車水堂車仔麵

營業中

休息中

車仔麵好多地方都有得食，但要食到正宗經典，而又好食嘅車仔麵，就一啲都唔容易。今晚放工後就去咗中環呢間<車水堂>食佢哋出品嘅車仔麵。豬骨湯底油麵配咖哩汁鹵水豬大腸、牛腩、牛柏葉、漢堡扒、韭菜餃鹵水豬大腸炆得非常入味，索曬所有鹵水醬汁，而且咬落去非常軟心而帶彈牙嘅感覺。牛腩又軟淋又多肉，非常好食。韮菜餃入面嘅餡料非常之多，塞滿曬韭菜。豬骨湯底油麵配沙爹汁豬軟骨、牛腩、鹵水齋麵筋、台灣黑椒腸、炸魚皮豬軟骨同埋牛腩都炆得非常之入味，同埋非常之軟淋。鹵水齋麵筋本身索滿咗鹵水醬汁嘅味道，配埋沙嗲汁來食，特別好食。台灣黑椒腸咬落去充滿濃濃嘅黑椒香味，非常惹味。炸魚皮炸得勁香脆。另外小食叫咗金錢肚同埋秘製辣魷魚，入口爽滑彈牙，而且特製醬汁令到呢兩個小食都非常之出色。凍奶茶，味道唔錯，茶香味夠。呢間車仔麵除咗麵底同埋材料都非常用心製作之外，佢哋嘅湯底都非常之惹味，尤其係沙嗲汁湯底同埋咖哩汁湯底，味道非常濃厚，好食！～

中環新開嘅車仔麵店 ，喺士丹利街大排檔街， 原本嘅餐廳配搭都好吸引。🤣 如果自己自選嘅，寫到去八餸，達致達到車仔麵自由。 中上環區番工區黎講，呢個價錢份量好足，如果套餐仲連飲品。➺  ➺  ➺  ➺  ➺  ➺  ➺  ➺  ➺  ➺  ➺  ➺  ➺  ➺  ➺ ➺ ➺  🍜 [ 招牌麵 連飲品 | HK$88 ]🥢 秘製辣魷魚、鹵水豬腸、豬皮、牛腩、蘿蔔🍜 [ 鹵水四拼麵 連飲品 | HK$81 ]🥢 牛筋、牛腩、蘿蔔、鹵水豬腸、鹵水蛋選擇困難症直接叫佢嘅原定配搭，兩款都係啖啖肉嘅選擇。車仔麵嚟講，色水好吸引，材料比例都好足，食到勁飽。如果細食嘅人個人覺得食三餸$57都好夠食，湯底本身都香甜，再加上本人重口味嘅人士，見佢醬汁款式都多覺得好吸引。真心貪心，但係又唔想全部放曬落碗影響個口味，沙嗲/咖哩另上。秘製汁幾特別，甜甜辣辣嘅感覺。 咖哩醬好香濃，即刻好想繼續食。沙爹醬偏甜香辣嗰種， 唔食太辣嘅人可以試下。魷魚爽口，配埋佢密製汁食幾夾。蘿蔔特別欣賞，好甜好入味，而且冇渣。 牛筋好淋，好有膠質。 牛腩都煮得幾入味，而且唔會煮到好嚡。豬腸好值得讚，洗得好乾淨，食嘅時候唔會好邪惡。

上次係佐敦食完車仔麵，食開有條癮，今次就去咗中環搵呢一間朋友介紹嘅車仔麵試下，去到門面見到細細間唔起眼，食完先至真係非一般車仔麵，有啲驚喜唔好睇去舖頭細細間，座位都好多，今日去嘅時候全場爆滿睇嚟呢間餐廳真係有咁上下水準，先會吸引到咁多人同場見到有好多外國人，店員都好細心同佢哋介紹有咩食點餐可以用QR code落單，或者睇餐牌自己圈想食咩，社恐人士都唔使驚，選擇困難症嘅更加可以坐低慢慢揀我哋嗌咗兩個一面五餸車仔麵，另外叫多兩個小食同嘢飲，食完飽到上心口朋友叫咗港式咖喱汁配米線，五餸有白蘿蔔，墨丸，魚蛋芝士腸同餃子，白蘿蔔又大又甜，好食過以往我食過嘅車仔麵唔好睇佢咁普通，食落真係有驚喜，墨丸魚蛋都唔會有陣雪味，食落彈牙港式咖喱味好香濃，唔會係淡茂茂咁，真材實料做到足我自己就叫咗沙嗲汁配幼麵五餸有響鈴，豬軟骨，魚皮餃，糖心蛋同油菜，全部都要俾個讚佢，響鈴配沙嗲湯底，味道一絕唔使講，魚皮餃水準OK有三粒，份量ok，要讚佢個溏心蛋真係做得啱啱好，口感同味道真係冇得彈仲有佢個豬軟骨，煮得好淋好入味，份量仲要係超級大件，初時以為咁大件，只會比一件，點知原來有兩件，真係好抵食呀之後仲要讚吓佢個麻辣鴨血

