迦拿名薈 (已結業)

身為觀塘人，晚飯多數在apm附近解決。 媽媽今晚提議到和apm相連的鱷魚恤中心9/F的<迦拿名薈>吃飯。上網見新裝修的確好靚，紫色做主色嘅裝修加上閃令令水晶吊燈，無論請客聚會，婚宴擺酒都非常適合。而且仲有超級大電視，適逢最近世界盃，大大個芒睇波最正。晚飯時間非常多人，建議先打來訂座。特設有晚飯套餐，低至200多元就有交易，確實超值。如果套餐唔啱食都可以散叫，多款精選小菜都不超過一百元，價錢超值。亦有多款海鮮選擇，價錢亦非常超值選擇繁多，開始有點花多眼亂幸好有媽媽揸主意吃什麼，有媽的孩子像個寶。<西芹百合小雲耳>簡簡單單的一個小菜，清爽不油膩，加上有甜甜的百合片，絕對是健康之選。💪💪💪<風味煎鹹鮮倉魚>大廚先把蒼魚切成一段段，以便每段都煎得乾爽香脆。上菜的時候侍應先生還會幫忙把他們分開，非常貼心。鹹香並重的倉魚煎得乾爽香脆不油膩，非常適合後生仔的口味。<脆皮燒鷄>半隻的燒雞分量也不少，而且燒得非常之靚！！外皮乾爽香脆，雞肉的肉質依然保持嫩滑，是酒家的大火爐才可以做到的爐燒效果，必試之選。連加一後約300元結賬，免收茶芥，非常

嚟到呢格lift最高嘅一層，下面有好多酒樓都好多人出，心諗咁大競爭都做得起，梗係幾掂叫咗啲小菜食，第一個係呢個秘製欖角冰梅骨，一聽個名就知道係功夫菜六舊大大舊嘅排骨好精緻，一人一舊啱啱好下面有啲蘿蔔苗，上面有醬汁，睇得出係醃過再煮欖角嘅味道都幾突出，而且用咗冰糖同梅子醬去煮，食落甜甜哋，好開胃排骨都好靚，肉質軟淋，容易咬開醃得好入味，搞到我哋個個係度吮骨，daddy媽咪都讚不絕口另外叫咗個$138嘅孖寶，有呢個香煎咸鮮倉魚，師傅已經斬開咗，方便夾好特別，平時嚟親酒樓食魚，都一定係會嗌清蒸今次呢個煮法嘅黃「魚立」鎗既帶有咸香，又不失鮮美入面嘅魚肉都仲係幾嫩滑，魚皮又炸得香口，啱哂我哋呢啲鐘意香口嘢食嘅後生仔女個 menu好似係新嘅，仲印住父親節快樂添xd

一家人嚟食晚飯，有啲放工遲到，人唔齊都照入嚟坐底落咗單先，到人齊，先再叫侍應用call機起菜首先上嘅係上湯蒜子浸莧菜蒜子好香，明顯有爆香過，味道夠哂濃，成粒食啱哂重口味嘅人士莧菜好靚夠新鮮，上湯灼過仲係青靚白淨味道較淡，但好清甜因為莧菜比較多葉，所以好快就食哂可以就咁食菜，又可以同蒜仔一齊食茶同水都有店員好勤力更換呢度嘅客人都算多，睇嚟嘢食質素有返咁上下保證晏少少上菜嘅係，上湯焗波士頓龍蝦伊麵龍蝦份量都幾足，多肉食，啲殼扑開哂新鮮爽口，龍蝦肉一梳梳咁，都幾彈牙上湯醬汁幾入味，伊麵夠彈牙，唔會煮得太淋最後食哂啲菜式，紅豆沙係送嘅，有起沙，味道又夠香，食得出有落陳皮去煲都有好多粒粒紅豆，甜度適中，食埋就真係飽哂好滿足

