連文記冰室 (九龍灣)

營業中

休息中

✨胡椒豬肚雞米線這間餐廳自1968年開業以來，已經有半個世紀的歷史，位於葵涌葵榮路熟食中心的鐵皮檔。雖然有兩間分店，但味道上還是有些不同。 主打的鮮雞豬骨湯底，米線和泡飯專賣的花膠雞和胡椒豬肚雞都是招牌之一。湯底的白胡椒香辣味十足，裡面還能吃到不少白胡椒粒。 不過調味有點偏鹹，吃完後會有點口渴。雞肉質厚實，雖然雞皮偏軟和油膩，但整體還算可以，不算特別滑。雞味幾濃，但調味就稍微淡了一點。豬肚的口感彈牙，厚切得很大塊，本身也很入味，鹹香可口。米線粗身，份量正常，但稍微有點腍，夾起來容易斷。 另外還有很多鹹酸菜，吃起來爽口，微微酸，容易入口。整體味道不錯，不過感覺沒有以前那麼好吃。

服務態度奇差，沒有洗手間，只叫你往外找，原來去油站洗手間，全程不段叫你轉枱。非常唔明白老板為什麼完全沒有一點好客之道，相信只希望你用最快速度食完等佢再搵錢，香港真的那麼不濟？

🇭🇰連文記冰室·呢間我之前食過荔枝角分店架啦 今次再係九龍灣呢邊食lunch 我覺得呢間分店再好味啲🤤🤤·招牌花膠鷄米線$78佢有幾款米線既 由其他口水雞或者胡椒豬肚雞嗰啲$59/$69不過呢一款就係會係有隻大雞髀 我自己覺得開心啲😈佢呢個個雞湯飲落去好舒服 雞味好濃 好有膠質之餘完全唔會油膩 我最後差唔多飲曬成碗🤤佢個雞比超級好味 佢係煮到岩岩好 肉質好好 好滑好嫩 啖啖肉🍗之後米線質地都好好 花膠都好大塊😚😚·📍荔枝角長義街10號昌隆工業大廈1樓A舖📍九龍灣宏光道1號億京中心地舖

荔枝角連文記嘅招牌花膠雞米線真係勁！米線滑溜溜，花膠厚身又爽彈。湯底清甜香郁，毫無味精嘅尾韻。餵養晒我嘅胃同心靈啊！胡椒豬肚湯味道夠晒醒胃，豬肚質感一流，含喺口裡嘅時候彈牙得嚟唔硬朗，正！茶餐方面，呢度嘅奶茶滑滑地，苦中帶甜，抵讚👍。即叫即做嘅牛油豬，色香味俱佳，多汁嘅豬扒夾住脆卜卜嘅包，啖啖肉香，食咗簡直欲罷不能🤤。呢度嘅食物真係層次分明，吊味兒十足。唔洗搞大文匯報意境，簡簡單單嚟嘆，但感受卻一啲都唔平凡。下次一定會再拜訪，叫多幾樣新嘢試吓！真係正到爆！👏🍲🥢

Lunch經常幫襯，因為同事鍾意佢嘅花膠湯底，70零蚊唔算貴，不過其他食物就一般茶記水平。講返招牌菜花膠雞麵，比較特色嘅係d雞肉總係呈粉紅色軟軟地睇落唔多熟，問過伙記話原來係佢哋餐廳特色冇問題㗎喎🤪。小弟雖然身體強壯，但冇食開雞肉刺身，真係唔夠膽食，所以每次都落單都要求「熟d雞」，雖然有時嚟到都仲係唔多夠喉……服務就有限公司，人少時會好d，人多時就只好睇開d，不過暫時未見過有同系荔枝角連文記出品嘅招牌「叉頸飯」🫳🫳🫳，大家可以安心食用😆