這天在中環吃晚餐，去到位於士丹利街的車水堂車仔麵用膳。豬大哥車仔麵非常豐富美味，由多種食材組成，包括響鈴、雞翼、豬軟骨和溏心蛋，呈現出一道色香味俱全的港式美食。麵條烹煮得恰到好處，吸附了港式咖喱香氣， 與軟嫩鮮美的配料相得益彰。雞翼肉質鮮嫩多汁，與咖喱醬搭配很好。響鈴表皮酥脆，內裡嫩滑，增添了豐富的口感。豬軟骨軟嫩Q彈，與響鈴形成了良好的對比。溏心蛋流動的蛋黃與咖喱湯汁交融，營造出濃郁的口感。這確實是精心製作、值得一試。秘製辣魷魚有一種彈牙的嚼勁，每一口都能感受到魷魚的鮮味與辣味的完美結合。秘製的醃料是這道菜的關鍵，使得魷魚散發出誘人的香氣；辣味適中，不會讓人感到過於刺激，反而能激發出魷魚的鮮甜。這一餐就以凍奶茶的香濃茶味和奶香作完美句號。

今日食左四餸， 牛柏葉金錢肚辣魷魚加滷水蛋再加沙嗲汁米粉。牛柏葉同辣魷魚係街市水浸果隻，冇咩特別。但質地偏硬。金錢肚係出色，味道唔差質地都ok。滷水蛋好味有滷水香。總括而言，全部野都好普通，而且餸份量偏少粉爆多。77蚊黎講，相信同區仲有好多其他選擇。

呢間車仔麵店位於中環選擇幾多元化價錢合理有質素🫶🏻🔸麻辣涼拌牛百葉（$35）推介鍾意食麻辣嘅朋友仔一定要試❤️‍🔥牛百葉超入味口感好爽麻感同辣度十足好惹味呀！🔸秘製辣魷魚（$38）魷魚爽口一啲都唔韌🦑祕製醬汁好多特色入口先食到好似bbq醬嘅甜味繼而辣勁慢慢散發幾上癮呀！🔸一麵五餸（$73）同朋友同樣揀咗油麵底嘅5餸車仔麵油麵煙韌有口感👍🏻自選配料揀咗豬軟骨、貢丸、韭菜餃、溏心蛋同響鈴 豬軟骨CP值超高大大件肉質軟腍軟骨有咬口🩷溏心蛋都非常值得一試蛋黃流心效果出色蛋味香濃🥚另一碗配料就揀咗牛腩、牛筋、金錢肚、魚皮餃同豬皮鍾意食牛嘅朋友仔一定滿足各牛部位都可以食到湯底方面就揀咗沙嗲同秘製辣醬兩款各具特色，好好味😋亂揀都唔會伏呀👍🏻🧋凍奶茶（+$9）估唔到超級出色茶底香滑濃郁身為港式奶茶迷嘅我 俾佢100分呀❤️‍🔥🥤凍檸茶（+$9）正常發揮嘅港式凍檸茶唔會太甜👌🏻

「車水堂車仔麵」個環境乾淨企理，好新淨㗎。我即刻落咗單「1麵6餸」，仲要可以轉菜底唔洗加錢，夠晒健康！首先講講啲餸料啦牛筋丸彈牙十足，一啖咬落去，個口感簡直係無得頂牛腩軟嫩多汁，仲帶住陣陣香料味，香噴噴㗎！牛柏葉同牛筋就軟滑得嚟又有嚼勁，食落去好有滿足感。魷魚就爽口彈牙，唔會太韌，好易入口。韭菜餃就係我嘅最愛！個餃皮薄薄的，一啖咬落去就爆出濃郁嘅韭菜香，搭配啲肉餡，簡直係絕配呀！最抵讚嘅係佢哋嘅秘製辣醬！我加咗啲落去，嘩！個味道簡直係一級棒！又香又辣，但又唔會辣到你飲水，反而仲提升咗成碗嘢嘅味道生菜就爽口清甜食完啲重口味嘅餸之後，食啲菜就好解膩。最後我仲叫咗支豆漿，香濃滑順，唔會太甜，飲落去好舒服，啱晒做完場餐嘅收尾。