父親節嚟酒樓食飯，始終老一輩都係鐘意食酒樓嘅嘢食，簡單嘅菜式，圓圓嘅餐檯，已經係好好嘅慶祝呢度比起想像中冇咁多人，我哋首先叫咗燒味部嘅蜜汁叉燒皇蜜汁燒得好靚，表面好光亮，但又唔油膩唔知係咪父親節嘅關係，連伴碟嘅紅辣椒都呈心型狀，好靚，就好似特地為父親節晚飯而預備嘅小心意叉燒好靚，位置肥瘦適中，肉質嫩滑外表燒得紅糟色，加上蜜汁確係甜美叉燒嘅油份適中，咬落去又唔會成口油，係幾美味嘅西芹白合小雲耳炒得好翠綠西芹好青翠爽口，小雲耳細細粒，一口一顆仲有好多薑片，蔥段，等等......炒落唔會太鹹，好快一人一啖就食哂其實酒樓都有父親節餐，但係因為他們食唔多嘢，最後都係揀咗散嗌都估唔到啲嘢幾好食，小菜都好味，食到我哋碟都清哂

Cana Banquet is located at Crocodile Centre, easily accessible from Kwun Tong APM. The whole building is housed with Chinese restaurant and was quite crowded on Sunday lunch hour. Cana Banquet offers average but affordable dim sum. Two of us had a full lunch at around $120 per head.EggplantA bit oily in Chinese style.Mushroom bun with truffleThe bun is visually appealing with precise imitation of mushroom. A bit dry outside but I guess it has to be dry for precise imitation of the fleshy, spore-

睇食評好似講到呢間野好伏，搞到我好擔心會貼錢買難受，點知又唔係咁差咋喎-- 一去到有d嚇親，成個場冇乜人，得幾枱人，我地任坐咁濟。佢既冷氣好大，佢地唔知點解勁熱心咁幫我換枱😅（唔慣茶樓既人服務態度咁好啊）XO醬珍菌雙蚌張相明明係西蘭花，但係變左西芹唔食西芹既我地變左大哂鬼，剩返哂成碟西芹。雙蚌好大隻，份量都好夠，每個人食左至少6,7舊，都算鮮甜用XO醬炒珍菌，超級入味，惹味-聖子皇個經理係咁介紹聖子皇，我地受唔住佢既攻勢，叫左。上到枱，好大隻呢‼️蒸得唔錯，唔會太老，爽口之餘唔會咬唔開。蒜蓉粉絲冇得輸啦！-酥炸美國桶蠔個size令人好驚喜，桶蠔大大隻，真係要咬好多啖先食哂一隻佢既炸粉做得幾好，薄身又脆。蠔冇乜腥味，不過好似好多💩我地唔敢食入口，食到果d位，都吐返出黎-上湯/鼓油皇煎米粉我地見食評有人食過鼓油皇大蝦煎米粉，覺得好吸引，問左個經理，佢話冇呢樣野，得福建煎米粉，跟住話我地想食，都可以整到鼓油皇大蝦，仲話d蝦好新鮮，咁我地就姑且信下佢啦。點知❗️黎到又係同張圖唔一樣，呢個明明係上湯大蝦煎米粉，同鼓油皇完全扯唔上關係算啦，我地照食，錯有錯著，我地反而覺得咁樣煮更好食，鼓油皇應該會太咸

依排又黎係觀塘搵新野食，雖則觀塘好多酒樓，尤其係鱷魚卹根本成層樓都係酒樓，競爭咁大都敢開肯定有返咁上下質素，其實到寫依篇野我已經食左兩次，午餐同下午茶，酒樓點心菜式都大同小異無可比之處，要比就要比新鮮同味道，依兩樣我俾佢好高分數，而且可能因為佢新開要宣傳，價錢相對平，依家仲送D午市晚市現金劵，黎緊父親節會同屋企人去試埋個晚市，另外服務都幾親民，個女經理都落手落腳做態度我個人覺得幾好，我去兩次都見到佢，都會同我地吹兩句，競爭咁大新開係要做多幾步，去幫親可以同佢嗲兩句可能會俾d優惠你架，我就係咁啦，所以話超親民

