迎月小菜館 (已結業)

現今新世代對愛情興玩七日鮮, 有時候得知友人有拖拍, 但恭喜都來不及說轉個頭居然便說巳經分手回復單身一族. 當然現在時代不一樣, 女強人/男強人滿街多的是, 單身有時也未嘗不是好事. 不過回看我們上一代做父母的, 那時候生活跟愛情觀也較含蓄, 分手離婚這些說話哪會常掛咀邊? 爸爸媽媽就是為了家庭, 為了生活, 兩口子互相忍讓, 融融合合的來到了今天的三十五結婚周年. 作為他們辛勞製成出來的結精品 - 宅女和姊妹們, 這天當然要好好的跟他們慶祝一下. 不過爸媽愛低調, 說不要我們太花錢, 也不要去酒店或高級餐廳, 只想在家附近那區找點吃的, 一家人齊整吃頓飯就滿足了. 因此宅女最後選了這家離我們較近, 風評也算不錯的中菜小館試試看.這家迎月小菜館位於新蒲崗景福街, 其實就在文理書院對面, 再走前一點斜對面就是MIKIKI, 找起來其實不算難, 不過入夜後這邊就有點靜. 因為怕假日會人多, 所以宅女預先巳訂好位, 也問問店員有沒有什麼小菜是需要預訂的? 不過店員說他們的招牌菜一般都不用訂.我們晚上7時左右來到, 看見店內的食客仍不算多, 只有4-5枱客, 可能真的是地點較偏的關係吧. 不過

剛接完機番出市區，落巴士行不遠就到。9點幾又有行李，當然唔想去間多人。所以就黎左呢間。9點幾都只係淨幾圍枱。叫左個魚湯香菜仔，煎焗魚咀煲同一個沙拉骨。一坐低有小碟青瓜。好味，不過份量太小。等左唔洗好耐就有餸，先來了一碟菜。味道不錯，唔會太鹹但又夠味。之後個魚咀煲，好香又香口。我唔太喜歡食多骨的魚都食到一整件魚頭，真係幾好味。沙拉骨就一般，份量少左啲，而且肉質唔夠林。骨太多，冇咩肉食。平時都唔多用牙簽的我都因為呢個沙拉骨用左2支牙簽。最後有糖水送，綠豆沙，唔太甜，幾好。整體來說，以呢個味道又唔洗同人迫，很不錯。如在呢頭食飯都會選擇再去。

今日媽媽竟然話出去晚餐~~仲同埋親友一齊食原來係出發去新蒲崗, 順便去參觀下堂哥既新辦公室~上去坐完, 堂哥就提議去食呢間迎月其實之前我都曾經黎食過午餐, 因為媽媽就係附近工廠返工但就未試過食小菜喇, 今晚終於可以一試!今次由堂哥發板, 本來好想叫辣酒煮花螺既佢見到今晚既孖寶餐, 就轉左馱喇, 哈哈!!!我地就叫左TOTAL 6 樣野~第一樣登場係黃金蝦!呢個黃金蝦就比較濕, 冇好似南山村個間整得咁乾身...不過個縠上面既味道就非常好, 好香蛋黃味呀!!真係要LAM乾淨個蝦殼先得咬開蝦身, 反而就冇咩味道...不過蝦肉都好爽口,同埋中型SIZE, 啖啖肉!!第二樣係孖寶餐既 - 避風塘魷魚拼鱔條一黎到, 除左紅色一大遍既辣椒同蒜粒, 真係乜都睇唔到XDD隔開少少D配料, ER...好似唔太搵到D主角喎...魷魚都搵到3-4條, 但鱔就真係完全失蹤左喎!!!得返D蝦乾同腰果.....呢個菜當小食送啤酒過下口癮就好, 但要送飯真係完全失敗了!!!說好的鱔條呢!?!?!??! 第三味既哥哥推介既南乳雞!!當佢黎到既樣, 同我想像既有D唔一樣喎我仲以為好似人地D咩風沙雞個D, 見到骨, 斬開一

