辣得喜米線專門店 (已搬遷) 新店位置

期待已久的辣得喜在銅鑼灣道威非路道5X巴士總站重開了👏👏👏👏餐廳環境寛敞左，味道方面提升咗😍🥢所有員工和出品都冇改變到👍👍唯一就係冇咗啲套餐😩，細問員工為何冇了套餐？員工細心解釋餐單🥰原來所有米線都可以轉套餐，但個人都係覺得比較貴咗少少😂，希望老闆會改返餐單，我都係鍾意以往的全日套餐😂😂。最鍾意食辣得喜豬扒蠔仔米線，蔥油豬扒雞翼飯，同鮮牛肉仿包片泡飯係呀。佢哋的蠔仔大大粒。而且係新鮮牛肉做的泡飯👍👍

星期日難得喺天后收工，加上天氣得15度咁涼，特別想食熱辣辣嘅湯粉，所以去左Openrice同Google評分都唔差嘅粉麵店食晚餐。 秘製豬扒麻酸辣湯米線(中辣) $46叫左麻酸辣湯底，酸味夠而且好多酸菜、不過就無乜麻味、中辣亦唔算好辣；豬扒嘅色水正中下懷🙊，齋睇仲以為會好濃味，食落有媽媽FEEL，鹹甜適中；肉質鬆軟，而且幾大塊。碗麵幾特別，居然有脆口嘅豬油渣!!至於米線，個人比較中意彈牙嘅米線，呢度煮到淋得制😅。自己平時食開三哥酸辣5小辣，呢度嘅中辣好似比5小更輕手，酸味兩間都差唔多，至於湯底個底味，個人覺得呢間小店就比較清淡。

位於天后帆船街的「辣得喜米線專門店」，係一間主打自家製麻辣及特色酸辣湯底的米線店，有辣有唔辣，任君選擇上湯蘿蔔唐生菜清甜上湯浸著新鮮唐生菜及入味蘿蔔，生菜好吸湯，蘿蔔清甜無榨，清淡又健康自製鮮蝦丸米線魔鬼椒湯底有五種辣度，我就揀咗微辣🌶湯底散發著微微辣香，另加咗餐廳自家製嘅辣椒油，更添香辣刺激！米線滑溜又彈牙，好掛湯呢，吸收晒辣湯底嘅精華❤️配料係新鮮自家製的鮮蝦丸，口感彈牙，蝦味濃郁！另外加餸每款$8：韭菜餃及爽脆木耳✨大胃王米線上湯清甜唔油膩👍🏻豐富配料有：魚片頭、古法手撕雞、秘製豬扒及自製韭菜餃🥟秘製豬扒香脆可口，豬味香濃，邪惡滋味😈手撕雞啖啖肉，鮮雞味濃～魚片頭口感彈牙，好好食呢！餃子皮薄餡靚，滿載韭菜鮮肉香港式熱奶茶&凍檸茶

行街行到9點又係時候食野，由銅鑼灣皇室堡出發都係行10分鐘就會過到天后。有間地道平民小食，入邊嘅選擇雖然唔算好多，但都搵到驚喜位餐廳面積唔大，但都算坐得舒服嘅唔駛搭台咁啦。餐廳主打喺麻辣或者酸辣嘅嘢，由於我地都唔係太肚餓嘅關係，就叫一個小食同一碗麵🐔麻酸辣海蜇拼壽司雞餐牌上面寫明係二人份量, 黎到真係二人份量😂啖啖都食到麻辣汁同酸辣汁嘅味道! 就算食到最後果啖, 都仲有好多汁! 海蜇都算爽口, 手撕雞真係撕得好細~ 唔同出面有啲地方, 佢個手撕雞係切碎only~ 所以都幾欣賞🤤🍲自製鮮蝦丸米線米線既質地就普正常啦~ 勁想讚佢個鮮蝦丸! 真係自製嫁🤩肉質非常彈牙! 鮮蝦丸真係有蝦味, 完全唔係街邊買果種勁多粉搓出黎既蝦丸~一碗麵有五粒, 份量都算多. 真係食完五粒都覺得唔夠喉, 想繼續食😂

🍜 #天后 #辣得喜米線專門店今日去天后食米線！ 唔好睇呢間米線專門店個名好似好辣咁，其實入面嘅主食都有微辣、小辣、中辣至大辣選擇，而且仲有飯食添㗎，老少咸宜，唔食辣都無任歡迎㗎😍🐥 海蜇拚手撕雞酸辣撈紅薯粉 （$54+轉紅薯粉3）我哋兩樣麵都叫咗小辣，撈麵會比湯麵辣少少，但都唔會太辣的☺️ 呢個酸辣亦都會比較香啲～ 紅薯粉份量好多，女仔會食唔晒🫢 手撕雞同海抓蜇好match，超開胃嘅組合😋🍜 大胃王米線 （$69）大胃王粉線入面有一塊大豬扒，仲有餃子、魚片頭、仿鮑魚片、手撕雞海蜇、花生，應有盡有！ 豬扒大大塊啖啖肉，浸湯後有少少辣好好味😋 餃子皮薄多餡好足料，米線都勁大碗，抵食！🥬 上湯時菜 （$22）今日嘅時菜係生菜😋 呢碗生菜同一碗米線一樣大碗，份量多到嚇親！但清甜好食，絕對要食清光喇😋🍋 熱/凍檸蜜 （每杯+$9）

