通達食店

營業中

休息中

通達食店旺角花園街172號地下今日陪左屋企人去花墟買花，跟住就順便過左黎花園街行左陣，今日天氣都幾熱呀, 行到累累地想坐低飲返杯嘢，食d小食。。所以就揀左呢間傳統既食店睇返餐牌基本上香港地道既特式小食都有，我見呢到最出名應該就係油渣麵，我見好多檯都有叫到，不過今日真係太飽啦食唔落所以淨係叫左d小食，下次黎一定要試下 魚肉碗仔翅 $32 蚊。。雖然覺得係有d貴，不過真係好足料，唔會覺得好稀，而且魚肉似係用機切，細細舊易入口，唔似傳統個d係人手用刀削太大舊 煎炸韭菜餃子 $18蚊有6粒，幾抵食，店家自己包既韭菜餃好香，而且仲要係熱辣辣更加吸引最後飲品方面，紅豆冰我地就成日試啦，呢到仲有埋奶茶紅豆冰幾有新意，一定要試試啦，估唔到又幾夾wo, 同埋幾晒多紅豆，正呀

今日去咗旺角行街，行到腳軟，都見唔到有cafe店，去到花園街，見到間街頭小食店，又有冷氣又有位坐，就決定入去睇吓有咩街頭小食！小店都有好多不同款式嘅食物，有生菜魚肉、碗仔翅、煎釀三寶、咖哩魚旦、燒賣、油渣麵、煎韮菜餃、炸魚餅等.....數之不盡，你講得出嘅都有！我最後點左份炸魚餅，超級大份同正👍塊炸魚餅$22（三塊）真係有成只手掌咁大塊，一D都冇誇張，又大塊又抵食，新鮮即炸，熱辣辣，好脆口，加少少辣椒醬簡直冇得彈！

由細到大都超鍾意食呢間嘅蠔油魚蛋！所以決定寫個食評介紹俾大家知！！超好味嘅小食！爽口彈牙蠔油魚蛋～❤️❤️❤️每次嚟到油麻地我都一定會去！有時係街邊食一串，有時入去叫兩碟！真係超超好食😋會有啲蒜蓉同埋蠔油嘅味！可以話係全旺角最好食嘅魚蛋！另外我仲叫咗個豬油渣麵！有好足料！有火腿🍖、冬菇🥒、豬油渣🐷都幾好味呀～好有以前嘅風味🥰好懷舊當然唔少得就係我最鍾意嘅韮菜+豬紅+豬大腸🥰🥰超入味！街頭小食必食！🤪🤟🏻我仲叫咗支豆漿飲～解下渴，又健康～

上次食完通達嘅魚蛋之後，就一直好掛住個種辣味，今次去咗旺角分店食，原來兩間店買嘅小食都有啲唔一樣。今次就試咗呢一間舖特有嘅油渣麵，本來以為會好肥膩，但冇諗到啲面好爽口，湯都唔會油淋淋，只係有少少炸豬油條，令到成個面好香口，嗰邊有火腿絲、冬菇絲，令到個面口感唔錯。不過我最鍾意嘅係，燒賣同魚蛋，兩樣嘢都做得好好食，真心正！仲有炸餃子都係我鍾意食嘅，於是就叫左三隻黎試吓，結果我都係覺得好好味呀！雖然呢一間個環境細個油麻地嗰間少少，但係食物就多元化啲，可以有多啲選擇囉～

今日約左BF 係Moko UA 睇戲，原本諗住食前幾日阿妹帶我食的牛扒，點知遲左出門口食唔到，唯有改食附近的通達。腸粉係絕對小時候的味道，💯分🈵分❌好多地方的腸粉係滑身的，d 醬料又加水稀到嚇死人而好食的腸粉係黏黏的, 再配合好味的甜醬同花生🥜醬，不得了食腸粉絕對唔少得咖喱魚蛋同埋燒賣，呢度啲魚旦燒賣都好好食架唔係出邊好粉嗰啲貨色生菜魚肉翅基本上係每次必叫，辣菜甫要加3蚊，唔好比佢d 紅色呃咗, 其實唔係好辣咋，不過今次就咸咗少少囉，下次我都係主力食腸粉算，好開心發現小時候的味道仲有韭菜餃都係必食，少少地10蚊3隻夠曬，太好味唔記得影相

朋友話通達好食又近我，頭先去買外賣試下，wtf，垃圾通達，唔會再幫襯，d呀姐態度差到貼地，買碗仔翅同腸粉燒賣，答完燒賣又話係魚旦定燒賣，個碗仔翅問係咪冇落野，又落哂，咁你腸粉又問我落唔落醬，碗仔翅就自動落哂？仲要一句恐埋黎，你冇講就落哂嫁啦，咁我腸粉落唔落醬你又問，唔洗問又自己落哂佢呀嘛，呢一世都唔會再幫襯，垃圾

細細個已經食哩間 咁多年水準不變 油揸面so far哩間比較有水準 少少辣 油揸唔會好似出面咁炸到硬挖挖 配火腿絲同冬菇絲 口感豐富 栥飯里面有油炸鬼 肉鬆 同少量榨菜 偏淡味 魚肉翅就很一般 魚肉不夠彈牙

Tried their fishball for a few timesDefinitely epicSo spicy and fulfillingDecided to try the noodle this timeIt’s not as good as expected Flat Rice noodle is clamped togetherOvercooked Pig blood is considered okSuggest u to try out only fishball