數新蒲崗區既有名又好吃的吃中菜的地方，「得龍大飯店」一定榜上有名，但原來就在「得龍」附近的「迎月小菜館」的中式小菜水準也挺不錯。這一夜，我就與太座兩人來到這間名氣遠遜「得龍」，但食物水準卻並不遜色的中菜小館吃了一頓蠻滿意的晚餐。店不難找，就在新蒲崗最新的商場 Mikiki 後面的景福街不遠處。店子地方雖不太大，可也不小，不過二人桌子則不太多，幸好我倆仍能即時找到一張二人桌子坐下。這間小館子的招牌菜式都有幾多，包括「必食四大名菜」和「六大皇牌」。這夜我們只得兩個人，太座的胃納又不大，所以只是叫了「六大皇牌」中的「燒汁雜菌牛柳粒」和一道「至尊精選」海鮮菜式「花雕蛋白蒸龍躉球」佐飯而已。先來前菜「辣青瓜」（$8）一碟，微辣的味道，爽脆的口感，都幾開胃。「燒汁雜菌牛柳粒」（$82）的牛柳粒切得頗為大件，肉質不錯，嫩而不韌，燒汁味道甚佳，主角的牛柳與配角的雜菌和翠玉瓜，在沾上濃郁惹味的燒汁後，頗為美味。「花雕蛋白蒸龍躉球」（$128）的份量比預期中多，蒸蛋白火候控制頗佳，口感頗為嫩滑，花雕味則不太濃，只在最初上桌時較強烈感覺到，相信下的花雕份量不太多。龍躉魚肉約有八件左右，切得較為薄身，肉質尚佳

又到星期六晚, 係時候出動搵o野食. 睇o左一大輪openrice, 最終揀o左呢間迎月小菜館.決定o左就拿拿聲出發. 因為要ja車去, 所以事前要check定carpark資料. 最近可以泊mikiki, 響正對面. 另外有個空地車場, 行兩三分鐘, 但就平d, $10個鐘.7點正去到, 比我想像中多人. 無乜吉位但亦唔算噓陷, 無訂位但兩位即有. 餐牌食物選擇都幾多, 但兩個人叫送食飯確實係有d難度.最後叫o左: 椒鹽鮮魷, 豉椒炒聖子, 豉油皇中蝦, 同je je唐生菜煲.椒鹽鮮魷, 賣相有別一般o既椒鹽鮮魷, 一舊舊好似縮水麥樂雞o甘. 你又唔好睇佢樣衰衰o甘, 查實都幾好味! 魷魚新鮮, 出面層粉一d都唔厚仲幾脆口! 好食!!! 豉椒炒聖子, 聖子新鮮但偏咸, ok啦.豉油皇中蝦. 原本餐牌係虎蝦, 但亞哥仔話今日得中蝦無虎蝦, o甘咪要中蝦囉, 當然價錢會平返少少啦. 賣相都唔錯, 蝦亦唔細隻, 但我同老婆一人食o左一隻就無食喇, 因為d蝦唔係好新鮮, 梅梅地. 好在同老闆反映之後佢都肯退, 叫我地叫過第二樣O野食.之後我地叫o左個例湯, 係粉葛豬骨湯. 足料無味精. 但