講起中式餐廳又或者飲茶大家都只係聯想到蝦餃燒賣呢啲傳統點心其實喺香港入面好多中式餐廳嗰啲食物質素其實就大同小異而呢一間位於觀塘嘅中式餐廳名已經夠特別通常我哋見到係兩至三個字，呢一間係用四個字再睇一睇佢菜單大部份嘅點心都係創意點心例如今次有嗌嘅黑松露蘑菇包首先佢個外型十足十同蘑菇形狀一樣呢一方面都好考師傅嘅功夫之後仲有一大碗嘅上湯海鮮麵，麵食落去真係有啲特別因為佢既唔係伊面又唔係普通我哋食到嘅幼面，亦都唔係上海嗰隻面所以好新奇。而個湯底又唔會話太鹹飲落去都清清地自己覺得表現幾出色最後亦都有試呢一度最出名嘅燒鵝，咁今次就要咗個例牌其實例牌大約都夠三個人食份量都幾大咁燒鵝肉質好鮮甜而且個皮都好脆，雖然有幾舊係比較肥少少但係整體來講做得好出色都幾回味無窮所以呢一間人流長期咁旺都係有原因而且都係值得推介嘅

今日經朋友介紹來到觀塘鱷魚恤9樓一間新開的「迦拿名薈」酒樓食晚飯，當時想去食自助餐的，但朋友話尼間新開，價錢平又好味，所以就約屋企人來食飯了。其實都唔知有咩食，後來經侍應介紹，叫左一個叫豉油皇中蝦煎米粉。這個豉油皇中蝦煎米粉好有特色，蝦好鮮甜，米粉入左d汁，味道好好，又脆又有口感。我最鐘意食嘅係星斑魚，蒸得好有水準，又滑又好味道。原來還有脆皮雞送，好味又超抵食，值得點贊。其他菜式都好好味，賣相都唔錯。原來迦拿名薈嘅晚餐嘅茶位都是$5／位，超抵食。這間酒樓是朋友介紹我去食的，真的沒有介紹錯。今晚同屋企人食得好開心！！

食左餐好失望好垃圾既母親節晚餐住附近 食過尚宴幾次每次都覺得唔錯 所以keep 住回頭點知今晚會咁悲劇揀左個母親節套餐最貴果隻上左2道菜之後就吉左張檯成半個鐘我地都一直無催過 反而d staff 都覺唔對路終於上菜 d蚌有沙 算啦之後又每道菜等半個鐘龍蝦伊麵除左2個鉗 我地一舊龍蝦肉都食唔到荷葉飯好明顯係隔夜飯眼見其他檯d野食又快到食唔切心諗中哂伏算啦 因為有個姐姐好nice 係咁serve 我地好好態度食埋咁拿拿聲埋單成個場得個十檯都無 果下得我地埋單俾左卡之後 結果又等十幾分鐘都無人理過因為有小朋友要返去沖涼訓教我就行出去問下有咩問題佢地竟然連我張單攤左係個counter 都無人知係咁問張單係邊 我睇住佢地睇完都無發現張單同張credit Card 係度然後係企左10分鐘 等佢地插隊埋左廂房張單再discuss 一輪我張單點計先有得埋我真心覺得失望同喪失耐性轉左手成間餐廳organize 連自己員工都覺得都無眼睇 就算個老闆仔點行黎行去派花都無用啦我第一次會寫評論當時我無搵d staff /女經理發火因為明白成個問題係經營不善

母親節，入座後，經理問我老母:「母親節，食番啲好野。」其實，食好野只限母親節嗎。有花送，另一經理好口乖。不過最有趣的是，除了只入坐一半的酒樓，竟然等到發霉都未上菜。其實我地一句都冇催部長，反而佢心急過我地，不時係對講機度叫廚部快上菜。好可惜佢心意俾白費，繼續龜速之餘仲調轉上，先上飯仲未有湯，先上燒雞但仲未有碧綠象拔蚌。個部長幫我催條魚，其實我繼續冇催過，但只在母親節先食好西的經理係我身邊話「蒸緊啦，好多人都等。」知啦知啦，釣左返嚟先講啦。送花經理提我在openrice讚好，知道。

