車水堂車仔麵

營業中

休息中

今日去咗中環車水堂食車仔麵🤭🤭環境衛生企理坐得好舒服🤭有豬骨湯底或拌麵選擇豬骨湯底，右面再加濃香沙嗲汁.. 餸選擇了….台灣黑椒腸…炸魚皮….爽脆豬皮….秘製豬紅…和我至愛嘅午餐肉🤪😆😆午餐肉厚切…台灣黑椒腸好香嘅黑椒.. 有2條🤭🤭炸魚皮香脆👍另外一款選擇咗粗麵底…秘製醬汁…個醬汁好香味，令到個面底都惹味！蘿蔔味沒有渣滓👍豬手好夠淋牛腩都入晒味不錯！另外小食秘製辣魷魚和麻辣牛柏葉…入口爽滑彈牙，特製醬汁惹味！

中環少有車仔麵舖，還要新開，咪走去試吓，看見很人排隊，實冇選擇錯，就得了差不多半小時，入到舖頭，d位窄到，我唔超肥人，都要側身入，仲要入唔去座，話好坐那些太假了，要叫人借開先可以坐落去，用位用到準，跟著qr code落單，都可以，食物中規中舉，又唔係特別好食，如果我會再幫襯的話一定唔堂食。

內地同事來港工幹, 順道品嚐香港地道美食, 「車仔麵」就是港式美食之一。中環呢間隱世車仔麵, 位置不顯眼, 反而吸引唔少遊客幫襯。餐廳面積不大, 主打港式車仔麵, 除了預設幾款車仔麵, 更可以因應個人喜好自選湯底、麵種、配料, 另有小食同埋飲品。【秘製辣魷魚】HK$38魷魚好爽口, 不過沒預期般辣, 港人都食到。【麻辣涼伴牛柏葉】HK$35反而呢款麻辣小食就辣得出色, 朋友食到眼水鼻水自然流出, 牛柏葉爽口, 非常惹味醒胃。 我地兩個同樣都揀咗自選車仔麵---一麵五餸 HK$73, 同樣選擇了油麵油麵微微彈牙滑身, 選擇了豬骨湯底加沙爹醬, 調味後湯底沒預期重口味, 食到淡淡沙爹香。自選配料就有爽口秘製辣魷魚、鹵得入味嘅豬腸+豬紅、肉味濃郁, 又帶爽脆唔硬有口感嘅豬軟骨, 不過對墨魚丸較失望, 沒有彈牙口感。另一碗醬汁就揀了秘製辣醬(小辣)做調味, 雖然只叫小辣, 但都非常惹味。自選配料: 溏心蛋、咖哩魚蛋、漢堡扒、芝士腸、響鈴,溏心蛋可能被熱湯底, 蛋黃流心唔太明顯, 反而蛋白呈半流質, 好滑。 咖喱魚蛋爽口彈牙, 漢堡扒帶有黑椒味, 芝士腸芝士味亦突出, 而響鈴索滿惹味湯底就更加好

店內一概以高枱高凳裝置枱邊設有掛勾放袋枱面放左筷子餐具 獨立包裝牙籤 紙巾 醬料枱面貼上QR code金牌仔QR code落單 清晰方便快捷冷氣強大 夏天必備車仔面選項除左有幾款預設之外仲可以自由搭配 自選3-8餸湯底 面底 配料 醬汁都自己話事我地揀左2碗自選1面5餸豬骨湯湯底 沙嗲醬汁 配米線拌面 港式咖哩醬汁 配幼面2款湯底醬汁都惹味2碗面底質感正常總共10餸唔重覆既餸招牌必食1 爽脆豬皮2 豬手 非常推薦 有彈性 唔會過腍3 豬軟骨4 原隻糖心蛋必點配料5 蘿蔔 本人必叫 軟腍又入味6 雞翼7 墨魚丸 本人必點8 魚皮餃9 韭菜餃10 咖哩魚蛋 爽口彈牙 咖喱醬香辣惹味加左2個油菜小食本來以為會分開碟形式上最後係會放埋入車仔面碗油菜數量唔多飲品枝裝豆漿港式奶茶

