辻利茶舗 (已結業)

辻利 係日本 勁耐歷史今次 第3 次食唔知張相影唔影到果 「雪化」效果食落口起晒冰即溶變水一d 都唔滑Compare 京林 / 中村 ，真係差好遠距離希望 老闆 落鋪 試下如果 真係咁既質素Sorry 永遠black list

係日本京都有百年歷史既辻利茶鋪進註香港IFC 已經有一段時間, 終於去一試佢地既抹茶雪糕!初初係好多人排隊, 宜家熱潮好似有d 過左平日去都已經唔駛點排, 可以經經鬆鬆咁買黎食~話明係 IFC 限定, 梗係要試下啦~~窩夫新地可以自選雪糕口味, 有抹茶, 北海道牛乳或抹茶+牛乳扭紋;辻利茶鋪出名既係抹茶粉, 咁就梗係要抹茶味啦!抹茶味雪糕配卷蛋, 抹茶啫喱, 紅豆蓉, 白玉同忌廉；加上用碗型既雪糕筒盛載住, 方便食喎~~抹茶雪糕味濃又幼滑, 微甜而不苦澀;白玉煙煙韌韌, 而抹茶啫喱有淡淡既抹茶味, 卷蛋都好鬆軟啊!!!

食了個美味的海鮮餐，當然要食少少甜品才感完滿。選了抹茶加焙茶扭紋脆筒雪糕吃起來有少少將冰沙的感覺，感覺清新不會有太多奶味，抹茶的清新淡淡感覺，搭上焙茶茶香，大家互補不足。

終於比我嚟到呢間馳名的抹茶雪糕，味道好鮮奶味，入面仲有好多唔同配料，有紅豆、小丸子，同埋攞個甜筒底墊住，好正！不過個布甸就普通，同埋比較細份量啲，下次可以試其他。

行開呢邊，一於去食下佢嘅雪糕，如有cafe坐下會更好今日叫了IFC香港限定抺茶雪糕甜品，抺茶雪糕有茶味，但不太濃及不太有茶甘，以我鍾意抺茶回甘味嘅抺茶迷嚟講，味道只是一般，但好似日本的辻利比較香港濃一點😄😬😄😬另叫了培茶芝士蛋糕條及抺茶芝士蛋糕條，但培茶比抺茶出色一點，有啖啖培茶味，但抺茶芝士蛋糕條，不太覺得有抺茶味，有點兒失望😬😬而抺茶木槺布甸，奶味重過抺茶味😬😬如鍾情抺茶味濃嘅抺茶迷，辻利未必是我們杯茶，而他們嘅抺茶粉仍然都是比甜品更勝一籌👍👍

.辻利茶舗香港店落戶IFC Mall，舖面位置不大，只有數個面向裝飾牆的座位，想坐下好好品嚐就只能在非繁忙時間光顧了。.上圖的IFC限定窩夫新地為香港限定口味，雪糕以外，還有白玉、紅豆、抹茶蕨餅和忌廉卷蛋，還加上一隻國金二期造型的匙羹，非常有趣。.味道方面，抹茶雪糕的茶味較香濃，奶味不太重，所以食得清香的抹茶香，配上濃郁的8.0牛奶雪糕，奶味好濃郁，反而有點搶去抹茶雪糕的味道👀。其他配料也配搭得宜，但味道未見十分突出，不過底下的窩夫杯幾脆身而且蛋味好香，有食雞蛋餅的感覺

星期六無所事事喺IFC利苑飲完茶就順便行過隔離的辻利茶鋪食抹茶雪糕做甜品見到有櫻花期間限定系列有櫻花（顏色的cream)😅😅有紅豆味特飲等我聽到櫻花cream有啲驚所以將佢個雪糕的cream轉埋做抹茶雪糕大大杯，大滿足！

週未放假去開中環，特意前往IFC試吓由日本來的辻利綠茶甜品。已認識這傳統的綠茶店多年，第一次係係京都祇園買它的綠茶雪糕及綠茶沙冰食，係東京的晴空㙮亦有分店，其實佢係同京都著名的都路里綠茶甜品店是同一集團，而都路里就主要係餐廳內品嘗甜品芭菲等，辻利主要做外賣店！辻利除左有綠茶味雪糕，仲有係香港比較小見的焙茶雪糕，焙茶味比綠茶味較濃，$42一杯，仲可以要兩種味，味道都有京都本店的水準，不過都係京站的綠茶味濃dd，而焙茶味就與京都店的差不多，真係難得可以係香港食到咁好味的焙茶雪糕！另外仲有綠茶布丁，這個就不是太出色了，綠茶味不夠濃郁！

