迦拿名薈 (已結業)

附近上班一族分享，上一手「尚宴」，出名好難食。新手頂舖後，重新聘請廚房師傅，今次幫襯，有驚喜。我哋四大人一BB ,叫咗好多嘢食，以下是我印象比較深刻的。「龍躉涼瓜炒飯」服務員極力推介，抵食炒飯，只係＄68 ,大大碟，非常抵食又好味。「椰香芋蓉煎堆仔」第一次食芋頭粒粒做涵嘅煎堆仔，感覺新鮮。不過本人還是喜歡傳統芝麻蓉或者豆沙涵。「北菇蝦干浸魚肚」魚肚好入味，好好食。「豉汁煎釀茄子」茄子大大隻，唔會煎到燶晒，釀得好入味，好食！開業優惠，整個四月早、午市都免茶介。我哋叫咗好多嘢食，食到勁飽，每人都只係$60零蚊，非常抵食！*酒樓有提供BB櫈。

近日家中寶貝又話去「尚宴」(貪佢唔使排隊😆😆)，自然無期望(就唔會失望😅)，點知個個食完都話進步咗，細問原來剛轉手(但點心紙仲未改名🤔🤔) 雖然唔講得話好食到識飛，但見樣樣都有進步，所以嚟評一下:👍👍👍👍👍叉燒腸，皮有微彈性，擺盤見有心思💕❤👍👍👍👍燒賣，飲茶必食😄👍👍👍蟲草花鮮竹卷，味道清新，上湯好喝，但腐皮稍削欠豆香👍👍👍山竹牛肉，上枱見到條黃芽白，心已經一沉，如撇除條菜，牛肉整味道不錯👍👍燒鴨米，鴨皮香脆，如能分開上，就能保持皮脆肉嫰，咁就更好喇🙋‍♀️🙋‍♀️雖然並非每種點心都有驚喜，但好味已經令我不擔心回頭，期望下次再試其他吧💪💪💪