啲人喺小红書推介車水堂車仔麵，喺附近返工所以同同事試一試，今次選擇喺OpenRice到選擇外賣自取，因為OpenRice外賣自取會有優惠。拎完外賣返去公司食，但一打開個袋，見到成袋都係湯倒晒出嚟，之後搞到啲膠碗油淋淋，好啦，唔緊要，就試吓新開嘅車仔麵。今次叫咗秘製魷魚蘿蔔牛筋豬骨湯粗麵，再加左秘製辣醬中辣，我只能夠講，只係得蘿蔔係比較出色，因為係入晒味同埋都好甜，但其他嘅餸都只係一般，如果喺中環堂食係另一個價錢，我相信有其他更加性價比高，食完一次，下次唔會再食。而秘製魷魚完全唔入味，一啲都唔辣。

見到ig d foodie出片介紹於是叫埋同事一齊試吓喺open rice 落單外賣自取 1245拎前後兩張單 5個麵 最後等到差唔多1325先拎到等一張單嘅外賣 然後店員話之後嘅open rice單冇出過 （但其實我前後落單都只係差一個號碼 我見到我第一張單都係手炒） 於是要手炒比廚房立即做 明白嘅 新開張 繁忙 未上手 架步吾就手應付唔到咁多客 但係可以去睇吓客人催嘅單係米真係有結果又要再等 再行翻公司食 發現少左樣餸 同飲品打左去問有冇得退款 佢哋話要問公司會再覆我因為公司始終吾係近餐廳 同埋食完覺得普通 加上初開業仲係好混亂 所以都唔會再想試所以退款比較實際 不過17號到而家都冇follow up 亦見唔到信用卡有退款資料~湯底豬骨湯係幾清香 不過叫中辣 完全一啲都唔辣其他食物吾係講到咁特別

身為車仔麵關注組，見到公司附近有新開嘅車仔麵即刻狗衝。面底選擇多，也可以轉菜底，適合OL或生酮人士 。最正佢已經預設咗幾種最受歡迎嘅組合俾大家叫，方便lunch time好趕嘅朋友唔使嘥時間選擇 。份量不少，蘿蔔有點甜度，豬腸豬皮等滷得入味滷水蛋仲要糖心醬汁真係好啱食辣人士，單數辣醬就有三款不同辣味，不食辣都可以選擇返咖喱或者沙嗲湯底兩款小食都好正，麻辣涼拌牛柏葉同辣魷魚，涼涼哋好啱夏天進食，牛柏葉索晒啲麻辣汁超級惹味—————-𝙒𝙚 𝙤𝙧𝙙𝙚𝙧𝙚𝙙:秘製辣魷魚、豬腸、豬皮、牛腩、蘿蔔滷水五拼麵：牛筋牛腩蘿蔔豬腸滷水蛋麻辣涼拌牛柏葉秘製辣魷魚凍檸茶—————————————————𖠿𖥣 車水堂車仔麵 (中環)〒 中環士丹利街82號地舖—————————————————⠀⠀⠀⠀⠀⠀⠀⠀⠀#hkfood #hkfoodporn #hkfoodblogger #hkfoodpic #hkfoodies #yum #hkfoodstagram #foodie #foodporn #foodphotography #foodgasm #foodstagram___🥇Follow @eathkgi

今日要過中環做野，順便去食一間朋友仔推薦新開嘅車仔麵「車水堂車仔麵」，喺士丹利街經過啲大排檔就會見到，車仔麵嘅餸菜有三十幾款選擇，仲有秘製、魔鬼辣醬、麻辣、沙嗲同咖喱醬醬汁😋招牌麵我揀咗招牌油面配秘製辣醬大辣，店家有幾款已經配搭好嘅車仔麵，招牌麵包括辣魷魚、豬腸、豬皮、牛腩同蘿蔔，湯底係香濃嘅滷水汁，辣魷魚爽脆彈牙，豬腸滷煮後夠晒入味，瘦嘅豬腸特別有咬口，豬皮滑身，入口滿滿嘅骨膠原😋超級推介店家嘅蘿蔔，又甜又腍又入味👍🏻必食👍🏻牛腩扎實帶筋膜位置，滷香味十足，每款餸菜嘅份量足，全部都有5-6件，足料🉐自選五餸麵朋友仔揀咗辣魷魚、牛腩、蘿蔔、豬皮同漢堡扒配搭河粉咖喱汁，佢分咗半塊漢堡扒比我😆味道與別不同，食落較重黑椒味，好食👍🏻河粉亦都夠滑身，佢連湯都飲晒😋秘製辣魷魚我地再加多個辣魷魚小食，魷魚撈埋加秘製嘅辣醬，香辣味濃，食唔停口👍🏻👍🏻麻辣涼拌牛百葉牛百葉爽口脆身，配搭麻辣醬又麻又辣，作為涼拌小食最適合不過豆漿凍檸茶📍車水堂車仔麵 (中環)中環士丹利街82號地舖人均消費：$100食物：⭐️⭐️⭐️⭐️⭐️環境：⭐️⭐️⭐️⭐️服務：⭐️⭐️⭐️⭐️⭐️回頭率：⭐️⭐️⭐️⭐️⭐️