聽聞黎自日本嘅「辻利茶舖」開咗喺 IFC，身為抹茶控嘅我，唔駛講肯定唔可以錯過啦。開張唔耐，離遠都可以見到人龍啦 >_< 好多款啊，心思思咁，唔知食邊款好𠻹。俾咗錢之後，店員會俾個飛碟你，等個飛碟震就可以去攞㗎啦。由於舖位較細，淨係得企位，所以要辛苦小小，企住黎食啦。 - Waffle Sundae Matcha（$78）見到係 IFC 限定，所以毫不猶豫揀咗哩款。雪糕揀咗抹茶味，雪糕唔會太甜同好軟滑，抹茶味勁濃同有回甘，雪糕上面撒上脆米，增加雪糕嘅口感；原味蛋糕卷軟綿綿得黎有蛋味；紅豆蓉雖然偏甜，但係夾埋有啲苦澀嘅抹茶味雪糕一齊食，啱啱可以中和翻；白玉大大粒，好煙韌好有咬口；食到最底底，唔好以為冇料到啊，其實勁多抹茶啫喱打底，不過我就覺得個啫喱口感怪怪地就唔食啦。最後再食埋個waffle，勁脆咯，好味。

之前到台灣旅行, 光顧了不少日本過江龍的抹茶甜品店, 而於香港開設的只是僅僅數間, 數量跟款式都叫我這抹茶粉絲打從心底裡超羨慕又妒忌台灣那邊。而當中曾光顧過, 於台灣人眼中排行第3的日本百年老茶鋪: 辻利茶鋪, 終於!終於! 終於於3個月前到臨香港了! 與我最最最愛的京都抹茶芭菲店 - 茶寮都路里的衹園辻利, 某程度上是同屬兄弟店的 - 辻利茶鋪, 姍姍來遲的落戶於中環IFC。 由辻利右衛門跟三好德次郎兩兄弟所開設的衹園辻利跟辻利茶鋪, 箇中的來龍去脈, 血緣關係的分家由於太過長篇, 在此不作詳細敍述了。 被受注目的辻利茶鋪, 開業數月排隊的人龍仍不乏, 尤其假期的時段。茶鋪沒設堂食服務, 只供外帶, 或站立於店旁為立食而設的長長窄檯那處進食, 可惜位置有限。 呈長型細小的茶鋪裝潢上不乏心思, 垂直木條的細節也仿照京都老鋪, 加上仿古的木製招牌, 茶鋪的歷史黑白照, 貫切一向的簡約主調。 而寫有茶字的仿茶葉櫃模樣與京都店跟得很十足呢! 京都店的室內裝潢。 邊排隊邊選擇置於頭上的餐牌, 但對於身型矮小的我來說距離有點遠, 閱讀上有點困難, 幸好自身的視力不差, 挑選沒難度。

這家店子開了一段的時間喇~這天又再次經過中環，心想還是襯這機會去吃吃看好了！初初開店時聽說還滿多人排隊的，但這天去到~排隊的人倒是不算太多，是站著吃的位置比較濟而已點好想要的再付好款後，就會拿到這個提示拿餐的!只要著燈就可以去取餐喔～～～點了的是 - 辻利新地 ($68) 好豐富的一杯啊！首先有大大件的抹茶卷蛋~口感鬆軟還有香滑的忌廉，只是這個的茶味並不算很濃而已。這個卷蛋也可以單獨購買的喲~沒看錯的話是$38/1件呢~ 這樣算起來，這新地好像很化算嘛！既然是「新地」當然雪糕是很重點的角色！雪糕有三款口味可以選擇 - 抹茶、焙茶、北海道牛奶。其實三款也有興趣試一下，不過還是先選「抹茶」吧  >W<軟滑的雪糕吃起來有回甘的茶味並不是苦澀的那一種～只是相比之前在日本吃過的，這個的奶味還是重了點。另外在雪糕上還有一些脆卜卜的玄米。下層則是抹茶啫喱 ~這個比雪糕的茶味重一點。整體來說，這個的 "抹茶" 還頗有層次的～下次有機會還想試試焙茶口味的呢！