每日返工最煩惱嘅一定係中午食咩好，今日去到九龍灣MegaBox附近，記得附近有呢間餐廳就過咗嚟食。蕃茄鮮牛肉米線今日中午唔想食咁滯，想食個清爽啲。但係呢個蕃茄湯底完全唔係清爽類型，成個湯都係蕃茄肉，超濃郁。個湯底偏鹹唔適合單獨飲太多，配返啲清淡嘅米線就啱啱好。牛肉嘅份量偏少不過質素都幾好，唔係啲霉霉爛爛嘅肉，有口感又牛味。仲有有幾條菜幫補吓纖維，50幾蚊嘅午餐嚟講都算幾公道。如果係食雞嘅米線，可以用佢提供嘅盤嚟做骨碟咁就唔使放喺枱面咁污糟~

午餐時間試試呢度個招牌花膠雞米線，雖然多人但送餐都算快，位都幾好坐，嚟到估唔到有雞脾，驚喜，成碗野連湯飲埋，唔覺有味精，真材實料，仲有呢度啲咖啡都好好飲，推介。

連文記無味精花膠雞米線🍜連文記冰室有兩間分店，工作關係已經幫襯過好多次九龍灣呢間，地點唔算方便，近企業廣場二期。🍜招牌花膠雞米線係每日限定，唔洗另外加錢都有雞髀再搭兩件雞嘅其他部位，仲有3-4舊白色厚實花膠，米線好滑身偏淋，湯底標榜無味精，用雞同豬骨煲出黎，食完之後又真係唔口渴😉溫馨提示：只有叫招牌花膠雞米線先保證食到雞髀，試過叫其他胡椒豬肚雞米線同竹笙雲吞雞米線都係得雞胸。🧓姐姐講嘢雖然好大聲，但服務態度係幾親切同友善🤗📍連文記冰室地址：九龍灣宏光道1號億京中心地舖回頭指數：⭐️⭐️⭐️⭐️⭐️抵食指數：⭐️⭐️⭐️⭐️⭐️人均消費：$78

D湯咸到不能入口，不知道個㕑房係咪冇味覺？定係唔識煑野？最差是沒有其他炒粉麵飯，連普通的黑椒汁及洋蔥汁也沒有，茄汁又咸又水，究竟個師傅識唔識煮？個xo醬又咸又油兼冇料，仲話秘制！簡直影衰飲食界同行。真係難食到嘔，D雞成件上又生，連斬都懶，餐餐叫斬都唔肯，D肉生到見血，佢鬧客人唔識食。仲要日日食野，加聽㕑房粗口鬧人，總是嘈個不停，太煩擾！有朝仲見到個跛腳㕑房佬，居然郁手打個同事，可憐個老伯連眼鏡也被打到跌落地碎了。 看到老伯不敢出聲，衹低著頭執番眼鏡回㕑房工作。但這個打人的，還不罷休地不停的用粗言鬧老伯。鬧人內容大概是：x街，杏加橙，廢柴，廢物……等。個老闆娘真神奇，日日都黑口黑面對住D客，好似死老豆咁款，還對客人冇禮，想客人快D食飽離開，杯茶未飲完，問都唔問就收走。各位係咪神奇？

食第一次已經話唔會再黎食，點知呢排病左口淡淡想食d重口味既野諗番起係呢間第一次食個花膠雞好咸，所以就試多佢一次真係人類總會犯重覆既錯誤叫左個竹笙雲吞雞，今次係d餸出事，全部雞翼一淡肉都無，好似食雞皮咁☺️不過個湯好岩病左口淡既人飲，我今次一d都唔覺得咸總括今次好過第一次，因為第一次佢繁忙時間，就算唔爆場都逼人搭枱（4人枱坐兩個都要隔硬插一個人埋黎）d枱又窄，上次對面個人啜d麵既湯汁都彈到我碗到Lunch hour真係唔好黎，d待應會趕你走😂

依度啲早餐個樣好靚，價錢公道喺九龍灣同埋荔枝角都有分店價錢都係38 擺盤又靚味道都幾好同埋店員一啲都唔串，非常友善又唔會覺得好迫呀，同埋送餐超級快早餐來講算㗎，有好多種類揀大約都有五款