士丹利街出名食大排檔，但係天氣咁熱就梗係搵個有冷氣嘅地方食嘢見到這間車仔麵餐廳好有文青風, 餐廳門又有啲壁畫就入去試一試好有趣好有香港特色入面主要係高枱, 座位唔會好逼,冷氣都夠我同朋友一人揀一個自選配搭朋友要咗豬紅，牛丸，蘿蔔，魚皮餃，漢堡扒豬紅夠結實， 夾起唔會爛 ，食落有嗰種豬紅的味道好似越嚟越少地方食到魚皮餃，呢個魚皮餃皮 煙煙靭靭的朋友話車仔麵一定不可少的就係蘿蔔，夠入味煮得夠透完全冇渣我就要咗冬菇，墨丸，溏心蛋，牛筋，豬腸我反而覺得車仔麵係一定要叫豬腸入口的陣陣又油香味， 一吃停唔到口整體兩碗份量都算多朋友食食下覺得想食牛肚就叫一份沙爹牛肚+油菜牛肚夠淋食落香口，夠厚身，夠入味整體都食到舊香港車仔麵的味道， 當然喺中環食車仔麵，就唔係兒時嘅價錢， 但係餐廳環境舒適，食物質素都對得上價錢

估唔到呢間中環新開嘅車仔麵都幾高質素！車仔麵，性價比高！呢間餐廳啲裝修都幾chill！高凳都幾好坐而且都有掛鉤俾人哋擺袋好貼心！- 豬骨白湯 - 清爽而濃郁的湯頭,充滿了豬骨的香甜與鮮味。- 米線 - 滑嫩彈牙的米線,吸收了湯頭的香氣,口感絕佳。- 香沙嗲 - 香料調味恰到好處,肉質鮮嫩多汁,口感彈牙可口。- 金錢肚 - 鮮嫩多汁,經過精心烹調後,外層焦脆內裡軟嫩。雞翼大大隻而且都幾入味，唔係剩係得浸皮係豉油味- 溏心蛋 - 蛋黃嫩滑,配合面食一同品嘗,口感層次豐富。- 港式咖喱拌麵 - 麵條柔軟滑順,與香濃的醬汁完美融合,令人回味無窮。- 牛腩 - 肉質軟嫩可口,經過長時間的燉煮後,入口即化。魚皮餃唔會好大浸雪味豬紅感覺好新鮮唔腥貢丸係台灣嗰隻！好多汁嘅凍檸茶大大杯茶底夠濃厚

呢排都幾鍾意食車仔麵，所以今日行完街之後都食返碗兩碗車仔麵叫咗好多餸，分別叫咗油麵同粗麵，而餸菜方面就叫咗炸魚皮、糖心蛋、咖喱魚蛋、蘿蔔、韭菜餃、午餐肉、滷水蛋、雞翼尖、豬軟骨、牛柏葉；另外叫咗兩個小食，分別係菜心同金錢肚，最後加咗兩杯豆漿呢間車仔麵唔會偷工減料，雖然價錢唔貴，不過食物餸菜份量都好充足，尤其是係豬軟骨同金錢肚，份量好慷慨；而咁多樣餸菜都好入味，尤其係蘿蔔，清甜嫩口，配上爽口彈牙粗面好出色呢間新開嘅舖頭目標顧客應該係中環嘅上班一族，除咗價錢相宜之外，食物款式都好多，係打工仔嘅好選擇，值得推薦#車水堂車仔麵

