越Home 越式料理

營業中

休息中

有好一段時間沒有到此食河粉了！這一日，便決定在這裡堂食。一打開餐牌，看到一個全新嘅餐廳，便問下職員，個餐廳是新造？她回答說，新左好多啦！哈哈😆。應該我太耐沒有到此，所以都好out !!我點了一個扎肉湯河粉，一杯熱華田。食食下，又見到原來多咗一些小食，我又心血來潮，想試一下「咖哩薯餅」，於是便點了！可能滿有期待，因此到我見到真正薯餅上台。都有少少失望！到我入口一咬，便。。。。個薯餅咖哩比例，或者份量比較少，因而只食到淡淡的咖哩味。但薯蓉都ok! 只係覺得皮有點油膩。不過以$10來說，其實都可以😌。至少個河粉，湯底，扎肉都是好食😋。可惜，個河粉沒有之前食咁滑，咁簿。現在個河粉便有少少厚左d! 口感都沒有之前咁滑。不過，整體都係好食嘅！

星期六晚上，隔離幾間裝修比較精緻嘅食店都大排長龍，但呢間唔洗排隊。可能因為裝修比較簡陋，燈光白光，少少暗。不過之前食過幾次味道都唔錯，所以決定入去食。今次叫豬頸肉湯河加熱阿華田（$59，免加一）。 一嚟到，湯河非常大碗。鍾意佢豬頸肉同河分開上，啲肉唔會淋哂。豬頸肉非常入味，彈牙唔韌，有少少燶邊，份量多，好滿意。河粉軟滑，量多；牛骨湯濃，稍嫌有少少咸，自己加咗少少水，味道就啱啱好；白蘿蔔清甜無渣入味 。熱阿華田亦非常值得一讚，雖然用膠杯裝，但次次飲都咁香濃，係茶餐廳質素阿華田。總括而言，周末晚市呢個價錢呢個質素，非常滿意。

Intro: 荃灣香車街附近真係好多野食， 附近近大車路有好多餐廳，有日本、韓國同越南野；而有一間越南野長期都好多人食，價錢好平民都係50內，仲有好多菜式揀，所以唔諗咁多入左去食啦，假日都有好多人排隊㗎～___________________🍽 香茅豬扒湯檬 💰 42（凍飲+3）⭐️ 8.25/10✍🏻 有好多塊香茅豬扒，每塊都冇乜肥肉；✍🏻 香茅味幾重，但就油膩左少少；✍🏻 湯底好香九層塔嘅味道，仲有幾舊蘿蔔；✍🏻 檬粉好爽，而麵嘅份量都多。___________________🏠 越Home越式料理📍 荃灣海壩街20A號地下⭐️ 8.5/10___________________

📍#越Home越式料理#MFJ荃灣 #MFJ越南菜人均消費: HKD47位於海壩街嘅越南餐廳，每逢晏晝都超多人排隊！今次唔使排隊，試吓佢個越南湯河！⭐️招牌生牛肉湯河 $44賣相好Fresh幾靚，而且好大碗！例牌先試啖啖湯，清清地大唔大有少少肉香，唔錯，唔錯！佢真係生牛肉架而且好香肉質都算嫩，仲有好多軟淋淋嘅蘿蔔，河粉都好滑，雖然唔係好掛湯，不過連湯食都好味！雖然成日要排隊，上餐時間亦都比較長，不過$44可以食咁大碗生牛肉湯河，仲要冇加一，夫復何求#mfoodjournal #instagfood #foodstagram #hkfoodstagram #foodie #hkfoodie #foodblogger #hkfoodblogger #foodblog #hkfoodblog #vietnamesefood #vietnamesecuisine #vietnamesenoodles #noodles #pho #相機食先 #荃灣美食 #越南菜

喺福來邨附近兜下睇吓有咩食，見到呢間越式小店下午茶價錢好平，湯粉麵/沙律/法包餐只不過係三十幾蚊，一於入去試試！香茅豬扒湯檬湯底清甜唔膩，配菜有白蘿蔔、芽菜，香蔥、洋蔥，蘿蔔有三件，腍身得嚟有咬口，無渣。豬扒香茅味唔算濃烈，外表香口，肉質非常之鬆軟，勁岩我👍🏻 價錢只係$35，份量足，送埋熱飲，一個字「抵」越式豬頸肉法包，豬頸肉配以蕃茄同青瓜，另加$11 要椰汁冰.

