辻利茶舗 (已結業)

雖然還有兩天便是中秋，天氣卻仍然燠熱難當，讓人心頭鬱悶，想找一股清泉讓自己涼快流快一番。 這一日，在中環國際金融中心 IFC蹓躂的我，路過這間來自日本京都的名店，雖然商場內冷氣開放，仍然忍不住買來雪糕與沙冰，好讓自己與老婆仔得到雙倍的清涼感受。 店舖不大，而且沒有堂食座位，買來雪糕與沙冰之後，最方便享用的地方，便是在店舖旁邊的一個供顧客吃東西的地方立食。老婆仔吃的是抹茶 + 焙茶雙重口味的「辻利軟雪糕」（$42），我喝的則是抹茶牛奶味的「辻利沙冰」（$46，如加牛奶雪糕，需另加$22 ），而當然，我們都有分甘同味。 「辻利沙冰」很不錯，抹茶味與牛奶味平衡得甚好，有苦味而不澀，有甜味而不膩，喝著它，感覺冰凍涼快，十分受用。「辻利軟雪糕」集兩種茶於一身，我雖只嚐了數口，也覺得味道不俗，茶味適中，再加上脆脆的威化筒，又是另一樣美味的飯後甜品。有如清泉般的軟雪糕與沙冰，正好為身處炎熱如夏日的秋日裡的我降降溫。

說起焙茶雪糕，我第一次接觸應該是4年前在京都嵐山一間小店。當時非常寒冷，但雪糕真是好香，好濃味，而且好滑。而近期在香港試過的焙茶雪糕亦沒有令我失望，因此我對這間的抱有好大期望。開價都是和一般專賣抹茶的店舖差不多，特別之處是有抹茶焙茶扭紋。對於一位好喜歡吃抹茶同焙茶並有選擇困難症的我，這裡真是非常體貼。 不過我認為這個軟雪糕中抹茶不太濃，對於抹茶控來說確實有點失望。反相焙茶味相對濃郁，兩者口味都不會太甜，且奶味不是太多。有點不明白的地方是，真的用了8.0牛乳製作雪糕嗎，何解沒有creamy 的感覺呢？所以我覺得是比市面上其他的抹茶雪糕較健康，可惜不夠吸引吧，自古都是不健康的食物才受歡迎吧！

講起焙茶雪糕，除左尖沙咁嘅中XXX同埋Via XXXXX之外，好多人都會提起辻利茶舗。今日同朋友黎到IFC試一試！鋪頭只供外賣，沒有堂食。外面有少少比人企嘅位置。我地叫左一個焙茶雪糕，另加$12，配上白玉同紅豆。雪糕用左北海道8.0牛奶製成，所以非常幼滑。焙茶味道恰到好處，唔會被奶味或甜味蓋過，係抹茶雪糕以外一個好選擇。

依間係由日本開到來香港嘅甜品店，加上朋友極力推介，所以都好期待。鋪頭開係IFC一個唔太起眼嘅地方，以為會好多人排隊，但係去到嘅時候可能因為係晚飯時間，所以一個人都冇。店面好有日本feel，側邊有個吧枱俾人企喺度食。叫咗朋友推介嘅焙茶軟雪糕($42),果然茶味香濃，比起好多人排隊嘅via Tokyo更加值得推介。雖然用咗8.0北海道牛奶，不過冰感較重，略嫌唔夠creamy。而個cone好香脆，好香牛油味。

百年老舖佔據埋九龍區，早前先係中環食左而家觀塘又開埋，而家真係港島九龍都食到咁方便呀！今次都係介紹番IFC果一間先。用左古老式既茶盒設計，放出黎古式得黎又好有茶舖feel，望埋去都幾有特式。當然唔少得既就係招牌喇，用左木做既招牌好有古老既氣色。當然唔少得就係一系列既茶品有得賣喇，鍾意飲抹茶既朋友可以黎掃貨。抹茶店當然要食最純粹既《辻利軟雪糕》($42)，真係溶得勁快，抹茶味唔係真係好濃冰感重，仲有窩夫同蛋卷都可以一試。店名: 辻利茶舖地址: 中環港景街1號國際金融中心3樓3012號觀塘觀塘道418號創紀之城五期apm2樓8號