🇭🇰連文記冰室·招牌花膠鷄米線$75 l 胡椒豬肚鷄米線$69呢間我想食好耐㗎啦 佢係一踏入間餐廳門口已經聞到勁香雞味🐤🤤兩碗我自己鍾意佢個花膠雞多啲 佢呢個個雞湯飲落去好舒服 雞味好濃 好有膠質之餘完全唔會油膩 我地最後差唔多飲曬成碗🤤不過呢個湯底既米線就唔算話好入味 反而胡椒豬肚個個就好入味啦 而且佢個胡椒味都好濃 不過呢個食耐左就會偏濃味少少 我自己都係鍾意花膠雞多啲😈😈之後我覺得佢呢度最出色就係佢啲雞件 佢係真係煮到岩岩好 肉質好好 好滑好嫩 個豬肚都好好味 不過就得兩三嚿 如果多少少會再開心啲😙·#rbyeat#rby港式#rby荔枝角 #rby九龍灣 #rby長沙灣·📍荔枝角長義街10號昌隆工業大廈1樓A舖📍九龍灣宏光道1號億京中心地舖

「連文記」這個名稱聽上去好像一間茶餐廳或者中餐館，但原來這裡主打雞湯米線，特別是花膠雞、胡椒豬肚湯。除了荔枝角店，她們還有一間分店位於九龍灣，都是開在眾多打工一族的工作地區，因而正值午餐時間人流頗多，甚或需要等位。店員送上胡椒豬肚雞湯米線($69)時已經香味撲鼻，有很突出的胡椒味，味道上湯底帶著頗強勁的辛，胡椒的辣瞬速在口內四散，喉嚨都感覺到熱熱的，喜歡食辣或者想要暖身的都應該會喜歡這個湯；飲到最底還見到有大量胡椒碎，份量不吝嗇，而米線的質地偏淋，很能夠吸收湯的味道。豬肚夠軟淋件數多，但肉薄亦切得較碎細，吃起來口感不足。雞肉方面驚訝地是一隻雞全翼，還要是完整的一隻沒有斬開，用筷子吃著麵再食全翼真的有點困難，一個不留神雞翼跌進湯內就會水花四濺，會很狼狽你也可以放在骨碟上食，但當你在吃熱辣辣的湯麵時又要轉去另一隻碟食雞，就感覺不方便了。或者是雞本身的質地，肉質都是滑的但接近骨頭的位置雞肉很紅，味道很腥，不能吃得太貼。味道上足料的湯底的確是這間餐廳的優勝之處，但亦希望能夠改善配料的表現，才能夠吸引客人持續地光顧；若你想吃完湯麵暖暖身，也可以來吃完熱湯麵啊。

膽粗粗入咗去印象覺得啲人話食評都唔錯，同行朋友嗌咗招牌花膠雞米線$78隻雞髀好大隻，有兩大舊肉，雞都幾好食唔係冇味白雞肉，但係啖湯就偏淡味如果好期望係濃郁雞湯就有啲出入花膠就相對地都大舊我叫咗農場蕃茄雞扒米粉$56本身都驚蕃茄湯會係淡同稀嗰種完全係兩回事，佢係好濃夾偏鹹感覺上應該味精都唔輕鍾意重味嘅人就應該接受到雞扒就應該都有一塊係碎上，加埋一棵娃娃菜米粉未煮林晒就上嚟浸多陣先冇咁硬整體$56都接受到見到多數人話態度唔好，可能我過咗食飯時間，點半後先嚟同行朋友，一嚟就叫左自己嗰個，我諗咗一陣佢都冇發憫憎，收錢嘅時候都有唔該前，唔該後冇想像之中差

今日去吃連文記，儘管有時多人要排隊，兼需要煮熟，但是送遞食物的速度都很快，在食物質素方面，對我來說都係可以接受的，與一般人的口味差不多，因此我對這間的店舖感覺良好