今日lunch突然想食越南菜，於是lunch time行到黎呢間越式小店吃午飯，未夠一點鐘己經入座，但餐廰幾乎滿座，一點過後開始多客人等位入座，餐廰環境唔大，兼且枱同枱之空間相當小，但裝修都算簡約，即使繁忙時間，員工做事相當落力，今日就點左火車頭河粉（$52）,另跟餐配熱檸水火車頭河粉都算足料，牛肉丸，牛腩片，札肉,生牛肉各有兩件，另外仲有幾舊白籮蔔，牛肉丸係自己手打，食落爽口有濃郁牛肉味，牛腩片肥瘦比例均勻，冇乜羶味又唔韌，札肉味道幾好,生牛肉夠淋,牛肉味好夠,白蘿蔔都算爽口又清甜好索湯,只係缺少左牛柏葉略遜色些少,而成個湯底好有牛肉味精萃呢間荃灣越式小店值得推介,雖然繁忙時段要花時間等位,但佢吔食物質素幾好同價錢算親民

越home越式料理 位置相對唔就腳 但久唔久就會去食佢嘅越南河🤣今日叫左生牛肉牛丸河 牛肉同牛丸 牛味濃 牛丸彈牙 湯底我好鍾意 濃郁帶甜係唯一佢D蘿白 有時會有渣 真係睇佢來貨靚唔靚 提一提 要青檬辣椒🌶️係要問佢拎的$52 + $3 凍飲 抵食又好食👍

今日因工作的關係，經過荃灣福來邨附近，又正是午飯的時間，見到有間叫越Home的越式菜館，門外站了很多人在等位和外賣， 心想此菜館的質素應該會有一定水準吧，反正今天又不趕時間，所以決定在此等下看看它的水準如何，雖然一個人都要等了約十多分鐘。因為餐廳的面積小，所以枱椅放得相當 擠迫，内裡的裝修陳設亦不算新淨。看了看餐牌覺得他的招牌火車頭湯河粉圖片很吸引，就點了這個湯河粉來試一下。湯河上枱了，上面鋪滿著大大塊的生熟牛肉、牛丸、牛腩 、扎肉、 蘿蔔、還有香草和洋蔥絲。 先試喝一口熱辣辣的湯先，入口味道非常之甜、鮮、香和辛。 生熟牛肉切得很薄，牛肉咬落都沒有什麼渣，牛丸很彈牙會光是粉亦有牛肉味，牛腩就很大的一塊，瘦肉中帶少許的肥肉，肥瘦比例很恰當没有根亦很腍;不過扎肉的的份量就少一些，只得一片。蘿蔔現在雖不是最佳的季節但咬落都很甜、很腍亦炆得非常入味。 越南的河粉切得很有幼細而且都很滑溜。作為整碗河粉的靈魂就是湯，内中的金不換香草味和洋蔥絲的辛辣味味道可說是非常合拍， 所以最後連湯都吃得一滴不剩，大大的一碗湯河粉令腸胃得到非常的滿足，再加上一杯熟飲，都只是50多元埋單，真味美且超值，下次一定

之前試過附近另一間越南小店，今次又搵其他小店試下～行過呢間有下午茶，想食少少又唔想太飽，有法包又有粉麵，於是就試下～上次試過另一間既法包唔錯，今次又試下先～揀左個越式豬扒包，望落去就好似單調d，不過個包脆得黎又唔太硬，外脆內遠，豬扒都煎得香既，細細份都ok 啦另一個揀左豬頸肉湯檬，呢個個湯幾香喎豬頸肉都幾香口，不過碗粉既份量好肉比隔離枱碗撈檬少好多兩個人食左80幾蚊，正正常常咁啦，不過不失既下午茶啦～

同老公鍾意周圍搵野食成日去荃灣行街，行去荃灣廣場時經過呢間食越式野有人排隊，心諗：有人等應該唔會差得去邊就拎飛等位，等左一陣就有位啦我叫左碗招牌火車頭金邊粉老公叫左海南雞配白飯仲叫左加配小食：蒜蓉包2件&輕盈酸辣鳳爪飲品：柚子檸檬梳打& 凍檸茶飲品味道正常，柚子檸檬梳子我仲覺得幾好飲主食火車頭金邊粉-有札肉片、牛腩片、牛丸、生牛肉，每樣各2片/粒。碗入面仲有3大舊蘿蔔，幾入味～碗野唔覺十分好食，最好食反而係果3舊蘿蔔囉～仲有想講，果兩塊牛腩片仲有好大塊肥膏，食到既肉唔多海南雞配白飯-D雞幾大件，不過食落冇乜雞味好一般啫小食蒜蓉包$-呢個真係麻麻地，係幾大塊呀，不過蒜蓉包冇乜蒜蓉味，仲衰過PxxxxHxx果d，問老公好唔好食，佢都擰哂頭輕盈酸辣鳳爪-呢個幾好，d鳳爪都有5隻，又唔會太細舊重點黎啦！食左呢餐之後，發覺勁口渴！飲左差唔多成支淳茶都止唔到要買水飲，應該係碗金邊粉落左好多味精真係唔明點解有人推介呢間野（係咪食開_），講平民價我覺得價錢叫合理，唔係特別平囉間野唔算特別好，所以冇影相⋯

老母大人要求。即食。唔駛等。坐得舒適。好味。親民價錢所以我每次食飯都驚大人唔滿意呢度佢揀。我就心都定埋叫兩人餐嚟到熱辣辣。老母最鐘意！！清湯生牛湯檬極大碗。男士都一定夠飽。餸多粉多。湯底不口乾手撕雞。金邊。轉冬蔭功+$8正！港人口味。雞絲多。粉都多+$20 椰青凍檸茶小支冰。茶底夠濃。真係小冰。俾番咁多茶你。滿意跟餐一六隻牛油雞翼。牛油味唔算濃。炒garlic夠熱。雞肉嫩。夠味同乾身跟餐二札肉。青瓜絲墊底好開心兩位工作人員。一個金毛。極趕客。未問客人食完未就收。時間係9：00。問佢拎menu好似問問題佢拎錢咁！未接過手就放。sir咗落枱面另一位就好好多會encore

