辻利茶舗 (已結業)

食完lunch特地來朝聖一番，抺茶控唔係唔食下嘛！先講店面，其實間舖好細，一個counter收銀，入面唧雪糕，出面一排面壁企位，that's all. 我地呢啲習慣掃街邊行邊食嘅香港人，無坐位又真的無乜所謂。好彩唔洗排隊，好快買完之後就俾咗部咇咇機我，好似food court 嗰啲咁，有得拎部機會咇咇叫 。製作過程大約5分鐘，可以接受。講返個雪糕先！首先賣相一定無得頂！roll cake 夠大件，雪糕都多（梗係，賣成68蚊都咪話唔貴），砌起一層層咁好靚。食落抺茶雪糕好滑，味道帶甘，夠正宗；roll cake 好鬆軟，中間的抺茶cream 好輕身，味道比雪糕更加甘，正，得一件真係有啲唔夠喉啊！全杯最欣賞係啲脆脆玄米，苦苦地同抺茶好夾，份量又夠多，多返啲口感，食落就唔會全部材料都一pat pat。整體都好滿意，但一食到底嗰啲抺茶啫喱就衰收尾！簡真係全杯嘅敗筆！一啲抺茶味都無，質地一啲都唔煙靭，直頭好似食緊大菜糕咁，真係唔多掂Roll cake質素高可以encore, 下次齋買一條返去食都好，同埋希望可以改善下啲抺茶啫喱，咁就perfect池啦！

去過關西的大概也見過或聽過辻利吧！記得我是在大阪車站買過甜品外賣﹐之後是一試難忘。繼一眾抺茶品牌打入香港市場﹐辻利也來了。通常小食甜品的小店都在銅鑼灣、尖咀等地區﹐今次辻利開喺中環﹐上班族有口福了！我最鍾意甜品當飯食﹐黎呢度食個雪糕﹐做OL的我飽了大半﹐哈哈！聽說第一日這裡大排長龍﹐第二天來只係排幾個人﹐都唔算等太耐。如果想食完再行﹐旁邊有BAR枱。作為喝茶控的我﹐當然也買茶葉試試啦﹐我揀左焙茶﹐好有茶味好好飲！

辻利茶舖於1860年代在京都宇治創立，以種茶起家，為日本茶業一項重大發明。店裡供應三十多款甜品和飲品，有雪糕、窩夫、蛋糕和新地，飲品則有各款抹茶鮮奶和沙冰等，全部材料均來自日本。辻利軟雪榚($42): 雪糕一共有4款口味：抹茶、焙茶、牛奶和抹茶牛奶紐紋。平時食開的只是3.6牛奶，辻利軟雪糕用上北海道8.0牛奶製作，雪糕質感較一般的稠身，口感幼滑兼有濃郁奶香，抹茶控必試！

今日知道係中環收工, 醒起網上好多人講既京都宇治抹茶老店係IFC wor,佢開左一排我都未試過tim我咁為食點可以錯過呢即刻上openrice搵佢個location收工就衝左過去食喇好彩唔係好多人排隊我order左辻利新地, matcha加牛奶味扭紋雪糕去左出面有d bar檯到食$68一杯一d都唔平賣相好吸引,聞落都好香matcha味,蒟蒻同丸子都係普通味道雪糕只有微微matcha味, 牛奶味相對濃郁好多加有脆米,所以口感提升左不過本人冇去過日本既辻利唔知有冇分別但係今次真係有d失望

去AIA咪順便行去試試佢。。綠茶迷實周圍試綠茶野嫁啦。。聽聞開左間新野咪試下囉。。間野舖仔細細。。門面幾靚。。係得IFC開係唔同D嫁啦。。不過一去到見到。。冇人排隊。。都知咩事。。希望唔會中伏。。其實價錢都可以既。。不過相對偏貴。。計埋味道就真係好鬼貴。。唔多值。。綠茶雪糕真係唔夠燶。。不過都好滑。。其他配料真係冇咩特別。。卷蛋都一般。。你問我。我鍾意牛奶味雪糕多D。。不過佢專食綠茶嫁wo。。所以我自己都好迷惘。。你哋自己諗啦😂丫。。差D唔記得。。最好味係D綠茶粒粒食物：正常野。味道唔特別總括：行過又想食雪糕咪試一次囉