今日喺中環諗唔到午餐食咩就嚟試吓車仔麵❤️ 呢間車仔麵感覺比較開揚同闊落有種小清新嘅感覺🪵 外牆既壁畫上佢哋嘅主打魷魚嘅圖案🎨一食果然好有特色😋非常值得推薦⭐️ 招牌麵 🍜一試個湯底就食到佢嘅秘製辣醬🌶️辣度同咸度好平衡帶豐富嘅鮮味🌊 豬腸豬皮牛腩同埋蘿蔔糕非常入味唔會肥膩🐷 特別一讚阿根廷大魷魚🇦🇷鮮味又爽口⭐️ 一麵五餸 😋另外一款就叫咗沙嗲撈麵十分惹味🥰 特別推薦滷水蛋同埋咖喱魚蛋好入味🍳 再配上冬菇炸魚皮同埋魚皮餃都好唔錯👍🏻⭐️ 麻辣鴨血 🦆鴨血充滿麻辣嘅味道🥹有種台式麻辣鍋嘅感覺🇹🇼真係好過癮⭐️ 油菜 🥬新鮮又唔會太多油💚中和返辣度岩岩好⭐️ 凍檸茶 🍋⭐️ 凍柚子蜜 🍊清爽得來甜度唔太高🤩感覺好清新

約車水堂車仔麵地址: 中環士丹利街82號地舖放工覓食記錄，有時7點前收工，mtr 是放工人流最多時間，我會索性食完dinner 等到7:30後先坐mtr 返屋企，避開人流簡單食麵車仔麵吧自選五餸面 +$36 satay 金錢肚一，餸都好多款，我就tick 了菜底，豬軟骨、豬手、蘿白、滷水蛋及秘製辣魷魚。個魷魚好爽口，辣得過癮好食，豬軟骨也好入味呀，豬手是皮好腍身那種，夠曬蛋白質。金錢肚厚切，入味之餘口感一流，好有嚼勁。人均$100 ，餸吃得出是有用心做的

今天放假和朋友去中環的IFC商場行街和吃晚飯。 朋友話想吃港式地道的車仔麵。 仲話有人推介附近有一間名叫車水堂車仔麵，出名好食又多選擇配搭，最適合我們。 它位於中環士丹利街82號地舖， 港鐵香港站 E1 出口沿天橋上行人電梯就到。 餐廳大招牌就好吸睛! 室內裝潢簡約，貼上大大張Poster的餐牌內夠食物。 地方整齊清潔，坐得舒適。 餐牌內的食物有很多選擇，自由搭配。 配料都係傳統地道車仔麵必點的，還有幾款小食和飲品。 於是我們點了2款自由搭配車仔麵+小食+飲品。 @自由搭配車仔麵 (粗麵、豬骨湯、四川麻辣、小辣)配料：豬皮、牛腩、豬手、牛百葉和豬腸。牛腩炆得夠腍和味濃， 豬皮和炆豬手得好入味又腍滑。鹵煮豬腸的鹵水味濃，好有咬口! 豬骨湯底好鮮味，選了小辣四川麻辣,不會太辣。 粗麵份量十足，麵底加濃味的湯汁和醬汁，超好食! @自由搭配車仔麵 (米線、豬骨湯)配料：牛筋、豬手、豬腸、豬手和雞翼。 牛筋炆得好入味又腍滑，雞翼鹵水味濃 。米線配清的豬骨湯很搭配! @秘製辣魷魚、沙嗲金錢肚魷魚好爽口入味，加上秘製辣醬，好味道。 金錢肚炆得好入味有咬口，沙嗲汁好濃香，超正! @凍奶茶、豆漿 (跟餐

睇完IG 介紹過嚟試下排左20分鐘，係門口等極都無職員安排入座自行搵位坐，QR code 落單時要付款埋然後等左足足35分鐘先都野食唔止我，係全部堂食都等左30分鐘以上我哋入座前己經有個人等緊外賣30分鐘後佢仲係度🙂lunch hour 排隊加等野食用左55分鐘🙂最後用左10分鐘食完碗麵趕返公司可能係我嗌撈麵啦，啲韮菜餃已經吹到凍左碗麵就真係好普通。。。希望餐廳可以考慮吓自己接唔接到嘅多單先決定繁忙時間做唔做外賣🙂