越來越多日本綠茶老鋪喺香港開分店,新一員IFC開店就算冬天都要試一試門面比相像中細好多，只做外賣落完單會比個senor你攞得就會震第一次先試個新地先吃雪糕茶味唔濃牛奶味唔重，普普通通其他佩料都好一般點知好戲在後頭，看似普通的脆香米撈埋抹茶雪糕，茶香味出晒黎D脆香米並唔係空心而係炸米甘半實心唔會食到一半淋曬推介撈埋食，正,超回味

京都是抹茶迷的天堂，除了港人熟知的中村滕吉外，也有好些著名茶舗值得朝聖，當中有這家百年茶舖辻利。上回京都之行畢竟太短促了，還是慶幸在茶寮都路里順手掂來玄米茶和抹茶牛奶，只是辻利的甜品卻是無緣一嚐。如今辻利茶舖要進駐香港，當然引來一眾茶迷的注視吧！ 除了可一試辻利的甜品外，更期待的是可以入手茶葉呢！傍晚前來屬非繁忙時段，幾乎是不用排隊。窄長的店面並没有設堂食位置，只有淺窄的桌面予客人立食之用，故絶大部分客人都是選擇外帶的。下單、取物櫃檯十分淺窄，餐牌懸掛得高高的選餐甚不方便，店員亦没有伸出援手。考量到是夜的飯局，明知雪糕新地是必食之選，卻選了自我感覺較輕怡的抹茶牛奶沙冰配牛奶雪糕($58)。原本屬意抹茶雪糕，亦一廂情願地以為抹茶牛奶就是配抹茶雪糕無疑，到店員遞來的沙冰是配牛奶雪糕確是有點失望，而店員的回應是冷冷的説沒有特別指明便是配牛奶口味的，説到底還是自己没把餐牌看個透徹。沙冰捧在手上是沉甸甸的，看來我是估計錯誤了，也許這沙冰會比雪糕新地更飽肚。還為着吃不到抹茶雪糕而若有所失，那牛奶雪糕卻意外地濃厚幼滑，那濃濃奶香是來自北海道8.0牛奶，連一向不愛牛奶的我也覺美味。牛奶雪糕份量不算少，

經過IFC，忽然抹茶癮發作，當然要試吓「辻利茶鋪」這間宇治過江龍的抹茶甜品。這間日本過江龍只做外賣，店旁有少許像吧枱位置的地方讓客人站著即食。這天嘗了一個此店限定的窩夫新地，賣相不俗但份量真係少了一點，新地入面那個抹茶雪糕唔錯，茶味幾突出，配合的紅豆及丸子亦佳，甜度剛好，純以味道來說都屬中上。不過在只能立食的情況下收近八十元，雖然在IFC這個貴租地方也預左這價錢，但由於性價比不高，應屬試過便算之作也。

幾年前去京都因一盒濃厚抺茶味既餅而認識"辻利"這老字號,  不過在京都有不同名既辻利, 賣既產品都有不同, 所以抺茶味濃度都不同, 上網翻查應該是系出同源後分支出來的.  我喜歡的抺茶餅出於"宇治辻利".   她和其他辻利 - "祗園"/"茶寮都里路"/"Tsujiri茶鋪"都有雪糕甜品, 大家味道款式近似...... 而登陸香港既"Tsujiri辻利茶鋪"就是台北SOGO也有分店, 雖然價錢比日本/台灣更貴, 但都要一試.   中午飯前來不用排隊, 點選了"辻利新地", 份量不多, 等於麥噹噹新地杯SIZE, 價錢是$68 (哈, 仲貴過食正餐, 抺茶控就是這樣豪爽).    抺茶軟雪糕顏色偏淺, 但卻聞到好香烘茶味, 一入口, 奇怪! 味蕾嚐不出太大茶甘味, 究竟香味從哪裡來呢?  用上北海道濃厚8.0牛奶既質地一定好軟滑厚實, 其他配料不多評論, 因為最想推介是底層既焙茶脆米, 我既味蕾頓時醒晒, 不是一般抺茶雪糕店既早餐脆米, 就像在宇治街頭四圍都會聞到既濃烈煎茶味道, 很香很脆, 比抺茶雪糕更大茶味.  (補充: 雪糕是12月初食的, 現在店舖已將威化餅轉了蛋糕卷)外賣抺茶蛋