《抹茶迷的小確幸》🍵🍵呢間位於IFC既“辻利茶鋪”原來係1860年代已經創立，係京都歷史最悠久既茶舖。 勁到連抹茶粉都係佢地諗出黎既。 咁厲害既百年老店黎到香港，點可以唔試下❗❗11月先住軍香港既辻利一共有32款飲品和甜品，主要分為抹茶同焙茶口味。而食材全部由日本空運抵港架😍😍咁夠竟焙茶定抹茶好味D呢❓怪獸試哂兩款口味，結論係: 焙茶勝👍焙茶一入口令人驚艷，香味完全取勝。而抹茶相比濃郁度較低，身為抹茶粉絲既你可能會覺唔夠喉😥推薦兩款甜品:1. 辻利蛋卷新地 $68新地有抹茶同焙茶 2 款，清楚見到 4 層 layers，由底層向上數，有脆米、寒天、自家製紅豆蓉，加埋軟雪糕和白玉。將佢撈勻食，寒天同雪糕既強烈口感衝擊。怪獸覺得精彩既係佢既蛋卷(用上抹茶/焙茶口味)，入口軟綿，令人喜出望外，而且入面既cream好細滑，剩係卷蛋都要$238一條，咁呢個新地都算值回票價😝😝2. IFC 限定窩夫 $78窩夫一句~大堆頭！ 4 款選擇既雪糕配以原味卷蛋糕、寒天、紅豆蓉、白玉丸子同鮮忌廉！驚訝既係，食哂個個雪糕最後先食個窩夫底竟然仲保持到好脆，值得一讚👍👍不過可惜既仍個卷蛋只係原味，失色不少😥😥😥

幾次去到ifc做gym都唔記得去試一試呢間抹茶百年老店。星期六終於同朋友去一試新地雪糕。店舖位置在三樓的一個角落，不像grom正對門口，所以人流量並不算多，小小的店面旁邊有提供企位，下午四五點鐘的時候人不多，order之後只需要等兩三分鐘就可以拿到雪糕了～我要咗抹茶味，朋友係焙茶，兩個口味都很不錯，焙茶略苦，很特別。值得一提是上面的蛋糕捲，鬆軟可口，沒有那麼甜，美中不足是抹茶味略淡。總體來說，很不錯的抹茶產品選擇

聽人講辻利茶舖係老字號，好好食。行過ifc就去試下，門口有位比人企係度食，唔洗排隊. 買左拎住個機仔係門口等一陣就有得食.試左抺茶沙冰加牛奶雪糕 $68牛奶雪糕好重牛奶味，口感滑得離唔會太軟.抺茶沙冰d抺茶唔夠均勻，個底會濃d, 個面就淡d, 總濃度都係一般般，d冰又比較大，飲下飲下要等冰溶再飲.呢排都有食/飲其他抺茶沙冰雪糕，個人覺得呢間會比下去.

百年老店係IFC新開業，雖然只有一個小corner的舖位，冇座位，但counter幾大，display左D product出黎，都好清楚。晚上9pm後黎應該係最少人排隊，但係都不斷有新顧客。就算立食，都幾有風味。一絲不笱的decoration。食左好多抹茶雪糕，有D over啦，培茶布丁$28，係唔錯的介紹，wood spoon好靚，配甜點食好有feel。培茶味好香，布甸又好滑。另外再試北海道抹茶芝士棒 $28，長形的芝士棒用白色紙包住，感覺新鮮。芝士味好濃郁撞抹茶，呢個combination perfect。下次試下食蛋糕！

開張左一段時間，因為唔想同其他人咁迫，等個熱潮過左先去拜會呢間京都百年老舖。今日終於可以試下究竟佢有啲咩本事。黎到呢度我地點左個辻利新地，因為IFC限定個窩夫太多。所以兩個人就點左個新地試下。拎到個真身一聞，都幾香綠茶味，望落去都算多材料，有紅豆蓉，團子，綠茶方塊，脆脆米，同埋類似泡芙既野第一啖食落去幾有奶味，但係相對個綠茶味就有啲遜色。無想像中咁香濃既綠茶味。其他都平平係個脆米有啲驚喜，幾香炒米味。挽救返唔少分數。

以前，我常把此店和另一間同是京都綠茶名店都路里混淆，因其日文併音相近，雖則漢字招牌寫法不同，其後才懂得靠祇園及宇治分辨。都路里的綠茶芭菲及綠茶脆卷是一絕，這店反而在只在台灣試過，味覺印象不太深刻。故今倘經過，沒長長人龍，便立即一試IFC限定綠茶芭菲，貪樣樣都有！主角是綠茶軟雪糕，配搭白玉、紅豆蓉、蕨餅粒及小卷蛋，一併放在Waffle Cup上。綠茶雪糕上撒上綠茶粉，入口更覺濃郁，入口沒有丁點兒草青腥及苦澀，算是上品，若入口滑度能稍微提昇更佳。不過，其他配品並未能為整個芭菲錦上添花，除了粒粒紅豆蓉合格外，白玉不軟糯，綠茶蕨餅入口太削（和京林屋的差天共地），卷蛋更普通過屋邨街坊餅店的質素（卷蛋還是吃堂島卷吧），而Waffle Cup則厚厚硬硬，眼見附近食客也吃剩八成Waffle Cup,  心頭才不致太有罪惡感，擔心是否只因自己嘴刁才嫌棄！個人喜好而言，這兒的綠茶軟雪糕還是比什麼天仁，Via Tokyo及中村藤吉為佳！