最近我去咗中環，特意試一間好出名嘅車仔麵。呢度嘅車仔麵真係幾有特色 😍首先，我點咗「響鈴」同「腸仔豬皮」，仲加埋「糖心蛋」同「牛柏葉」。響鈴咬落去好脆，配埋腸仔，味道香香濃濃，個腸仔仲有啲嚼勁，食落真係好過癮。豬皮嘅膠質感令整碗麵更加滑，真的好好味！😆再加上糖心蛋，蛋黃流心，咁就真係為整碗麵增添咗唔少風味，牛柏葉嘅肉香亦都好突出，整體真係一個完美嘅組合。🔥👍🏻另外嗰碗我就嗌咗其他嘅餸菜😆酸菜嘅酸味配埋冬菇，味道好清新👍🏻整碗麵嘅口感層次超豐富，真係好推介！呢間車仔麵店真係好有驚喜，無論係傳統口味定係創新搭配，都做得非常好😆

星期六約左朋友做運動, 之後去左中環街市行左一陣, 係附近搵左一間餐廳食車仔麵。我哋叫左招牌麵, 包括辣魷魚, 鹵水豬腸, 豬皮, 牛腩和蘿蔔, 魷魚爽口彈牙, 配合特製辣醬汁, 十分惹味。蘿蔔炆得好軟腍, 清甜入味, 完全冇渣。牛腩軟滑煮得幾入味,。我哋另外叫左一個五餸麵, 金錢肚鹵得好入味, 食落爽口有嚼勁, 台灣黑椒腸外皮好脆, 黑椒味突出我哋叫左兩款小食, 麻辣鴨血食落嫩滑冇腥味, 麻辣牛柏葉爽脆可口。我哋最後叫左豆漿, 少甜可解辣。

中意食車仔麵,但對車仔麵好有要求,希望環境可以好d,而呢間價錢唔算貴,又好好坐。叫左紅薯粉,有咬口,個湯底好好味,我叫左自選5送,有2隻豬手、有金錢肚、有生菜、有白蘿蔔、有冬姑,白蘿蔔浸到好入味,你見係變埋色。跟satay湯底,味道好豐富。好少可見到可以加豬手,中意呢間店既調味。小食另加左阿根廷octopus,有d spicy但好惹味好脆口。飲埋自家製既檸檬茶,真係一流呀!呢度可以自己掃qr code落單,都幾方便。

最近我去咗中環既一間特色小店，試咗佢哋嘅五餸車仔麵，真係好好味！又要介紹一下啦😋😋話晒係新鋪，環境裝修好光鮮🤩🤩舖頭乾淨衛生👍🏽冷氣足😌😌職員又有禮貌，值得一讚👍🏽我叫咗個五餸車仔麵🍜🍜首先要讚吓個湯底，味道好清甜，喝落去好舒服，唔會太鹹，另外就係個秘製辣醬，辣醬唔算太辣偏重鹹味鮮味 配埋個湯一流👍🏽👍🏽😊五餸分別係豬紅🐽魷魚🦑雞翼🐥豬腸🐷牛筋🐄豬紅非常入味，滑滑的，咬下去好嫩，冇腥味，正👍🏽魷魚就係爽口彈牙，口感好好😊雞翼就更加好味，飽滿多汁😋😋肉質嫩滑☺️滷水豬腸都有驚喜，又係非常咁入味😌😌仲煙煙韌韌咁，保持返豬腸應有嘅口感，真係好味牛筋就軟軟的，味道入味，唔錯😌由於我個人好鍾意食辣，我覺得個秘製辣椒醬唔太辣，所以問咗老闆娘有冇辣椒油佢就俾咗另一個麻辣醬俾我超級香正仲要讚一讚個凍柚子蜜🍹老闆一啲都唔慳！成杯係柚子醬，係一杯好濃郁嘅柚子蜜🍹🍹🍹整體來講，車水堂的五餸車仔麵係正，雖然價錢係比平時嘅車仔麵貴，但係值得既👍🏽