焙茶雪糕 $42算係冰感比較重 都幾大支夏天食透心涼😌茶味都重 愈食茶味愈出 覺得愈好食😍而且唔係奶味重個種 對比平日食既 呢個吸引啲唔會太快溶🙈🙈都唔錯😋評分: 8.5/10🌟

鍾意食抺茶又點可以錯失呢間百年京都老店呢，雖然已經開左一段時間，但無奈我什小出去中環，今日終於行過，決定一試。其實食之前都搵過，睇下其他人既食評，大概都係評價一般/普通，但未試過又點知佢到底是真是假呢( ̀⌄ ́)！於是抱住大大的好奇心一試～OMG ! 原來大家所講既都係真😂TOPPING唔要好過要🙄🙄搞到浪費左26$，雖然加左真係落得幾足料，但問題係全部都唔好食🤢。雪糕方面，只能說OK，未到非試不可的程度。

愈來愈多抹茶店在香港立足，抹茶愛好者有更多的選擇可挑選，但似乎水準是高下立見。這款是IFC限定的雪糕，見配料組合不錯，便嘗一嘗，可是要失望了。首先，抹茶雪糕是主角，但它的抹茶味比香港其他抹茶甜品店的出品為淡，而且質感可嘗到幼細冰感，不及它店的軟滑。再者，它位於冷氣商場內，但溶的速度有點快，從雪糕到手至攝影的時間僅30秒，已開始溶化。不過，旁邊的卷蛋值得一讚，蛋糕鬆軟，忌廉幼滑而不過於甜膩。紅豆沙為罐頭貨色，過甜。白玉中規中矩。抹茶寒天頗好吃，但它佔滿了雪糕的底部，略嫌有充高度之嫌。順帶一提，窩夫是淋的，差評。另一杯雪糕，朋友頗喜歡它的脆米，厥餅頗煙韌，其他的問題如上。

去親日本，周圍既便利商店都好容易見到「辻利」既飲料或雪條，呢個牌子幾乎個個都會知道。心諗，百年老店出既抹茶雪糕應該都會有返咁上下質素保證。而且，咁熱既天氣都係忍唔住要食啲冰品降下溫。去到辻利，睇一睇個menu，定價都比較高。一般抹茶雪糕都係索價三十多元，呢度要四十以上。IFC限定窩夫新地 ($78)既然一場來到，貴一貴都試下。於是揀左個有幾樣配料的窩夫新地。先講抹茶雪糕，入口非常淡，抹茶味唔突出，一點抹茶的甘香都無，完完全全被牛奶味掩蓋。質感不是厚身的那種，而且容易溶掉。配料同樣的糟糕，白玉糊口不煙韌；卷蛋軟身，但味道平平無奇；抹茶茶凍口感似大菜糕，又淡而無味...總結黎講，呢度既抹茶出品同我預期中好大出入，本以為抹茶雪糕的味道會又濃又甘，點知茶味不見蹤影。索價高，但價錢同質素好像不太成正比，有點失望呢。

友人前來探望，買了數盒布甸，外表精緻，每杯布甸附送一枝木製薄匙，頗有特色。抹茶布甸上面舖滿大大粒綠茶粉末碎，咬落已經有很濃郁的綠茶味，再加上香滑綠茶布甸，感覺清新。至於焙茶布甸，亦有很濃郁的茶味，可惜配上布甸，感覺怪怪，不太好味。

日本京都有好多motcha老店🇯🇵 又多一間黎到香港 超過150年歷史🍵 其實每次行親ifc都會走上黎買雪糕 好似成個細路仔咁🙈 店旁邊設有少量企位 通常我都係take away- matcha and milk waffle sundae hkd$78我最鍾意食既 就係ifc限定既waffle🍦 motcha加紅豆永遠都係perfect match🙆🏼 份量唔算太大 雪糕係用北海道8.0既牛奶整 奶味比較重 質感好軟滑 好好味🥛