呢日一個人喺天后，要搵個地方醫肚😆，行吓行吓，見到呢間小店，睇落企企理理，本著冒險發掘嘅精神，就決定入去試吓😆叫咗一碗材料非常豐富嘅米線😆：$53 嘅「豬扒拼蠔仔米線🍜」，有不同湯底同辣道可以選擇：湯底要麻辣，辣度要微辣；再好貪心地😆 加咗魚片頭、手撕雞、酥炸雞翼（每款餸$8），再加 $3 嘅「凍檸茶🍋少甜少冰🍹」😆豬扒🐷肉質軟熟仲煎得幾香😋；蠔仔新鮮，細細隻有大約10隻😆；魚片頭🐟幾彈牙😆；手撕雞🐥就啖啖肉😊；酥炸雞翼 炸得好香口😘

耐唔耐就好想食米線銅鑼灣都食到好似冇邊間好食啦今次就行遠少少去咗天后搵食又比中島發現咗一間巷仔米線—————————————————————間舖啱啱俾啲支架圍住如果唔係掛左招牌вanner出嚟真係睇唔到決定揀呢間係因為有蠔仔🙈咁中島梗係揀蠔仔+蝦丸變海鮮米線啦面頭有大量酸辣菜甫 啱晒鍾意食嘅朋友配料份量非常之多尤其蠔仔食極都仲有粒粒新鮮飽滿蝦丸夠彈牙又食得出蝦味👨🏽就叫左豬豬米線🤣豬扒+豬膶聞到剛炸好既豬扒香味 食慾大開咬落淋身 香脆夠味豬膶份量都超級多俾左啲中島都見到佢仲有大量😂仲要每塊都好厚身但又唔柴另外例牌都會叫啲小食今次就試咗炸餃子同海蜇手撕雞雖然佢寫住二人份但多人分食都足夠餃子皮炸到好脆口好似食緊薯片咁😋勁在凍左都依然可保持鬆脆海蜇手撕雞見到真係嚇死人成座小山丘咁當中雖然夾雜左酸辣菜甫但入面都有好多海蜇樓面姐姐又好人見我哋坐得辛苦專登幫我哋拉出啲張檯❤️—————————————————————❐ 蠔仔蝦丸米線 $51❐ 豬扒豬膶米線 $53❐ 麻酸辣海蜇手撕雞 $49❐ 炸韭菜餃 $42

今日想食米線，港島好小推介米線，上OpenRice 見到食評不錯，一試果然不錯，米線好味，湯底幾好，餸又多，小食又好味 炸得香口，一定有第二次，推薦炸雞翼，豬扒米線。

係鰂魚涌放工 搵下附近有咩米線未食過 見到呢間新開 好似幾吸引就過黎試下 地點幾隱蔽 初頭冇咩人點知我食食下突然全店滿座🤣🤣證明正野啦！唔係大街大巷都有咁多客！有好多嘢都想試 可惜得一個肚 下次黎再試埋其他潮州風味嘅餸 例如蠔仔 豬雜今次叫咗韭菜餃同豬扒 老闆娘勁好人 話雞翼都好正問我試唔試 我都想但我會食唔曬 佢話咁我比半份你試下啦！呢啲咪人情味囉！😋😋率先上場是凍奶茶 我的最愛米線來了！大大碗！叫左麻辣中辣4隻韭菜餃 兩大塊豬扒很juicy! 皮薄餡靚！豬扒厚薄適中 夠淋 唔乾身 正！湯底唔油 偏淡口但夠鮮味川味雞翼 新鮮炸起 太juicy了！老闆娘冇推介錯！下次留肚黎食其他餸先！

超鍾意食米線，認為一碗好米線除咗米線外，湯底、可選配料味道上缺一不可，少一樣都影響哂成件事連鎖米線穩陣但有時都想搵啲連鎖以外嘅味道，今次搵嚟天后區小店，位置唔顯眼，但絕對值得被留意呀👀◽️秘製豬扒酸辣撈紅薯粉 $60◽️秘製豬扒米線 $45◽️秘製豬扒拼蠔仔米線 $53◽️香炸手打鮮蝦丸 $44三個人同樣叫秘製豬扒，兩塊生炸豬扒入味之餘咬落好鬆軟，厚薄適中唔會乾，絕對色香味俱全，必叫‼️蠔仔更係我私心必叫配料，粒粒脹卜卜為湯米線提鮮💯幼身米線幼滑煙韌，寧舍掛湯，麻酸辣香惹味又獨特👍🏻撈紅薯粉更加感受到佢哋嘅酸辣功架😋蝦丸粒粒人手打，入口非常爽彈邊食辣野邊飲返杯凍飲🥤（加 $9）好爽呀☑️連杯凍檸茶都好好飲喎👌🏼

辣得喜米線…^^鄰近天后地鐵站~~~~~~~~~~夜市開番,除左譚仔,一定覆黎天后嘅辣得喜食番一碗米線,秘密豬扒米線加埋個底當然係首選,老闆同員工都好好人 ,服務態度好好，唔夠辣仲有得加辣。同埋有得加酸菜!!!!!!!!個人算食得辣，可以食到大辣以上!!!!天后地鐵站一出就係啦 唔係唔黎試下呀嘛只此一間，別無分店。******************************.