滷水蛋韭菜餃雞翼豬軟骨，豬骨湯底沙嗲薯粉首先，滷水蛋的外表光滑，蛋黃微微溏心，滷汁的香氣與蛋香交織！豬軟骨的軟嫩，彷彿在口中融化！搭配韭菜餃，餃子皮薄而Q彈，內餡的韭菜清香與豬肉的鮮美！雞翼都幾大隻，薯粉滑順，吸附著湯汁而且薯粉係粗嘅都幾有口感！午餐肉滷水齋牛腩魚皮餃墨魚丸粗麵（撈麵）沙嗲午餐肉的鹹香而且厚切有煎過都幾有誠意！滷水齋，夠入味而且好腍！牛腩肉質鮮嫩，沒有咬唔開的筋！魚皮餃和墨魚丸的彈牙口感亦食得出冇咩太多粉！撈麵好濃味啱晒鍾意食濃味嘢嘅朋友小食沙嗲豬肚沙嗲醬好重花生味，而且豬肚好腍麻辣鴨血完全沒有腥味，而且好入味凍檸茶少冰最後，凍檸茶的清新酸甜更是完美收尾！

🔹 一麵三餸連凍檸茶($70) x兩碗河粉幼身唔會太淋 份量好多醬汁做得最出色👍🏽揀咗四川麻辣秘製辣醬 夠麻夠辣🔺響鈴: 就係平時超市買嚟打邊爐嘅響鈴直接浸落湯 唔會另上🔺牛柏葉: 爽口但份量有啲少🔺鮮製豬紅: 幾新鮮 口感不錯👌🏽🔺秘製辣魷魚🌟: 呢個必叫 魷魚好爽口 個辣醬夠麻夠辣🔺蘿蔔: 爽甜無渣👍🏽🔺雞翼: 冇乜點滷過 肉質都麻麻☹️▫️總結可以試一次但未必會encore雖然貴但都好大碗┄┅┄┅┄┅┄┅┄┅┄┅┄┅┄┅┄

平時間唔中都會去下中環搵食，一向好少行到士丹利街呢條內街，原來呢條街都有好多唔同嘢食，今次就決定嚟到車水堂車仔麵食返個碗港式車仔麵～招牌麵💰HK$88湯底係濃郁鮮甜嘅豬骨湯，加咗秘製辣醬汁，帶有微微嘅辣味，令個湯底更惹味！呢碗招牌麵仲可以一次過試晒咁多款招牌餸，有秘製辣魷魚、滷煮豬腸、爽脆豬皮、蘿蔔同埋牛腩，全部都好入味！其中蘿蔔嘅味道最有驚喜，入味得來又保留到蘿蔔本身嘅清甜！烏冬亦非常爽口～一麵五餸💰HK$81朋友呢碗都係簡咗豬骨湯配四川麻辣汁，湯底充滿川式風味！五餸就簡咗牛腩、溏心蛋、咖喱魚蛋、雞翼同埋鮮制豬紅，呢五款唔同嘅餸都各具風味，其中最推薦雞翼，入味而且容易脫骨！米粉掛湯能力高，吸收哂湯底嘅味道～麻辣鴨血💰HK$33有麻辣鮮香嘅味道同埋滑嫩嘅口感，令人難以抗拒～油菜💰HK$16個醬汁好特別，係帶有少少微微辣嘅甜豉油，配生菜一流～熱柚子蜜💰跟餐+HK$7凍豆漿💰跟餐 +HK$9

「車水堂車仔麵」位於中環士丹利街大排檔，鄰近中環街市非常方便。店面光猛整潔，仲有一整排大窗戶可增加日光度，坐喺窗前整排高腳枱別有一番風味😆哩到嘅車仔麵配料多達30幾款，仲未計小食、面底等，就連秘製醬汁都有五款，仲有3種辣度🤭選擇多到花多眼亂👀👀招牌麵 $88 包$9飲品招牌麵有5款配料，包括秘製辣魷魚、滷煮豬腸、爽脆豬皮、牛腩、蘿蔔，相當豐富😋豬腸洗得好乾淨，完全無臭味，而且滷得夠入味👍🏻蘿蔔真心係MVP，清甜軟稔。麵底揀咗米線配濃香沙嗲，米線嗦哂沙嗲醬汁，超級惹味❤️一麵五餸 $73 除咗餐廳特定配搭外，仲可以自由配搭自製自己喜歡嘅車仔麵✌🏻五餸揀咗紅腸、牛腩、魚皮餃、冬菇同溏心蛋🥚牛腩香稔、滷水冬菇入味，溏心蛋更是驚喜秘製辣魷魚🦑$38水魷脆度十分高，加上秘製辣汁超級惹味可口沙嗲金錢肚 $35金錢肚軟稔唔韌，用上沙嗲醬汁帶點微辣同花生🥜香氣