通達食店

營業中

休息中

每次收工。必想食番串魚蛋過下囗瘾。而每次就很自然就走向這間通旦食旦。我食過好多間魚蛋檔。呢間我特别首推。系我暫時食過最好食的魚蛋。因為好有魚的鮮味。而且十分彈牙。最正係自家調制的底汁。如果食5辣的。也浸得很入味。食辣的味道也辣得入味。两者不加任何醬汁也食得津津有味。每次食ㄧ串辣。一串5辣。試過番5到轉頭食其他間的魚蛋。

返工前心血來潮，好想食栥飯，同事就推介這間食店給我，雖然在附近返工多年，但沒有發覺這食店存在😅在有限時間裡，快速行到食店，然後看看餐牌，真的有很多小食選擇，好吸引，樣樣都想食🤣最後揀了腸粉，燒賣，辣魚旦在店鋪食，另外栥飯就外賣。$17/4條腸粉，很滑喔，加上甜醬麻醬一起食，小朋友回憶返晒來😅$10/5粒燒賣，都幾大粒，有魚肉味。$10/6粒辣魚旦，都幾彈牙，唔算太辣。$21栥飯，帶走與同事分享，好足料，而且即叫即整，熱辣辣好好食。堂食之際，見到對面食客點了魚餅，非常吸引，而且好大塊，所以臨走都點埋魚餅外賣，取回公司，與同事分享，我們一致都覺得好食，魚肉好足，同埋好香口。這些小食店已經見少賣少，一齊多些幫襯，以免失傳🤗

呢間通達食店係有一次同事帶我去食嘅。佢哋個碗仔翅其實都好足料仲可以夾其他面食我今次就叫咗個碗仔翅油渣麵食過兩次都係覺得呢款好食。順手叫多個豆漿。未開始食之前都會以為係普通嘅碗仔翅但當你開始食嘅時候你就會見到佢多料喺下面。佢嘅招牌菜係魚肉碗仔翅面同油炸上海麵仲可以油渣上海麵溝翅添。之後再加多支豆漿雖然唔係特別平加埋大約50幾蚊但總體來講都好飽好好味嘅。當然佢除咗碗仔翅油渣麵呢啲主食之外佢仲有好多唔同嘅小食都好地道好似咖喱魚蛋煎釀三寶呢啲都好多人幫襯

今日去旺角附近工作，剛好食飯時間，就去到花園街附近的這間店舖，點了一碗招牌油渣麵和煎釀三寶。油渣麵裏面有用料十足，有冬菇絲、火腿絲、油渣和榨菜，大大碗，超好味。還記得十多年前已經一直在吃，只不過價格已經比那時貴了不少，現在是40元一碗。不過吃的不只是味道，還有舊時的回憶，價錢貴點也是可以接受的！

很久……有2年冇去過，以前去花园街買野，必去食。現在上淘寶……很少去。其它食物尚可，招牌豬油渣面的靈魂，豬油渣難吃極了，以前有约隱约現的肥腩，現在是淋瀉的肥膏，沒有炸香的边，淋肥膏吾香……可想有幾難食！還有是1油渣面$43(加菜甫$3)，三寶$17，豆䊢$9，共$69。午餐很不值，你貴租你的事。想說如果菜甫免費加，感覺較良好！你說你可以選擇不帮襯。會！事實現在比以前人山人海，現在四分一滿座……唉！平民食物不親民價……如果連豬油渣招牌也守不住質素，想不到理由再光顧。他那些差勁服務我倒從來沒要求！

每次黎親都坐滿人既通達小食直接進入主題介紹有咩必食嫁啦招牌油渣麵-食過妳就明魚肉翅（兩溝）大量切粒靚凌魚肉咖喱魚蛋，燒賣，腸粉，魚餅，煎釀三寶最後整多杯豆漿，必食推介

星期六行完街 係旺角唔知食咩好行過花園街 見到門口主打油渣麵就入左去試下我自己本身食過油渣麵既次數唔多印象最深既係周記油渣麵 味道夠麻甩 夠味道但通達既油渣麵完全唔同係一種家庭式既感覺招牌油渣麵有冬菇絲 火腿絲 辣菜甫同油渣材料豐富 湯底清清地食落去充滿着家庭味道但可能我呢啲麻甩佬係想要最傳統最基本嘅油渣麵係呢一刻未必啱我

朋友經過開旺角見肚餓，求奇搵間餐廳食啲野煎釀三寶味道唔錯，最重要嘅係熱辣辣，唔係放喺度攤凍咗嗰啲招牌油渣麵，好足料成碗爆哂，可惜辣菜脯不是任加腸粉辣魚蛋，同平時街食嗰啲味道差唔多整体屬便飯一餐

