越Home 越式料理

營業中

休息中

依間越南餐廳係做街坊生意，啱啱經過見到佢餐牌真係好平，所以決定一試！叫咗一碗生熟牛肉湯河，但質素真係好一般🙈🙈 冇諗過牛肉真係咁生😹 而且睇落已經感受到佢嘅肥膩🤭 湯底亦有點油🙊 朋友叫咗個海南雞飯，佢話係ok ge! 我覺得勝在價錢平ma🤣🤣 一分錢一分貨，會開心啲！

路過見店內坐了一半客人，再查看其食評都不錯便試下。叫了兩個晚餐海南雞飯： 飯只是普通白飯，飯質一般，不熱，冇飯味和香。但夠大碗！！醬汁有兩種，辣汁 ：第一口有小小辣之後無味葱油 ：葱粒算多，但冇葱的根部分，所以冇葱味。雞有1/4隻……我的是下裝部份（雞肶）肉質算滑，份量算多，但可能是凍鮮雞的關係，就算好多雞油，但都是無雞肉味道。三寶金邊粉：份量好多，餸是另上！飲品 應有水準！！lemon 算多！店員有禮，會主動加水無時無刻也面帶笑容！雖然全餐味道一般，但其份量和店員服務都值得再去！

行完大帽山肚餓餓，喺荃灣揾食一番，比我喺海灞街揾到間越南粉餐廳夾喺韓國嘢同日本嘢中間。依家世風日下，是人都玩日風韓風，我硬是要食番啲小店越南嘢啦！時間大概是三點半，咁岩撞正有下午茶，我叫咗豬頸肉法包，蝦三角同埋龍眼冰，而友人就叫咗扎肉河。不夠十分鐘，一碗熱騰騰的扎肉河就捧到我哋面前啦。嘩嘩嘩，我夾咗一塊扎肉嚟食，入口彈牙，夾雜着清而不膩的湯底，呢碗河完全是平民美食超水準！即刻叫侍應比個碗仔我試真啲河，嘩，個湯底不得了，加埋啲蔥，簡直是行山友恩物，不得了啊剛剛食完我果細碗河粉，又端來一碟法包。包面香脆，豬頸肉入口無楂，加上酸味味的醃菜，好味到喊出嚟啊救命。由於啲嘢食太好味，我都唔記得影相啦。加埋一杯龍眼多到離哂大譜的龍眼冰，就咁我就完美結束我大帽山之行。想知有幾好食，唔需要靠OpenRice 有幾高評分。呢間嘢，性價比超水準，唔洗你OpenRice 讚，自然就有一大班屋邨街坊幫襯！

越式手撕雞湯檬- 湯底清甜，配上切得幼細、爽脆的蔥花，香氣獨特的金不換，清香的檸檬葉，爽口清甜的芽菜，由辛辣浸至清甜的洋蔥圈，每個組合的味道都不盡相同，每種味道都很搭配，能融為一體，又能各自獨當一面- 白蘿蔔清甜吸湯無渣，帶鹹的湯底，調起了蘿蔔的清新香氣- 檬粉滑溜吸湯力佳- 雞絲很嚡，沒雞味亦不鹹香，夾雜在檬粉中，挑也挑不盡，可說是一子錯滿盤皆落索

原來荃灣都幾多越南餐廳，今日繼續試新餐廳，呢間佢係平時食日本菜附近但一直無留意!食評唔算好多，但睇啲相好似不錯哩!今次食左薄餅，咖哩牛腩同小食拼盤，份量好多而且美味!薄餅點咖哩汁好食，咖哩牛腩係有個爐點住火熱住，牛腩好淋好入味而且好多!不過周圍環境好嘈，好多街坊食，好似食緊大排檔咁熱鬧，有點迫不時被經過的人撞到，坐得唔係咁舒服!不過見到其他人點的食物賣相都好吸引而且份量好多，有機會仍然會再幫趁哩!