家人都住在北角，所以偶爾都會到北角來探望他們，今天下午便在天后區覓食，發現這間小店。炸豬扒蝦丸米線$53，炸豬扒外脆內軟，吸收了麻辣湯底之後，是另一番風味。下院是自家製的，爽口彈牙。上湯醎爽豬手$40，豬手分量十足，豬手皮脆，帶點酸辣味道。酸辣海蜇手撕雞$49，海蜇爽脆，手撕雞雞肉鮮嫩，不過酸菜太多，影響口感。如果將酸菜減少，味道更佳。上湯蘿蔔唐生菜$25，蘿蔔是這個季節當做，所以味道清甜。凍鴛鴦$3。

米線控又去搵米線食，今次搵到天后呢間"辣得喜米線專門店"。店細細，食野期間都幾多人拎外賣。自家制鮮蝦丸韭菜餃配紅薯粉 呢度有米線、油麵、公仔麵同紅薯粉，又有4款湯底，我要左紅薯粉配麻酸辣既小辣。呢兩款自家制既餸好好食，蝦丸好彈牙，韭菜餃好足料，大大粒饀料十足。手撕雞海哲撈米線朋友叫左另一款招牌撈米線，份量好多。出面好少食到呢款既撈米線。海蜇爽，唔孤寒都幾多海蜇，正。酥炸雞中翼有驚喜，鐘意食炸雞翼一定要試，外皮薄薄超香脆，雞肉嫩口多汁。麻酸辣雜菇蠔仔呢個出面又係好少有得食，蠔仔撈埋唔同雜菇，又有酸菜，咸咸酸酸辣辣，好開胃。

今日去天后買嘢，買完都5點，不如食個early dinner 喇，橫掂6點後都無堂食。見到呢間米線平平地就試下喇。餐廳坐位唔多，不過我呢個時段無乜人。有撈麵、湯麵、小食等等，價錢合理，仲有下午茶餐。豬扒拼蠔仔米線（$53）- 一定要試下佢啲辣，我就揀咗麻酸辣要小辣，個湯對我嚟講啱啱好，辣得嚟又接受到。豬扒好大塊，腍而入味；而蠔仔都好鮮甜彈牙。仲配埋酸菜、花生，好好味。凍檸茶（+$3）- 茶味好濃郁，食完辣嘢飲一流。酥炸雞中翼（$36）- 呢個係大size有5隻，上面加咗啲辣椒粉所以好惹味，雞肉都嫩滑juicy，但我就覺得個脆漿厚

餐廳：辣得喜米線專門店 (天后)地址：天后帆船街8號金殿大廈地下17號舖呢間上年九月喺天后開業嘅米線店——辣得喜米線專門店 @katies_noodle 值得你去一試，尤其米線愛好者一定唔可以錯過😍餐廳有專屬嘅廠去提供出面食唔到嘅米線，佢哋嘅米線比某出名嘅連鎖米線店較為煙韌同幼身細條🍜，加上酸菜、麻辣醬都喺自己調校去整，嗰種麻酸辣香全港獨有，鍾意食辣嘅人仲可以試埋佢哋嘅魔鬼椒湯底呢🌶除咗湯米線之外，佢哋仲有酸辣撈、泡飯同其他麵食，選擇都幾多，價值介乎四五十蚊，幾抵食🤑✝️大胃王紅薯粉 $63呢個大胃王有五款餸菜，包括秘製豬扒、自製韭菜餃、鮑片、魚片頭同手撕雞🐔，豬扒醃製過，咬落好鬆軟一啲都唔韌；手撕雞入味得嚟唔會好鹹，雞味仲好濃厚；紅薯粉吸收晒湯底嘅精華，好彈牙啊😆✝️自製鮮蝦丸米線 $43蝦丸粒粒都喺人手打，爽彈得嚟有陣陣蝦嘅鮮香🦐，如果大粒啲口感應該會仲正🤤。加餸每款$8，另外加咗個韭菜餃🥟，咬開見到好豐富嘅韭菜同豬肉餡料，原來喺店員每日新鮮人手包嘅，好足料呢🥰✝️酥炸雞中翼(3隻) $26好大隻嘅雞翼🤩，喺平時一般見到1.5倍嘅size，外層炸得酥脆而一啲都唔厚身，薄薄嘅雞皮裡面包住一