影片
電話號碼
60116196 (WhatsApp)
營業時間
今日營業
11:30 - 15:00
17:30 - 21:00
星期一至日
11:30 - 15:00
17:30 - 21:00
公眾假期
11:30 - 15:00
17:30 - 21:00
公眾假期前夕
11:30 - 15:00
17:30 - 21:00
以上資料只供參考, 請與餐廳確認詳情
相關文章
今次係第三次幫襯，好明顯廚房同樓面都轉晒人，食物質素斷崖式下降，包括招牌乳鴿，而家送俾我都唔想食，明知自己係開放式廚房，啲師傅又唔帶手套，衛生方面已經有問題，樓面員工服務又係，個個都木口木面，舉手叫又睇唔到，D員工顧住自己食嘢背住啲客，兩個着住便服應該係店長嘅女人喺我隔籬講嘢大大聲，我過嚟用餐唔想聽到你哋啲私事囉，個場一浸臭味，但係個餐牌又不斷加價，年頭去過一次都好地地，我都唔知個老細諗乜，應該都係咁上下，反正就沒有下次，絕對失望！！真係一粒星都唔想比
繼續閱讀
父親節嘅時候，我哋一家人去咗位於香港科學園嘅「農」餐廳慶祝。呢間餐廳環境優雅，裝修簡約大方，畀人一種舒適嘅感覺。我哋點咗好多菜式，包括田園炒花青苗、金箔棗紅糕、南瓜角、古路熔岩、烈焰菠蘿炒飯、木桶豉油雞、手抓餅、蒜爽豬手、羅拔仔同埋爆汁乳鴿。每一道菜都令人驚喜。首先，田園炒花青苗嘅口感鮮嫩，顏色翠綠，好有田園風味。金箔棗紅糕則係甜而不膩，金箔嘅點綴更添奢華感。南瓜角外皮酥脆，內餡香甜，好適合做開胃小食。古路熔岩醬爆墨魚嘴烈焰菠蘿炒飯則係一道主菜，菠蘿嘅酸甜同炒飯嘅鹹香完美結合，令人回味無窮。木桶豉油雞則係一道傳統粵菜，雞肉鮮嫩多汁，豉油嘅香味令人垂涎三尺。手抓餅則係一道北方特色小吃，餅皮酥脆，內餡豐富，好有飽腹感。蒜爽豬手則係一道下酒菜，豬手燉得入味，蒜香撲鼻，好開胃。羅拔仔則係一道海鮮菜式，蝦肉鮮美，醬汁濃鬱，好有口感。最後，爆汁乳鴿則係一道招牌菜，乳鴿皮脆肉嫩，汁水豐富，令人一試難忘。總括嚟講，「農」餐廳嘅食物質素非常高，每道菜都有佢獨特嘅風味同特色。而且，服務態度都好好，令人感到賓至如歸。如果你鍾意食中餐，又想試下新口味，咁「農」餐廳絕對係一個唔錯嘅選擇。
繼續閱讀
今日我哋嚟到白石角同狗狗散吓步，行到咁上下就揀咗呢間「農」食lunch。
餐廳嘅戶外座位區係寵物友善，狗狗可以自由落地，亦可以上梳化或凳坐。每張枱都有太陽遮，兩側仲有大風機不停送風，即使中午都唔會覺得焗促或太熱。先講講最吸睛嘅主菜 —— 菠蘿炒飯。成個新鮮菠蘿挖空再做碗，賣相打卡一流。炒飯炒得夠乾身，飯粒粒粒分明，入面有蝦仁、腰果同啲新鮮菠蘿肉，味道鹹中帶甜，酸香開胃，食落去豐富而不單調。至於肉類，我哋嗌咗蜜汁叉燒，真係幾有驚喜！色澤紅潤油亮，表面微焦帶香，咬落去外脆內嫩。肉質保持嫩滑，肉汁鎖得住，醬汁甜鹹適中，完全唔會搶味，反而令叉燒本身嘅香氣更加突出，每啖都好有滿足感。小食方面點咗兩款：炸春卷外皮金黃酥脆，一咬就碎，內餡蔬菜鮮香唔油膩；炸墨角嘴就真係超出預期，每粒都大大粒，炸漿夠薄，外脆內嫩，面頭灑咗炸蒜同蔥花，咬落去有啲香脆同軟滑嘅對比，口感非常討好。整體而言，呢度不但有心水推介嘅菜式，環境又舒服自在，特別適合帶埋毛孩一齊過個輕鬆嘅下午，值得回訪。#香港美食 #寵物友善餐廳
繼續閱讀
以前入科學園都會黎哩間野食下飯，因為啲食物都有小小創意！今日再黎簡直係面目全非，叫左個菠蘿炒飯講真100幾蚊個炒飯都唔算平，炒到又鹹又酸.之前隻乳鴿都幾好食，今次都再叫點知完全唔同晒味又黑.又腥！都唔知係咪換左師傅！再黎個蝦餃又細粒啲蝦又成陣味一聞就知唔新鮮！幾十蚊籠點心都係咁既出品！都唔知係咪預製菜黎！然後啲服務員個個好似係到遊魂咁，揮晒手都冇人睇到！話晒都收加一茶錢吖！咁既服務態度點做吖！以後一定唔會再黎！
繼續閱讀
我來到農餐廳看到很多食物，很多選擇可以選，態度服務十分之好點心十分之美味。飲品都好多選擇。甜品啲樣好得意。啲叉燒都好好食，叉燒好腍啲雞都好好食好多汁同好好食。我覺得啲乳鴿真係好好食好多汁同埋好豐富。食嘢嘅環境都好好，10分滿足。下次一定會返嚟食。
繼續閱讀