小妹對於旺角通達嘅油渣麵可以講得上係情有獨鍾，雖然佢未必係最正宗嘅油渣麵，辣菜脯又唔係免費任加，但係佢係我最鐘意嘅味道😋以前試過油麻地通達，冇咁迫冇咁多人，但的確唔夠旺角好食。旺角通達喺花園街入面，平時晚飯時間就一定要撘枱兼背貼背坐，速食完快走冇問題嘅。呢到除咗油渣麵，仲有生菜魚肉碗仔翅煎釀3寶辣魚蛋炸韮菜餃等等。油渣麵有火腿絲/冬菇絲/豬油渣/辣菜脯/葱花，足料好味。煎魚餅彈牙又唔腥。生菜魚肉，略嫌麻油味過重。

上次就腳去油麻地店食 雖然同一樣油渣麵但始終有分別今次特登黎返花園街店 油渣麵依舊好食 鍾意食辣 菜脯份量少 要添加需要加$3但都真係手緊比得少少 煎釀三寶同炸魚餅都好食 魚肉新鮮彈牙👍🏻油渣麵始終英記稱霸😜

小店響香港真係大哂入黎食個腸粉問魚蛋燒賣可否兩溝答我2次10蚊串，(我夠知啦，仲黑我面)最後話唔可以溝，我話，咁你話唔溝得咪得囉！又黑我面。叫左一個腸粉一個辣魚蛋，都可以漏辣魚蛋，再叫另外個呀嬸好似我唔岩咁既樣，仲衰過我問佢借錢唔該寫野丫咩呀？？？？？落單呀食咩呀？？？？？？？以後唔再幫襯，我就係就算寫無謂野都要寫夠200字俾差評！食到一肚氣，因為呢個app唔俾人鬧，所以只能響度寫夠字俾負評。。

聽d人講旺角通達好正，因自己一個未吃飯就入去叫碗豬油炸麵吃...我覺得碗野ge味精好強勁....如果同周記比，完全唔係個回事…另外 職員態度好差 好似唔憂無生意甘 我哎「唔該」想落單…佢唔理我…我再哎「唔該」佢拉高八度講「你講la~」阿姐你都唔比反應我 我以為你聽唔到炸..洗唔洗甘樣態度啊？然後，我吃緊麵，d員工就起我對面拆一包包ge燒賣，拎起dum落台、拎起dum落台再拎起dum落台…張台就搖、就搖、就搖…我碗麵都搖…其實個位阿姐講句「你坐過第到啦！」都好過佢甘樣囉...係唔係算逼人走...？但我一支公坐底一陣無耐架炸bor...講真..你話你好好好好味...你甘串我吹你唔漲ga..但你ge食物不過言過其實…全部都係味精...

係旺角做野，心血來潮想食油渣麵，就睇下附近有冇地方食，見人過通達ok， 咁就黎左試下叫左油渣麵🍜同咖哩魚蛋🍡油渣麵油渣唔係脆口個隻，因為小弟比較鐘意食脆口，所以減小小分，但有小見既菇絲火腿絲，菇絲本身既香味同個湯麵幾夾，火腿就叫做點綴下，冇咩突別咖哩魚蛋同平時食開個d唔同，夠香夠辣，仲好夠味(精) 添最後想講係因為睇左之前師兄話可以加油渣，但原來要加7蚊，同埋因為唔知未加個時本身有幾多，加左都覺得份量唔太多(個人感覺啦)總括黎講經過既話可以再食，但唔會特登過黎食

呢間富有香港特色的小食店，每次去到都係爆場，可想而知生意有幾好，始終街頭小食有一定捧場客，除咗本身我哋香港人之外，各國遊客都會一嘗香港地道小食，魚蛋、燒賣、煎釀三寶、碗仔翅、油渣麵...我就比較老土，每次去都只係會叫油渣麵、咖哩辣魚蛋、魚肉燒賣、煎魚餅。雖然碗油渣麵由我細個16、17蚊起，食到而家加價加到30幾蚊，就好似香港啲樓價咁升到七彩，但好味依然好味，可以坐低有冷氣嘆慢慢咁食，唔駛企街，都算係值得既！

通達食品係我經過旺角或者油麻地都必食既食店，每次最少都要拮翻埋咖哩魚蛋，因為咖哩魚蛋真係好香，經過油麻地地鐵站唔難見到次次都大排長龍。🤔🤔今次除左嗌左必食既咖哩魚蛋之外，仲嗌左佢既招牌食品之一:油渣麵🤤1️⃣咖哩魚蛋: 10蚊得6粒以魚蛋黎講偏貴，不過好入味，辣得過癮🐟🥚2️⃣油渣麵:🍜 38蚊一碗，愛食辣既我每次食油渣麵都會落勁多辣菜甫先滿足，可惜通達無得自己任落，咁就唯有嗌佢多菜甫啦。🌶🌶成碗油渣麵有6條豬油渣，全部都好肥，對於唔食肥肉既我黎講，要解決佢有一定困難。但係都咬左少少黎試下，可以食得出佢既豬油渣比出面既較為煙韌、爽口，唔係淨係軟淋淋。不過實在太肥，最後咬左一啖就無再食🙈不過鐘意食肥肉既人一定會好鐘意食👍