食物非常差，每道菜都超級咸，（服務）當然唔洗多講，成晚冇人加水收碟都算，差點煲翅都要自己盛上碗，我睇左成晚得一個侍應做，佢一路做一個叫人幫，但都係冇人理，同經理講，佢同我講3個人做嫁，嘩，3個人，第3個我就見唔到啦，就算係，都唔係3個做，雖然唔多，十幾枱，但2個侍應做，想做死人咩，之後屋企人同佢講，個翅非常咸，咸到飲緊豉油咁，叫左佢試左味先講，佢試完，都唔出聲，之後話叫廚房換，之後出d 野食，全家都唔想再食，如果而因為晚市咁唔想做生客，咁不如休息吧，冇謂比d 咁野人地食囉

適逢母親節，同家人外出一試新酒樓，大家都凖備好胃口大吃一餐，由於早前試過該酒樓飲茶尚可，所以試試晚餐。晚上各位員工處於放假狀態，悠長假期，$48乳鴨出場太乾，老過阿婆。同待應講，佢話，係咁㗎喎😦吓？其他食物超咸，荷葉飯全生米！叫咗一席母親節飯餸由第一道至最後一道菜都是不知所謂。絕對唔會再有下次，呢間酒樓應該好快可以收工。現今酒樓競爭咁大，而呢間竟然用呢種服務態度，烹調手法去打算作為競爭籌碼，真係勇氣可加！

琴晚去左好朋友既婚禮我唔開名LA, 肺事d人知係邊個婚禮但作為新人十幾年既朋友打呢篇野係提其他人搞婚禮唔好去呢度婚禮本身係開心，但係垃圾場地出黎害人，講下琴日我地受過咩苦la最嬲係好朋友有請planner，以為咩都搞店好曬，都搞到咁罪行一：無人招呼我地6點去到場地，話有咩小食野飲問十次都未有，直至要客出去大門口問先開始有，場內想飲個野飲都無做唔到唔好話人聽有丫罪行二：鬼五馬綠的燈光我去咁多朋友飲都未試過一開始到完結都係紅紅綠綠既燈，連證婚都係啊!!!講多次，證婚都係，婚禮場知唔知咩叫浪漫手機影相完全影唔到，唯有等攝影師罪行三：播片無聲席前都已經無聲，喇吧一路沙沙聲馬上有人入來跟進，果下係work但入場後竟然播成長片無聲，痴線仲有好多，唔知點能講，之後問番個planner, 佢都話呢個場唔知做咩上網睇番先知，原來轉左手咁唔識做婚禮唔好接啦，人地一生人一次啊大佬講就講到咩完美婚禮專家，不知所謂唯一可以讚既係野食，幾好食但琴晚所受既一切好能嬲，新郎好人唔出聲唔代表場地可以出來害人ga諗下點做好啦，好懷疑d好評係咪買架

見自上次在轉名後有改善之後，今日又去飲下午茶，哈哈哈，唔知個老闆係咪有睇open rice呢？點解咁講，繼續睇落去啦……今日下午茶食咗好多嘢😅👍👍👍蟲草花蒸雞飯，推車阿姐話好抵$12.8，食落啲雞幾滑，一碗飯嘅份量，下午茶嚟講又真係抵👍👍👍鮑汁雞腳，雞腳表面唔靚仔，雞腳內嘅軟骨唔淋，未夠火候，但味道搭夠👍👍👍👍叉燒腸粉，擺盤都見有誠意，腸粉滑身中帶點點煙韌，但豉油沒味道，令腸粉有點失色👍👍👍👍豉汁煎釀茄子，魚肉有誠意，厚厚的有自家調味，而茄子沒有油浸的感覺，我喜歡，但撇除豉汁，沒有味道豆豉味的生粉獻👍👍👍👍山竹牛肉，唔知係咪新老闆有睇，今次正常的山竹牛肉球，好味(沒有了紹菜的驚嚇)😂😂😂👍👍👍👍上湯鮮竹卷，湯底好飲，腐皮唔係炸皮，亦無溶化，有豆香味，好食(因為上次話佢啲腐皮溶解，又無豆香)👍👍👍👍👍蜂巢芋角，入口唔油，味道懷舊，唔係間間酒樓有得食，超鍾意，勁推整體意見: 比初轉手見有進步，有改善。唔知新老闆係咪有睇我地食嘅食評，希望佢地繼續努力。我會再來架😄見佢早市免茶免酸菜，等我又嚟試下先👍