記得拾多年前去越南旅遊，到達的第一餐，導遊帶咗我哋去食當地的特色越南生熟牛肉湯河，點知一食，永誌不忘。之後嘅行程都四處尋找這種美味，可式都找不到。係香港，這拾多年，我試好多所謂越南菜館，沒有一個令我滿意的。其實要知道那些所謂越南餐館是否正宗，一定要越佢哋嘅生牛肉河粉，特別係佢哋嘅湯底！最近遇然機會係荃灣一個不起眼嘅地方，海霸街發現一間越南小館，那時已過午飯繁忙時間，但依然有很多人在外等位，好奇心驅使下，便跟其他人一樣去等位，目的係嚐一嚐那碗牛肉湯河啦。有位後，點個椰青、一碗火車頭牛肉湯河，並以優惠價加多一小碟去骨鳳爪，因為只需$15。不需等太久，所以食物到齊，第一口當然試牛肉河嘅湯底啦，一入口，其味道勾起我拾多年前係越南食過那同一種味道；太驚喜，我終於找到了失去的回憶！另外椰青非常清甜，鳯爪也很有水準，不消10分鐘，已吃清所有東西。很快我又會再次幫襯這小店，因我已鍾佢嘅出品。

荃灣區食肆多, 各式各樣都有, 在不知想吃什麼的情況下, 選擇了這間越式店舖, 地方不算很大, 但都可以坐不少人, 但可能樓底比較低, 所以有點嘈, 但仍可接受, 一點鐘前門口已經企滿食客等位, 今天大約等了不足10分鐘便可以入座, 午市食物選擇還不少, 除了小食和沙律外, 其他都是餐, 送飲品, 凍飲加2元是常識吧, 但凍咖啡要加3元, 莫非凍咖啡有其特別之處特別好味? 所以有機會下次必定試一試, 今次四人同行, order了一個越式牛丸湯粉, 一個招牌香茅豬扒飯, 一個招牌香茅豬扒金邊粉同一個冬蔭功海鮮泡飯, 牛丸彈牙多肉汁, 標明招牌的豬扒好有驚喜, 果真是招牌豬扒, 香煎鎖住肉汁, 啖啖肉, 吃到停不了, 冬蔭功一般, 不太辣, 但抵食, 因為分量很多, 除了有蟹柳, 魷魚, 蝦, 蕃茄, 秀珍菇, 還有四隻大青口.

作為一個平又食貴又食的C9, 當然唔會放過位於住宅區毫不起眼的小店。今次就試吓這間老公推介的越南小店。我們到達時已8點多，很多東西都賣完，幸好還有金邊粉。我們點了一個2人餐，有2碗麵及2個小食。越南菜當然要試生牛肉金邊粉，湯都算清且味夠，牛肉份量亦不少，金邊粉很滑。小食選了越式春卷及蒜蓉牛油雞翼，春卷包得厚實、很香口。估不到雞翼有6大隻！！！雞翼很入味，而且比想像中沒那麼油。2人餐包飲品都是約$170，非常抵食！

今日去食越南嘢，這杯龍眼冰十分多龍眼，很好飲好甜呀，龍眼好大粒多肉火車頭河粉，好大碗，有唔同的牛食品，牛肉，牛丸，生牛肉，所以好甜，蘿蔔也入味甜，河粉幼身好味，吸了湯好甜。有些葱芫荽等更香。香茅豬扒濛，香茅豬扒份量也是夠多，好淋身好味，幾香的，唔太肥呀，同其它的香茅豬扒感覺不同，不過香茅味唔出。濛粉都幾爽身，唔易斷，有d葱芫荽，芽菜，湯底所以好香，份量適中。加左一份蔗蝦，就細左d，普通冇乜特別的！！

由開張食到宜家，品質同服務都愈來愈差。湯底食完好口渴，蘿蔔由大大舊變細細舊再消失了。芽菜也沒有了。越南湯河一Ｄ配菜都冇，好失望。反映比店員聽，態度仲要非常惡劣，唔推薦