綠茶控見到有綠茶product就會即刻沖埋去試聽講呢間舖係日本百年老字號來真係滿心期待啊！雖然無坐位~得企位~不過都幾多人買朋友話來到ifc要試下呢個ifc限定窩夫新地wor大家都話要減肥但又想食只好買一個share啦IFC Waffle Sundae Matcha + Milk Mix $78雖然唔算大份，但感覺都幾豐富綠茶軟雪糕味道無想像中咁濃味不過都唔錯不過如果濃味d仲正綠茶雪糕加埋紅豆茸真係perfect match牛奶軟雪糕奶味好濃郁，好正!雪糕口感相當滑溜白肉丸子食落好煙韌抹茶啫喱同牛奶雪糕一齊食個感覺好微妙感覺最驚喜係個忌廉捲蛋糕食落好鬆軟，蛋味好香!超like!呢個係特別版~個spoon係參考IFC大樓外形來整~都幾得意同用心wor~

早前，見到 Openrice 的新食店推介，才得知日本京都百年歷史，以研究抹茶粉著名的茶舗 <辻利茶舗> 即將 10月進駐 IFC，也是香港首店，令我這個抹茶迷非常期待！ 10月尾經過，圍板尚未拆走！直至11月中幫襯 IFC Starbucks，經過見到個廣告牌才得知已開業！不停有食客前來幫襯，可想而知其魔力！供應：抹茶、焙茶系列雪糕、甜品、飲品...等，種類總算多元化！ 還有香港限定甜品！ 卻是價錢略為進取！當我付款後，剛剛放好找贖的錢落銀包及散紙包，正想走到店子隔離洗手間洗手，恰巧叫我的號碼，還未來得及影低張單，比預期快！男店員一手收走張單，一手給予我的雪糕新地！這裡是外賣店，只有站在店子一旁細味品嚐吧！雪糕新地 $68賣相富層次感！抹茶配北海道 8.0牛奶雪糕，兩者香甜幼滑！ 前者口味較為霸道，抹茶茶甘味突出！北海道 8.0牛奶雪糕，奶味濃厚，富茶香且滑溜，甜甘並存，口味平衡！ 還有一層紅豆蓉，不算太甜膩！白玉煙韌，啫喱軟身帶茶味！ 底部是微苦的玄米茶脆脆，整體口感豐富！

愛食甜品的我, 上個月知道辻利茶舖在香港開店, 我就好想去試下, 較早前終於趁放工後去試一試. 難得來一趟, 我就選了限定IFC窩夫新地, 雪糕口味可以自選抹茶, 牛奶或扭紋, 我就選了扭紋. 雪糕幾滑身, 若奶味再濃一點更好味. 而抺茶味幾濃, 但又不覺得苦. 配料有白玉, 卷蛋糕, 抹茶啫喱和紅豆蓉. 當中最愛白玉, 白玉夠煙韌. 卷蛋糕的忌廉再多一點就更好. 紅豆蓉甜度適中, 而且質感不錯.

聽聞IFC開了家京都百年抹茶店，位置那麼方便趕緊去試試看！店鋪在IFC三樓，只做外賣，有一些企位，我週末傍晚去不用排隊。話說這家有百年歷史的茶舖於1860年代在京都有辻利佑衛門創立，以種茶起家。品牌由第七代傳人帶領在世界多個城市開設了分店，現在香港人也終於吃得到了！我們點了牛奶和抹茶扭紋雪糕外加紅豆和丸子（$58）。我覺得$58塊在IFC這個價錢也算合理，因為始終租金很貴，他們的雪糕份量很少，所以大家要有心裡準備（笑）。吃完以後我覺得有點失望，可能期望太高了吧。牛奶用的是北海道8.0牛奶，可是融得很快，也不夠濃郁，但還蠻滑的。抹茶那邊很甘甜，味道濃郁，很好味。而丸子我覺得不夠軟，吃起來覺得有點硬。在香港已經有很多很好的抹茶店，質量和價錢都比這家略勝一籌，所以不會特地過來吃吧。