通達食店

營業中

休息中

街頭小食進駐食店，係我地呢D鍾意掃街嘅為食鬼福音涼住冷氣食魚蛋、煎釀三寶真係好過引㗎，最正係早、午、晚任何時候，肚餓又好，口痕又好，隨時隨地都可以自由配搭。花園街呢間通達食店，由朝旺到晚，主打食物亦不用多説，正因太旺，往往背脊頂背脊，眼見女士們要抱住個包包、男士亦要攬住個背囊，如此擠迫都要食，證明出品一定靠得住。腸粉熱辣辣、麻醬甜䜴油都有料到、甜醬自己加，好味指數達標今日特別要開post 講這個韮菜煎餃，皮厚唔在講，明顯係食物冇流通放耐了，翻炸再上枱，咬了一口成牒都放棄了，內心唔舒服係浪費，咁旺嘅場，店員怎會在意點解個客咁嘥，但奉勸各位為食貓，為食都要識揀食。

行完花墟, 經過花園街一定幫襯呢間通記的煎釀三寶😋價錢係貴d但就大大件!今日未食午餐, 3點半左右去幫襯, 依然好多人😂今日點左酸辣粉! 要小辣!非常足料, 原來可以走配料, 唔記得走花生添😳小辣...但都好辣啦！😳食到我流哂汗😁😁紅薯粉沒有煮得過火, 榨菜爽口!沒有另加食料反而加左煎釀三寶!茄子超大份! 豆腐滑滑! 青椒就一般啦…差不多$20/3件😊好好味!!評分: 5⭐最好食物: ⭐⭐⭐⭐環境: ⭐⭐⭐⭐價錢: ⭐⭐⭐⭐服務: ⭐⭐⭐

以前先達附近有間中式甜品店賣鴛鴦粢飯 (一半咸一半甜），但執左。好彩落兩條街仲有通達，不過就冇鴛鴦粢飯了。食住咸粢飯再搵～呢度20一條 (貴油麻地兩蚊） 即叫即整，冬天良品。油條可能擺得耐左少少，唔太脆，但炸菜入味，多多肉鬆，粢飯又唔會太淋，一大舊禁食已經係一餐午餐 / 晚餐 😄

一向都鐘意通達嘅魚蛋，其實仲幾鐘意佢地嘅栥飯。收工過到黎，依然長長人龍，店員啊姐們手腳快，唔洗等好耐。粢飯 $20粢飯即叫即製，有誠意。粢飯拎上手仲熱，即時喺飯煲潷出黎，米粒新鮮、軟熟 呢度飯餡比例半半，唔會齋食白飯，如果想多啲榨菜可以同啊姐講聲，好聲好氣佢都肯添。油條完整，由頭食到尾，唔係油淋淋嘅老油條，雖然唔算好脆，但我收貨。 肉鬆鹹香，加埋香辣榨菜，輕鬆獨食一件。我經常都當早餐食，一流。我成日覺得，啲野加價唔緊要，通漲租貴，大家都明，食物keep番質素咪得。

成日都去花園街行 不過咁耐都冇去過這間小店開餐。平時喺門口買魚蛋就食得多， 入到去店內 睇咗個餐牌原來都好多食物選擇。我點咗個魚肉麵和三寶 魚肉粒切到細細粒很易入口 味道好煙韌彈牙， 魚肉麵質亦唔錯 湯底好似平時食魚肉翅的味道。 煎釀三寶份量亦很大件， 但因為掛住食忘記了影相

每次黎通達都一定要食至少一串辣魚蛋，因為未搵到其他舖頭既魚蛋有咁好味～魚蛋質感好，彈牙，最正既係個辣汁，諗唔到點形容佢個辣呀，就話佢係港式既辣啦辣味同魚蛋好夾呢～～個就愈黎愈貴⋯10蚊6粒⋯⋯今次叫埋碗齋魚湯，魚肉不腥，滑牙彈口，清湯底落左麻油，食落個口都有回甘，好香口呀！仲要切到細細粒，食落都方便啲啦！

某天晚上獨自一人走在花園街上，打開openrice 看附近有什麼好吃的，給我找到這小店，評分算是中上吧，便進去試試。🍎Food: 🍀🍀👯‍♀️Service: 🍀🍀👩‍🔬Hygiene: 🍀🍀🎪Decoration: 🍀🍀💰Value for Money: 🍀🍀🏆Marks: 4/10

行咗咁多年花園街 都未入過去食， 喺門口買魚蛋就買得多。 坐低食都係第一次， 感覺很地道， 超多人店內環境超逼。 雖然佢話油渣麵係招牌菜， 但我就冇乜興趣 一間小食店黎講餐牌選擇都算多。 如果跟餐加嘢飲 就有特惠價， 選擇都算多 。如果唔係散叫都要十幾廿蚊個。 最後叫了一個上湯韭菜餃子， 味道完全同生菜魚肉一樣， 好味精 韭菜餃子味道都唔錯， 不過三十八蚊嚟講分量算小。 另外叫多個煎釀三寶 加魚蛋， 三 寶ok， 魚蛋就麻麻地。

很久沒有吃碗仔翅, 是日sis買了魚肉碗仔翅(HK$30)回家. Wow!!急不及待要吃一口, 哈哈, 多年沒有吃, 但水準依舊. 碗仔翅的口感剛剛好, 不會水汪汪, 味道沒有過鹹, 麻油味香濃. 配料豐富, 木耳絲爽口, 又有粉絲, 蛋花, 薄肉絲, 生菜絲, 還有魚肉. 魚肉是重點的所在, 魚肉入口煙韌, 口感彈牙, 味道帶魚香鮮味, 整體美味非常.