約咗朋友去荃灣福來邨然後搵嘢食，經過呢間叫越Home食越南🇻🇳嘢，貢啱又才想食湯粉，所以就決定坐低食個午餐見到隔離枱碟雞咁靚又咁多我都心動即刻MENU LOOK 1 LOOK 先我地二話都不說就決定食午餐嘅海南雞飯同一個海南雞湯檬，加2蚊就可以飲凍飲，加6蚊就可以飲特飲之類午餐份量比較大碗嘅。海南雞湯檬。海南雞飯嘅雞嘅份量都幾多架！但係飯唔係用雞油煮只係與普通白飯配！

喺福來邨對面開咗間越南餐廳叫越Home，話說佢哋嘅海南雞做得唔錯，咁就一於去試一試。大概下午兩點去到，眼見裡面坐滿哂人，諗住要等一陣，咁啱有兩個人食完行出嚟，咁好彩有位唔洗等。餐廳裡面比較窄咗少少，感覺上有啲逼。坐底睇睇Menu，都係決定叫一客海南雞飯同一客海南雞檬啦！大概等咗10分鐘啲食物到喇，見佢俾雞髀心諗都幾好喎而且份量唔少！夾起一舊試一試，真係好滑喎而且幾有雞味，真係幾好介紹。啲雞好食所以會好快食哂，但個飯如果係雞油飯就更加好~

好朋友要結婚，我地做姐妹開完會之後要去搵野食醫肚，但發現時間已9點，原來好多餐廳都開始閂門，所以我地就行下行下見到呢間越南菜佢收1130，咁我地就入去食啦。每人叫個粉面食再加個小食。我叫左個越式手撕雞肉札肉金邊粉超好味嘅湯底，好濃好香，手撕雞完全唔鞋，好正！又大碗，覺得勁抵！酸辣鳳爪：估唔到咁好食，個汁一流，酸辣度剛好！不過就不面墊左都幾多菜，但d菜點埋個汁食都好正！另外我有試食過呀朋友嘅香茅豬扒飯，佢個豬扒真係一流！好淋身個蔥油正到呢，令我諗起小巴黎，勁開心可以食返個種味道！估唔到呢度有間咁正嘅野！

行完大嶼山，坐車到荃灣站找美食。吃悶了海壩街十字路口的食店， 走到熟食亭附近找小店， 看到一間新的越南餐廳，價錢不算貴。對於喜歡食亞洲菜的我，跟朋友二話不說便走進餐廳內進食，吃飯時間也算滿座。由於晚餐我和朋友不想吃太多，選擇了越南餐廳最正常的生牛肉檬粉及多選擇的小食拼盤。首先來到比較容易煮熟的生牛肉檬粉，牛肉十分鮮甜，沒有雪藏味道。 雖然湯底不算特別濃郁的牛肉味，但是也十分清甜可口，跟檬粉十分配合。吃到一半，小食拼盤便來了。 雞肉串燒，牛油雞翼，越式春捲，蝦餅及扎肉各二。 雞肉串燒有濃郁的黃薑味不是普通的雪藏價。牛油雞翼沒有很香濃的牛油味，像普通炸雞翼一樣，比較普通。越式春捲新鮮炸出，包有粉絲雜菜等味道不錯。蝦餅味道很新鮮，可以再吃。扎肉是普通的貨色，沒有特別。總括來說味道也不錯，價錢也不貴，可以再來。

上次本想外賣lunch 既冬陰公海鮮泡飯，但佢表明等比較，15 minutes，所以冇買。今日堂食，但足足等左半小時！朋友碟飯都食完好耐。裡面有青口三隻，蟹柳一條切半上，草姑，octopus,蜆肉，一兩粒細到未必見到既蝦。湯吾太辣或酸，適中。等甘耐值不值得見人見志。我就不會再叫，但湯比出面平的。