今日食完飯就決定搵甜品食！呢間係日本好出名，難得係香港開鋪，梗係要試下啦！如圖中所見，呢杯甜品分為三層。第一層為綠茶雪糕。綠茶味唔算重，反而重奶味。第二層係cream，我唔係幾鍾意食cream，好後悔冇嗌到走cream！等三層係啫喱，配雪糕一流。整體而言，不過不失，不算十分有驚喜。

抹茶焙茶雪糕 $42.偶然行過。但好多人排隊就走左🙇🏻食完飯返黎就發現人影都冇唔使排 所以我用左$42去試下😎.冰感重 十分適合夏天食用 透心涼😊茶味好重 冇乜奶味 但偏甜 不過我覺得ok既 其實食左咁多間又真係唔覺佢好突出🙇🏻但價錢又不是偏貴可以一試既.試過就算

#fridayla_central⠀⠀⠀⠀⠀⠀⠀⠀🍀☘辻利抹茶卷蛋🍵🍀☘🔸🔸🔸🔸🔸🔸🔸🔸🔸🔸🔸🔸🔸🔸🔸🔸🍀☘TSUJIRI Matcha Roll Cake🍵🍀☘🔸🔸🔸🔸🔸🔸🔸🔸🔸🔸🔸🔸🔸🔸🔸🔸 ⠀⠀⠀⠀⠀⠀⠀⠀作為抹茶既忠實擁躉😎由京都翻到黎香港後，都要定期去買翻D抹茶甜品🏃🏃回味一番😋一向都超最中意香港呢間辻利既抹茶，香而不膩！今日趁L小姐唔系香港🤣梗系買翻個抹茶卷蛋，食個夠本🤤🤤⠀⠀⠀⠀⠀⠀⠀⠀⠀⠀⠀⠀⠀⠀⠀💘💘💘慢慢品，快快評💘💘💘⠀⠀⠀⠀⠀⠀⠀⠀⠀⠀⠀⠀⠀⠀1️⃣ 辻利抹茶卷蛋💲198💭外層既蛋糕蓬鬆，有一定密度，但唔會太硬😚💭核心既抹茶忌廉，香濃幼滑而有回甘🤤💭記住買翻黎雪多陣，口味更佳！⠀⠀⠀⠀⠀⠀⠀⠀⠀⠀⠀⠀⠀⠀⠀◤TSUJIRI 辻利茶舖◥ ⠀ ⠀🔹🔹🔹🔹🔹🔹🔹🔹🔹🔹🔹🔹🔹🔹🔹🗺️∶中環港景街1號國際金融中心3樓3012號舖🍟Food：🔥🔥🔥🔥🔥💯🎆Mood：🔥🔥🔥💰痛快度：🔥🔥🔥🔥💯🤡趣味度：🔥🔥🔥🔹🔹🔹🔹🔹🔹🔹🔹🔹🔹🔹🔹🔹🔹🔹請follow Instagram ac：Fridaylahkhttps://www.instagram.com/fridaylahk/謝謝支持😁

天氣甘熱 最鐘意就係行商場 吾洗係街到行到身水身汗 係商場有埋甜品店 仲要係我喜歡既抹茶 一次過滿足曬三個願望啦！雖然無得坐 但每次到中環食完飯都會黎呢到食翻個甜品先叫滿足。IFC限定窩夫新地 ($78)雖然比想像中細， 但份量都不輸蝕。窩夫內的雪糕我選擇了抹茶及焙茶，兩者十分配合(抹茶帶有微微的茶香味，而焙茶亦能減低甜品的衝擊)還有卷蛋，抹茶啫哩，白玉丸子，紅豆蓉及忌廉等。抹茶牛奶沙冰配牛奶雪糕 ($48+22) 相反，呢杯份量不會太少。沙冰上的便是牛奶雪糕，原來是來自北海道0.8牛奶，難怪每一口都那麼香濃。價錢說真的不太便宜 但對於愛吃抹茶的人 要嘗一口。