一向都好鐘意食通達嘅辣魚蛋，雖然好多人都話油麻地店好食啲，同埋覺得愈黎愈貴，不過旺角呢邊比較方便我，同埋我都覺得，與其用平啲嘅錢，買左唔好食嘅魚蛋，咁我寧願黎番呢度，俾多五六蚊，食串好食嘅魚蛋。通達長期都咁多客，間中肚餓都會堂食，酸辣粉、魚餅果啲都好啱我口味。辣魚蛋 $10/串一般我食一串就一定唔夠喉，直接買兩串，廿蚊得果12粒，真係超貴。辣度好正，夠刺激，但又唔會辣到你食唔到。魚蛋都係普通貨色，但表面係幾彈牙果種。質素當然唔夠林昌_好食，但我就係鐘情呢度嘅辣汁。

呢間小食店由細食到大，由幾蚊雞開始食到佢而家幾廿蚊，次次食都覺得佢好似又加左價咁💸不過無食一排又會掛住佢啲味精😂。招牌油渣麵 （少渣多菜脯）$36其實我次次去都係食佢個幾味，同哥哥去就可以叫多啲野食，自己一個人去就最多一兩樣🙈今次無叫我最鐘意既粒粒魚肉，因為掛住啲冬菇，所以叫左渣麵🍜。冬菇、火腿同菜脯加埋真係好正👍🏼辣菜脯一定要多，又係會辣到飛天🕴🏼重口味之選😎。其實咁多年黎佢都係咁重味精，不過人就係咁，間唔時要食一鑊勁既，之後就收手。餐餐係咁一定爆腎😂

同朋友講開好想食碗仔翅，企係花園街都無乜頭水，就去間之前勁多人講好食的老店。呢道係多選擇既，但價錢水位較高，咁我都明白佢個成本都有返咁上下。但如果俾我再揀，我唔會再食佢既魚肉碗仔翅，一黎又咸又有味精，魚肉好膠，無乜魚味。可能我真係比較專一，我都係鐘情返一條條手刮感受的魚肉，唔係一粒粒的。碟腸粉有醋味，呢個我係唔理解既🙄同場加影：職員覆左單幾次，可能個客唔為意，黎到錯左唔肯換，都唔緊要。其實真係唔使重覆「我已經同你覆左單幾次」，個客雖然講：「咁我要多兩碗淨魚肉，個兩碗由佢放係道。」*千祈唔好落錯單!

是日同同事行經油麻地 大家玩到攰想坐下醫肚 就到地鐵站附近既通行食下午茶！平日見到呢人頭湧湧 但彩今日人唔多 仲有大把坐坐已添 點左個生菜魚肉湯 驟眼睇以為叫左魚肉湯 因為勁多魚肉！敢講生菜魚肉比例6:4 所以好抵食！魚肉味道唔濃 而且顏色亦都較白 反之生菜新鮮 食用時仍然係翠綠色 魚湯味濃 整體普通.

今日突然想食腸粉做早餐，返工途中就特登落車行去買。平時我都係放工或假期時入內堂食的。大熱天時~ 又不近地鐵站，行到身水身汗大汗臨頭，先到！然後我剛點完大腸粉，負責剪腸粉果位阿姐慢條斯理的在剪裡面客人點的腸粉，然後送到客人前，再回來「處理」我！她準備剪就邊開口問：「你有無散銀呀？」(有沒有零錢？)我拿出一百元紙鈔，她瞄一瞄，然後漫不經心的說：「收錢的未返，無散銀找比你喎⋯⋯」然後我滿頭大汗的說我是中途落車特登來買的，她仍然沒好氣不想理我在做緊其他嘢(她已經放下準備賣給我的腸粉行去另一邊了)！她完全沒想過為做生意，看看有沒有其他人有錢找比我！我提議她不如到隔壁店找'格離鄰舍'換來找比我，她竟然又瞄我一下說：「我不好意思啊」！這時，她又再說：「不如你買其他啦！」（意指叫我去第二間買！）根本寧願我走不幫襯！於是，我空手而回，白跑一趟！還全身大汗。氣死我了！😤😤😤😤😤😤😤😤😤😤😤😤😤😤😤😤😤😤😤

每次一支公出旺角食飯，第一時間都會諗起花園街的羅坤發麵家的油渣麵……自從羅坤發結業後，試咗好多間食油渣麵的店，只有對面街通達的油渣麵最有油渣的香味同咬口，而且油渣麵的配料，如冬菇絲，辣菜脯等也相當惹味……喜歡油渣麵的朋友絕對值得一試，仲有記得落order時可以要求多d油渣…