相信大家去過油麻地嘅都一定曾經經過A2出口，一出既有兩間小食店。企喺門口睇兩間其實都差唔多，魚蛋嘅香味撲鼻，所以隨便揀一間就入咗去啦。因為真係有啲肚餓所以就想試吓佢嘅車仔麵。價錢上都合理嘅，都睇得出佢唔係想抬高個㗎做大陸人生意。牛腩豬腸河粉沙嗲汁 ($30)一想已經心知不妙，就咁睇都睇得出個湯底好淡佢只係加咗一pat沙嗲醬係上面🤔🤔 撈勻左之後味道好唔夠 之後一夾起佢啲河粉，就見到已經將埋一舊🤢 花咗一啲時間先至將佢整返開😓 牛腩方面雖說味道幾入味，但煮得略為唔夠淋。豬腸方面值得稱讚嘅係佢洗得好乾淨，因為佢已經唔係豬腸嘅形狀，佢將豬腸切開咗一條條。但係感覺上已經剩返豬腸嘅香:/最後餐飯用咗$30，下次應該未必再去了。

呢間小食店最出名應該係咖哩魚蛋，黎遠都聞到朕香味👍🏻我多數都淨係係門口吉串魚蛋，好少坐低食，所以都少試其他野但今次近lunch time，就入去食一食除左魚蛋，仲嗌左煎釀三寶同炸餃煎釀三寶件件都好大件，魚肉亦都好多，但我覺得太油😅件件都反哂光咁😅炸餃就無咁油，但無乜韭菜味魚蛋就唔洗講啦，一樣咁正，個汁真係好惹味👍🏻👍🏻

花園街最出名最旺場嘅食肆，非通達莫屬。無論本地人同遊人都慕名而來。今日行街經過忍唔住又去食下野。早餐都未食就出左去，所以食樣豐富d-生菜魚肉翅，都算係呢到人氣食品之一。一直都欣賞佢個翅，唔會太杰，亦無一團團漿粉，魚肉唔會腥，好好食。辣魚蛋係我必食，夠辣之餘又唔會辣到無晒味覺都係嘅，佢地d野食好足料，咁多年黎，無論粉麵小食味道都無咩點變，份量亦無少，但可能都因為咁，成本上漲嘅情況下，價錢相對越加越貴，所以我都比以前食少左啦。

來到太子掃街總會記得這間的招牌油渣麵，通達食店出名是街坊小店，所以雖然店內格局細了點亦十分迫位，但那份人情味同街坊的浪漫只會是平民熟客先會感受到。由$30開始>34>36>38>食到現在的$40 基本上見證住時代的通脹，但其質素仍然保持實屬難得👍睇個樣已經流哂口水, 精華的辣菜寶就係這碗麵的主要靈魂，再加上一條痴飯二人分甘同味就是簡單掃街的輕食下午茶餐👏當然除左油渣麵同痴飯當然少不了還有魚蛋燒賣腸粉是必選佳品。 

通達都食過好幾次, 但我食得最多都係油渣麵,炸餃子同埋魚餅. 首先我講番咁食店環境, 講求衛生嘅人都唔會想入去, 因為其實入面真係有細又迫又污糟. 但係都係會有好多人入去食油渣麵. 個人也覺得油渣麵其實一般 , 但係而家就買得越賣越貴, 大約40蚊一碗. 所以都係唔會推介你哋去食. 可以我覺得佢哋出面嘅蝦餃子同埋魚餅就真係好好食啦, 餃子係韭菜豬肉餡,炸到黃金色,外脆內軟. 有時我晚餐就係呀一盒餃子食. 至於佢哋嘅魚餅出面係好難搵到, 煙韌香口. 值得推介.

我細細個就鍾意食朱腸粉，熱騰騰加上麻醬、甜醬、甜 soy sauce 及芝麻，真是天上有地下無，這個相傳的好味朱腸粉已食了十幾年，真系好好味🉐️💯。有時想食D 其他嘢，不仿試下大大件的煎釀三寶，亦系世間難求。仲有特別一提煎餃子，又大又抵食。不要以為很個「大」字，仲好好味 tim😋豬油渣麵，不用多提，必食,麵質不太林，有彈力，D配菜不知道是什麼，但好味。另外叫多個生菜魚肉，加D pepper ，超級配搭，👏講到價錢，平，用料，正，份量，大✅💯

之前要去油麻地參加交流會，上去之前要醫醫肚，之前一直都想試下呢間通達食店，聽講野食都唔錯，見行過有位，入去食咗碗車仔麵~估唔到我坐個面壁位又幾好坐，下面會有一層架可以放袋。不過車仔麵款式比較少，但食物都幾特別，叫咗蠔油魚蛋、雞翼尖同木耳絲加米粉。蠔油魚蛋就無咩蠔油味，而且魚蛋都幾重魚腥味，我自己唔係太接受到，但都好過出面D 魚蛋連腥味都無。雞翼尖都入味，唔錯。木耳絲好重麻油香，令成碗麵都生色不少，木耳夠爽口，份量都好多，可以再叫返呢個。另外呢到D服務都唔錯幾有禮貌，真係估唔到小食店都可以做得咁好~其實有好多野都想食，少見嘅碗仔翅同粢飯，仲有腸粉燒賣，希望下次有機會再試下。