鬆弛是夜想吃小炒，就由他決定要到那裡吃，他在開飯網搜尋後的結果是到新蒲崗一家風評不錯的小菜館。週日的晚上，也差不多快將九點，店裡面只有一檯客人，心想客人那麼少，不知道會不會中伏，所以一開始還在猶疑到底要不要進去，不過肚子開始有點餓，已經沒有力氣再找另一家，而且這裡有電視看，最後還是進去坐下。我們選擇了近窗的卡座，座位寬敞。店員拿來熱水和一碟綠色的梅子，這種餐前小吃我還是第一次見到，脆脆酸酸的，我覺得比酸蕎頭好吃。家裡經常會煲湯水，不過老人家比較喜歡清淡，煲湯喜歡用魚，可惜我就是不太愛喝魚湯，所以一有機會去小炒店，我都會點老火湯。是日靚湯是章魚節瓜湯，兩個人點小的剛剛好，每人可以分到兩碗半。值得一讚的是湯非常夠熱，裡面的節瓜很多，我超級喜歡吃煲腍了的節瓜，很入味，另外湯很夠味但應該沒有加味精，否則一定會被鬆弛發現的。本來鬆弛看到板子上的宵夜特價小菜才點這個雞煲的，不過到後來付錢時才發現那個宵夜特價小菜只是星期一至五的，所以想要點的朋友要小心留意。上檯時滋滋聲，這個香辣雞煲跟平常吃的重慶雞煲完全不同，是一個餸，並不是吃過雞之後用來吃火鍋的。雞煲的醬汁不多，不過雞肉很入味，而且大部份都沒有骨

新蒲崗是很有歷史的工廠區... 交通不是十分便捷.. 沒有甚麼地方逛... 也沒有甚麼地方出了名好吃.. 會令人一吃再吃的衝動.. 想不到.. 這裏出現了我們的「飯堂」, 那就是迎月小菜館....做得「飯堂」, 絛件1. 款式多.... 至少.. 可以符合大部人的口味... 2. 價錢相宜... 至少.. 吃多幾次也不會肉痛吧...3. 地點便捷... 對我們來說..地點算是方便的...4. 水準 ... 水準穩定對一個成為飯堂是最重要原素.. 大部份的餸菜也保持一貫不錯水準.. 很不錯~~~開業原來已經有兩年了... 蝦醬魚卜有點點的蝦醬, 沒有腥味.. 不「UN」魚卜. 用砂鍋上... 很香, 正.. 和風燒汁牛柳粒香滑牛柳粒, 加上翠玉瓜, 夠鑊氣.. 好味道... 銅盤雞用銅盤盛裝的雞件, 加上調味.. 用來蒸.. 很不錯~~~~~ 迎月小炒皇香味濃郁, 加上蝦乾, 好味道.. 避風塘雙霸雙霸是指炸鱔及鮮魷, 以避風塘的炒法, 乾身無油, 而且甚辣... 香蒜送飯, 食多幾啖~~~ 哈哈.. 啫啫梅菜康生菜本來很清的一味餸, 因為啫啫.. 令

最近在網上尋找新餐廳時，發現新蒲崗地區靜靜起革命，越來越多食肆進駐當區，無論西式及中式比比皆是，除了區內的龍頭一哥得龍大飯店外，其餘的老牌食店如暌記等都客似雲來，就在他們的不遠處，有一間門面光鮮的小菜館，名叫迎月，相當詩情畫意。這間小菜館面積不大，有幾張大枱及拾數張四人枱，但亦保留了相當闊的空間，所以感覺也十分舒適。店內以小炒聞名，牆壁上也貼滿了藝人與老闆的合照，使這間小菜館更令人添加了信心。當天我與朋友二人也來湊湊熱鬧，幸好是星期日的關係，並不是太多客人，很快便有座位。試了數款招牌菜式，賣相與味道也有一定的實力。本人欣賞小店的作風，能將不同地方的風格放在一起。那一味避風塘雙霸，媃合了港式及台式風味，有避風塘的炸蒜，但又有些許台式麻辣的影子，惹味之餘，也有四川的麻痺感覺，最後還有微量的甜味。雖然味道還好，可是這一味包含了魷魚及鱔條的小菜，有一個致命點，魷魚相對地切得太細小，令烹調後出現靱的質感。特式沙拉骨也有同一個致命點，就是排骨炸得太乾，令到肉質非常之硬。這裡的調味算是不錯，與坊間不同的是沙律醬是經過炒製，再與排骨拌勻。雖然香口，可是肉質方面已經扣了不少分。最後的話梅豬手煲是值得推介

