝入嚟間食肆，係時間去嚐鮮囉！揀咗招牌火車頭牛肉湯河，真係想喺呢裡讚下佢個湯底🥣，清甜中帶點牛骨嘅鮮味，正！每條河粉滑得滑到出晒水花，牛肉切得薄薄片，口感嫩滑得嚟味道又足，真係食住都停唔到口。另外，啲去骨鳳爪有咬勁，賣相精緻，淋上自家特製豉油，微辣微酸，爽口得黎過癮！同埋，我仲試咗個椰青🥥，品味一啖，馬上涼爽過身。簡直係食完辣辣碟鳳爪後嘅救星！食物質素之高，真係令人意想不到，每樣菜都用心烹調，連我呢個搵食嘅都要豎起大拇指👍。唔諗下一次又要衝嚟，重溫探險發現嘅快感，同埋再享受下呢啲美食。呢間食肆，證明咗唔使坐飛機都可以食到正宗越南味！

今日Happy Firday同同事出嚟食吓lunch，見到呢間越式菜就開心一試，坐低4人枱自助落單，兩位同事午餐已到，都食左成5分鐘，我見我午餐還未到，一心怕漏單問一問，點知一開口講唔該碗冬陰功。。。未講完已經被一位濃妝大媽 皺曬眉，超級差語氣話咩呀…咩野呀？我同行同事話我只想問差一碗冬陰公粉未到，唔使咁勞氣，這位大媽仲理直氣壯話：我個樣生成咁唔得呀！。。。這刻的確無言，未問完已一肚氣，原來喺呢間舖食飯，只要等，不要問。補充一句，其他員工沒問題，唯獨這位。我的確唔會再幫襯。

呢間唔係第一次食諗唔到食乜嘢都會嚟呢間食價錢公道之餘，味道亦都唔差今日叫咗個$138嘅二人餐佢可以揀湯麵或者海南雞飯揀咗一個生牛肉金邊粉同牛腩金邊粉兩個都要牛骨湯底跟餐送嘅小食就揀咗豬扒另外包兩杯飲品佢面嘅份量亦都唔算少蘿蔔都有四大嚿冇渣嘅牛腩有啲驚喜.. 厚切到長方形好工整牛骨湯清清地重點係飲完唔會口渴嘅👍👍豬扒好入味，肉質都非常之軟腍兩位侍應姐姐態度親切仲會幫忙睇提水如果出邊有人抄牌嘅話💯

頹頹地一個人食想平靚正嘅午餐，同事推介呢間越南嘢！今次就試吓食佢嘅越式飯～香茅豬扒飯 💰HK$44大大碟飯，飯嘅質感比較淋！香茅豬扒都煎到金黃色，肉質好淋唔會鞋！仲要Lunch set 仲包埋一杯熱嘢飲！其他下午茶粉面都好抵呀，下次一定要嚟食下午茶！

最近同呀女係荃灣一家越南餐廳食左個超抵食下午茶。我地分別叫左一份香茅豬排牛骨湯越南金邊。 一份香茅雞排牛骨湯越南金邊粉。先講湯底， 湯底呈現出明亮的色澤，當我飲第一口湯時，甜美的牛骨湯清甜入味。湯中還有豐富的香菜和蔥花，為整個湯底增添了層次感。金邊粉的份量十分驚人, 完全唔似下午茶份量, 真有驚喜，而麵條筋道有嚼勁，好掛湯! 這碗湯不僅味道鮮美，而且非常滿足。香茅雞排鮮嫩! 而香茅豬排又夠林同熱, 應該係即炸! 除了食物本身，服務也值得一提。服務員熱情友好，食物好快就上台. 整體而言， 成碗湯粉不僅味道鮮美，食完真係大滿足。

一陣咖哩香氣，原來佢哋嘅招牌菜式之一係「咖哩薯餅」。餐廳嘅氣氛好溫馨，牆上掛滿咗越南嘅傳統藝術品，再加上柔和嘅燈光，令我哋覺得身心放鬆。由於肚餓唔得閒，我哋就忍唔住咁叫咗幾道菜。其中一道「香茅豬扒湯檬」特別吸引咗我哋嘅目光。當佢被端上枱嘅時候，檸檬香氣撲鼻而來，豬扒嫩滑多汁，再加上香茅湯底嘅獨特味道，真係令人垂涎三尺。

荃灣越HOME是一家以越南料理為主題的餐廳，提供豐富多樣的越南美食。這家餐廳的菜式質素非常高，每次lunch time 經過都有人排隊，讓我留下了深刻的印象。今次試他們的招牌菜生牛金邊粉，湯底美味，牛肉軟嫩多汁，與金邊粉的結合非常完美。除此之外，餐廳的其他菜式也非常精緻，配料新鮮，口味豐富，是一種極具越南特色的美食體驗。然而，這家餐廳的環境較狹窄，座位之間距離緊湊，容易讓人感到有些擁擠。此外，餐廳的peak hours 嘈吵程度也有點高，可能會影響到用餐體驗。總括而言，荃灣越HOME越式料理是一家非常值得推薦的餐廳。他們的菜式質素高，令人回味無窮。雖然環境較狹窄及嘈吵，但如果你只是為了享受美食，那麼這家餐廳絕對值得一試。

行過見平平地入去食兩個人叫三個餐有三杯野飲叫左兩杯凍飲加6蚊一杯熱飲唔洗加錢黎到得一熱一凍追番杯凍飲老闆好似唔想比咁最尾埋單幫我地再加多3蚊凍飲錢total收左3杯凍飲錢要問番佢攞番3蚊佢都唔想比話我地係加多杯飲但事實係佢比漏所以我地要追番杯野飲如果係比漏熱飲都算喇但佢係比漏杯要加錢嘅凍飲仲要唔想比我地，後尾又收多我地錢好唔老實！！！！唔會再去食！味道又麻麻地得個平字！環境又坐得唔舒服位與位之間好窄