所謂隱世小店，通常都地點比較唔就腳，較少人知，好易畀人忽略，而越Home 越式料理就幾符合我心中隱世小店嘅定義。位置在荃灣香車街街市附近，荃灣廣場行去大約5分鐘路程，而愉景新城行過去亦只需10分鐘路程，但只要你願意稍移腳步，你會覺得呢間小店絕對物超所值。⠀⠀⠀⠀⠀⠀⠀⠀⠀⠀⠀⠀ ⠀已多次光顧，今次叫嘅係下午茶蒜蓉法包併咖哩豬扒，雞扒番茄湯檬粉，加點酸辣鳳爪。蒜蓉包真係可以見到一小塊一小塊嘅蒜蓉，純不欺場，咬落去仲非常香脆，伴上佢嘅濃厚咖哩兩塊蒜蓉包其實唔係好夠喉，下次我會加點額外蒜蓉包。而番茄湯檬正常發揮，但入面嘅小粒番茄同九層塔味道非常鮮明突出，令成個湯變得非常清爽，女生怕咖哩太重口味呢個會非常合適。⠀⠀⠀⠀⠀⠀⠀⠀⠀⠀⠀⠀ ⠀酸辣鳳爪就不多說啦，嚟呢度食就係為咗佢，已經喺唔同嘅越泰店舖食過酸辣鳳爪，唯有呢間最合我嘅口味，荃灣附近有幾間有賣酸辣鳳爪嘅店舖，調味都死辣為主，而唯有呢間會比人清爽酸酸辣辣嘅感覺，就算唔飲水都唔會覺得唔舒服。⠀⠀⠀⠀⠀⠀⠀⠀⠀⠀⠀⠀ ⠀而飲品係鹹檸七同龍眼冰，鹹檸七奉上原個鹹檸檬，亦係正常發揮，但龍眼冰嘅龍眼係我飲過咁多間之中最多龍眼嘅，而且可能餐廳後面就係

放假，當然唔少得要同朋友一齊打牌啦。打到咁上下，肚仔又餓但又唔想停。係呢個時候就可以叫外賣上嚟😎😎因為想嗱嗱臨食飽就繼續打牌，所以就揀咗啲粉麵嚟食，醫肚麻🤣🤣1, 招牌香茅豬扒金邊粉🍜$40/碗而我就揀咗個招牌香茅豬扒金邊粉，因為餐廳有將湯同埋粉分開兩個盒，咁啲嘢食拎到嚟都唔會(林)。隔咗一段時間食，個豬扒仲好熱，好好味😋😋2, 香茅雞翼檬粉🍜$40/碗3, 招牌生牛肉金邊粉🍜$42/碗4, 口水雞配白飯🐓🍗🍚$47/碗(因為一人一個餐，咁呢啲我就冇試。佢哋嘅評價一致認為好味，咁嘅價錢就可以食到越南嘢，抵食之選😌😌)

這晚才發覺它門外那塊黑板，寫著當晚套餐，又幾吸引，二話不說，進去！先來“蒜蓉牛油雞翼”，熱辣辣，不但香，還有一點點薑味，蠻特別的。我選了一個“撈檬”來配雞翼，那撈檬的汁酸酸甜甜，好醒胃，把牛油雞翼那些炸蒜蓉加進去，檬粉的味道多了份“香”的層次！那“燒烏頭”其實是焗得，不是燒的，不過還是挺美味的，它加了點孜然粉在魚上面一齊焗，香！ 控制火候不錯，還算嫩滑！其實這晚最驚喜的是這杯鹹檸七 ... 這“鹹檸梳打”啲咸柑桔挺好味，使用青檸醃製的，我渴光了它，還吃了這幾粒咸柑桔來下一下火！

呢間店成日食。性價比高。都好食。不過，我多數食生牛肉河，三丸河。扎肉河。但，有日打算試新野。叫了一個吉列豬扒河粉，滿有期待。因為呢間食豬扒其實都唔錯，點知一上到枱見到個吉列豬扒，就已經知道唔係咁好食最好食落口，豬扒唔算好乾但係但係完全沒有豬扒嘅味道，總之你覺得唔係太新鮮。呢一刻我有少少後悔。早知就食返平時嘅湯河粉好似比較好。我見到隔離枱食好多係香茅雞翼河粉，香茅豬扒，賣相都唔錯，所以以為吉列豬扒都一樣。可是我錯了。其實呢間食河粉整體上都唔錯，個湯底好夠味道亦都我覺得幾好味。啲蘿蔔都好林，洋蔥啊或者其他配菜都做得唔錯。而且個價錢亦都好街坊㗎，至少唔會好似其他店舖咁成日加價，所以呢間小店我都會繼續支持。