某日在銅鑼灣街頭碰見從前的roommate。好久不見，索性站着暢談一番。談笑之間，舊房友忽說道最近經常到新蒲崗一間新中菜館的水準很不錯。登時想起每次到SKP都是到老店得龍吃，有點生悶。今次老友提議試新東西，正合小弟之脾胃也....店子是典型小菜館格局，裝修也見乾淨企理。於這環境底下，叫三兩味家常小炒來送白飯吃，自然就最穩陣不過....先來是碩大一煲薑葱焗魚雲。薑片及葱段夠多及熱騰騰的上桌已是先聲奪人，香氣登時撲鼻而來。魚雲經走油後骨是脆得吞下肚子，魚肉鮮嫩，膠質極豐的"雲"吃時雖很像在吃鼻涕一般的嘔心之物，但懂吃之人一食便知是極品，比肉好吃得多了.....要吃小炒，當然要叫小炒皇。這裡的小炒皇跟平常在牌檔吃的用料都是那幾款如腰果、西芹、馬蹄、肉粒及蝦乾，不過論鑊氣及味道，這兒吃到的比牌檔也是不遑多讓 ---- 腰果夠香夠脆口，馬蹄及西芹皆見爽口，蝦乾大條之餘亦見鮮味，唯一失色是油了一點，不然就是超水準之作.....既然吃過了一味甚油之物，接着的梅菜蒸菜心就包保能消消滯了。梅菜味一點也不鹹，帶少許甜極能下飯；菜心亦頗嫩，結果便是連吃白飯三大口....話梅豬手煲又是另一"送飯之王"。話梅粒

有天朋友生日,經朋友介紹,到了新蒲崗一間小菜館試菜,雖然交通較不便, 不過經過一試之後, 大家也認為值得值得! 當天我們7點到達,可能時間還早, 店員給我們大顆兒一間房, 環境舒適清潔 ,有電視 , 溫馨溫馨!首先第一道菜, 淮香虾 , 味道有點像街外既黃金虾, 但沒有黃金虾既油膩, 我們食完後, 碟是沒有油的, 用來送酒, 非常合適 !第二道菜, 避風塘雙霸, 所謂雙霸, 是鮮魷和鱔片,但小弟不好辣, 所以沒有品嘗,但朋友們都大讚這道菜超正, 配搭新鮮!第三道菜, 豉汁蒸鱔, 這菜式的白鱔和豉汁恰到好處, 白鱔非常鮮味!第四道菜, 小弟認為是全晚既主角------煎焗魚咀, 魚咀外脆內滑,魚咀和炸蒜子配搭非常特出, 不過由於一煲只有四個,所謂手快有手慢冇, 小弟食到一半先發覺忘記影相, 所以想試既朋友要自己親身試味!不過這道菜真係一個字, 正!第五道菜是店員推介 ------銅盤雞, 特式是用銅盤 , 感覺懷舊, 滑雞與冬菜紅棗相伴,味道清新, 有水準, 果然是該店名菜!所謂壓軸登埸, 當然是重點推介----------避風塘炒蟹 , 不油不膩 , 蟹身多肉 , 炒得非常乾身 , 最

公公生日，一行十多人去食，呢間野出面睇落同普通晚飯的小菜館無異，第一個感覺干干淨淨，簡簡單單。坐落就覺得好有驚喜，因為第一啖的茶己經好好味，我吾知咩茶，淨係覺得好好味。好香。因為一早book左位，佢地留左間獨立房間畀我地開餐，仲有電視機tim。黎左好多樣野食都覺得野食好好食~ 感覺同一般小菜館好吾同~ 我地預先叫左條魚，平時無家，預先訂就有啦~ yeah! 我最鍾意個蒸旦,小炒皇，同埋焗魚頭~ 我本身吾鍾意魚，都覺得魚頭好好食! 讚!仲有個好正的壽包~! 唯一吾好就係吾係太就腳，係新蒲崗，不過呢真係好有heart的食店!